Good News : ਭਾਰਤ 'ਚ iPhone ਯੂਜ਼ਰਸ ਲਈ ਅਗਲੇ ਹਫਤੇ ਤੋਂ 5G ਸਰਵਿਸ ਸ਼ੁਰੂ

ਐਪਲ ਯੂਜ਼ਰਸ ਲਈ ਚੰਗੀ ਖਬਰ ਹੈ। ਹੁਣ ਦੇਸ਼ ਵਿੱਚ ਆਈਫੋਨ ਦੀ ਵਰਤੋਂ ਕਰਨ ਵਾਲੇ ਲੋਕ 5ਜੀ ਸੇਵਾ ਦਾ ਲਾਭ ਲੈ ਸਕਣਗੇ। ਇਹ ਸਹੂਲਤ 07 ਨਵੰਬਰ ਤੋਂ ਉਪਲਬਧ ਹੋਵੇਗੀ। ਯੂਜ਼ਰਸ ਨੂੰ ਇਹ ਸਹੂਲਤ iOS 16 ਬੀਟਾ ਸਾਫਟਵੇਅਰ ਪ੍ਰੋਗਰਾਮ ਰਾਹੀਂ ਮਿਲੇਗੀ। ਦੂਰਸੰਚਾਰ ਮੰਤਰਾਲੇ ਦੇ ਅਨੁਸਾਰ, 5ਜੀ ਨੂੰ ਇੱਕ ਸਾਫਟਵੇਅਰ ਅਪਡੇਟ ਰਾਹੀਂ ਸਪੋਰਟ ਕੀਤਾ ਜਾਵੇਗਾ ਅਤੇ ਦਸੰਬਰ ਮਹੀਨੇ ਵਿੱਚ ਸਾਰੇ ਆਈਫੋਨਜ਼ 'ਤੇ ਰੋਲਆਊਟ ਕੀਤਾ ਜਾਵੇਗਾ। ਜਦੋਂ ਕਿ ਐਂਡ੍ਰਾਇਡ ਯੂਜ਼ਰਸ ਲਈ 5ਜੀ ਫੋਨ ਪਹਿਲਾਂ ਹੀ ਬਾਜ਼ਾਰ 'ਚ ਆ ਚੁੱਕੇ ਸਨ। One Plus, Samsung, Real Me ਆਦਿ ਵਰਗੀਆਂ ਕੰਪਨੀਆਂ ਪਿਛਲੇ ਕਈ ਮਹੀਨਿਆਂ ਤੋਂ ਲਗਾਤਾਰ 5G ਸਮਾਰਟਫੋਨ ਲਾਂਚ ਕਰ ਰਹੀਆਂ ਹਨ। ਆਈਫੋਨ 'ਚ 5ਜੀ ਸੇਵਾ ਬੀਟਾ ਸਾਫਟਵੇਅਰ ਪ੍ਰੋਗਰਾਮ ਦੇ ਤਹਿਤ ਉਪਲਬਧ ਹੋਵੇਗੀ। ਇਸ 'ਚ ਹਿੱਸਾ ਲੈਣ ਵਾਲੇ ਏਅਰਟੈੱਲ ਅਤੇ ਜੀਓ ਦੇ ਗਾਹਕ ਅਪਡੇਟ ਤੋਂ ਬਾਅਦ ਹੀ 5ਜੀ ਦੀ ਵਰਤੋਂ ਕਰ ਸਕਣਗੇ। ਆਈਫੋਨ-14, ਆਈਫੋਨ-13, ਆਈਫੋਨ-12 ਅਤੇ ਆਈਫੋਨ SE (ਤੀਜੀ ਪੀੜ੍ਹੀ) ਫੋਨ ਚਲਾਉਣ ਵਾਲੇ ਉਪਭੋਗਤਾ 5ਜੀ ਲਈ ਬੀਟਾ ਸਾਫਟਵੇਅਰ ਪ੍ਰੋਗਰਾਮ ਦੀ ਵਰਤੋਂ ਕਰ ਸਕਦੇ ਹਨ।

ਐਪਲ ਬੀਟਾ ਸੌਫਟਵੇਅਰ ਪ੍ਰੋਗਰਾਮ ਉਪਭੋਗਤਾਵਾਂ ਨੂੰ ਪ੍ਰੀ-ਰਿਲੀਜ਼ ਸੌਫਟਵੇਅਰ ਨੂੰ ਅਜ਼ਮਾਉਣ ਅਤੇ ਸੌਫਟਵੇਅਰ ਦੇ ਵਧੇਰੇ ਵਿਆਪਕ ਤੌਰ 'ਤੇ ਉਪਲਬਧ ਹੋਣ ਤੋਂ ਪਹਿਲਾਂ ਨਵੇਂ ਫੀਚਰਸ ਦਾ ਐਕਸਪੀਰੀਅੰਸ ਕਰਨ ਦਾ ਮੌਕਾ ਦਿੰਦਾ ਹੈ। ਐਪਲ ਬੀਟਾ ਸੌਫਟਵੇਅਰ ਪ੍ਰੋਗਰਾਮ ਦੀ ਵਰਤੋਂ ਕਰਨ ਲਈ, ਤੁਹਾਡੇ ਆਈਫੋਨ ਨੂੰ ਨਵੀਨਤਮ ਪਬਲਿਕ ਬੀਟਾ ਤੱਕ ਪਹੁੰਚ ਕਰਨ ਲਈ ਨਾਮਜ਼ਦ ਕੀਤਾ ਜਾਣਾ ਚਾਹੀਦਾ ਹੈ। ਐਪਲ ਬੀਟਾ ਸੌਫਟਵੇਅਰ ਪ੍ਰੋਗਰਾਮ ਬਾਰੇ ਹੋਰ ਜਾਣਨ ਲਈ ਉਪਭੋਗਤਾ beta.apple.com 'ਤੇ ਜਾ ਸਕਦੇ ਹਨ।

ਕੇਂਦਰ ਸਰਕਾਰ ਨੇ 1 ਅਕਤੂਬਰ ਤੋਂ ਦੇਸ਼ ਵਿੱਚ 5ਜੀ ਸੇਵਾ ਸ਼ੁਰੂ ਕੀਤੀ ਹੈ। 5 ਸੇਵਾ ਦੀ ਸ਼ੁਰੂਆਤ ਖੁਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕੀਤੀ ਸੀ। ਇਸ ਮੌਕੇ 'ਤੇ ਪੀਐਮ ਨੇ ਕਿਹਾ ਸੀ ਕਿ ਭਾਰਤ ਦੁਨੀਆ ਦੀ ਤਕਨੀਕੀ ਕ੍ਰਾਂਤੀ ਵਿੱਚ ਅਹਿਮ ਭੂਮਿਕਾ ਨਿਭਾਏਗਾ। 5G ਦੇ ਨਾਲ, ਭਾਰਤ ਦੂਰਸੰਚਾਰ ਤਕਨਾਲੋਜੀ ਵਿੱਚ ਇੱਕ ਮੋਹਰੀ ਅਤੇ ਗਲੋਬਲ ਬੈਂਚਮਾਰਕ ਸਥਾਪਤ ਕਰ ਰਿਹਾ ਹੈ। 5ਜੀ ਨੌਜਵਾਨਾਂ ਲਈ ਕਈ ਮੌਕੇ ਖੋਲ੍ਹੇਗਾ। ਇਹ ਇੱਕ ਵਿਕਸਤ ਭਾਰਤ ਦੇ ਸਾਡੇ ਵਿਜ਼ਨ ਵੱਲ ਇੱਕ ਵੱਡਾ ਕਦਮ ਹੈ।