ਬਜ਼ੁਰਗਾਂ ਨੂੰ ਦਿਲ ਦੇ ਰੋਗ ਤੋਂ ਬਚਣ ਲਈ ਰੋਜ਼ਾਨਾ ਨਹੀਂ ਲੈਣੀ ਚਾਹੀਦੀ ਐਸਪਰਿਨ ਦੀ ਗੋਲੀ

60 ਦੀ ਉਮਰ ਦੇ ਨੇੜੇ ਆ ਕੇ ਜਾਂ ਇਸ ਤੋਂ ਪਹਿਲਾਂ ਹੀ ਕਈ ਲੋਕਾਂ ਵਿੱਚ ਦਿਲ ਦੇ ਰੋਗਾਂ ਦੀ ਸ਼ਿਕਾਇਤ ਦਿਖਣੀ ਸ਼ੁਰੂ ਹੋ ਜਾਂਦੀ ਹੈ ਤੇ ਇਸ ਤੋਂ ਬਚਣ ਲਈ ਪਹਿਲਾਂ ਹੀ ਦਵਾਈਆਂ ਲੈਣੀਆਂ ਸ਼ੁਰੂ ਕਰ ਦਿੱਤੀਆਂ ਜਾਂਦੀਆਂ ਹਨ। ਪਰ ਇੱਕ ਪ੍ਰਭਾਵਸ਼ਾਲੀ ਸਿਹਤ ਦਿਸ਼ਾ ਨਿਰਦੇਸ਼ ਸਮੂਹ ਨੇ ਮੰਗਲਵਾਰ ਨੂੰ ਜਾਰੀ ਕੀਤੀ ਸ਼ੁਰੂਆਤੀ ਅਪਡੇਟ ਕੀਤੀ ਸਲਾਹ ਦਿੱਤੀ ਹੈ ਕਿ ਜਿਨ੍ਹਾਂ ਬਜ਼ੁਰਗਾਂ ਨੂੰ ਦਿੱਲ ਦਾ ਰੋਗ ਨਹੀਂ ਹੈ ਉਹ ਦੌਰਾ ਪੈਣ ਤੋਂ ਰੋਕਣ ਲਈ ਰੋਜ਼ਾਨਾ ਘੱਟ ਖੁਰਾਕ ਵਾਲੀ ਐਸਪਰੀਨ ਦੀ ਵਰਤੋਂ ਨਾ ਕਰਨ।

ਯੂਐਸ ਪ੍ਰੀਵੈਂਟਿਵ ਸਰਵਿਸਿਜ਼ ਟਾਸਕ ਫੋਰਸ ਨੇ ਆਪਣੀ ਡਰਾਫਟ ਗਾਈਡੈਂਸ ਵਿੱਚ ਕਿਹਾ ਹੈ ਕਿ 60 ਅਤੇ ਇਸ ਤੋਂ ਵੱਧ ਉਮਰ ਦੇ ਲੋਕ ਜਿਨ੍ਹਾਂ ਨੂੰ ਦਿਲ ਦਾ ਦੌਰਾ ਨਹੀਂ ਪਿਆ ਜਾਂ ਉਨ੍ਹਾਂ ਨੂੰ ਇਸ ਤਰ੍ਹਾਂ ਦਾ ਕੋਈ ਜੋਖਮ ਨਹੀਂ ਹੈ ਤਾਂ ਉਨ੍ਹਾਂ ਨੂੰ ਐਸਪਰਿਨ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ।

ਪੈਨਲ ਨੇ ਕਿਹਾ ਕਿ ਉਨ੍ਹਾਂ ਦੇ 40 ਦੀ ਉਮਰ ਦੇ ਲੋਕ ਜਿਨ੍ਹਾਂ ਵਿੱਚ ਬਲੀਡਿੰਗ ਰਿਸਕ ਘੱਟ ਹੈ ਉਨ੍ਹਾਂ ਨੂੰ ਐਸਪਰਿਨ ਦੀ ਸਲਾਹ ਦਿੱਤੀ, ਕਿਉਂਕਿ ਉਨ੍ਹਾਂ ਨੂੰ ਇਸ ਦਾ ਥੋੜਾ ਲਾਭ ਮਿਲ ਸਕਦਾ ਹੈ। ਇਸ ਤਰ੍ਹਾਂ ਹੀ 50 ਸਾਲ ਉਮਰ ਹੱਦ ਦੇ ਲੋਕਾਂ ਨੂੰ ਇਸ ਡੋਸ ਨੂੰ ਘੱਟ ਮਾਤਰਾ ਵਿੱਚ ਲੈਣ ਲਈ ਕਿਹਾ ਗਿਆ ਹੈ ਪਰ ਇਸ ਦੇ ਪੂਰਨ ਲਾਭ ਹੋਣਗੇ ਜਾਂ ਨਹੀਂ ਇਹ ਅਜੇ ਸਰਸ਼ਟ ਨਹੀਂ ਹੋ ਸਕਿਆ ਹੈ। ਹਾਈ ਬਲੱਡ ਪ੍ਰੈਸ਼ਰ, ਉੱਚ ਕੋਲੇਸਟ੍ਰੋਲ, ਮੋਟਾਪਾ ਜਾਂ ਹੋਰ ਸਥਿਤੀਆਂ ਵਾਲੇ ਲੋਕਾਂ ਲਈ ਇਹ ਸਿਫਾਰਸ਼ਾਂ ਦਿਲ ਦੇ ਦੌਰੇ ਜਾਂ ਸਟ੍ਰੋਕ ਦੀ ਸੰਭਾਵਨਾ ਨੂੰ ਵਧਾਉਂਦੀਆਂ ਹਨ।

ਟਾਸਫ ਫੋਰਸ ਦੇ ਮੈਂਬਰ ਤੇ ਟਫਟਸ ਮੈਡੀਕਲ ਸੈਂਟਰ ਦੇ ਪ੍ਰਾਇਮਰੀ ਕੇਅਰ ਮਾਹਰ ਡਾ. ਜੌਨ ਵੋਂਗ ਨੇ ਕਿਹਾ ਕਿ ਉਮਰ ਦੇ ਬਾਵਜੂਦ, ਲੋਕਾਂ ਨੂੰ ਆਪਣੇ ਡਾਕਟਰਾਂ ਨਾਲ ਐਸਪਰਿਨ ਨੂੰ ਰੋਕਣ ਜਾਂ ਸ਼ੁਰੂ ਕਰਨ ਬਾਰੇ ਗੱਲ ਕਰਨੀ ਚਾਹੀਦੀ ਹੈ ਤਾਂ ਜੋ ਇਹ ਸੁਨਿਸ਼ਚਿਤ ਕੀਤਾ ਜਾ ਸਕੇ ਕਿ ਇਹ ਉਨ੍ਹਾਂ ਲਈ ਸਹੀ ਚੋਣ ਹੈ ਜਾਂ ਨਹੀਂ। ਉਨ੍ਹਾਂ ਅੱਗੇ ਕਿਹਾ ਕਿ “ਐਸਪਰੀਨ ਦੀ ਵਰਤੋਂ ਗੰਭੀਰ ਨੁਕਸਾਨ ਪਹੁੰਚਾ ਸਕਦੀ ਹੈ ਤੇ ਉਮਰ ਦੇ ਨਾਲ ਜੋਖਮ ਵਧਦਾ ਹੈ।”

ਲੋਕਾਂ ਦੀ ਰਾਏ ਲੈਣ ਲਈ ਇਸ ਨੂੰ ਆਨਲਾਈਨ ਪੋਸਟ ਕੀਤਾ ਗਿਆ ਸੀ। 8 ਨਵੰਬਰ ਤੱਕ ਇਨ੍ਹਾਂ ਕਮੈਂਟਸ ਤੇ ਇਨਪੁਟਸ ਨੂੰ ਇਕੱਠਾ ਕੀਤਾ ਜਾਵੇਗਾ। ਸਮੂਹ ਉਸ ਇਨਪੁਟ ਦਾ ਮੁਲਾਂਕਣ ਕਰੇਗਾ ਅਤੇ ਫਿਰ ਅੰਤਮ ਫੈਸਲਾ ਲਵੇਗਾ। ਬਿਮਾਰੀ-ਰੋਕਥਾਮ ਮਾਹਰਾਂ ਦਾ ਸੁਤੰਤਰ ਪੈਨਲ ਡਾਕਟਰੀ ਖੋਜ ਅਤੇ ਸਾਹਿਤ ਦਾ ਵਿਸ਼ਲੇਸ਼ਣ ਕਰਦਾ ਹੈ ਅਤੇ ਅਮਰੀਕੀਆਂ ਨੂੰ ਸਿਹਤਮੰਦ ਰੱਖਣ ਵਿੱਚ ਸਹਾਇਤਾ ਲਈ ਉਪਾਵਾਂ ਬਾਰੇ ਸਮੇਂ-ਸਮੇਂ ਤੇ ਸਲਾਹ ਜਾਰੀ ਕਰਦਾ ਹੈ। ਵੌਂਗ ਨੇ ਕਿਹਾ ਕਿ ਨਵੇਂ ਅਧਿਐਨ ਅਤੇ ਪੁਰਾਣੀ ਖੋਜ ਦੇ ਦੁਬਾਰਾ ਵਿਸ਼ਲੇਸ਼ਣ ਨੇ ਨਵੀਨਤਮ ਸਲਾਹ ਲਈ ਪ੍ਰੇਰਿਤ ਕੀਤਾ ਹੈ। ਐਸਪਰੀਨ ਨੂੰ ਦਰਦ ਨਿਵਾਰਕ ਵਜੋਂ ਜਾਣਿਆ ਜਾਂਦਾ ਹੈ ਪਰ ਇਹ ਖੂਨ ਨੂੰ ਪਤਲਾ ਕਰਨ ਵਾਲਾ ਵੀ ਹੈ ਜੋ ਖੂਨ ਦੇ ਗਤਲੇ ਬਣਨ ਦੀ ਸੰਭਾਵਨਾ ਨੂੰ ਘਟਾ ਸਕਦਾ ਹੈ। ਪਰ ਐਸਪਰਿਨ ਦੇ ਵੀ ਜੋਖਮ ਹੁੰਦੇ ਹਨ, ਇੱਥੋਂ ਤੱਕ ਕਿ ਘੱਟ ਖੁਰਾਕਾਂ ਤੇ ਵੀ ਜੋਖਮ ਹੁੰਦੇ ਹਨ।