• Home
  • »
  • News
  • »
  • lifestyle
  • »
  • ICICI BANK CUTS FD INTEREST RATE KNOW THE NEW RATE AND ITS EFFECT GH AP AS

ICICI ਬੈਂਕ ਨੇ FD 'ਤੇ ਵਿਆਜ ਦਰਾਂ ‘ਚ ਕੀਤੀ ਕਟੌਤੀ, ਜਾਣੋ ਕੀ ਹਨ ਨਵੀਆਂ ਵਿਆਜ ਦਰਾਂ

ਐਸਬੀਆਈ (SBI), ਐਚਡੀਐਫਸੀ ਬੈਂਕ (HDFC BANK), ਐਕਸਿਸ ਬੈਂਕ (AXIS BANK), ਇੰਡਸਇੰਡ ਬੈਂਕ (INDUSIND BANK) ਅਤੇ ਬੈਂਕ ਆਫ ਬੜੌਦਾ (BANK OF BARODA) ਵਰਗੇ ਹੋਰ ਵੱਡੇ ਬੈਂਕਾਂ ਵਾਂਗ, ICICI ਪ੍ਰਾਈਵੇਟ ਬੈਂਕ ਨੇ ਵੀ ਇਸ ਸਾਲ ਐਫਡੀ ਦਰਾਂ ਵਿੱਚ ਕਈ ਸੋਧਾਂ ਕੀਤੀਆਂ ਹਨ। ਵਿੱਤੀ ਸਾਲ 2022-23 ਲਈ ICICI ਬੈਂਕ ਦੀਆਂ FD ਦਰਾਂ ਵਿੱਚ ਇਹ ਪਹਿਲੀ ਕਟੌਤੀ ਹੋਵੇਗੀ। ਇਹ ਨਵੀਆਂ ਦਰਾਂ ਜਨਰਲ ਅਤੇ ਸੀਨੀਅਰ ਸਿਟੀਜ਼ਨ ਦੋਵਾਂ ਸ਼੍ਰੇਣੀਆਂ ਵਿੱਚ ਲਾਗੂ ਹੋਣਗੀਆਂ।

  • Share this:
ICICI ਬੈਂਕ ਨੇ ਫਿਕਸਡ ਡਿਪਾਜ਼ਿਟ (Fixed Deposit) ਯਾਨੀ ਕਿ FD 'ਤੇ ਵਿਆਜ ਦਰਾਂ 'ਚ ਕਟੌਤੀ ਕੀਤੀ ਹੈ। ਬੈਂਕ ਨੇ ਇਸ ਕਟੌਤੀ ਦਾ ਐਲਾਨ ਬੀਤੇ ਬੁੱਧਵਾਰ ਨੂੰ ਕੀਤਾ ਹੈ। ਬੈਂਕ ਨੇ ਵੱਖ-ਵੱਖ ਸਮੇਂ ਲਈ 5 ਆਧਾਰ ਅੰਕਾਂ ਦੀ ਕਟੌਤੀ ਕੀਤੀ ਹੈ। 2 ਕਰੋੜ ਰੁਪਏ ਤੋਂ ਵੱਧ ਪਰ 5 ਕਰੋੜ ਰੁਪਏ ਤੋਂ ਘੱਟ ਦੀ FD 'ਤੇ ਵਿਆਜ ਦਰਾਂ ਨੂੰ ਸੋਧਿਆ ਗਿਆ ਹੈ। ਨਵੀਆਂ ਦਰਾਂ 6 ਅਪ੍ਰੈਲ 2022 ਤੋਂ ਲਾਗੂ ਹੋ ਗਈਆਂ ਹਨ।

ਤੁਹਾਨੂੰ ਦੱਸ ਦੇਈਏ ਕਿ ਐਸਬੀਆਈ (SBI), ਐਚਡੀਐਫਸੀ ਬੈਂਕ (HDFC BANK), ਐਕਸਿਸ ਬੈਂਕ (AXIS BANK), ਇੰਡਸਇੰਡ ਬੈਂਕ (INDUSIND BANK) ਅਤੇ ਬੈਂਕ ਆਫ ਬੜੌਦਾ (BANK OF BARODA) ਵਰਗੇ ਹੋਰ ਵੱਡੇ ਬੈਂਕਾਂ ਵਾਂਗ, ICICI ਪ੍ਰਾਈਵੇਟ ਬੈਂਕ ਨੇ ਵੀ ਇਸ ਸਾਲ ਐਫਡੀ ਦਰਾਂ ਵਿੱਚ ਕਈ ਸੋਧਾਂ ਕੀਤੀਆਂ ਹਨ। ਵਿੱਤੀ ਸਾਲ 2022-23 ਲਈ ICICI ਬੈਂਕ ਦੀਆਂ FD ਦਰਾਂ ਵਿੱਚ ਇਹ ਪਹਿਲੀ ਕਟੌਤੀ ਹੋਵੇਗੀ। ਇਹ ਨਵੀਆਂ ਦਰਾਂ ਜਨਰਲ ਅਤੇ ਸੀਨੀਅਰ ਸਿਟੀਜ਼ਨ ਦੋਵਾਂ ਸ਼੍ਰੇਣੀਆਂ ਵਿੱਚ ਲਾਗੂ ਹੋਣਗੀਆਂ।

ਕੀ ਹਨ ਨਵੀਆਂ ਦਰਾਂ?
1 ਸਾਲ ਤੋਂ ਵੱਧ ਦੀ ਮਿਆਦ ਵਾਲੀ FD 'ਤੇ 5 ਆਧਾਰ ਅੰਕਾਂ ਦੀ ਕਟੌਤੀ ਕੀਤੀ ਗਈ ਹੈ। ICICI ਬੈਂਕ 1 ਸਾਲ ਤੋਂ 389 ਦਿਨਾਂ ਅਤੇ 390 ਦਿਨਾਂ ਤੋਂ 15 ਮਹੀਨਿਆਂ ਤੋਂ ਘੱਟ ਦੇ ਸਮੇਂ ਦੀ ਐਫਡੀ ਉੱਤੇ 4.15% ਵਿਆਜ ਦਰ ਦੀ ਪੇਸ਼ਕਸ਼ ਕੀਤੀ ਹੈ। ਪਹਿਲਾਂ ਇਹ ਵਿਆਜ ਦਰ 4.20% ਸੀ। ਬੈਂਕ 15 ਮਹੀਨਿਆਂ ਤੋਂ ਵੱਧ ਅਤੇ 18 ਮਹੀਨਿਆਂ ਤੋਂ ਘੱਟ ਕਾਰਜਕਾਲ ਵਾਲੀ ਐਫਡੀ 'ਤੇ 4.20 ਫੀਸਦੀ ਵਿਆਜ ਦੀ ਪੇਸ਼ਕਸ਼ ਕਰ ਰਿਹਾ ਹੈ, ਜੋ ਪਹਿਲਾਂ 4.25 ਫੀਸਦੀ ਸੀ।

ਇਸਦੇ ਨਾਲ ਹੀ18 ਮਹੀਨੇ ਤੋਂ 2 ਸਾਲ ਦੀ ਐਫਡੀ 'ਤੇ 4.35 ਫੀਸਦੀ ਦੀ ਬਜਾਏ 4.30 ਫੀਸਦੀ ਵਿਆਜ ਦਿੱਤਾ ਜਾਵੇਗਾ। 2 ਸਾਲ ਤੋਂ 3 ਸਾਲ ਦੇ ਕਾਰਜਕਾਲ 'ਤੇ 4.55 ਫੀਸਦੀ ਦੀ ਬਜਾਏ 4.50 ਫੀਸਦੀ ਵਿਆਜ ਮਿਲੇਗਾ। 3 ਸਾਲ ਤੋਂ ਵੱਧ ਤੋਂ ਵੱਧ 10 ਸਾਲਾਂ ਤੱਕ ਸੋਧ ਦਰ 4.60 ਪ੍ਰਤੀਸ਼ਤ ਹੈ, ਜੋ ਪਹਿਲਾਂ 4.65 ਪ੍ਰਤੀਸ਼ਤ ਸੀ।

ਜ਼ਿਕਰਯੋਗ ਹੈ ਕਿ 1 ਸਾਲ ਤੋਂ ਘੱਟ ਮਿਆਦ ਦੀ FD 'ਤੇ ਵਿਆਜ ਦਰਾਂ 'ਚ ਕੋਈ ਬਦਲਾਅ ਨਹੀਂ ਹੈ। 2.50% ਵਿਆਜ ਦਰ ਹਰ 7 ਦਿਨਾਂ ਤੋਂ 14 ਦਿਨਾਂ ਅਤੇ 15 ਦਿਨਾਂ ਤੋਂ 29 ਦਿਨਾਂ ਦੇ ਕਾਰਜਕਾਲ ਵਿੱਚ ਪੇਸ਼ ਕੀਤੀ ਜਾਂਦੀ ਹੈ, ਜਦੋਂ ਕਿ 2.75% ਦੀ ਪੇਸ਼ਕਸ਼ ਹਰ 30 ਦਿਨਾਂ ਤੋਂ 45 ਦਿਨਾਂ ਅਤੇ 46 ਦਿਨਾਂ ਤੋਂ 60 ਦਿਨਾਂ ਵਿੱਚ ਕੀਤੀ ਜਾਂਦੀ ਹੈ। 61 ਦਿਨਾਂ ਤੋਂ 90 ਦਿਨਾਂ ਤੱਕ ਦੇ ਕਾਰਜਕਾਲ ਲਈ 3% ਦੀ ਦਰ ਲਾਗੂ ਹੁੰਦੀ ਹੈ।

ਇਸ ਤੋਂ ਬਿਨ੍ਹਾਂ 3.35% ਵਿਆਜ ਦਰ 91 ਦਿਨਾਂ ਤੋਂ ਲੈ ਕੇ 184 ਦਿਨਾਂ ਤੱਕ ਦੀ ਮਿਆਦ ਲਈ ਲਾਗੂ ਹੈ। ਇਸ ਤੋਂ ਇਲਾਵਾ 185 ਦਿਨਾਂ ਤੋਂ 270 ਦਿਨਾਂ ਤੱਕ 3.60% ਦਿੱਤਾ ਜਾਂਦਾ ਹੈ। ਜਦੋਂ ਕਿ ਹਰ 271 ਦਿਨਾਂ ਤੋਂ ਲੈ ਕੇ 1 ਸਾਲ ਤੋਂ ਘੱਟ ਸਮੇਂ ਲਈ 3.70% ਵਿਆਜ ਦਰ ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ।
Published by:Amelia Punjabi
First published: