• Home
  • »
  • News
  • »
  • lifestyle
  • »
  • HEALTH 6 YEAR CHILDREN CONFUSED ABOUT BABY FOOD SO HERES WHAT TO EAT GH KS

ਛੋਟੇ ਬੱਚੇ ਦੇ ਭੋਜਨ ਸਬੰਧੀ ਦੁਚਿਤੀ ਵਿੱਚ ਹੋ? ਤਾਂ ਇਥੇ ਜਾਣੋ ਕੀ ਖੁਆਉਣਾ ਚਾਹੀਦਾ ਹੈ

ਜਦੋਂ ਬੱਚਾ ਲਗਭਗ ਛੇ ਮਹੀਨਿਆਂ ਦਾ ਹੁੰਦਾ ਹੈ, ਕੁਝ ਸੰਕੇਤ ਦਿਖਾਈ ਦਿੰਦੇ ਹਨ, ਜਿਸ ਤੋਂ ਇਹ ਪਤਾ ਲੱਗਦਾ ਹੈ ਹੈ ਕਿ ਬੱਚਾ ਸਿਰਫ ਦੁੱਧ (Milk) ਨਹੀਂ, ਬਲਕਿ ਠੋਸ ਪਦਾਰਥ ਲੈਣਾ ਚਾਹੁੰਦਾ ਹੈ। ਉਨ੍ਹਾਂ ਸੰਕੇਤਾਂ 'ਤੇ ਨਜ਼ਰ ਰੱਖੋ ਅਤੇ ਡਾਕਟਰ ਨਾਲ ਸਲਾਹ ਕਰਨ ਤੋਂ ਬਾਅਦ ਠੋਸ ਭੋਜਨ ਦੇਣਾ ਸ਼ੁਰੂ ਕਰੋ।

  • Share this:
When You Do Start Weaning: ਤੁਹਾਨੂੰ ਬੱਚੇ ਨੂੰ ਠੋਸ ਭੋਜਨ (Solid Food) ਕਦੋਂ ਦੇਣਾ ਚਾਹੀਦਾ ਹੈ? ਲੋਕਾਂ ਵਿੱਚ ਇਸ ਗੱਲ ਨੂੰ ਲੈ ਕੇ ਬਹੁਤ ਗਲਤਫਹਿਮੀ ਰਹਿੰਦੀ ਹੈ। ਬੱਚੇ ਨੂੰ ਕੀ ਖੁਆਉਣਾ ਹੈ ਅਤੇ ਕੀ ਨਹੀਂ ਖੁਆਉਣਾ, ਇਸ ਗੱਲ ਨੂੰ ਲੈ ਕੇ ਵੀ ਲੋਕ ਦੁਬਿਧਾ ਵਿੱਚ ਰਹਿੰਦੇ ਹਨ। ਜਦੋਂ ਬੱਚਾ ਲਗਭਗ ਛੇ ਮਹੀਨਿਆਂ ਦਾ ਹੁੰਦਾ ਹੈ, ਕੁਝ ਸੰਕੇਤ ਦਿਖਾਈ ਦਿੰਦੇ ਹਨ, ਜਿਸ ਤੋਂ ਇਹ ਪਤਾ ਲੱਗਦਾ ਹੈ ਹੈ ਕਿ ਬੱਚਾ ਸਿਰਫ ਦੁੱਧ (Milk) ਨਹੀਂ, ਬਲਕਿ ਠੋਸ ਪਦਾਰਥ ਲੈਣਾ ਚਾਹੁੰਦਾ ਹੈ। ਉਨ੍ਹਾਂ ਸੰਕੇਤਾਂ 'ਤੇ ਨਜ਼ਰ ਰੱਖੋ ਅਤੇ ਡਾਕਟਰ ਨਾਲ ਸਲਾਹ ਕਰਨ ਤੋਂ ਬਾਅਦ ਠੋਸ ਭੋਜਨ ਦੇਣਾ ਸ਼ੁਰੂ ਕਰੋ।

ਇਨ੍ਹਾਂ ਲੱਛਣਾਂ ਨੂੰ ਨਜ਼ਰ ਅੰਦਾਜ਼ ਨਾ ਕਰੋ
ਜਦੋਂ ਕੋਈ ਬੱਚਾ ਠੋਸ ਖੁਰਾਕ ਲਈ ਤਿਆਰ ਹੁੰਦਾ ਹੈ, ਤਾਂ ਉਸ ਵਿੱਚ ਇਹ ਵਿਸ਼ੇਸ਼ ਲੱਛਣ ਹੋ ਸਕਦੇ ਹਨ-
- ਉਹ ਆਪਣੇ ਸਿਰ ਨੂੰ ਸਥਿਰ ਰੱਖ ਸਕਦਾ ਹੈ
- ਉਹ ਬੈਠ ਸਕਦਾ ਹੈ
- ਉਹ ਭੋਜਨ ਚੁੱਕ ਸਕਦਾ ਹੈ ਤੇ ਇਸ ਨੂੰ ਆਪਣੇ ਮੂੰਹ ਵਿੱਚ ਪਾ ਸਕਦਾ ਹੈ। ਕਈ ਵਾਰ ਬੱਚਾ ਸਮੇਂ ਤੋਂ ਪਹਿਲਾਂ ਹੀ ਇਹ ਚੀਜ਼ਾਂ ਸ਼ੁਰੂ ਕਰ ਦਿੰਦਾ ਹੈ। ਅਜਿਹੀ ਸਥਿਤੀ ਵਿੱਚ, ਆਪਣੇ ਡਾਕਟਰ ਨਾਲ ਗੱਲ ਕਰੋ ਤੇ ਫਿਰ ਉਸ ਨੂੰ ਕੁਝ ਵੱਖਰਾ ਖਾਣ ਨੂੰ ਦਿਓ।

ਬੱਚਿਆਂ ਨੂੰ ਕੀ ਖੁਆਉਣਾ ਹੈ
- ਠੋਸ ਖੁਰਾਕ ਵਿੱਚ ਸ਼ੁੱਧ ਜਾਂ ਚੰਗੀ ਤਰ੍ਹਾਂ ਮਿਸ਼ਰਤ ਭੋਜਨ ਸ਼ਾਮਲ ਕਰੋ।
- ਪੱਕੀਆਂ ਅਤੇ ਠੰਢੀਆਂ ਸਬਜ਼ੀਆਂ, ਜਿਵੇਂ ਗਾਜਰ, ਬੀਟਰੂਟ ਤੇ ਆਲੂ।
- ਫਲ, ਜਿਵੇਂ ਕਿ ਆੜੂ ਜਾਂ ਤਰਬੂਜ, ਸੇਬ ਤੇ ਨਾਸ਼ਪਾਤੀ।
- ਬੇਬੀ ਰਾਈਸ ਜਾਂ ਬੇਬੀ ਸਿਰੀਅਲ ਵੀ ਬੱਚੇ ਨੂੰ ਆਮ ਦੁੱਧ ਦੇ ਨਾਲ ਮਿਲਾ ਕੇ ਦਿੱਤੀ ਜਾ ਸਕਦੀ ਹੈ।

ਬੱਚੇ ਨੂੰ ਇਹ ਚੀਜ਼ਾਂ ਨਾ ਦਿਓ

ਸ਼ਹਿਦ - ਇਸ ਵਿੱਚ ਕਈ ਵਾਰ ਬੈਕਟੀਰੀਆ ਹੋ ਸਕਦੇ ਹਨ, ਜੋ 12 ਮਹੀਨਿਆਂ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਬਹੁਤ ਬਿਮਾਰ ਕਰ ਸਕਦੇ ਹਨ।

ਸਾਬਤ ਮੇਵੇ - ਇਹ ਪੰਜ ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਖਤਰਨਾਕ ਹਨ ਕਿਉਂਕਿ ਉਨ੍ਹਾਂ ਨਾਲ ਦਮ ਘੁਟਣ ਦੀ ਸੰਭਾਵਨਾ ਹੁੰਦੀ ਹੈ। ਨਟ ਪੇਸਟ ਅਤੇ ਪੀਟਨ ਮੱਖਣ ਤੁਹਾਡੇ ਬੱਚੇ ਲਈ ਸੁਰੱਖਿਅਤ ਹਨ। ਜੇ ਤੁਹਾਡੇ ਪਰਿਵਾਰ ਵਿੱਚ ਐਲਰਜੀ ਦੀ ਸਮੱਸਿਆ ਰਹੀ ਹੈ, ਤਾਂ ਆਪਣੇ ਬੱਚੇ ਨੂੰ ਮੂੰਗਫਲੀ ਤੋਂ ਬਣਿਆ ਉਤਪਾਦ ਦੇਣ ਤੋਂ ਪਹਿਲਾਂ ਆਪਣੇ ਡਾਕਟਰ ਨਾਲ ਗੱਲ ਕਰੋ।

ਸਮੁੰਦਰੀ ਮੱਛੀ - ਸ਼ਾਰਕ, ਸਵਾਰਡ ਮੱਛੀ ਅਤੇ ਮਾਰਲਿਨ, ਇਨ੍ਹਾਂ ਸਾਰੀਆਂ ਮੱਛੀਆਂ ਵਿੱਚ ਉੱਚ ਪੱਧਰ ਵਿੱਚ ਪਾਰਾ ਹੁੰਦਾ ਹੈ ਜੋ ਕਿ ਬੱਚੇ ਲਈ ਸੁਰੱਖਿਅਤ ਨਹੀਂ ਹੈ।

ਲੂਣ ਜਾਂ ਖੰਡ- ਬਹੁਤ ਜ਼ਿਆਦਾ ਨਮਕ ਬੱਚੇ ਦੇ ਗੁਰਦਿਆਂ ਲਈ ਹਾਨੀਕਾਰਕ ਹੁੰਦਾ ਹੈ। ਜੇਕਰ ਰੈਡੀਮੇਡ ਭੋਜਨ ਦੇ ਰਹੇ ਹੋ ਤਾਂ ਪੈਕਟ ਦੇ ਲੇਬਲ ਨੂੰ ਧਿਆਨ ਨਾਲ ਚੈੱਕ ਕਰੋ। ਸ਼ੂਗਰ ਤੁਹਾਡੇ ਬੱਚੇ ਦੇ ਦੰਦਾਂ ਲਈ ਸੁਰੱਖਿਅਤ ਨਹੀਂ ਹੈ, ਇਸ ਲਈ ਉਨ੍ਹਾਂ ਦੇ ਭੋਜਨ ਵਿੱਚ ਖੰਡ ਸ਼ਾਮਲ ਨਾ ਕਰੋ।
Published by:Krishan Sharma
First published: