Veg Loaded Pasta Recipe: ਬੱਚਿਆਂ ਦੇ ਲੰਚ ਲਈ ਬਣਾਓ ਵੈਜ ਲੋਡਿਡ ਪਾਸਤਾ, ਆਸਾਨ ਹੈ ਬਣਾਉਣ ਦੀ ਵਿਧੀ

Veg Loaded Pasta Recipe: ਪਾਸਤਾ ਖਾਣ ਵਿਚ ਬਹੁਤ ਹੀ ਸੁਆਦ ਲੱਗਦਾ ਹੈ ਅਤੇ ਇਸ ਨੂੰ ਬਣਾਉਣਾ ਵੀ ਬਹੁਤ ਆਸਾਨ ਹੁੰਦਾ ਹੈ। ਤੁਸੀਂ ਇਸਨੂੰ ਆਰਾਮ ਨਾਲ ਪੈਕ ਕਰ ਸਕਦੇ ਹੋ ਅਤੇ ਇਸ ਨੂੰ ਕਿਸੇ ਵੀ ਥਾਂ ਲਿਜਾ ਕੇ ਖਾ ਸਕਦੇ ਹੋ। ਖਾਣੇ ਵਿੱਚ ਵੈਰਾਇਟੀ ਰਹੇ ਤਾਂ ਬੱਚੇ ਵੀ ਸਬਜ਼ੀਆਂ ਖੁਸ਼ ਹੋ ਕੇ ਖਾਂਦੇ ਹਨ। ਇਸ ਲਈ ਵੈਜ ਲੋਡਿਡ ਪਾਸਤਾ ਬੱਚਿਆਂ ਨੂੰ ਸਕੂਲ ਲੰਚ ਲਈ ਪੈਕ ਕਰਕੇ ਦੇਣ ਲਈ ਸਹੀ ਡਿਸ਼ ਹੋ ਸਕਦੀ ਹੈ। ਪਾਸਤਾ ਇੱਕ ਅਜਿਹੀ ਡਿਸ਼ ਹੈ ਜਿਸ ਨੂੰ ਬਣਾਉਣ ਵਿੱਚ ਤੁਹਾਨੂੰ ਜ਼ਿਆਦਾ ਸਮਾਂ ਨਹੀਂ ਲਗਦਾ ਹੈ। ਇਸ ਨੂੰ ਬਣਾਉਣ ਵਿੱਚ ਤੁਹਾਨੂੰ ਲਗਭਗ 20 ਮਿੰਟ ਲੱਗਣਗੇ।

ਪਾਸਤਾ ਕਈ ਤਰੀਕਿਆਂ ਨਾਲ ਬਣਾਇਆ ਜਾਂਦਾ ਹੈ ਅਤੇ ਇਹ ਹਰ ਤਰ੍ਹਾਂ ਨਾਲ ਬਹੁਤ ਪਸੰਦ ਕੀਤਾ ਜਾਂਦਾ ਹੈ। ਅੱਜ ਅਸੀਂ ਤੁਹਾਡੇ ਨਾਲ ਵੈਜ ਲੋਡਿਡ ਪਾਸਤਾ ਦੀ ਰੈਸਿਪੀ ਸਾਂਝੀ ਕਰਨ ਜਾ ਰਹੇ ਹਾਂ, ਇਸ ਬਣਾਉਣਾ ਆਸਾਨ ਹੈ ਤੇ ਇਸ ਵਿੱਚ ਮੌਜੂਦ ਸਬਜ਼ੀਆਂ ਬੱਚਿਆਂ ਦੀ ਸਿਹਤ ਲਈ ਕਾਫੀ ਲਾਭਦਾਇਕ ਹੁੰਦੀਆਂ ਹਨ। ਆਓ ਜਾਣਦੇ ਹਾਂ ਇਸ ਨੂੰ ਬਣਾਉਣ ਦੀ ਵਿਧੀ...

ਵੈਜ ਲੋਡਿਡ ਪਾਸਤਾ ਬਣਾਉਣ ਲਈ ਸਮੱਗਰੀ

2 ਕੱਪ ਪਾਸਤਾ, 1 ਬਾਰੀਕ ਕੱਟਿਆ ਹੋਇਆ ਟਮਾਟਰ, 1 ਬਾਰੀਕ ਕੱਟਿਆ ਪਿਆਜ਼, 1 ਬਾਰੀਕ ਕੱਟੀ ਹੋਈ ਸ਼ਿਮਲਾ ਮਿਰਚ, 1 ਚਮਚ ਅਦਰਕ-ਲਸਣ ਦਾ ਪੇਸਟ, 1/2 ਕੱਪ ਟਮਾਟਰ ਪਿਊਰੀ, 1/2 ਕੱਪ ਕਰੀਮ, 2 ਚਮਚ ਮੱਖਣ, ਸੁਆਦ ਅਨੁਸਾਰ ਲੂਣ, ½ ਚਮਚ ਓਰੇਗਨੋ ਅਤੇ ਚਿਲੀ ਫਲੇਕਸ

ਵੈਜ ਲੋਡਿਡ ਪਾਸਤਾ ਬਣਾਉਣ ਦੀ ਵਿਧੀ

-ਵੈਜ ਲੋਡਿਡ ਪਾਸਤਾ ਬਣਾਉਣ ਲਈ ਇੱਕ ਪੈਨ ਲਓ ਅਤੇ ਇਸ ਵਿੱਚ ਪਾਣੀ ਪਾਓ। ਹੁਣ ਇਸ 'ਚ ਪਾਸਤਾ ਅਤੇ ਥੋੜ੍ਹਾ ਜਿਹਾ ਨਮਕ ਪਾਓ।

-ਹੁਣ ਇਸ ਵਿਚ 4-5 ਬੂੰਦਾਂ ਤੇਲ ਪਾਓ ਅਤੇ ਪਾਸਤਾ ਨੂੰ ਉਬਾਲਣ ਦਿਓ।

-ਧਿਆਨ ਰੱਖੋ ਕਿ ਤੁਸੀਂ ਪਾਸਤਾ ਨੂੰ ਪੂਰੀ ਤਰ੍ਹਾਂ ਨਹੀਂ ਪਕਾਉਣ ਹੈ, ਇਸ ਨੂੰ ਸਿਰਫ ਓਨਾ ਹੀ ਪਕਾਓ ਕਿ ਇਹ ਕੱਚਾ ਨਾ ਰਹਿ ਜਾਵੇ।

-ਇਸ ਤੋਂ ਬਾਅਦ ਗੈਸ 'ਤੇ ਇਕ ਪੈਨ ਰੱਖ ਕੇ ਉਸ 'ਚ ਮੱਖਣ ਪਾ ਦਿਓ। ਹੁਣ ਇਸ 'ਚ ਅਦਰਕ-ਲਸਣ ਦਾ ਪੇਸਟ ਮਿਲਾਓ।

-ਇਸ ਵਿਚ ਬਾਰੀਕ ਕੱਟਿਆ ਪਿਆਜ਼, ਟਮਾਟਰ ਅਤੇ ਸ਼ਿਮਲਾ ਮਿਰਚ ਪਾਓ।

-ਇਸ ਵਿਚ ਗਾਜਰ, ਸਵੀਟ ਕੋਰਨ ਅਤੇ ਬਰੋਕਲੀ ਵੀ ਮਿਲਾਈ ਜਾ ਸਕਦੀ ਹੈ।

-ਇਸ ਵਿਚ ਟਮਾਟਰ ਦੀ ਪਿਊਰੀ ਪਾ ਕੇ ਮਿਕਸ ਕਰ ਲਓ। ਇਸ ਵਿੱਚ ਸੁਆਦ ਅਨੁਸਾਰ ਨਮਕ ਪਾਓ।

-ਹੁਣ ਚਿਲੀ ਫਲੇਕਸ ਅਤੇ ਓਰੈਗਨੋ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰ ਲਓ।

-ਇਸ ਵਿਚ ਕਰੀਮ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਬਹੁਤ ਸਾਰੇ ਲੋਕ ਚਿਲੀ ਫਲੇਕਸ ਅਤੇ ਓਰੈਗਨੋ ਨਹੀਂ ਖਾਂਦੇ, ਇਸ ਲਈ ਤੁਸੀਂ ਚਾਹੋ ਤਾਂ ਇਸ ਨੂੰ ਛੱਡ ਵੀ ਸਕਦੇ ਹੋ।