IRCTC ਨਾਲ ਕਰੋ ਰਾਜਸਥਾਨ ਦੀ 1 ਹਫਤੇ ਦੀ ਯਾਤਰਾ, ਜਾਣੋ ਕਿਰਾਇਆ ਅਤੇ ਘੁੰਮਣ ਵਾਲੀਆਂ ਥਾਵਾਂ ਬਾਰੇ ਡਿਟੇਲ

ਭਾਰਤ ਵਿੱਚ ਬਹੁਤ ਸਾਰੀਆਂ ਐਸੀਆਂ ਥਾਵਾਂ ਹਨ ਜਿੱਥੇ ਘੁੰਮਣ ਲਈ ਸਮਾਂ ਅਤੇ ਪੈਸਾ ਦੋਵਾਂ ਦਾ ਹੋਣਾ ਬਹੁਤ ਜ਼ਰੂਰੀ ਹੈ। ਜੇਕਰ ਤੁਸੀਂ ਵੀ ਘੁੰਮਣ ਦੇ ਸ਼ੌਕੀਨ ਹੋ ਤਾਂ ਅੱਜ ਅਸੀਂ ਤੁਹਾਡੇ ਲਈ IRCTC ਦਾ ਬਹੁਤ ਹੀ ਸ਼ਾਨਦਾਰ ਟੂਰ ਪੈਕੇਜ ਸਾਂਝਾ ਕਰਨ ਜਾ ਰਹੇ ਹਾਂ ਜਿਸ ਵਿੱਚ ਤੁਸੀਂ ਪੂਰੇ ਇੱਕ ਹਫਤੇ ਲਈ ਰਾਜਸਥਾਨ ਦੀ ਯਾਤਰਾ ਕਰ ਸਕਦੇ ਹੋ। ਤੁਸੀਂ ਇਸ ਟੂਰ ਦੌਰਾਨ ਰਾਜਸਥਾਨ ਦੇ ਵੱਖ-ਵੱਖ ਸ਼ਹਿਰਾਂ ਦਾ ਦੌਰਾ ਕਰ ਸਕਦੇ ਹੋ। ਤੁਹਾਨੂੰ ਬੀਕਾਨੇਰ, ਜੈਪੁਰ, ਜੈਸਲਮੇਰ, ਜੋਧਪੁਰ, ਪੁਸ਼ਕਰ ਅਤੇ ਉਦੈਪੁਰ ਜਾਣ ਦਾ ਮੌਕਾ ਵੀ ਮਿਲੇਗਾ।

ਤੁਹਾਨੂੰ ਦੱਸ ਦੇਈਏ ਕਿ IRCTC ਨੇ ਇਸ ਟੂਰ ਪੈਕੇਜ ਦਾ ਨਾਮ "ਹੈਰੀਟੇਜ ਟੂਰ ਆਫ ਰਾਜਸਥਾਨ ਐਕਸ ਭੁਵਨੇਸ਼ਵਰ" ਰੱਖਿਆ ਹੈ।

ਇਸਦੇ ਨਾਮ ਤੋਂ ਹੀ ਪਤਾ ਚਲ ਜਾਂਦਾ ਹੈ ਕਿ ਇਹ ਪੈਕੇਜ ਓਡੀਸ਼ਾ ਦੀ ਰਾਜਧਾਨੀ ਭੁਵਨੇਸ਼ਵਰ ਤੋਂ ਨ ਰਾਜਸਥਾਨ ਤੱਕ ਦਾ ਹੈ। ਇਸ ਟੂਰ ਦੀ ਜਾਣਕਾਰੀ IRCTC ਨੇ ਧਿਕਾਰਤ ਟਵਿਟਰ ਹੈਂਡਲ ਰਾਹੀਂ ਟਵੀਟ ਕਰਕੇ ਦਿੱਤੀ ਹੈ। ਜੇਕਰ ਇਸ ਪੈਕੇਜ ਦੇ ਸਮੇਂ ਦੀ ਗੱਲ ਕਰੀਏ ਕਿ ਇਹ ਕਿੰਨੇ ਦਿਨ ਦਾ ਟੂਰ ਹੈ ਤਾਂ IRCTC ਨੇ ਟਵੀਟ ਵਿੱਚ ਦੱਸਿਆ ਹੈ ਕਿ ਇਹ ਟੂਰ 8 ਦਿਨ ਅਤੇ 7 ਰਾਤਾਂ ਦਾ ਹੈ।

ਇੱਥੇ ਤੁਹਾਨੂੰ ਦੱਸ ਦੇਈਏ ਕਿ ਇਹ ਰੇਲ ਯਾਤਰਾ ਨਹੀਂ ਬਲਕਿ ਇੱਕ ਹਵਾਈ ਯਾਤਰਾ ਦਾ ਟੂਰ ਹੈ।

ਟੂਰ ਬਾਰੇ ਪੂਰੀ ਜਾਣਕਾਰੀ

ਨਾਮ- ਹੈਰੀਟੇਜ ਟੂਰ ਆਫ ਰਾਜਸਥਾਨ ਐਕਸ ਭੁਵਨੇਸ਼ਵਰ (SCBA48)

ਟੂਰ- ਬੀਕਾਨੇਰ, ਜੈਪੁਰ, ਜੈਸਲਮੇਰ, ਜੋਧਪੁਰ, ਪੁਸ਼ਕਰ ਅਤੇ ਉਦੈਪੁਰ

ਮਿਆਦ- 8 ਦਿਨ/7 ਰਾਤਾਂ

ਕਲਾਸ - ਕਮਫਰਟ

ਭੋਜਨ - ਨਾਸ਼ਤਾ ਅਤੇ ਰਾਤ ਦਾ ਖਾਣਾ

ਯਾਤਰਾ ਮੋਡ - ਫਲਾਈਟ

ਮਿਤੀ - 25 ਫਰਵਰੀ, 2023

ਰਵਾਨਗੀ ਦਾ ਸਮਾਂ - ਭੁਵਨੇਸ਼ਵਰ ਹਵਾਈ ਅੱਡਾ, 21:15 PM

ਜੇਕਰ ਇਸ ਟੂਰ ਪੈਕੇਜ ਦੇ ਕਿਰਾਏ ਦੀ ਗੱਲ ਕੀਤੀ ਜਾਵੇ ਤਾਂ ਇਹ ਵੱਖ-ਵੱਖ ਹੋਵੇਗਾ। ਵੈਸੇ ਇਸ ਦਾ ਕਿਰਾਇਆ 32,700 ਰੁਪਏ ਪ੍ਰਤੀ ਵਿਅਕਤੀ ਤੋਂ ਸ਼ੁਰੂ ਹੋ ਜਾਂਦਾ ਹੈ ਪਰ ਜੇਕਰ ਤੁਸੀਂ ਕਿਸੇ ਹੋਰ ਨੂੰ ਨਾਲ ਲਿਜਾਂਦੇ ਹੋ ਤਾਂ ਕਿਰਾਇਆ ਵੱਖਰਾ ਹੋਵੇਗਾ। ਦਰਅਸਲ ਇੱਕਲੇ ਵਿਅਕਤੀ ਲਈ ਕਿਰਾਇਆ 44,870 ਰੁਪਏ ਹੈ, ਜੇਕਰ ਦੋ ਲੋਕ ਸਫ਼ਰ ਕਰਦੇ ਹਨ ਤਾਂ ਪ੍ਰਤੀ ਵਿਅਕਤੀ 34,335 ਰੁਪਏ ਅਤੇ ਜੇਕਰ ਤੁਸੀਂ 3 ਲੋਕ ਆਫਰ ਕਰਦੇ ਹੋ ਤਾਂ ਪ੍ਰਤੀ ਵਿਅਕਤੀ 32,700 ਰੁਪਏ ਖਰਚ ਕਰਨੇ ਹੋਣਗੇ।

ਤੁਹਾਨੂੰ ਇਹ ਵੀ ਦੱਸ ਦੇਈਏ ਕਿ ਇਸ ਕਿਰਾਏ ਵਿੱਚ ਤੁਹਾਡੀ ਹਵਾਈ ਟਿਕਟ, ਹੋਟਲ ਵਿੱਚ ਠਹਿਰਨ, ਨਾਸ਼ਤੇ ਅਤੇ ਸਥਾਨਕ ਆਵਾਜਾਈ ਦੇ ਖਰਚੇ ਸ਼ਾਮਲ ਹਨ।

ਤੁਸੀਂ ਇਸ ਟੂਰ ਨੂੰ ਜੇਕਰ ਬੁੱਕ ਕਰਨਾ ਚਾਹੁੰਦੇ ਹੋ ਤਾਂ ਸਿੱਧਾ IRCTC ਦੀ ਵੈੱਬਸਾਈਟ www.irctctourism.com 'ਤੇ ਜਾ ਕੇ ਬੁੱਕ ਕਰ ਸਕਦੇ ਹੋ ਜਾਂ ਫਿਰ ਤੁਸੀਂ ਕਿਸੇ ਵੀ ਆਈਆਰਸੀਟੀਸੀ ਟੂਰਿਸਟ ਫੈਸੀਲੀਟੇਸ਼ਨ ਸੈਂਟਰ, ਜ਼ੋਨਲ ਦਫ਼ਤਰਾਂ ਅਤੇ ਖੇਤਰੀ ਦਫ਼ਤਰਾਂ ਰਾਹੀਂ ਵੀ ਬੁਕਿੰਗ ਕਰ ਸਕਦੇ ਹੋ।