Train 'ਚ ਸਮਾਨ ਗਵਾਚ ਜਾਣ 'ਤੇ, ਦੇਖੋ Railway ਵੈੱਬਸਾਈਟ, ਜਾਣੋ ਕੀ ਹੈ ਮਿਸ਼ਨ ਅਮਾਨਤ

ਰੇਲਵੇ ਵਿਭਾਗ ਯਾਤਰੀਆਂ ਲਈ ਨਵੀਂ ਸੇਵਾ ਲੈ ਕੇ ਆਇਆ ਹੈ। ਇਸ ਸੇਵਾ ਨੂੰ ਮਿਸ਼ਨ ਅਮਾਨਤ ਦਾ ਨਾਂ ਦਿੱਤਾ ਗਿਆ ਹੈ। ਇਸ ਨਾਲ ਯਾਤਰੀਆਂ ਨੂੰ ਆਪਣਾ ਰੇਲ-ਗੱਡੀ ਦੇ ਸਫ਼ਰ ਦੌਰਾਨ ਆਪਣੇ ਗਵਾਚਿਆ ਸਮਾਨ ਲੱਭਣ ਵਿੱਚ ਬਹੁਤ ਸੌਖ ਹੋਵੇਗੀ। ਹੁਣ ਯਾਤਰੀਆਂ ਨੂੰ ਸਮਾਨ ਗਵਾਚ ਜਾਣ ਉਪਰੰਤ ਖੱਜਲ ਖਵਾਰ ਹੋਣ ਦੀ ਲੋੜ ਨਹੀਂ।

ਗਵਾਚੇ ਸਮਾਨ ਨੂੰ ਲੱਭਣ ਲਈ ਹੁਣ ਯਾਤਰੀਆਂ ਨੂੰ ਰੇਲਵੇ ਵੈੱਬਸਾਈਟ ਨੂੰ ਦੇਖਣਾ ਹੋਵੇਗਾ, ਕਿਉਂਕਿ ਮਿਸ਼ਨ ਅਮਾਨਤ ਦੇ ਤਹਿਤ, ਰੇਲਵੇ ਸੁਰੱਖਿਆ ਬਲ (RPF) ਗੁੰਮ ਹੋਏ ਸਮਾਨ ਨੂੰ ਲੱਭ ਰਿਹਾ ਹੈ ਅਤੇ ਇਸਦੀ ਫੋਟੋ ਅਤੇ ਵੇਰਵੇ ਰੇਲਵੇ ਦੀ ਵੈੱਬਸਾਈਟ 'ਤੇ ਪਾ ਰਿਹਾ ਹੈ। ਇੱਥੋਂ ਯਾਤਰੀ ਪਛਾਣ ਕਰਕੇ ਆਪਣਾ ਸਾਮਾਨ ਵਾਪਸ ਲੈ ਸਕਦੇ ਹਨ।

ਜ਼ਿਕਰਯੋਗ ਹੈ ਕਿ ਪੱਛਮੀ ਰੇਲਵੇ ਨੇ ਟਵੀਟ ਕਰਕੇ ਇਹ ਜਾਣਕਾਰੀ ਦਿੱਤੀ ਹੈ। ਮਿਸ਼ਨ ਅਮਾਨਤ ਦੇ ਤਹਿਤ, ਰੇਲਵੇ ਸੁਰੱਖਿਆ ਬਲ (ਆਰਪੀਐਫ) ਰੇਲਵੇ ਯਾਤਰੀਆਂ ਦੇ ਗੁੰਮ ਹੋਏ ਸਮਾਨ ਨੂੰ ਲੱਭੇਗਾ ਅਤੇ ਇਸ ਸਮਾਨ ਦੀ ਫੋਟੋ ਅਤੇ ਵੇਰਵਾ ਪੱਛਮੀ ਰੇਲਵੇ ਦੀ ਵੈੱਬਸਾਈਟ 'ਤੇ ਪਾ ਦੇਵੇਗਾ। ਇਸ ਨਾਲ ਯਾਤਰੀਆਂ ਨੂੰ ਆਪਣੇ ਸਮਾਨ ਦੀ ਪਛਾਣ ਕਰਨਾ ਅਤੇ ਮੁੜ ਪ੍ਰਾਪਤ ਕਰਨਾ ਆਸਾਨ ਹੋ ਜਾਵੇਗਾ।

• ਯਾਤਰੀਆਂ ਨੂੰ ਆਪਣੇ ਗੁੰਮ ਹੋਏ ਸਮਾਨ ਦਾ ਪਤਾ ਲਗਾਉਣ ਅਤੇ ਪਛਾਣ ਕਰਨ ਲਈ ਪੱਛਮੀ ਰੇਲਵੇ ਦੀ ਵੈੱਬਸਾਈਟ http://wr.indianrailways.gov.in 'ਤੇ ਜਾਣਾ ਹੋਵੇਗਾ।

• ਇਸ ਵੈੱਬਸਾਈਟ 'ਤੇ, ਤੁਹਾਨੂੰ "ਮਿਸ਼ਨ ਅਮਾਨਤ - RPF" ਟੈਬ 'ਤੇ ਕਲਿੱਕ ਕਰਨਾ ਹੋਵੇਗਾ। ਇੱਥੇ, RPF ਮਿਸ਼ਨ ਅਮਾਨਤ ਦੇ ਤਹਿਤ ਫੋਟੋਆਂ ਦੇ ਨਾਲ ਗੁਆਚੀਆਂ ਚੀਜ਼ਾਂ ਦੇ ਵੇਰਵੇ ਸਾਂਝੇ ਕਰਦਾ ਹੈ।

• ਜੇਕਰ ਤੁਹਾਨੂੰ ਵੈੱਬਸਾਈਟ 'ਤੇ ਆਪਣਾ ਸਾਮਾਨ ਮਿਲਦਾ ਹੈ, ਤਾਂ ਤੁਸੀਂ ਸਾਮਾਨ ਆਪਣੇ ਹੋਣ ਦਾ ਸਬੂਤ ਦੇ ਕੇ ਪ੍ਰਾਪਤ ਕਰ ਸਕਦੇ ਹੋ।

ਦੱਸ ਦੇਈਏ ਕਿ ਪੱਛਮੀ ਰੇਲਵੇ ਦੇ ਅਨੁਸਾਰ, ਸਾਲ 2021 ਦੇ ਦੌਰਾਨ, ਪੱਛਮੀ ਰੇਲਵੇ ਜ਼ੋਨ ਦੀ ਰੇਲਵੇ ਸੁਰੱਖਿਆ ਫੋਰਸ ਨੇ ਕੁੱਲ 1,317 ਰੇਲਵੇ ਯਾਤਰੀਆਂ ਦੇ 2.58 ਕਰੋੜ ਰੁਪਏ ਦੇ ਸਾਮਾਨ ਨੂੰ ਬਰਾਮਦ ਕੀਤਾ ਅਤੇ ਉਨ੍ਹਾਂ ਨੂੰ ਸਹੀ ਤਸਦੀਕ ਤੋਂ ਬਾਅਦ ਉਨ੍ਹਾਂ ਦੇ ਅਸਲ ਮਾਲਕਾਂ ਨੂੰ ਵਾਪਸ ਕਰ ਦਿੱਤਾ। ਪੱਛਮੀ ਰੇਲਵੇ ਦੀ ਰੇਲਵੇ ਸੁਰੱਖਿਆ ਫੋਰਸ 'ਮਿਸ਼ਨ ਅਮਾਨਤ' ਤਹਿਤ ਰੇਲ ਯਾਤਰੀਆਂ ਨੂੰ ਇਹ ਸੇਵਾ ਪ੍ਰਦਾਨ ਕਰ ਰਹੀ ਹੈ। ਇਸ ਸੇਵਾ ਨਾਲ ਯਾਤਰੀਆਂ ਨੂੰ ਸਮਾਨ ਲੱਭਣ ਵਿੱਚ ਬਹੁਤ ਹੀ ਮਦਦ ਮਿਲੀ ਹੈ।