Post Office Savings Schemes: ਪੋਸਟ ਆਫਿਸ MIS ਖਾਤੇ ਨੂੰ ਬਚਤ ਖਾਤੇ ਨਾਲ ਕਰੋ ਲਿੰਕ, ਵਿਆਜ ਹੋਵੇਗਾ ਪ੍ਰਾਪਤ

Post Office Savings Schemes: ਪੋਸਟ ਆਫਿਸ ਮਾਸਿਕ ਆਮਦਨ ਯੋਜਨਾ (MIS), ਸੀਨੀਅਰ ਸਿਟੀਜ਼ਨ ਸੇਵਿੰਗਸ ਸਕੀਮ (SCSC) ਅਤੇ ਟਰਮ ਡਿਪਾਜ਼ਿਟ 'ਤੇ ਹੁਣ ਨਕਦੀ ਵਿੱਚ ਵਿਆਜ ਨਹੀਂ ਦਿੱਤਾ ਜਾਵੇਗਾ। ਹੁਣ ਵਿਆਜ ਦੇ ਪੈਸੇ ਖਾਤੇ ਵਿੱਚ ਹੀ ਆ ਜਾਣਗੇ। ਡਾਕਘਰ ਵਿਭਾਗ ਦਾ ਕਹਿਣਾ ਹੈ ਕਿ ਅਜਿਹੇ ਖਾਤਾ ਧਾਰਕਾਂ ਨੂੰ ਆਪਣੇ ਡਾਕਘਰ ਬਚਤ ਜਾਂ ਬੈਂਕ ਖਾਤੇ ਨੂੰ ਇਨ੍ਹਾਂ ਖਾਤਿਆਂ ਨਾਲ ਲਿੰਕ ਕਰਨਾ ਚਾਹੀਦਾ ਹੈ। ਨਵਾਂ ਨਿਯਮ 1 ਅਪ੍ਰੈਲ 2022 ਤੋਂ ਲਾਗੂ ਹੋ ਗਿਆ ਹੈ।

ਇੱਕ ਨੋਟੀਫਿਕੇਸ਼ਨ ਵਿੱਚ, ਡਾਕ ਵਿਭਾਗ (Department of Post Office)ਨੇ ਕਿਹਾ ਕਿ ਵਿਆਜ ਦਾ ਪੈਸਾ ਸਿਰਫ ਪੋਸਟ ਆਫਿਸ ਸੇਵਿੰਗ ਸਕੀਮ (POSS) ਜਾਂ ਖਾਤਾ ਧਾਰਕ ਦੇ ਬੈਂਕ ਖਾਤੇ ਵਿੱਚ ਜਮ੍ਹਾ ਕੀਤਾ ਜਾਵੇਗਾ। ਹੁਣ ਨਕਦੀ ਵਿੱਚ ਵਿਆਜ ਅਦਾ ਕਰਨ ਦੀ ਸਹੂਲਤ ਬੰਦ ਕਰ ਦਿੱਤੀ ਗਈ ਹੈ। ਜੇਕਰ ਖਾਤਾ ਧਾਰਕ ਆਪਣੇ ਬੱਚਤ ਖਾਤੇ ਨੂੰ ਸੀਨੀਅਰ ਸਿਟੀਜ਼ਨ ਸੇਵਿੰਗ ਸਕੀਮ, ਮਹੀਨਾਵਾਰ ਆਮਦਨ ਯੋਜਨਾ ਅਤੇ ਮਿਆਦੀ ਜਮ੍ਹਾਂ ਖਾਤੇ ਨਾਲ ਨਹੀਂ ਜੋੜਦਾ ਹੈ, ਤਾਂ ਬਕਾਇਆ ਵਿਆਜ ਡਾਕਖਾਨੇ ਦੇ ਬਚਤ ਖਾਤੇ ਵਿੱਚ ਜਮ੍ਹਾ ਕਰਕੇ ਹੀ ਅਦਾ ਕੀਤਾ ਜਾਵੇਗਾ ਜਾਂ ਚੈੱਕ ਰਾਹੀਂ ਅਦਾ ਕੀਤਾ ਜਾਵੇਗਾ।

ਬੈਂਕ ਖਾਤੇ ਨੂੰ ਇਸ ਤਰ੍ਹਾਂ ਲਿੰਕ ਕੀਤਾ ਜਾ ਸਕਦਾ ਹੈ

ਆਪਣੇ ਬੈਂਕ ਬਚਤ ਖਾਤੇ ਨੂੰ ਪੋਸਟ ਆਫਿਸ ਟਰਮ ਡਿਪਾਜ਼ਿਟ ਨਾਲ ਲਿੰਕ ਕਰਨ ਲਈ, ਜਮ੍ਹਾਕਰਤਾ ਨੂੰ ਇੱਕ ਰੱਦ ਕੀਤੇ ਚੈੱਕ ਦੇ ਨਾਲ ਇੱਕ ECS ਫਾਰਮ ਜਾਂ ਬੈਂਕ ਖਾਤੇ ਦੀ ਪਾਸਬੁੱਕ ਅਤੇ MIS/SCSS/TD ਖਾਤਾ ਪਾਸਬੁੱਕ ਦੇ ਪਹਿਲੇ ਪੰਨੇ ਦੀ ਇੱਕ ਕਾਪੀ ਤਸਦੀਕ ਲਈ ਜਮ੍ਹਾ ਕਰਨੀ ਪਵੇਗੀ।

ਪੋਸਟ ਆਫਿਸ ਬਚਤ ਖਾਤੇ ਨੂੰ ਕਿਵੇਂ ਲਿੰਕ ਕਰਨਾ ਹੈ

ਪੋਸਟ ਆਫਿਸ ਸੇਵਿੰਗਸ ਖਾਤੇ ਦੇ ਮਾਮਲੇ ਵਿੱਚ, ਖਾਤਾ ਧਾਰਕ ਨੂੰ MIS/SCSS/TD ਖਾਤੇ ਨੂੰ ਆਪਣੇ MIS ਨਾਲ ਆਪਣੇ ਡਾਕਘਰ ਬਚਤ ਖਾਤੇ ਨਾਲ ਲਿੰਕ ਕਰਨ ਲਈ ਫਾਰਮ SB-83 (ਆਟੋਮੈਟਿਕ ਟ੍ਰਾਂਸਫਰ-ਸਟੈਂਡਿੰਗ ਇੰਸਟ੍ਰਕਸ਼ਨ) ਜਮ੍ਹਾ ਕਰਨਾ ਹੋਵੇਗਾ। ਇਸ ਤੋਂ ਇਲਾਵਾ ਵੈਰੀਫਿਕੇਸ਼ਨ ਲਈ ਪੋਸਟ ਆਫਿਸ ਸੇਵਿੰਗ ਅਕਾਊਂਟ ਪਾਸਬੁੱਕ ਵੀ ਜ਼ਰੂਰੀ ਹੈ।

ਵਿਆਜ ਦਰਾਂ ਵਿੱਚ ਕੋਈ ਬਦਲਾਅ ਨਹੀਂ

ਸਰਕਾਰ ਨੇ ਵੱਖ-ਵੱਖ ਛੋਟੀਆਂ ਬੱਚਤ ਯੋਜਨਾਵਾਂ 'ਤੇ ਵਿਆਜ ਦਰਾਂ 'ਚ ਕੋਈ ਬਦਲਾਅ ਨਹੀਂ ਕੀਤਾ ਹੈ। ਇਸ ਦੇ ਤਹਿਤ ਮੌਜੂਦਾ ਸਮੇਂ 'ਚ ਸੁਕੰਨਿਆ ਸਮ੍ਰਿਧੀ ਯੋਜਨਾ 'ਚ 7.6 ਫੀਸਦੀ, ਸੀਨੀਅਰ ਸਿਟੀਜ਼ਨ ਸੇਵਿੰਗ ਸਕੀਮ 'ਚ 7.4 ਫੀਸਦੀ, ਪੀਪੀਐੱਫ 'ਚ 7.1 ਫੀਸਦੀ ਵਿਆਜ ਮਿਲ ਰਿਹਾ ਹੈ। ਦੂਜੇ ਪਾਸੇ SBI ਦੀ 5-10 ਸਾਲ ਦੀ ਫਿਕਸਡ ਡਿਪਾਜ਼ਿਟ 'ਤੇ 5.50 ਫੀਸਦੀ ਵਿਆਜ ਮਿਲ ਰਿਹਾ ਹੈ। ਛੋਟੀਆਂ ਬਚਤ ਸਕੀਮਾਂ ਲਈ ਵਿਆਜ ਦਰਾਂ ਦੀ ਤਿਮਾਹੀ ਆਧਾਰ 'ਤੇ ਸਮੀਖਿਆ ਕੀਤੀ ਜਾਂਦੀ ਹੈ।