SBI 3-in-1 ਖਾਤਾ: ਐੱਸਬੀਆਈ ਨੇ ਪੇਸ਼ ਕੀਤਾ 3 ਇਨ 1 ਅਕਾਊਂਟ, ਜਾਣੋ ਇਸ ਖਾਤੇ ਦੀਆਂ ਵਿਸ਼ੇਸ਼ਤਾਵਾਂ

ਭਾਰਤੀ ਸਟੇਟ ਬੈਂਕ (State Bank Of India) ਵੀ ਹੁਣ ਆਪਣੇ ਗਾਹਕਾਂ ਨੂੰ 3-ਇਨ-1 ਖਾਤੇ ਦੀ ਸਹੂਲਤ ਪ੍ਰਦਾਨ ਕਰ ਰਿਹਾ ਹੈ। SBI 3-in-1 ਖਾਤੇ ਵਿੱਚ, ਇੱਕ ਬਚਤ ਬੈਂਕ ਖਾਤਾ, ਇੱਕ ਡੀਮੈਟ ਖਾਤਾ ਅਤੇ ਇੱਕ ਔਨਲਾਈਨ ਟ੍ਰੇਡਿੰਗ ਖਾਤਾ ਇੱਕੋ ਸਮੇਂ ਨਾਲ ਲਿੰਕ ਕੀਤਾ ਜਾਂਦਾ ਹੈ। SBI ਇਸ ਸਹੂਲਤ ਨਾਲ ਆਪਣੇ ਗਾਹਕਾਂ ਨੂੰ ਸਧਾਰਨ ਅਤੇ ਪੇਪਰ ਲੈੱਸ ਵਪਾਰ ਦੀ ਪੇਸ਼ਕਸ਼ ਕਰਨ ਦਾ ਦਾਅਵਾ ਕਰਦਾ ਹੈ।

ਇਸਦੇ ਨਾਲ ਹੀ ਜੇਕਰ ਤੁਸੀਂ ਸਟਾਕ ਮਾਰਕੀਟ ਵਿੱਚ ਨਿਵੇਸ਼ ਕਰਨਾ ਸ਼ੁਰੂ ਕਰਨਾ ਚਾਹੁੰਦੇ ਹੋ, ਤਾਂ ਤੁਹਾਡੇ ਕੋਲ ਇੱਕ ਡੀਮੈਟ ਅਤੇ ਟ੍ਰੇਡ ਖਾਤਾ ਹੋਣਾ ਚਾਹੀਦਾ ਹੈ। ਐੱਸਬੀਆਈ ਨੇ ਈ-ਮਾਰਜਿਨ ਸਹੂਲਤ ਦੇ ਨਾਲ 3 ਇਨ 1 ਖਾਤਾ ਖੋਲ੍ਹਣ ਅਤੇ ਬਚਤ ਖਾਤੇ, ਡੀਮੈਟ ਖਾਤੇ ਅਤੇ ਔਨਲਾਈਨ ਟ੍ਰੇਡਿੰਗ ਖਾਤੇ ਦੇ ਲਾਭਾਂ ਦਾ ਇੱਕ ਛੱਤ ਹੇਠ ਆਨੰਦ ਲੈਣ ਲਈ ਕਿਹਾ ਹੈ।

ਕਿਹੜੇ-ਕਿਹੜੇ ਦਸਤਾਵੇਜ਼ਾਂ ਦੀ ਹੋਵੇਗੀ ਲੋੜ

1.ਪੈਨ ਕਾਰਡ ਜਾਂ ਫਾਰਮ 60
2.ਫੋਟੋ

ਇਹਨਾਂ ਵਿੱਚੋਂ ਕੋਈ ਵੀ ਦਸਤਾਵੇਜ਼
1.ਪਾਸਪੋਰਟ
2.ਆਧਾਰ (ਆਧਾਰ ਕਾਰਡ) ਦਾ ਸਬੂਤ
3.ਡ੍ਰਾਇਵਿੰਗ ਲਾਇਸੈਂਸ
4.ਵੋਟਰ ਆਈਡੀ ਕਾਰਡ
5.ਮਨਰੇਗਾ ਦੁਆਰਾ ਜਾਰੀ ਕੀਤਾ ਜਾਬ ਕਾਰਡ (ਮਨਰੇਗਾ ਜੌਬ ਕਾਰਡ)

ਐਸਬੀਆਈ ਡੀਮੈਟ ਅਤੇ ਟ੍ਰੇਡਿੰਗ ਖਾਤਾ: ਦਸਤਾਵੇਜ਼

1.ਪਾਸਪੋਰਟ ਸਾਈਜ਼ ਫੋਟੋ (ਇੱਕ)
2.ਪੈਨ ਕਾਰਡ ਦੀ ਕਾਪੀ
3.ਆਧਾਰ ਕਾਰਡ ਦੀ ਕਾਪੀ
4.ਇੱਕ ਰੱਦ ਕੀਤਾ ਚੈੱਕ / ਨਵੀਨਤਮ ਬੈਂਕ ਸਟੇਟਮੈਂਟ।

SBI ਅਨੁਸਾਰ, ਇੱਕ ਡੀਮੈਟ ਖਾਤਾ ਭੌਤਿਕ ਸ਼ੇਅਰ ਸਰਟੀਫਿਕੇਟਾਂ ਨੂੰ ਇਲੈਕਟ੍ਰਾਨਿਕ ਬੈਲੇਂਸ ਵਿੱਚ ਬਦਲਣ ਦੇ ਯੋਗ ਬਣਾਉਂਦਾ ਹੈ। ਇਸ ਤੋਂ ਇਲਾਵਾ, ਇਹ ਮਾਰਕੀਟ / ਆਫ-ਮਾਰਕੀਟ ਵਪਾਰਾਂ ਦੇ ਨਤੀਜੇ ਵਜੋਂ ਇਲੈਕਟ੍ਰਾਨਿਕ ਬਕਾਏ ਦੀ ਡਿਲੀਵਰੀ / ਰਸੀਦ ਦੀ ਸਹੂਲਤ ਦਿੰਦਾ ਹੈ।