ਜੇ ਬਾਰ-ਬਾਰ ਹਿਚਕੀ ਤੋਂ ਹੋ ਪਰੇਸ਼ਾਨ ਤਾਂ ਤੁਰੰਤ ਕਰੋ ਇਹ ਕੰਮ, ਜਲਦੀ ਮਿਲੇਗਾ ਆਰਾਮ

ਤੁਹਾਡੇ ਜੀਵਨ ਵਿੱਚ ਕਈ ਵਾਰ ਅਜਿਹਾ ਸਮਾਂ ਆਇਆ ਹੋਵੇਗਾ ਜਦੋਂ ਤੁਹਾਨੂੰ ਹਿਚਕੀ ਲੱਗੀ ਹੋਵੇਗੀ । ਹਿਚਕੀ ਕਈ ਵਾਰ ਤਾਂ ਕੁੱਝ ਸਮੇਂ ਬਾਅਦ ਠੀਕ ਹੋ ਜਾਂਦੀ ਹੈ ਪਰ ਕਈ ਵਾਰ ਇਹ ਸਾਡਾ ਖਹਿੜਾ ਹੀ ਨਹੀਂ ਛੱਡਦੀ। ਹੈਲਥਲਾਈਨ ਦੀ ਖਬਰ ਦੇ ਮੁਤਾਬਕ ਕਈ ਵਾਰ ਤਾਪਮਾਨ 'ਚ ਅਚਾਨਕ ਬਦਲਾਅ, ਫਾਸਟ ਫੂਡ, ਕਾਰਬੋਨੇਟਿਡ ਡਰਿੰਕਸ ਪੀਣ, ਮਸਾਲੇਦਾਰ ਭੋਜਨ ਖਾਣਾ, ਤਣਾਅ, ਸ਼ਰਾਬ ਦਾ ਸੇਵਨ, ਜ਼ਿਆਦਾ ਜਾਂ ਘੱਟ ਖਾਣਾ ਖਾਣ ਨਾਲ ਕਈ ਵਾਰ ਹਿਚਕੀ ਆ ਜਾਂਦੀ ਹੈ। ਇਸ ਨੂੰ ਰੋਕਣ ਲਈ ਲੋਕ ਵੱਖ-ਵੱਖ ਤਰਕੀਬਾਂ ਵਰਤਦੇ ਹਨ।

ਇੱਥੇ ਅਸੀਂ ਤੁਹਾਨੂੰ ਕੁਝ ਖਾਸ ਤਰੀਕੇ ਦੱਸ ਰਹੇ ਹਾਂ, ਜਿਸ ਦੀ ਮਦਦ ਨਾਲ ਤੁਸੀਂ ਆਸਾਨੀ ਨਾਲ ਹਿਚਕੀ ਨੂੰ ਰੋਕ ਸਕਦੇ ਹੋ। ਤਾਂ ਆਓ ਜਾਣਦੇ ਹਾਂ ਕਿ ਜੇਕਰ ਅਗਲੀ ਵਾਰ ਹਿਚਕੀ ਆਉਂਦੀ ਹੈ ਤਾਂ ਇਸ ਨੂੰ ਰੋਕਣ ਲਈ ਤੁਹਾਨੂੰ ਕੀ ਕਰਨਾ ਚਾਹੀਦਾ ਹੈ।

ਹਿਚਕੀ ਨੂੰ ਰੋਕਣ ਦੇ ਪ੍ਰਭਾਵਸ਼ਾਲੀ ਤਰੀਕੇ

ਘੱਟੋ-ਘੱਟ 5 ਵਾਰ ਆਪਣਾ ਮੂੰਹ ਬੰਦ ਕਰੋ ਅਤੇ ਆਪਣੀ ਨੱਕ ਰਾਹੀਂ ਡੂੰਘਾ ਸਾਹ ਲਓ ਅਤੇ ਹਰੇਕ ਸਾਹ ਨੂੰ ਘੱਟੋ-ਘੱਟ 10 ਤੋਂ 20 ਸਕਿੰਟਾਂ ਲਈ ਰੋਕੋ। ਹਿਚਕੀ ਬੰਦ ਹੋ ਜਾਵੇਗੀ।
ਇੱਕ ਪੇਪਰ ਬੈਗ ਲਓ ਅਤੇ ਇਸ ਨਾਲ ਆਪਣਾ ਨੱਕ ਅਤੇ ਮੂੰਹ ਢੱਕੋ। ਹੁਣ ਡੂੰਘਾ ਸਾਹ ਲਓ ਅਤੇ ਸਾਹ ਛੱਡੋ। ਇਸ ਲਈ ਪਲਾਸਟਿਕ ਦੇ ਥੈਲਿਆਂ ਦੀ ਵਰਤੋਂ ਨਾ ਕਰੋ।
ਕੁਰਸੀ 'ਤੇ ਬੈਠੋ ਅਤੇ ਅੱਗੇ ਝੁਕੋ ਅਤੇ ਆਪਣੇ ਗੋਡੇ ਨੂੰ ਕੱਸ ਕੇ ਜੱਫੀ ਪਾਓ। ਕੁਝ ਸਮੇਂ ਲਈ ਇਸ ਸਥਿਤੀ ਵਿੱਚ ਰਹੋ। ਹਿਚਕੀ ਬੰਦ ਹੋ ਜਾਵੇਗੀ।
ਉਪਰ ਵੱਲ ਦੇਖੋ ਅਤੇ ਜਿਥੋਂ ਤੱਕ ਹੋ ਸਕੇ ਆਪਣੀ ਜੀਭ ਬਾਹਰ ਰੱਖੋ। ਹਿਚਕੀ ਬੰਦ ਹੋ ਜਾਵੇਗੀ।
ਨੱਕ ਨੂੰ ਕੱਸ ਕੇ ਬੰਦ ਰੱਖੋ ਅਤੇ ਪਾਣੀ ਪੀਓ।
ਪਾਣੀ ਵਿੱਚ ਬਰਫ਼ ਪਾ ਕੇ ਹੌਲੀ-ਹੌਲੀ ਸਿਪ ਕਰਦੇ ਹੋਏ ਠੰਡਾ ਪਾਣੀ ਪੀਓ।
ਆਈਸ ਕਿਊਬ ਨੂੰ ਮੂੰਹ ਵਿੱਚ ਰੱਖੋ ਤੇ ਇਸ ਨੂੰ ਟੌਫੀ ਵਾਂਗ ਚੂਸੋ।
ਇੱਕ ਚਮਚ ਸ਼ਹਿਦ ਤੇ ਪੀਨਟ ਬਟਰ ਨੂੰ ਮੂੰਹ ਵਿੱਚ ਪਾ ਕੇ ਨਿਗਲ ਲਓ।
ਕੋਸੇ ਪਾਣੀ ਨਾਲ ਗਰਾਰੇ ਕਰੋ।
ਜੀਭ 'ਤੇ ਸਿਰਕੇ ਦੀਆਂ ਕੁਝ ਬੂੰਦਾਂ ਪਾਓ, ਤੁਸੀਂ ਨਿੰਬੂ ਦਾ ਰਸ ਵੀ ਪਾ ਸਕਦੇ ਹੋ।
ਇਲਾਇਚੀ ਨੂੰ ਪਾਣੀ 'ਚ ਉਬਾਲੋ ਅਤੇ ਉਸ 'ਚ ਨਮਕ ਪਾ ਕੇ ਪੀਓ।
ਅਦਰਕ ਦਾ ਟੁਕੜਾ ਮੂੰਹ 'ਚ ਪਾ ਕੇ ਚੂਸਦੇ ਰਹੋ। ਹਿਚਕੀ ਜਲਦੀ ਹੀ ਬੰਦ ਹੋ ਜਾਵੇਗੀ।