ਦੋਸਤਾਂ ਨੂੰ Telegram ਦੀ ਪ੍ਰੀਮੀਅਮ ਸਬਸਕ੍ਰਿਪਸ਼ਨ ਵੀ ਦੇ ਸਕਦੇ ਹੋ ਤੋਹਫੇ ਵਿੱਚ, ਜਾਣੋ ਪੂਰਾ ਢੰਗ

Telegram: ਸਾਲ 2013 ਵਿੱਚ ਸ਼ੁਰੂ ਹੋਈ ਮੈਸੇਜਿੰਗ ਐਪ ਟੈਲੀਗ੍ਰਾਮ ਨੇ ਵਟਸਐਪ ਤੇ ਹੋਰ ਮੈਸੇਜਿੰਗ ਐਪਸ ਨੂੰ ਕੜਾ ਮੁਕਾਬਲਾ ਦਿੱਤਾ ਹੈ। ਹੋਰ ਮੈਸੇਜਿੰਗ ਐਪਸ ਜੋ ਫੀਚਰ ਹੁਣ ਲਿਆ ਰਹੀਆਂ ਹਨ, ਉਹ ਟੈਲੀਗ੍ਰਾਮ ਵਿੱਚ ਕਈ ਸਾਲਾਂ ਤੋਂ ਮੌਜੂਦ ਹਨ, ਇਸ ਲਈ ਇਸ ਦਾ ਯੂਜ਼ਰ ਬੇਸ ਕਾਫੀ ਮਜ਼ਬੂਤ ਹੈ ਤੇ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਕੰਪਨੀ ਵੱਲੋਂ ਇਸ ਸਾਲ ਦੇ ਸ਼ੁਰੂ ਵਿੱਚ ਟੈਲੀਗ੍ਰਾਮ ਪ੍ਰੀਮੀਅਮ ਲਾਂਚ ਕੀਤਾ ਗਿਆ ਸੀ। ਇਹ ਕੰਪਨੀ ਦਾ ਪੇਡ ਵਰਜ਼ਨ ਹੈ, ਅਤੇ ਹਾਲ ਹੀ ਵਿੱਚ ਕੰਪਨੀ ਨੇ ਇਸ ਦੀ ਕੀਮਤ ਵਿੱਚ ਕਟੌਤੀ ਕੀਤੀ ਹੈ। ਕੀਮਤ 'ਚ ਕਟੌਤੀ ਤੋਂ ਬਾਅਦ ਟੈਲੀਗ੍ਰਾਮ ਪ੍ਰੀਮੀਅਮ ਸਬਸਕ੍ਰਿਪਸ਼ਨ ਦੀ ਕੀਮਤ 469 ਰੁਪਏ ਦੀ ਬਜਾਏ 179 ਰੁਪਏ ਹੋ ਗਈ ਹੈ।

ਇਸ ਪ੍ਰੀਮੀਅਮ ਵਰਜ਼ਨ 'ਚ ਯੂਜ਼ਰਸ ਨੂੰ ਕਈ ਐਕਸਕਲੂਸਿਵ ਫੀਚਰਸ ਦਿੱਤੇ ਗਏ ਹਨ। ਟੈਲੀਗ੍ਰਾਮ ਪ੍ਰੀਮੀਅਮ ਉਪਭੋਗਤਾ ਐਪ ਵਿੱਚ 4GB ਤੱਕ ਫਾਈਲਾਂ ਅਪਲੋਡ ਕਰ ਸਕਦੇ ਹਨ, ਜਦਕਿ ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਉਪਭੋਗਤਾਵਾਂ ਨੂੰ ਮੁਫਤ ਐਪ 'ਤੇ 2GB ਦੀ ਸੀਮਾ ਮਿਲਦੀ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਪ੍ਰੀਮੀਅਮ ਯੂਜ਼ਰਸ ਸਭ ਤੋਂ ਤੇਜ਼ ਰਫਤਾਰ ਨਾਲ ਮੀਡੀਆ ਨੂੰ ਡਾਊਨਲੋਡ ਕਰ ਸਕਦੇ ਹਨ।

3 ਤੋਂ 12 ਮਹੀਨਿਆਂ ਦੀ ਹੁੰਦੀ ਹੈ ਸਬਸਕ੍ਰਿਪਸ਼ਨ

ਪ੍ਰੀਮੀਅਮ ਉਪਭੋਗਤਾਵਾਂ ਨੂੰ ਕਈ ਕਮਾਲ ਦੇ ਫੀਚਰ ਮਿਲਦੇ ਹਨ। ਇਸ ਵਿੱਚ 1,000 ਚੈਨਲਾਂ ਵਿੱਚ ਸ਼ਾਮਲ ਹੋਣ ਤੋਂ ਲੈ ਕੇ ਹਰ 200 ਚੈਟਸ ਲਈ 20 ਚੈਟ ਫੋਲਡਰ ਬਣਾ ਸਕਣ ਦੀ ਸੁਵਿਧਾ ਸ਼ਾਮਲ ਹੈ। ਪ੍ਰੀਮੀਅਮ ਗਾਹਕਾਂ ਕੋਲ ਵੌਇਸ ਮੈਸੇਜ ਨੂੰ ਟੈਕਸਟ ਵਿੱਚ ਬਦਲਣ ਦਾ ਵਿਕਲਪ ਹੁੰਦਾ ਹੈ। ਬਹੁਤ ਘੱਟ ਲੋਕ ਜਾਣਦੇ ਹੋਣਗੇ ਕਿ ਉਪਭੋਗਤਾ ਆਪਣੇ ਦੋਸਤਾਂ, ਰਿਸ਼ਤੇਦਾਰਾਂ ਅਤੇ ਕਿਸੇ ਵੀ ਪਰਿਵਾਰਕ ਮੈਂਬਰ ਨੂੰ ਟੈਲੀਗ੍ਰਾਮ ਪ੍ਰੀਮੀਅਮ ਸਬਸਕ੍ਰਿਪਸ਼ਨ ਗਿਫਟ ਕਰ ਸਕਦੇ ਹਨ। ਕੰਪਨੀ ਦੇ ਅਨੁਸਾਰ, ਉਪਭੋਗਤਾ ਛੋਟ ਵਾਲੀ ਕੀਮਤ 'ਤੇ 3, 6 ਜਾਂ 12 ਮਹੀਨਿਆਂ ਲਈ ਪ੍ਰੀਪੇਡ ਸਬਸਕ੍ਰਿਪਸ਼ਨ ਭੇਜ ਕੇ ਦੋਸਤਾਂ, ਪਰਿਵਾਰ ਅਤੇ ਹੋਰਾਂ ਨਾਲ ਟੈਲੀਗ੍ਰਾਮ ਪ੍ਰੀਮੀਅਮ ਸ਼ੇਅਰ ਕਰ ਸਕਦੇ ਹਨ। ਟੈਲੀਗ੍ਰਾਮ ਪ੍ਰੀਮੀਅਮ ਸਬਸਕ੍ਰਿਪਸ਼ਨ ਸ਼ੇਅਰ ਕਰਨ ਵਾਲੇ ਫੀਚਰ ਨੂੰ 'ਗਿਫਟ ਪ੍ਰੀਮੀਅਮ' ਕਿਹਾ ਜਾਂਦਾ ਹੈ।

ਜੇ ਤੁਸੀਂ ਵੀ ਆਪਣੇ ਦੋਸਤ ਜਾਂ ਪਰਿਵਾਰਕ ਮੈਂਬਰ ਨੂੰ ਇਹ ਪ੍ਰੀਮੀਅਮ ਦੇਣਾ ਚਾਹੁੰਦੇ ਹੋ ਤਾਂ ਇਨ੍ਹਾਂ ਸਟੈਪਸ ਨੂੰ ਫਾਲੋ ਕਰੋ:

-ਆਪਣੇ ਮੋਬਾਈਲ ਡਿਵਾਈਸ 'ਤੇ ਟੈਲੀਗ੍ਰਾਮ ਐਪ ਖੋਲ੍ਹੋ।

-ਉਸ ਉਪਭੋਗਤਾ ਦੇ ਪ੍ਰੋਫਾਈਲ 'ਤੇ ਜਾਓ ਜਿਸ ਨੂੰ ਤੁਸੀਂ ਟੈਲੀਗ੍ਰਾਮ ਪ੍ਰੀਮੀਅਮ ਗਿਫਟ ਕਰਨਾ ਚਾਹੁੰਦੇ ਹੋ।

-ਆਪਣੀ ਸਕ੍ਰੀਨ ਦੇ ਉੱਪਰੀ ਸੱਜੇ ਕੋਨੇ ਵਿੱਚ ਤਿੰਨ-ਬਿੰਦੀਆਂ ਵਾਲੇ ਮੀਨੂ 'ਤੇ ਟੈਪ ਕਰੋ।

-ਗਿਫਟ ਪ੍ਰੀਮੀਅਮ ਵਿਕਲਪ ਚੁਣੋ।

-ਇਸ ਤੋਂ ਬਾਅਦ ਸਬਸਕ੍ਰਿਪਸ਼ਨ ਤੁਰੰਤ ਉਸ ਯੂਜ਼ਰ ਨਾਲ ਤੁਹਾਡੀ ਚੈਟ 'ਤੇ ਇਕ ਵਿਲੱਖਣ ਐਨੀਮੇਟਡ ਮੈਸੇਜ ਦੇ ਰੂਪ ਵਿਚ ਪਹੁੰਚ ਜਾਵੇਗਾ।