• Home
  • »
  • News
  • »
  • lifestyle
  • »
  • KURUKSHETRA PRIZE OF 1 LAKH RUPEES AND BULLET BIKE FOR EATING 3 PARATHAS OF 2 FEET IN KURUKSHETRA

ਹਰਿਆਣਾ: 2 ਫੁੱਟ ਦੇ 3 ਪਰੌਂਠੇ ਖਾਣ ਵਾਲੇ ਨੂੰ ਮਿਲੇਗਾ 1 ਲੱਖ ਰੁਪਏ ਤੇ 'ਬੁਲੇਟ' ਬਾਈਕ

ਪਰੌਂਠੇ ਦੀਆਂ ਅੱਠ ਕਿਸਮਾਂ ਹਨ, ਇਸ ਵਿੱਚ ਪਨੀਰ, ਆਲੂ, ਗੋਭੀ, ਆਲੂ-ਪਿਆਜ਼ ਦਾ ਮਿਸ਼ਰਣ ਅਤੇ ਸਧਾਰਨ ਪਰਾਠਾ ਸ਼ਾਮਲ ਹਨ।

ਹਰਿਆਣਾ: 2 ਫੁੱਟ ਦੇ 3 ਪਰੌਂਠੇ ਖਾਣ ਵਾਲੇ ਨੂੰ ਮਿਲੇਗਾ 1 ਲੱਖ ਰੁਪਏ ਤੇ 'ਬੁਲੇਟ' ਬਾਈਕ

ਹਰਿਆਣਾ: 2 ਫੁੱਟ ਦੇ 3 ਪਰੌਂਠੇ ਖਾਣ ਵਾਲੇ ਨੂੰ ਮਿਲੇਗਾ 1 ਲੱਖ ਰੁਪਏ ਤੇ 'ਬੁਲੇਟ' ਬਾਈਕ

  • Share this:
    ਅੰਤਰਰਾਸ਼ਟਰੀ ਗੀਤਾ ਫੈਸਟੀਵਲ (International Gita Festival) ਵਿੱਚ ਸ਼ਿਲਪਕਾਰਾਂ ਦੇ ਹੁਨਰ ਦੇ ਨਾਲ-ਨਾਲ ਹਰਿਆਣਾ ਪੈਵੇਲੀਅਨ ਦੇ ਸੁਆਦੀ ਪਕਵਾਨ ਸੈਲਾਨੀਆਂ ਦਾ ਮਨ ਮੋਹ ਲੈਣਗੇ। ਤਿੰਨ ਸਭ ਤੋਂ ਵੱਡੇ ਪਰੌਂਠੇ ਖਾਣ ਵਾਲਾ ਮਾਲੋਮਾਲ ਹੋਵੇਗਾ।

    ਹਰਿਆਣਾ ਪਵੇਲੀਅਨ ਦੀ ਕਮਾਨ ਪਹਿਲੀ ਵਾਰ ਹਰਿਆਣਾ ਕਲਾ ਅਤੇ ਸੱਭਿਆਚਾਰਕ ਵਿਭਾਗ ਦੇ ਹੱਥ ਹੋਵੇਗੀ। ਪਵੇਲੀਅਨ ਵਿਚ ਭੀਮ ਰਸੋਈ ਵਿੱਚ ਸਵਾਦਿਸ਼ਟ ਪਕਵਾਨਾਂ ਦੇ ਨਾਲ-ਨਾਲ ਸੈਲਾਨੀ ਹਰਿਆਣਵੀ ਪਕਵਾਨਾਂ ਦਾ ਵੀ ਮਜ਼ਾ ਲੈਣਗੇ।

    ਹਰਿਆਣਾ ਕਲਾ ਅਤੇ ਸੱਭਿਆਚਾਰਕ ਮਾਮਲੇ ਵਿਭਾਗ ਦੀ ਨਿਰਦੇਸ਼ਕ ਪ੍ਰਤਿਮਾ ਚੌਧਰੀ ਦਾ ਕਹਿਣਾ ਹੈ ਕਿ ਪੁਰਸ਼ੋਤਮਪੁਰਾ ਬਾਗ ਵਿੱਚ ਬਣਾਏ ਜਾਣ ਵਾਲੇ ਹਰਿਆਣਾ ਪਵੇਲੀਅਨ ਵਿੱਚ ਹਰਿਆਣਵੀ ਸੱਭਿਆਚਾਰ ਦੀ ਝਲਕ ਦੇਖਣ ਨੂੰ ਮਿਲੇਗੀ।

    ਭੀਮ ਰਸੋਈ ਖਿੱਚ ਦਾ ਕੇਂਦਰ ਰਹੇਗੀ। ਇਥੇ ਭਾਰਤ ਦੇ ਸਭ ਤੋਂ ਵੱਡੇ ਤਿੰਨ ਪਰੌਂਠੇ ਖਾਣ 'ਤੇ ਇੱਕ ਲੱਖ ਦਾ ਨਕਦ ਇਨਾਮ ਅਤੇ ਬੁਲੇਟ ਮੋਟਰਸਾਈਕਲ ਤੋਹਫੇ ਵਜੋਂ ਦਿੱਤਾ ਜਾਵੇਗਾ। ਇਹ ਸਟਾਲ 9 ਦਸੰਬਰ ਨੂੰ ਸ਼ੁਰੂ ਹੋਵੇਗਾ।

    ਹਰਿਆਣਾ ਪੈਵੇਲੀਅਨ ਵਿੱਚ ਭਾਰਤ ਦੇ ਸਭ ਤੋਂ ਵੱਡੇ ਪਰੌਂਠੇ ਦੇ ਨਾਲ-ਨਾਲ ਭੀਮ ਰਸੋਈ ਵੀ ਖਿੱਚ ਦਾ ਕੇਂਦਰ ਰਹੇਗੀ। ਸੈਲਾਨੀ ਗੁਲਾਬੀ ਠੰਡ 'ਚ ਕੁਲਹਾੜ ਦੀ ਚਾਹ ਦੀ ਚੁਸਕੀ ਦਾ ਆਨੰਦ ਲੈਣਗੇ। ਹਰਿਆਣਾ ਕਲਾ ਅਤੇ ਸੱਭਿਆਚਾਰਕ ਵਿਭਾਗ ਵੱਲੋਂ ਅੰਤਰਰਾਸ਼ਟਰੀ ਗੀਤਾ ਮਹੋਤਸਵ ਵਿੱਚ ਹਰਿਆਣਾ ਪੈਵੇਲੀਅਨ ਬਣਾਇਆ ਜਾ ਰਿਹਾ ਹੈ। ਹਰਿਆਣਾ ਪੈਵੇਲੀਅਨ 'ਚ ਹਰਿਆਣਵੀ ਸੱਭਿਆਚਾਰ ਦੀ ਝਲਕ ਦੇਖਣ ਨੂੰ ਮਿਲੇਗੀ।

    ਓਐਸਡੀ ਗਜੇਂਦਰ ਫੋਗਾਟ ਦਾ ਕਹਿਣਾ ਹੈ ਕਿ ਰੋਹਤਕ ਵਾਲਿਆਂ ਦਾ ਭਾਰਤ ਦਾ ਸਭ ਤੋਂ ਵੱਡਾ ਪਰਾਠਾ ਹੈ, ਇਸ ਦੀ ਲੰਬਾਈ ਲਗਭਗ ਦੋ ਫੁੱਟ ਹੈ। ਪਰਾਠੇ ਦੇ ਨਾਲ ਦਹੀ, ਚਟਨੀ, ਅਚਾਰ ਅਤੇ ਮੱਖਣ ਦਿੱਤਾ ਜਾਵੇਗਾ। ਪਰਾਠੇ ਖਾਣ ਦੀ ਸ਼ਰਤ ਇਹ ਰੱਖੀ ਗਈ ਹੈ ਕਿ ਜੋ ਵਿਅਕਤੀ ਇਕੱਠੇ ਬੈਠ ਕੇ ਤਿੰਨ ਪਰਾਠੇ ਖਾਵੇਗਾ, ਉਹ ਹੀ ਇਨਾਮ ਦਾ ਹੱਕਦਾਰ ਹੋਵੇਗਾ।

    ਪਰਾਠੇ ਦੀਆਂ ਅੱਠ ਕਿਸਮਾਂ ਹਨ, ਇਸ ਵਿੱਚ ਪਨੀਰ, ਆਲੂ, ਗੋਭੀ, ਆਲੂ-ਪਿਆਜ਼ ਦਾ ਮਿਸ਼ਰਣ ਅਤੇ ਸਧਾਰਨ ਪਰਾਠਾ ਸ਼ਾਮਲ ਹਨ। ਜੇਕਰ ਕੋਈ ਸੈਲਾਨੀ ਇਕੱਠੇ ਤਿੰਨ ਪਰਾਠੇ ਖਾਵੇ ਤਾਂ ਉਸ ਨੂੰ ਇੱਕ ਲੱਖ ਦਾ ਨਕਦ ਇਨਾਮ ਅਤੇ ਇੱਕ ਬੁਲੇਟ ਮੋਟਰਸਾਈਕਲ ਮਿਲੇਗਾ।
    Published by:Gurwinder Singh
    First published: