Jawa ਤੇ Yezdi ਦੀਆਂ ਬਾਈਕਸ ਲਾਂਚ, Royal Enfield ਨੂੰ ਦੇਣਗੀਆਂ ਟੱਕਰ

ਦੋਪਹੀਆ ਵਾਹਨ ਨਿਰਮਾਤਾ ਕੰਪਨੀ ਜਾਵਾ ਯੇਜ਼ਦੀ ਮੋਟਰਸਾਈਕਲਸ ਨੇ ਆਪਣੇ ਸਭ ਤੋਂ ਪ੍ਰਸਿੱਧ ਮਾਡਲ ਜਾਵਾ 42 ਸਪੋਰਟਸ ਸਟ੍ਰਿਪ ਅਤੇ ਯੇਜ਼ਦੀ ਰੋਡਸਟਰ ਨੂੰ ਨਵੇਂ ਰੰਗ ਵਿਕਲਪਾਂ ਵਿੱਚ ਪੇਸ਼ ਕੀਤਾ ਹੈ। ਜਿਸ 'ਚ ਜਾਵਾ 42 ਨੂੰ ਗੈਲੇਕਟਿਕ ਮੈਟ ਗ੍ਰੀਨ, ਹੈਲੀ ਮੈਟ ਟੀਲ, ਲੂਮੋਸ ਲਾਈਮ, ਸਟਾਰਲਾਈਟ ਮੈਟ ਬਲੂ, ਗਲੋਸੀ ਕੋਮੇਟ ਰੈੱਡ, ਗਲੋਸੀ ਨੇਬੂਲਾ ਬਲੂ, ਬਲੈਕ, ਸੀਰੀਅਸ ਵ੍ਹਾਈਟ, ਓਰੀਅਨ ਰੈੱਡ ਅਤੇ ਆਲਸਟਾਰ 'ਚ ਪੇਸ਼ ਕੀਤਾ ਗਿਆ ਹੈ। Jawa 42 Cosmic Carbon ਦੀ ਐਕਸ-ਸ਼ੋਰੂਮ ਕੀਮਤ 1,95,142 ਰੁਪਏ ਹੈ। ਦੂਜੇ ਪਾਸੇ ਯੇਜ਼ਦੀ ਰੋਡਸਟਰ ਨੂੰ ਚਮਕਦਾਰ ਕਿਰਮੀ ਰੰਗ ਦੇ ਡੂਅਲ ਟੋਨ ਵਿੱਚ ਲਿਆਂਦਾ ਗਿਆ ਹੈ। ਇਸ ਤੋਂ ਇਲਾਵਾ, ਯੇਜ਼ਦੀ ਰੋਡਸਟਰ ਹੁਣ 6 ਪੇਂਟ ਸਕੀਮਾਂ ਜਿਵੇਂ ਕਿ ਸਮੋਕ ਗ੍ਰੇ, ਸਿਨ ਸਿਲਵਰ, ਹੰਟਰ ਗ੍ਰੀਨ, ਗੈਲੀਅੰਟ ਗ੍ਰੇ ਅਤੇ ਸਟੀਲ ਬਲੂ ਵਿੱਚ ਉਪਲਬਧ ਹੈ। ਯੇਜ਼ਦੀ ਰੋਡਸਟਰ ਕ੍ਰਿਮਸਨ ਡਿਊਲ ਟੋਨ ਦੀ ਐਕਸ-ਸ਼ੋਰੂਮ ਕੀਮਤ 2,03,829 ਰੁਪਏ ਹੈ।

ਜਾਵਾ 42 294.72 cc ਸਿੰਗਲ-ਸਿਲੰਡਰ ਲਿਕਵਿਡ-ਕੂਲਡ ਇੰਜਣ ਦੁਆਰਾ ਸੰਚਾਲਿਤ ਹੈ, ਜੋ 27 Bhp ਦੀ ਪਾਵਰ ਅਤੇ 26.84 Nm ਪੀਕ ਟਾਰਕ ਪੈਦਾ ਕਰ ਸਕਦਾ ਹੈ। ਬਾਈਕ ਨੂੰ 6-ਸਪੀਡ ਗਿਅਰਬਾਕਸ ਦਿੱਤਾ ਗਿਆ ਹੈ। ਦੂਜੇ ਪਾਸੇ, ਯੇਜ਼ਦੀ ਰੋਡਸਟਰ 334 cc ਸਿੰਗਲ-ਸਿਲੰਡਰ ਇੰਜਣ ਦੇ ਨਾਲ 29 Bhp ਅਤੇ 28.95 Nm ਪੀਕ ਟਾਰਕ ਪੈਦਾ ਕਰਦਾ ਹੈ। ਇਸ 'ਚ 6-ਸਪੀਡ ਗਿਅਰਬਾਕਸ ਦਿੱਤਾ ਗਿਆ ਹੈ। ਦੋਵਾਂ ਬਾਈਕਸ ਨੂੰ ਡਿਊਲ-ਚੈਨਲ ABS ਦੇ ਨਾਲ ਡਿਸਕ ਬ੍ਰੇਕ ਦਿੱਤੀ ਗਈ ਹੈ। ਸਸਪੈਂਸ਼ਨ ਲਈ, ਟੈਲੀਸਕੋਪਿਕ ਫਰੰਟ ਫੋਰਕਸ ਅਤੇ ਡਿਊਲ ਸ਼ੌਕ ਐਬਸੌਰਬਰ ਪਿਛਲੇ ਪਾਸੇ ਉਪਲਬਧ ਹਨ। ਜਾਵਾ 42 ਇੱਕ ਕਰੂਜ਼ਰ ਬਾਈਕ ਹੈ ਜੋ ਭਾਰਤ ਵਿੱਚ 1,74,573 ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਉਪਲਬਧ ਹੈ। ਇਹ 3 ਵੇਰੀਐਂਟਸ ਅਤੇ 10 ਰੰਗਾਂ 'ਚ ਉਪਲਬਧ ਹੈ। ਟਾਪ ਵੇਰੀਐਂਟ ਦੀ ਕੀਮਤ 1,96,374 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਯੇਜ਼ਦੀ ਰੋਡਸਟਰ ਇੱਕ ਸਟ੍ਰੀਟ ਬਾਈਕ ਹੈ ਜੋ ਭਾਰਤ ਵਿੱਚ 2,03,193 ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਉਪਲਬਧ ਹੈ। ਇਹ 6 ਵੇਰੀਐਂਟ ਅਤੇ 8 ਰੰਗਾਂ ਵਿੱਚ ਉਪਲਬਧ ਹੈ, ਟਾਪ ਵੇਰੀਐਂਟ ਦੀ ਕੀਮਤ 2,11,479 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।

ਰਾਇਲ ਐਨਫੀਲਡ ਨੂੰਟੱਕਰ : ਰਾਇਲ ਐਨਫੀਲਡ ਨੇ ਵੀ ਹਾਲ ਹੀ ਵਿੱਚ ਭਾਰਤੀ ਬਾਜ਼ਾਰ ਵਿੱਚ ਨਵੀਂ ਬਾਈਕ Super Meteor 650 ਲਾਂਚ ਕੀਤੀ ਹੈ। ਇਸ ਬਾਈਕ ਦੀ ਸ਼ੁਰੂਆਤੀ ਕੀਮਤ 3.48 ਲੱਖ ਰੁਪਏ ਐਕਸ-ਸ਼ੋਰੂਮ ਰੱਖੀ ਗਈ ਹੈ। ਇਸ ਨੂੰ 2 ਵੇਰੀਐਂਟ ਅਤੇ 7 ਕਲਰ ਆਪਸ਼ਨ 'ਚ ਵੇਚਿਆ ਜਾ ਰਿਹਾ ਹੈ। ਰਾਇਲ ਐਨਫੀਲਡ ਨੇ ਹਾਲ ਹੀ ਵਿੱਚ ਦੱਸਿਆ ਕਿ ਦਸੰਬਰ 2022 ਵਿੱਚ ਕੰਪਨੀ ਦੀ ਵਿਕਰੀ ਵਿੱਚ 7 ​​ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਕੰਪਨੀ ਨੇ ਇਕ ਸਾਲ ਪਹਿਲਾਂ 73,739 ਬਾਈਕਸ ਵੇਚੀਆਂ ਸਨ, ਪਰ ਪਿਛਲੇ ਮਹੀਨੇ ਸਿਰਫ 68,400 ਬਾਈਕ ਹੀ ਵੇਚੀਆਂ ਗਈਆਂ ਸਨ।