ਲੰਬੀ ਉਮਰ ਤੇ ਚੰਗੀ ਸਿਹਤ ਲਈ ਔਰਤਾਂ ਖੁਰਾਕ 'ਚ ਜ਼ਰੂਰ ਸ਼ਾਮਲ ਕਰਨ ਇਹ 6 Vitamin

ਘਰ ਅਤੇ ਦਫ਼ਤਰ ਦੀਆਂ ਜ਼ਿੰਮੇਵਾਰੀਆਂ ਨੂੰ ਸੰਭਾਲਦਿਆਂ ਔਰਤਾਂ ਆਪਣੇ ਵੱਲ ਧਿਆਨ ਦੇਣਾ ਭੁੱਲ ਜਾਂਦੀਆਂ ਹਨ। ਜਿੰਨਾ ਉਹ ਆਪਣੇ ਪਰਿਵਾਰ ਦੀ ਸਿਹਤ ਦੀ ਚਿੰਤਾ ਕਰਦੀਆਂ ਹਨ,ਓਨਾ ਹੀ ਉਹ ਆਪਣੀ ਸਿਹਤ ਪ੍ਰਤੀ ਲਾਪਰਵਾਹ ਹੋ ਜਾਂਦੀਆਂ ਹਨ। ਜੇਕਰ ਤੁਸੀਂ ਆਪਣੇ ਘਰ ਦੀਆਂ ਜ਼ਿੰਮੇਵਾਰੀਆਂ ਨੂੰ ਇਕੱਲੇ ਸੰਭਾਲਦੇ ਹੋ, ਤਾਂ ਆਪਣੀ ਸਿਹਤ ਪ੍ਰਤੀ ਵੀ ਓਨਾ ਹੀ ਸੰਜੀਦਾ ਹੋਣਾ ਜ਼ਰੂਰੀ ਹੈ, ਕਿਉਂਕਿ ਜੇ ਤੁਸੀਂ ਬੀਮਾਰ ਹੋਵੋਗੇ, ਫਿਰ ਤੁਸੀਂ ਘਰ, ਦਫਤਰ ਦਾ ਕੰਮ ਕਿਵੇਂ ਸੰਭਾਲ ਸਕੋਗੇ।

ਵਧਦੀ ਉਮਰ ਵਿੱਚ, ਇਹ ਬਹੁਤ ਜ਼ਰੂਰੀ ਹੈ ਕਿ ਤੁਸੀਂ ਉਨ੍ਹਾਂ ਸਾਰੀਆਂ ਪੌਸ਼ਟਿਕ ਚੀਜ਼ਾਂ ਨੂੰ ਡਾਈਟ ਵਿੱਚ ਸ਼ਾਮਲ ਕਰੋ, ਤਾਂ ਜੋ ਤੁਸੀਂ ਨਾ ਸਿਰਫ਼ ਸਰੀਰਕ ਤੌਰ 'ਤੇ, ਬਲਕਿ ਮਾਨਸਿਕ ਤੌਰ 'ਤੇ ਵੀ ਤੰਦਰੁਸਤ ਰਹੋ। ਸਿਹਤਮੰਦ ਖੁਰਾਕ ਲੈਣ ਦੇ ਨਾਲ-ਨਾਲ ਤੁਹਾਨੂੰ ਉਮਰ ਦੇ ਹਿਸਾਬ ਨਾਲ ਕੁਝ ਵਿਟਾਮਿਨਾਂ ਦੀ ਰੋਜ਼ਾਨਾ ਖੁਰਾਕ ਵੀ ਲੈਣੀ ਚਾਹੀਦੀ ਹੈ, ਤਾਂ ਜੋ ਹੱਡੀਆਂ ਤੋਂ ਲੈ ਕੇ ਸਕਿਨ, ਵਾਲ, ਅੱਖਾਂ ਸਭ ਤੰਦਰੁਸਤ ਅਤੇ ਫਿੱਟ ਰਹਿਣ। ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਔਰਤਾਂ ਨੂੰ ਆਪਣੀ ਖੁਰਾਕ ਵਿੱਚ ਕਿਹੜੇ-ਕਿਹੜੇ ਵਿਟਾਮਿਨ ਜ਼ਰੂਰ ਸ਼ਾਮਲ ਕਰਨੇ ਚਾਹੀਦੇ ਹਨ।

ਵਿਟਾਮਿਨ ਬੀ6 ਅਤੇ ਵਿਟਾਮਿਨ ਡੀ (Vitamin B6 and Vitamin D)

MedicalNewsToday ਵਿੱਚ ਪ੍ਰਕਾਸ਼ਿਤ ਇੱਕ ਖਬਰ ਮੁਤਾਬਕ 19 ਤੋਂ 50 ਸਾਲ ਦੀ ਉਮਰ ਵਰਗ ਦੀਆਂ ਔਰਤਾਂ, ਬੱਚੇ ਨੂੰ ਦੁੱਧ ਪਿਲਾਉਣ ਵਾਲੀਆਂ ਜਾਂ ਗਰਭਵਤੀ ਔਰਤਾਂ ਵਿੱਚ ਅਕਸਰ ਪੌਸ਼ਟਿਕਤਾ ਦੀ ਕਮੀ ਹੁੰਦੀ ਹੈ। ਇਸ ਵਿੱਚ ਵਿਟਾਮਿਨ ਬੀ6 ਅਤੇ ਵਿਟਾਮਿਨ ਡੀ ਦੀ ਕਮੀ ਸਭ ਤੋਂ ਜ਼ਿਆਦਾ ਹੁੰਦੀ ਹੈ। ਅਜਿਹੀ ਸਥਿਤੀ ਵਿੱਚ ਇਸ ਉਮਰ ਦੀਆਂ ਔਰਤਾਂ ਨੂੰ ਰੋਜ਼ਾਨਾ 15 ਮਿਲੀਗ੍ਰਾਮ ਵਿਟਾਮਿਨ ਡੀ ਦਾ ਸੇਵਨ ਕਰਨਾ ਚਾਹੀਦਾ ਹੈ। ਉੱਥੇ ਹੀ ਵਿਟਾਮਿਨ ਬੀ 6 ਲਗਭਗ 1.3 ਮਿਲੀਗ੍ਰਾਮ ਹੁੰਦਾ ਹੈ, ਗਰਭ ਅਵਸਥਾ ਦੌਰਾਨ ਲਗਭਗ 1.9 ਮਿਲੀਗ੍ਰਾਮ ਅਤੇ ਬੱਚੇ ਨੂੰ ਦੁੱਧ ਪਿਲਾਉਣ ਵਾਲੀਆਂ ਔਰਤਾਂ ਨੂੰ ਪ੍ਰਤੀ ਦਿਨ ਲਗਭਗ 2 ਮਿਲੀਗ੍ਰਾਮ ਵਿਟਾਮਿਨ ਬੀ 6 ਦੀ ਜ਼ਰੂਰਤ ਹੁੰਦੀ ਹੈ।

ਆਇਓਡੀਨ : ਗਰਭ ਅਵਸਥਾ ਦੌਰਾਨ ਅਣਜੰਮੇ ਬੱਚੇ ਦੇ ਦਿਮਾਗ ਦੇ ਵਿਕਾਸ ਲਈ ਆਇਓਡੀਨ ਜ਼ਰੂਰੀ ਹੈ। ਰੋਗ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰਾਂ ਦੁਆਰਾ 2012 ਵਿੱਚ ਕਰਵਾਏ ਗਏ ਇੱਕ ਰਾਸ਼ਟਰੀ ਸਰਵੇਖਣ ਦੇ ਅਨੁਸਾਰ, 20-39 ਸਾਲ ਦੀ ਉਮਰ ਦੀਆਂ ਔਰਤਾਂ ਵਿੱਚ ਅਧਿਐਨ ਵਿੱਚ ਸ਼ਾਮਲ ਕਿਸੇ ਵੀ ਉਮਰ ਸਮੂਹ ਦੇ ਮੁਕਾਬਲੇ ਘੱਟ ਆਇਓਡੀਨ ਦਾ ਪੱਧਰ ਸੀ। ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਔਰਤਾਂ ਗਰਭਵਤੀ ਸਨ। ਇਸ ਉਮਰ ਦੀਆਂ ਔਰਤਾਂ ਲਈ ਪ੍ਰਤੀ ਦਿਨ 150 ਮਿਲੀਗ੍ਰਾਮ ਆਇਓਡੀਨ, ਗਰਭਵਤੀ ਔਰਤਾਂ ਲਈ 220 ਮਿਲੀਗ੍ਰਾਮ ਅਤੇ ਬੱਚੇ ਨੂੰ ਆਪਣਾ ਦੁੱਧ ਚੁੰਘਾਉਣ ਵਾਲੀਆਂ ਔਰਤਾਂ ਲਈ 290 ਮਿਲੀਗ੍ਰਾਮ ਆਇਓਡੀਨ ਦਾ ਸੇਵਨ ਜ਼ਰੂਰੀ ਹੈ। ਹਾਲਾਂਕਿ, ਕਿਸੇ ਨੂੰ ਡਾਕਟਰ ਦੀ ਸਲਾਹ ਤੋਂ ਬਿਨਾਂ ਆਇਓਡੀਨ ਪੂਰਕ ਲੈਣ ਤੋਂ ਬਚਣਾ ਚਾਹੀਦਾ ਹੈ ਨਹੀਂ ਤਾਂ ਇਸ ਦਾ ਥਾਇਰਾਇਡ ਦੀ ਸਿਹਤ 'ਤੇ ਮਾੜਾ ਪ੍ਰਭਾਵ ਪੈ ਸਕਦਾ ਹੈ।

ਔਰਤਾਂ ਨੂੰ ਫੋਲੇਟ ਜਾਂ ਵਿਟਾਮਿਨ ਬੀ9 ਲੈਣਾ ਚਾਹੀਦਾ ਹੈ : ਫੋਲੇਟ, ਜਿਸਨੂੰ ਵਿਟਾਮਿਨ ਬੀ9 ਵੀ ਕਿਹਾ ਜਾਂਦਾ ਹੈ, ਪ੍ਰਜਨਨ ਸਾਲਾਂ ਦੌਰਾਨ ਮਹੱਤਵਪੂਰਨ ਹੁੰਦਾ ਹੈ। ਇਹ ਗਰੱਭਸਥ ਸ਼ੀਸ਼ੂ ਵਿੱਚ ਦਿਮਾਗ ਅਤੇ ਰੀੜ੍ਹ ਦੀ ਹੱਡੀ ਨਾਲ ਸਬੰਧਤ ਪੇਚੀਦਗੀਆਂ ਦੇ ਜੋਖਮ ਨੂੰ ਘਟਾਉਂਦਾ ਹੈ। ਲਾਲ ਰਕਤਾਣੂਆਂ ਨੂੰ ਬਣਾਉਣ ਵਿੱਚ ਮਦਦ ਕਰਦਾ ਹੈ ਅਤੇ ਪ੍ਰੋਟੀਨ ਦੇ ਪਾਚਨ ਵਿੱਚ ਸਹਾਇਤਾ ਕਰਦਾ ਹੈ। ਜੇਕਰ ਤੁਸੀਂ ਗਰਭਵਤੀ ਹੋ ਤਾਂ ਸਰੀਰ 'ਚ ਵਿਟਾਮਿਨ ਬੀ9 ਦੀ ਕਮੀ ਨਾ ਹੋਣ ਦਿਓ।

ਆਇਰਨ ਬਹੁਤ ਜ਼ਰੂਰੀ ਹੈ : ਜ਼ਿਆਦਾਤਰ ਔਰਤਾਂ ਵਿੱਚ ਆਇਰਨ ਦੀ ਵੀ ਕਮੀ ਹੁੰਦੀ ਹੈ। ਆਇਰਨ ਇੱਕ ਕਿਸਮ ਦਾ ਖਣਿਜ ਹੈ, ਜੋ ਜਣਨ ਅੰਗਾਂ ਅਤੇ ਉਹਨਾਂ ਦੇ ਸਹੀ ਕੰਮ ਕਰਨ ਲਈ ਜ਼ਰੂਰੀ ਹੈ। ਇਸ ਦੇ ਨਾਲ ਹੀ ਸਰੀਰ ਵਿੱਚ ਊਰਜਾ ਦੇ ਨਿਰਮਾਣ, ਜ਼ਖ਼ਮਾਂ ਨੂੰ ਠੀਕ ਕਰਨ, ਇਮਿਊਨ ਫੰਕਸ਼ਨ, ਲਾਲ ਰਕਤਾਣੂਆਂ ਦੇ ਗਠਨ, ਵਿਕਾਸ ਆਦਿ ਲਈ ਵੀ ਆਇਰਨ ਦੀ ਲੋੜ ਹੁੰਦੀ ਹੈ। 19 ਤੋਂ 50 ਸਾਲ ਦੀ ਉਮਰ ਦੀਆਂ ਔਰਤਾਂ ਨੂੰ ਪ੍ਰਤੀ ਦਿਨ 18 ਮਿਲੀਗ੍ਰਾਮ ਆਇਰਨ ਦੀ ਲੋੜ ਹੁੰਦੀ ਹੈ।

ਵਿਟਾਮਿਨ ਸੀ ਇਮਿਊਨਿਟੀ ਵਧਾਉਂਦਾ ਹੈ : ਵਿਟਾਮਿਨ ਸੀ ਸਰੀਰ ਦੀ ਇਮਿਊਨਿਟੀ ਨੂੰ ਮਜਬੂਤ ਕਰ ਕੇ ਤੁਹਾਨੂੰ ਕਈ ਤਰ੍ਹਾਂ ਦੇ ਇਨਫੈਕਸ਼ਨਾਂ ਅਤੇ ਬਿਮਾਰੀਆਂ ਤੋਂ ਬਚਾਉਣ ਵਿੱਚ ਕਾਰਗਰ ਹੈ। ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਡੀ ਸਕਿਨ, ਵਾਲ ਜਵਾਨ, ਝੁਰੜੀਆਂ ਤੋਂ ਮੁਕਤ ਅਤੇ ਲੰਬੀ ਉਮਰ ਤੱਕ ਸਿਹਤਮੰਦ ਰਹਿਣ, ਤਾਂ ਰੋਜ਼ਾਨਾ ਖੁਰਾਕ ਵਿੱਚ ਵਿਟਾਮਿਨ ਸੀ ਵਾਲੀਆਂ ਚੀਜ਼ਾਂ ਨੂੰ ਸ਼ਾਮਲ ਕਰੋ। ਇਸ ਨਾਲ ਅੱਖਾਂ ਦੀ ਸਿਹਤ ਵੀ ਚੰਗੀ ਰਹਿੰਦੀ ਹੈ।

ਵਿਟਾਮਿਨ ਦੀ ਕਮੀ ਨੂੰ ਦੂਰ ਕਰਨ ਲਈ ਭੋਜਨ :

• ਫੋਲੇਟ- ਸਰੀਰ ਵਿਚ ਇਸ ਦੀ ਕਮੀ ਨੂੰ ਦੂਰ ਕਰਨ ਲਈ ਡਾਈਟ ਵਿਚ ਚੌਲ, ਐਵੋਕਾਡੋ, ਬਰੋਕਲੀ, ਸੰਤਰਾ, ਫੋਲੇਟਿਡ ਬ੍ਰੇਕਫਾਸਟ ਸੀਰੀਅਲ, ਸਾਗ ਆਦਿ ਸ਼ਾਮਲ ਕਰੋ।


• ਵਿਟਾਮਿਨ ਡੀ — ਹੱਡੀਆਂ ਨੂੰ ਮਜ਼ਬੂਤ ​​ਰੱਖਣ ਲਈ ਵਿਟਾਮਿਨ ਡੀ ਬਹੁਤ ਜ਼ਰੂਰੀ ਹੈ। ਇਸ ਦੇ ਲਈ ਤੁਸੀਂ ਚਰਬੀ ਵਾਲੀ ਮੱਛੀ, ਅੰਡੇ ਦੀ ਜ਼ਰਦੀ, ਲੀਵਰ, ਮਸ਼ਰੂਮ ਆਦਿ ਖਾਓ।


• ਆਇਓਡੀਨ- ਆਇਓਡੀਨ ਲਈ ਔਰਤਾਂ ਨੂੰ ਆਂਡੇ, ਸੀਰੀਅਲ ਉਤਪਾਦ, ਆਇਓਡੀਨ ਵਾਲਾ ਨਮਕ, ਸਮੁੰਦਰੀ ਭੋਜਨ, ਚੀਨੀ ਤੋਂ ਬਿਨਾਂ ਡੇਅਰੀ ਉਤਪਾਦ ਆਦਿ ਦਾ ਸੇਵਨ ਕਰਨਾ ਚਾਹੀਦਾ ਹੈ।


• ਆਇਰਨ— ਅਕਸਰ ਔਰਤਾਂ ਵਿਚ ਆਇਰਨ ਦੀ ਕਮੀ ਹੁੰਦੀ ਹੈ। ਆਇਰਨ ਦੀ ਕਮੀ ਨੂੰ ਦੂਰ ਕਰਨ ਲਈ ਰੈੱਡ ਮੀਟ, ਸਮੁੰਦਰੀ ਭੋਜਨ, ਦਾਲਾਂ, ਸੋਇਆਬੀਨ, ਸਾਗ, ਅੰਡੇ ਆਦਿ ਦਾ ਸੇਵਨ ਕਰੋ।


• ਕੈਲਸ਼ੀਅਮ- ਡੇਅਰੀ ਉਤਪਾਦ, ਫੋਰਟਫਾਈਡ ਦੁੱਧ, ਜੂਸ, ਸਾਲਮਨ ਫਿਸ਼, ਟੋਫੂ, ਕੇਲ ਆਦਿ ਖਾਣ ਨਾਲ ਤੁਸੀਂ ਕੈਲਸ਼ੀਅਮ ਦੀ ਕਮੀ ਨੂੰ ਦੂਰ ਕਰ ਸਕਦੇ ਹੋ।