Hyundai ਤੇ Kia ਜਲਦ ਲਾਂਚ ਕਰਨਗੀਆਂ ਨਵੀਆਂ ਇਲੈਕਟ੍ਰਿਕ ਕਾਰਾਂ, ਜਾਣੋ ਯੋਜਨਾਵਾਂ

Upcoming Kia Hyundai Electric Cars In India: ਇਲੈਕਟ੍ਰਿਕ ਕਾਰਾਂ ਦਾ ਰੁਝਾਨ ਭਾਰਤ ਵਿੱਚ ਵਧਦਾ ਜਾ ਰਿਹਾ ਹੈ। ਵਾਹਨ ਨਿਰਮਾਤਾ ਕੰਪਨੀਆਂ ਆਪਣੇ ਨਵੇਂ ਮਾਡਲਜ਼ ਲਾਂਚ ਕਰ ਰਹੀਆਂ ਹਨ। ਜਿਸ ਤਰ੍ਹਾਂ ਭਾਰਤ 'ਚ ਇਲੈਕਟ੍ਰਿਕ ਕਾਰਾਂ ਦੀ ਵਿਕਰੀ ਜ਼ੋਰ ਫੜ ਰਹੀ ਹੈ ਤਾਂ ਅਜਿਹੇ 'ਚ ਦੱਖਣੀ ਕੋਰੀਆ ਦੀ ਕੰਪਨੀ ਹੁੰਡਈ ਮੋਟਰਸ (Hyundai Motors) ਅਤੇ ਉਸ ਦੇ ਸਬ-ਬ੍ਰਾਂਡ ਕੀਆ ਮੋਟਰਜ਼ (Kia Motors) ਆਉਣ ਵਾਲੇ ਸਮੇਂ 'ਚ ਕਈ ਇਲੈਕਟ੍ਰਿਕ ਕਾਰਾਂ ਦੇ ਮਾਡਲ ਲਾਂਚ ਕਰਨ ਦੀ ਤਿਆਰੀ ਕਰ ਰਹੇ ਹਨ।

ਸਾਲ 2023 ਤੱਕ Hyundai ਅਤੇ Kia ਦੀਆਂ ਕੁੱਲ 5 ਇਲੈਕਟ੍ਰਿਕ ਕਾਰਾਂ ਭਾਰਤੀ ਬਾਜ਼ਾਰ 'ਚ ਦਸਤਕ ਦੇਣਗੀਆਂ। ਫਿਲਹਾਲ ਇਨ੍ਹਾਂ ਦੋਵਾਂ ਕੰਪਨੀਆਂ ਨੇ ਭਾਰਤ 'ਚ Hyundai Kona EV ਅਤੇ Kia EV6 ਵਰਗੀਆਂ ਕਾਰਾਂ ਲਾਂਚ ਕੀਤੀਆਂ ਹਨ। Hyundai ਅਤੇ Kia ਭਾਰਤ ਵਿੱਚ ਹਰ ਸਾਲ 2-2 ਇਲੈਕਟ੍ਰਿਕ ਕਾਰਾਂ ਲਾਂਚ ਕਰਨ ਦੀ ਯੋਜਨਾ ਬਣਾ ਰਹੇ ਹਨ।

Hyundai ionic 5 ਆ ਰਹੀ ਹੈ
Hyundai Kona ਦਾ ਅਪਡੇਟਿਡ ਵਰਜ਼ਨ ਯਾਨੀ 2022 Hyundai Kona Facelift ਇਸ ਸਾਲ ਭਾਰਤ 'ਚ ਲਾਂਚ ਹੋਣ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ Hyundai Ionic 5 ਵੀ ਭਾਰਤੀ ਬਾਜ਼ਾਰ 'ਚ ਦਸਤਕ ਦੇਵੇਗੀ। ਹਾਲ ਹੀ ਵਿੱਚ, Kia Motors ਨੇ Kia EV ਨੂੰ ਭਾਰਤ ਵਿੱਚ ਪੇਸ਼ ਕੀਤਾ ਅਤੇ ਭਾਰਤੀ ਗਾਹਕਾਂ ਨੇ ਇਸ ਨੂੰ ਹੱਥਾਂ ਵਿੱਚ ਲਿਆ। ਆਉਣ ਵਾਲੇ ਸਮੇਂ 'ਚ Kia E-Niro ਵਰਗੀਆਂ ਇਲੈਕਟ੍ਰਿਕ ਕਾਰਾਂ ਵੀ ਭਾਰਤੀ ਸੜਕਾਂ 'ਤੇ ਚਲਦੀਆਂ ਨਜ਼ਰ ਆਉਣਗੀਆਂ।

ਦਰਅਸਲ, ਹੁੰਡਈ ਅਤੇ ਕੀਆ ਸਾਲ 2024 ਤੱਕ ਭਾਰਤ ਵਿੱਚ ਮੇਡ ਇਨ ਇੰਡੀਆ ਇਲੈਕਟ੍ਰਿਕ ਕਾਰ ਲਾਂਚ ਕਰਨ ਦੀ ਯੋਜਨਾ ਬਣਾ ਰਹੀਆਂ ਹਨ। ਅਜਿਹੀ ਸਥਿਤੀ ਵਿੱਚ, Tata Nexon EV ਦੇ ਨਾਲ, ਮਹਿੰਦਰਾ ਦੀਆਂ ਆਉਣ ਵਾਲੀਆਂ ਇਲੈਕਟ੍ਰਿਕ ਕਾਰਾਂ Kia ਅਤੇ Hyundai ਕਾਰਾਂ ਨਾਲ ਮੁਕਾਬਲਾ ਕਰਨਗੀਆਂ।

ਮੀਡੀਆ ਰਿਪੋਰਟਾਂ ਮੁਤਾਬਕ ਆਉਣ ਵਾਲੇ ਸਮੇਂ 'ਚ Hyundai ਅਤੇ Kia ਭਾਰਤ 'ਚ 200km-250km ਦੀ ਬੈਟਰੀ ਰੇਂਜ ਵਾਲੀਆਂ ਕਾਰਾਂ ਨੂੰ ਕਿਫਾਇਤੀ ਕੀਮਤਾਂ 'ਤੇ ਲਾਂਚ ਕਰਨਗੀਆਂ, ਜੋ ਇਸ ਸੈਗਮੈਂਟ 'ਚ ਮੁਕਾਬਲੇ ਨੂੰ ਤੇਜ਼ ਕਰ ਸਕਦੀਆਂ ਹਨ। ਹੁੰਡਈ ਆਪਣੇ 'ਸਮਾਰਟ ਈਵੀ' (Smart EV)ਪ੍ਰੋਜੈਕਟ ਦੇ ਤਹਿਤ 3 ਬਜਟ ਇਲੈਕਟ੍ਰਿਕ ਕਾਰਾਂ ਲਾਂਚ ਕਰੇਗੀ ਅਤੇ ਇਸ ਦੇ ਪਲੇਟਫਾਰਮ 'ਤੇ ਆਧਾਰਿਤ Kia ਦੀਆਂ ਇਲੈਕਟ੍ਰਿਕ ਕਾਰਾਂ ਵੀ ਇੱਥੇ ਬਾਜ਼ਾਰ 'ਚ ਆਉਣਗੀਆਂ।

ਤੁਹਾਨੂੰ ਦੱਸ ਦਈਏ ਕਿ ਟਾਟਾ ਮੋਟਰਸ ਇਸ ਸਮੇਂ ਭਾਰਤ ਵਿੱਚ EV ਸੈਗਮੈਂਟ 'ਤੇ ਹਾਵੀ ਹੈ ਅਤੇ ਇਹ ਕੰਪਨੀ Tata Nexon EV ਅਤੇ Nexon EV Max ਦੇ ਨਾਲ-ਨਾਲ Tigor EV ਦੇ ਆਧਾਰ 'ਤੇ ਇਲੈਕਟ੍ਰਿਕ ਸੈਗਮੈਂਟ ਨੂੰ ਨਿਯਮਿਤ ਕਰਦੀ ਹੈ।