ਭਾਰ ਨੂੰ ਕੰਟਰੋਲ ਤੇ ਪਾਚਨ ਠੀਕ ਕਰਨਾ ਹੈ ਤਾਂ ਖਾਓ ਜੰਗਲੀ ਕਰੇਲੇ ਦੀ ਸਬਜ਼ੀ

ਕੰਟੋਲਾ (ਦੇਸੀ ਜਾਂ ਜੰਗਲੀ ਕਰੇਲਾ) ਬਹੁਤ ਲਾਭਦਇਕ ਸਬਜ਼ੀ ਮੰਨੀ ਜਾਂਦੀ ਹੈ। ਇਸ ਨਾਲ ਸਿਹਤ ਨੂੰ ਇੱਕ ਨਹੀਂ ਸਗੋਂ ਕਈ ਫਾਇਦੇ ਹੁੰਦੇ ਹਨ। ਇਸ ਨੂੰ ਮਿੱਠੇ ਕਰੇਲੇ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਆਓ ਜਾਣਦੇ ਹਾਂ ਕੰਟੋਲਾ ਦੇ ਫਾਇਦਿਆਂ ਬਾਰੇ।

ਭਾਰ ਨੂੰ ਕੰਟਰੋਲ ਤੇ ਪਾਚਨ ਠੀਕ ਕਰਨਾ ਹੈ ਤਾਂ ਖਾਓ ਜੰਗਲੀ ਕਰੇਲੇ ਦੀ ਸਬਜ਼ੀ

  • Share this:
ਸਵਾਦ ਅਤੇ ਸਿਹਤ ਲਈ ਤੁਸੀਂ ਬਹੁਤ ਸਾਰੀਆਂ ਸਬਜ਼ੀਆਂ ਖਾਧੀਆਂ ਹੋਣਗੀਆਂ। ਪਰ ਕੀ ਤੁਸੀਂ ਕਦੇ ਕੰਟੋਲਾ (ਦੇਸੀ ਜਾਂ ਜੰਗਲੀ ਕਰੇਲਾ) ਦੀ ਸਬਜ਼ੀ ਦਾ ਸਵਾਦ ਚੱਖਿਆ ਹੈ ਅਤੇ ਕੀ ਤੁਸੀਂ ਇਸ ਦੇ ਸਿਹਤ ਫਾਇਦਿਆਂ ਬਾਰੇ ਜਾਣਦੇ ਹੋ? ਜੇਕਰ ਨਹੀਂ ਤਾਂ ਦੱਸ ਦੇਈਏ ਕਿ ਕੰਟੋਲਾ ਬਹੁਤ ਲਾਭਦਇਕ ਸਬਜ਼ੀ ਮੰਨੀ ਜਾਂਦੀ ਹੈ। ਇਸ ਨਾਲ ਸਿਹਤ ਨੂੰ ਇੱਕ ਨਹੀਂ ਸਗੋਂ ਕਈ ਫਾਇਦੇ ਹੁੰਦੇ ਹਨ। ਇਸ ਨੂੰ ਮਿੱਠੇ ਕਰੇਲੇ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਆਓ ਜਾਣਦੇ ਹਾਂ ਕੰਟੋਲਾ ਦੇ ਫਾਇਦਿਆਂ ਬਾਰੇ।

ਭਾਰ ਘਟਾਉਣ ਵਿੱਚ ਮਦਦ ਮਿਲਦੀ ਹੈ : ਕੰਟੋਲਾ ਦੀ ਸਬਜ਼ੀ ਭਾਰ ਘਟਾਉਣ ਵਿੱਚ ਮਦਦ ਕਰਦੀ ਹੈ। ਕੰਟੋਲਾ ਵਿੱਚ ਪ੍ਰੋਟੀਨ ਅਤੇ ਆਇਰਨ ਭਰਪੂਰ ਮਾਤਰਾ ਵਿੱਚ ਹੁੰਦਾ ਹੈ। ਪਰ ਕੈਲੋਰੀ ਦੀ ਮਾਤਰਾ ਬਹੁਤ ਘੱਟ ਹੁੰਦੀ ਹੈ। ਜੇਕਰ ਤੁਸੀਂ 100 ਗ੍ਰਾਮ ਕੰਟੋਲਾ ਦਾ ਸੇਵਨ ਕਰਦੇ ਹੋ, ਤਾਂ ਤੁਹਾਨੂੰ ਇਸ ਤੋਂ ਸਿਰਫ ਸਤਾਰਾਂ ਗ੍ਰਾਮ ਕੈਲੋਰੀ ਮਿਲਦੀ ਹੈ। ਜੇਕਰ ਤੁਸੀਂ ਭਾਰ ਘਟਾਉਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਕੰਟੋਲਾ ਦੀ ਮਦਦ ਲੈ ਸਕਦੇ ਹੋ।

ਪਾਚਨ ਨੂੰ ਸੁਧਾਰਦਾ ਹੈ : ਕੰਟੋਲਾ ਪਾਚਨ ਕਿਰਿਆ ਨੂੰ ਸੁਧਾਰਨ ਵਿੱਚ ਵੀ ਚੰਗੀ ਭੂਮਿਕਾ ਨਿਭਾਉਂਦਾ ਹੈ। ਆਯੁਰਵੇਦ ਵਿੱਚ ਕੰਟੋਲਾ ਨੂੰ ਇੱਕ ਦਵਾਈ ਮੰਨਿਆ ਜਾਂਦਾ ਹੈ, ਜਿਸ ਦੀ ਵਰਤੋਂ ਕਈ ਬਿਮਾਰੀਆਂ ਦੇ ਇਲਾਜ ਲਈ ਕੀਤੀ ਜਾਂਦੀ ਹੈ। ਤੁਸੀਂ ਕੰਟੋਲਾ ਨੂੰ ਸਿਰਫ਼ ਸਬਜ਼ੀ ਦੇ ਤੌਰ 'ਤੇ ਹੀ ਨਹੀਂ ਸਗੋਂ ਅਚਾਰ ਦੇ ਰੂਪ ਵਿਚ ਵੀ ਖਾ ਸਕਦੇ ਹੋ।

ਬਿਮਾਰੀਆਂ ਨੂੰ ਦੂਰ ਰੱਖਦਾ ਹੈ : ਕੰਟੋਲਾ ਫਾਈਟੋਨਿਊਟ੍ਰੀਐਂਟਸ ਦਾ ਇੱਕ ਬਹੁਤ ਵੱਡਾ ਸਰੋਤ ਹੈ, ਜੋ ਕਿ ਕੁਝ ਹੀ ਪੌਦਿਆਂ ਵਿੱਚ ਪਾਇਆ ਜਾਂਦਾ ਹੈ। ਇਹ ਪਦਾਰਥ ਸਿਹਤ ਲਈ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਇਹ ਬੀਮਾਰੀਆਂ ਤੋਂ ਬਚਣ 'ਚ ਕਾਫੀ ਮਦਦਗਾਰ ਸਾਬਤ ਹੁੰਦਾ ਹੈ।

ਐਲਰਜੀ ਨੂੰ ਦੂਰ ਕਰਦਾ ਹੈ : ਕੰਟੋਲਾ ਨੂੰ ਐਲਰਜੀ ਵਿਰੋਧੀ ਸਬਜ਼ੀ ਮੰਨਿਆ ਜਾਂਦਾ ਹੈ। ਇਹ ਸਬਜ਼ੀ ਆਮ ਤੌਰ 'ਤੇ ਮਾਨਸੂਨ ਦੌਰਾਨ ਹੀ ਮਿਲਦੀ ਹੈ। ਇਸ ਦੇ ਐਂਟੀ-ਐਲਰਜਨ ਅਤੇ ਐਨਾਲਜਿਕ ਗੁਣਾਂ ਦੇ ਕਾਰਨ ਇਹ ਮੌਸਮੀ ਖਾਂਸੀ, ਜ਼ੁਕਾਮ ਅਤੇ ਹੋਰ ਐਲਰਜੀਆਂ ਤੋਂ ਛੁਟਕਾਰਾ ਪਾਉਣ ਵਿੱਚ ਮਦਦ ਕਰਦੀ ਹੈ।

ਸ਼ੂਗਰ ਦੀ ਸਮੱਸਿਆ ਨੂੰ ਘੱਟ ਕਰਦਾ ਹੈ : ਕੰਟੋਲਾ ਸ਼ੂਗਰ ਦੀ ਸਮੱਸਿਆ ਨੂੰ ਦੂਰ ਕਰਨ ਵਿੱਚ ਵੀ ਮਦਦਗਾਰ ਸਾਬਤ ਹੁੰਦਾ ਹੈ। ਇਸ ਦੇ ਸੇਵਨ ਨਾਲ ਡਾਇਬਟੀਜ਼ ਦੇ ਮਰੀਜ਼ਾਂ ਵਿੱਚ ਬਲੱਡ ਗਲੂਕੋਜ਼ ਦਾ ਪੱਧਰ ਘੱਟ ਹੁੰਦਾ ਹੈ। ਕਿਉਂਕਿ ਇਹ ਪੌਦਾ ਇਨਸੁਲਿਨ ਨਾਲ ਭਰਪੂਰ ਹੁੰਦਾ ਹੈ।

ਸਕਿਨ 'ਤੇ ਚਮਕ ਲਿਆਉਂਦਾ ਹੈ : ਕੰਟੋਲਾ ਚਮੜੀ ਨੂੰ ਸਿਹਤਮੰਦ ਰੱਖਣ 'ਚ ਵੀ ਕਾਫੀ ਮਦਦ ਕਰਦਾ ਹੈ। ਇਸ ਵਿੱਚ ਬੀਟਾ ਕੈਰੋਟੀਨ, ਲੂਟੀਨ ਅਤੇ ਜ਼ੈਕਸਨਥਿਨ ਵਰਗੇ ਕਈ ਫਲੇਵੋਨੋਇਡ ਹੁੰਦੇ ਹਨ। ਇਹ ਸਕਿਨ ਲਈ ਸੁਰੱਖਿਆ ਕਵਰ ਦੇ ਤੌਰ 'ਤੇ ਕੰਮ ਕਰਦੇ ਹਨ। ਇਸ ਦੀ ਵਰਤੋਂ ਨਾਲ ਸਕਿਨ 'ਤੇ ਨਿਖਾਰ ਆਉਂਦਾ ਹੈ।

(Disclaimer: ਇਸ ਲੇਖ ਵਿਚ ਦਿੱਤੀ ਗਈ ਜਾਣਕਾਰੀ ਆਮ ਧਾਰਨਾਵਾਂ 'ਤੇ ਅਧਾਰਤ ਹੈ। ਨਿਊਜ਼ 18 ਇਸ ਦੀ ਪੁਸ਼ਟੀ ਨਹੀਂ ਕਰਦਾ ਹੈ। ਇਨ੍ਹਾਂ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਕਿਰਪਾ ਕਰਕੇ ਸਬੰਧਤ ਮਾਹਰ ਨਾਲ ਸੰਪਰਕ ਕਰੋ।)
Published by:Amelia Punjabi
First published:
Advertisement
Advertisement