Jail Cafe: ਲੋਕਾਂ ਵਿਚ ਮਸ਼ਹੂਰ ਹੋ ਰਿਹਾ ਹੈ ਇਹ ਜੇਲ੍ਹ ਕੈਫੇ, ਜਾਣੋ ਇਸ ਦੀਆਂ ਖ਼ਾਸੀਅਤਾਂ

Jail Cafe Delhi: ਵੋਕਟੀਰੀਆ ਪੁਲਿਸ ਨੇ ਇਕ ਸੌ ਸਾਲਾਂ ਦੀ ਔਰਤ ਨੂੰ ਹੱਥਕੜੀਆਂ ਲਗਾ ਕੇ ਗ੍ਰਿਫਤਾਰ ਕੀਤਾ ਤਾਂ ਇਹ ਗੱਲ ਪੂਰੀ ਦੁਨੀਆਂ ਵਿਚ ਫੈਲ ਗਈ। ਅਸਲ ਵਿਚ ਜ਼ਿੰਦਗੀ ਵਿਚ ਇਕ ਵਾਰ ਜੇਲ੍ਹ ਜਾਣਾ ਉਸ ਔਰਤ ਦਾ ਸੁਪਨਾ ਸੀ ਜੋ ਕਿ ਪੁਲਿਸ ਨੇ ਪੂਰਾ ਕਰ ਦਿੱਤਾ ਸੀ। ਜੇਕਰ ਏਸੇ ਤਰ੍ਹਾਂ ਦਾ ਹੀ ਕੋਈ ਸੁਪਨਾ ਤੁਹਾਡਾ ਵੀ ਹੈ ਤਾਂ ਹੁਣ ਪੁਲਿਸ ਵਿਭਾਗ ਤੱਕ ਅਪੀਲ ਕਰਨ ਦੀ ਲੋੜ ਨਹੀਂ ਹੈ। ਤੁਹਾਡੀ ਇਹ ਇੱਛਾ ਗਾਜ਼ੀਆਬਾਦ ਦੇ ਇਕ ਕੈਫ਼ੇ ਵਿਚ ਹੀ ਪੂਰੀ ਹੋ ਸਕਦੀ ਹੈ। ਜਿੱਥੇ ਤੁਸੀਂ ਕੈਦੀਆਂ ਵਾਂਗ ਹੱਥਕੜੀਆਂ ਲਗਾ ਕੇ ਖਾਣਾ ਖਾਓਗੇ।

ਅਸੀਂ ਗੱਲ ਕਰ ਰਹੇ ਹਾਂ ਗਾਜ਼ੀਆਬਾਦ ਵਿਚ ਬਣੇ ਜੇਲ੍ਹ ਕੈਫ਼ੇ ਦੀ। ਇਹ ਕੈਫ਼ੇ ਅਸਲ ਵਿਚ ਇਕ ਥੀਮ ਬੇਸਡ ਕੈਫ਼ੇ ਹੈ, ਉਵੇਂ ਹੀ ਜਿਵੇਂ ਕੋਈ ਥੀਮ ਬੇਸਡ ਵਿਆਹ ਹੁੰਦਾ ਹੈ। ਇਸ ਕੈਫ਼ੇ ਦਾ ਥੀਮ ਬੜ੍ਹਾ ਹੀ ਸਿੱਧਾ ਹੈ ਕਿ ਇੱਥੇ ਤੁਹਾਨੂੰ ਇਕ ਜੇਲ੍ਹ ਵਰਗਾ ਮਾਹੌਲ ਦਿੱਤਾ ਜਾਂਦਾ ਹੈ ਜੋ ਕਿ ਲੋਕਾਂ ਵਿਚ ਬਹੁਤ ਮਕਬੂਲ ਹੋ ਰਿਹਾ ਹੈ। ਲੋਕਾਂ ਲਈ ਇਹ ਜਗ੍ਹਾ ਪਾਰਟੀਆਂ ਤੇ ਇਨਜਾਏਮੈਂਟ ਲਈ ਖਿੱਚ ਦਾ ਕੇਂਦਰ ਬਣੀ ਹੋਈ ਹੈ।

ਸ਼ਾਲੀਮਾਰ ਗਾਰਡਨ ਵਿਚ ਸਥਿਤ ਜੇਲ੍ਹ ਕੈਫ਼ੇ ਦੇ ਇਸ ਵਿਚਾਰ ਦੀ ਗੱਲ ਕਰੀਏ ਤਾਂ ਇਸਦੇ ਮਾਲਕ ਪ੍ਰਤੀਕ ਨੇ ਦੱਸਿਆ ਕਿ ਉਹਨਾਂ ਨੇ ਇਸ ਕੈਫ਼ੇ ਦੀ ਸ਼ੁਰੂਆਤ 2018 ਵਿਚ ਕੀਤੀ ਸੀ। ਜੇਲ੍ਹ ਦਾ ਥੀਮ ਲੋਕਾਂ ਨੂੰ ਆਕਰਸ਼ਿਤ ਕਰਨ ਦਾ ਇਕ ਢੰਗ ਸੀ। ਜਦ ਲੋਕਾਂ ਵਿਚ ਇਹ ਮਸ਼ਹੂਰ ਹੋਇਆ ਤਾਂ ਇਸ ਵਿਚ ਕਈ ਬਦਲਾਅ ਤੇ ਵਾਧੇ ਵੀ ਕੀਤੇ ਗਏ ਹਨ। ਪ੍ਰਤੀਕ ਦਾ ਕਹਿਣਾ ਹੈ ਕਿ ਲੋਕਾਂ ਦੀ ਮੰਗ ਦੇ ਹਿਸਾਬ ਨਾਲ ਇਸ ਕੈਫ਼ੇ ਵਿਚ ਹੋਰ ਵੀ ਵਾਧੇ ਕਰਦੇ ਰਹਾਂਗੇ, ਸਾਡਾ ਮਕਸਦ ਆਪਣੇ ਗ੍ਰਾਹਕਾਂ ਨੂੰ ਚੰਗੇ ਭੋਜਨ ਦੇ ਨਾਲੋ ਨਾਲ ਇਕ ਚੰਗਾ ਅਨੁਭਵ ਪ੍ਰਦਾਨ ਕਰਨਾ ਹੈ।

ਇਸ ਜੇਲ੍ਹ ਕੈਫ਼ੇ ਦੀਆਂ ਖ਼ਾਸੀਅਤਾਂ

• ਇਸ ਕੈਫ਼ੇ ਵਿਚ ਇਕ ਵੱਡੀ ਜੇਲ੍ਹ ਬਣਾਈ ਗਈ ਹੈ ਜਿੱਥੇ ਪਾਰਟੀਆਂ ਤੇ ਸਾਲਗ੍ਰਿਹਾ ਵਰਗੇ ਪ੍ਰੋਗਰਾਮ ਕੀਤੇ ਜਾਂਦੇ ਹਨ।


• ਵੱਡੀ ਜੇਲ੍ਹ ਤੋਂ ਸਿਵਾ ਕਈ ਛੋਟੀਆਂ ਬੈਰਕਾਂ ਹਨ। ਇਕ ਬੈਰਕ ਵਿਚ ਛੇ ਲੋਕਾਂ ਦੇ ਬੈਠਕੇ ਖਾਣਾ ਖਾ ਸਕਣ ਦੀ ਵਿਵਸਥਾ ਹੈ।


• ਹਰ ਬੈਰਕ ਦੇ ਗੇਟ ਉੱਤੇ ਹਥਕੜੀਆਂ ਲਟਕ ਰਹੀਆਂ ਹਨ, ਜਿਹਨਾਂ ਨੂੰ ਪਹਿਨਕੇ ਲੋਕ ਖਾਣਾ ਖਾਂਧੇ ਹਨ।


• ਇਸ ਜੇਲ੍ਹ ਕੈਫ਼ੇ ਦੀ ਲਾਈਟਿੰਗ ਇਸ ਪ੍ਰਕਾਰ ਦੀ ਹੈ ਕਿ ਇਸ ਵਿਚ ਦਾਖ਼ਲ ਹੁੰਦਿਆਂ ਹੀ ਜੇਲ੍ਹ ਵਰਗਾ ਫੀਲ ਹੁੰਦਾ ਹੈ।


• ਇਸ ਕੈਫ਼ੇ ਵਿਚ ਜੇਲ੍ਹ ਸਪੈਸ਼ਲ ਫੂਡ ਵੀ ਮਿਲਦਾ ਹੈ ਜੋ ਲੋਕਾਂ ਲਈ ਯਾਦਗਾਰੀ ਬਣ ਜਾਂਦਾ ਹੈ।


• ਸੋਸ਼ਲ ਮੀਡੀਆ ਦੇ ਜ਼ਮਾਨੇ ਵਿਚ ਇਹ ਜੇਲ੍ਹ ਕੈਫ਼ੇ ਇਸ ਲਈ ਮਕਬੂਲ ਹੋ ਰਿਹਾ ਹੈ ਕਿਉਂਕਿ ਇਹ ਇਕ ਇੰਸਟਾਗ੍ਰਾਮੇਬਲ ਸਾਈਟ ਬਣਦਾ ਜਾ ਰਿਹਾ ਹੈ, ਜਿੱਥੇ ਤਸਵੀਰਾਂ ਕਰਕੇ ਲੋਕ ਆਪਣੇ ਸੋਸ਼ਲ ਮੀਡੀਆਂ ਅਕਾਊਂਟ ਤੇ ਸਾਂਝੀਆਂ ਕਰਦੇ ਹਨ।