ਡਿਲੀਵਰੀ ਤੋਂ ਬਾਅਦ ਝੜਦੇ ਵਾਲਾਂ ਤੋਂ ਪਰੇਸ਼ਾਨ ਹੋ ਤਾਂ ਅਪਣਾਓ 5 ਘਰੇਲੂ ਨੁਸਖੇ, ਮਿਲੇਗਾ ਤੁਰੰਤ ਫ਼ਾਇਦਾ

ਜੇਕਰ ਡਿਲੀਵਰੀ ਤੋਂ ਬਾਅਦ ਤੁਹਾਡੇ ਵਾਲ ਝੜ ਰਹੇ ਹਨ ਤਾਂ ਤੁਸੀਂ ਕੁਝ ਘਰੇਲੂ ਨੁਸਖਿਆਂ ਦੀ ਮਦਦ ਨਾਲ ਇਨ੍ਹਾਂ ਨੂੰ ਝੜਨ ਤੋਂ ਰੋਕ ਸਕਦੇ ਹੋ। ਅਸਲ 'ਚ ਡਿਲੀਵਰੀ ਤੋਂ ਬਾਅਦ ਸਰੀਰ 'ਚ ਐਸਟ੍ਰੋਜਨ ਹਾਰਮੋਨ ਦਾ ਪੱਧਰ ਘੱਟਣਾ ਸ਼ੁਰੂ ਹੋ ਜਾਂਦਾ ਹੈ, ਜਿਸ ਕਾਰਨ ਵਾਲ ਝੜਨੇ ਸ਼ੁਰੂ ਹੋ ਜਾਂਦੇ ਹਨ।

ਡਿਲੀਵਰੀ ਤੋਂ ਬਾਅਦ ਝੜਦੇ ਵਾਲਾਂ ਤੋਂ ਪਰੇਸ਼ਾਨ ਹੋ ਤਾਂ ਅਪਣਾਓ 5 ਘਰੇਲੂ ਨੁਸਖੇ

  • Share this:
Home Remedies For After Delivery Hair Fall : ਜੇਕਰ ਡਿਲੀਵਰੀ ਤੋਂ ਬਾਅਦ ਤੁਹਾਡੇ ਵਾਲ ਝੜ ਰਹੇ ਹਨ ਤਾਂ ਤੁਸੀਂ ਕੁਝ ਘਰੇਲੂ ਨੁਸਖਿਆਂ ਦੀ ਮਦਦ ਨਾਲ ਇਨ੍ਹਾਂ ਨੂੰ ਝੜਨ ਤੋਂ ਰੋਕ ਸਕਦੇ ਹੋ। ਅਸਲ 'ਚ ਡਿਲੀਵਰੀ ਤੋਂ ਬਾਅਦ ਸਰੀਰ 'ਚ ਐਸਟ੍ਰੋਜਨ ਹਾਰਮੋਨ ਦਾ ਪੱਧਰ ਘੱਟਣਾ ਸ਼ੁਰੂ ਹੋ ਜਾਂਦਾ ਹੈ, ਜਿਸ ਕਾਰਨ ਵਾਲ ਝੜਨੇ ਸ਼ੁਰੂ ਹੋ ਜਾਂਦੇ ਹਨ।

ਹਾਲਾਂਕਿ, ਇਹ ਬਦਲਾਅ ਕੁਝ ਸਮੇਂ ਲਈ ਹੀ ਹੁੰਦਾ ਹੈ ਅਤੇ ਐਸਟ੍ਰੋਜਨ ਦੇ ਨਾਰਮਲ ਪੱਧਰ 'ਤੇ ਆਉਣ 'ਤੇ ਵਾਲਾਂ ਦੇ ਝੜਨ ਦੀ ਸਮੱਸਿਆ ਖਤਮ ਹੋ ਜਾਂਦੀ ਹੈ ਪਰ ਜੇਕਰ ਤੁਹਾਨੂੰ ਡਿਲੀਵਰੀ ਤੋਂ ਬਾਅਦ ਲਗਾਤਾਰ ਵਾਲ ਝੜਨ ਦੀ ਸ਼ਿਕਾਇਤ ਹੈ ਤਾਂ ਕੁਝ ਘਰੇਲੂ ਨੁਸਖਿਆਂ ਦੀ ਵਰਤੋਂ ਕਰਕੇ ਵਾਲਾਂ ਨੂੰ ਝੜਨ ਤੋਂ ਰੋਕ ਸਕਦੇ ਹੋ।

ਵਾਲ ਝੜਨ ਨੂੰ ਰੋਕਣ ਦੇ ਘਰੇਲੂ ਨੁਸਖ਼ੇ

ਭ੍ਰਿੰਗਰਾਜ

ਭ੍ਰਿੰਗਰਾਜ ਵਾਲ ਝੜਨ ਨੂੰ ਰੋਕਣ ਲਈ ਇੱਕ ਚਮਤਕਾਰੀ ਜੜੀ ਬੂਟੀ ਹੈ। ਇੱਕ ਮੁੱਠੀ ਭਰ ਭ੍ਰਿੰਗਰਾਜ ਦੀਆਂ ਪੱਤੀਆਂ ਲਓ ਅਤੇ ਉਨ੍ਹਾਂ ਨੂੰ ਪੀਸ ਕੇ ਪੇਸਟ ਬਣਾ ਲਓ। ਹੁਣ ਇਸ ਪੇਸਟ 'ਚ ਦੁੱਧ ਮਿਲਾਓ ਜਾਂ ਸਿੱਧੇ ਵਾਲਾਂ 'ਤੇ ਲਗਾਓ।

ਮਾਲਿਸ਼

ਜੇਕਰ ਤੁਸੀਂ ਰੋਜ਼ਾਨਾ ਵਾਲਾਂ ਦੀ ਮਾਲਿਸ਼ ਕਰਦੇ ਹੋ ਤਾਂ ਇਸ ਨਾਲ ਖੋਪੜੀ 'ਚ ਖੂਨ ਦਾ ਪ੍ਰਵਾਹ ਵਧਦਾ ਹੈ ਅਤੇ ਵਾਲ ਮਜ਼ਬੂਤ ​​ਅਤੇ ਲੰਬੇ ਹੁੰਦੇ ਹਨ। ਅਜਿਹੀ ਸਥਿਤੀ ਵਿੱਚ ਹਰ ਰੋਜ਼ ਪੰਜ ਤੋਂ ਦਸ ਮਿੰਟ ਤੱਕ ਕੋਸੇ ਤੇਲ ਨਾਲ ਵਾਲਾਂ ਦੀ ਮਾਲਿਸ਼ ਕਰੋ। ਇਸ ਦੇ ਲਈ ਤੁਸੀਂ ਨਾਰੀਅਲ ਤੇਲ, ਕੈਸਟਰ ਆਇਲ ਆਦਿ ਲੈ ਸਕਦੇ ਹੋ।

ਆਂਵਲਾ

ਆਂਵਲਾ ਵਾਲਾਂ ਨੂੰ ਪੋਸ਼ਣ ਦੇਣ ਲਈ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਤੁਸੀਂ ਇਸਨੂੰ ਭੋਜਨ ਵਿੱਚ ਸ਼ਾਮਿਲ ਕਰੋ ਅਤੇ ਇਸਦਾ ਜੂਸ ਪੀਓ। ਤੁਸੀਂ ਤਾਜ਼ੇ ਆਂਵਲੇ ਨੂੰ ਵਾਲਾਂ 'ਤੇ ਵੀ ਲਗਾ ਸਕਦੇ ਹੋ।

ਅਰੰਡੀ ਦਾ ਤੇਲ

ਅਰੰਡੀ ਦਾ ਤੇਲ ਓਮੇਗਾ 9 ਫੈਟੀ ਐਸਿਡ ਨਾਲ ਭਰਪੂਰ ਹੁੰਦਾ ਹੈ ਜੋ ਵਾਲਾਂ ਦੇ ਵਾਧੇ ਲਈ ਜ਼ਰੂਰੀ ਹੁੰਦਾ ਹੈ। ਇਸ ਦੇ ਲਈ ਕੋਸੇ ਬਦਾਮ ਜਾਂ ਨਾਰੀਅਲ ਦੇ ਤੇਲ ਵਿਚ ਥੋੜ੍ਹਾ ਜਿਹਾ ਕੈਸਟਰ ਆਇਲ ਮਿਲਾ ਕੇ ਵਾਲਾਂ ਦੀ ਮਾਲਿਸ਼ ਕਰੋ।

ਅੰਡੇ ਦੀ ਵਰਤੋਂ ਕਰੋ

ਇੱਕ ਆਂਡਾ ਲਓ ਅਤੇ ਇਸ ਦਾ ਸਫ਼ੈਦ ਹਿੱਸਾ ਕੱਢ ਲਓ। ਇਸ 'ਚ 3 ਚਮਚ ਜੈਤੂਨ ਦਾ ਤੇਲ ਮਿਲਾਓ ਹੁਣ ਇਸ ਨੂੰ ਵਾਲਾਂ ਅਤੇ ਸਿਰ ਦੀ ਚਮੜੀ 'ਤੇ ਚੰਗੀ ਤਰ੍ਹਾਂ ਲਗਾਓ। ਇਸ ਨਾਲ ਵਾਲਾਂ ਅਤੇ ਖੋਪੜੀ ਨੂੰ ਪੋਸ਼ਣ ਮਿਲੇਗਾ ਅਤੇ ਵਾਲ ਨਰਮ ਅਤੇ ਮਜ਼ਬੂਤ ​​ਹੋਣਗੇ। ਤੁਸੀਂ ਇਸ ਹੇਅਰ ਪੈਕ ਨੂੰ ਅੱਧੇ ਘੰਟੇ ਲਈ ਵਾਲਾਂ 'ਤੇ ਲਗਾ ਕੇ ਰੱਖੋ ਅਤੇ ਫਿਰ ਠੰਡੇ ਪਾਣੀ ਨਾਲ ਵਾਲਾਂ ਨੂੰ ਧੋ ਲਓ। ਫਰਕ ਦੋ ਤੋਂ ਤਿੰਨ ਵਾਰ ਵਰਤਣ ਵਿੱਚ ਹੀ ਨਜ਼ਰ ਆਵੇਗਾ।
Published by:Amelia Punjabi
First published: