ਮਹਾਰਾਸ਼ਟਰ ਦੀ 70 ਸਾਲਾ ਮਹਿਲਾ ਆਪਣੀ ਪਕਵਾਨਾਂ ਨੂੰ ਲੈ ਕੇ ਯੂਟਿਊਬ 'ਤੇ ਹੋ ਰਹੀ ਹੈ ਵਾਇਰਲ

ਮਹਾਰਾਸ਼ਟਰ ਦੀ 70 ਸਾਲਾ ਮਹਿਲਾ ਹੈ ਉਸ ਦਾ ਨਾਮ ਸੁਮਨ ਧਮਨੇ ਉਰਫ਼ ਆਪਲੀ ਆਜੀ (ਭਾਵ ਸਾਡੀ ਦਾਦੀ, ਜੋ ਕਿ ਯੂਟਿਉਬ ਉੱਤੇ ਆਪਣੀਆਂ ਖਾਣਾ ਬਣਾਉਣ ਦੀਆਂ ਵੀਡੀਉ ਨੂੰ ਲੈ ਕੇ ਕਾਫ਼ੀ ਮਸ਼ਹੂਰ ਹੋ ਚੁੱਕੀ ਹੈ। ਉਸ ਨੇ ਮਾਰਚ ਵਿਚ ਆਪਣੀ ਪਹਿਲੀ ਖਾਣਾ ਪਕਾਉਣ ਦੀ ਵੀਡੀਓ ਪੋਸਟ ਕੀਤੀ ਸੀ ਅਤੇ ਹੁਣ ਉਸ ਦੇ ਯੂਟਿਉਬ ਤੇ ਛੇ ਲੱਖ ਤੋਂ ਵੱਧ ਫਲੋਵਰ ਹਨ।ਉਸ ਦੀਆਂ ਵੀਡੀਉਜ਼' ਤੇ 5.7 ਕਰੋੜ ਤੋਂ ਜ਼ਿਆਦਾ ਲੋਕ ਦੇਖਣ ਵਾਲੇ ਹਨ। ਉਹ ਆਪਣੇ ਰਵਾਇਤੀ ਰਸੋਈ ਪਕਵਾਨਾਂ ਲਈ ਮਸ਼ਹੂਰ ਹੈ ਜੋ ਉਹ ਸਰੋਲਾ ਕਾਸਰ ਪਿੰਡ ਵਿੱਚ ਆਪਣੇ ਘਰ ਤੋਂ ਸਾਂਝੇ ਕਰਦੀ ਹੈ ਜੋ ਅਹਿਮਦ ਨਗਰ ਤੋਂ 15 ਕਿੱਲੋ ਮੀਟਰ ਦੀ ਦੂਰੀ ਉੱਤੇ ਹੈ।

ਇਹ ਜਨਵਰੀ ਵਿਚ ਸ਼ੁਰੂ ਹੋਇਆ ਸੀ ਜਦੋਂ ਉਸ ਦੇ 17 ਸਾਲਾ ਪੋਤੇ ਯਸ਼ ਨੇ ਉਸ ਨੂੰ ਪਾਵ ਭਾਜੀ ਬਣਾਉਣ ਦੀ ਬੇਨਤੀ ਕੀਤੀ ਸੀ।ਯੂਟਿਉਬ ਤੇ ਕੁੱਝ ਪਕਵਾਨਾਂ ਵੇਖਣ ਤੋਂ ਬਾਅਦ ਧਾਮੇ ਨੇ ਕਿਹਾ ਕਿ ਉਹ ਇਸ ਨੂੰ ਬਿਹਤਰ ਕਰ ਸਕਦੀ ਹੈ।ਉਹ ਸਹੀ ਸੀ। ਇਹ ਉਦੋਂ ਹੈ ਜਦੋਂ ਪਾਠਕ ਨੂੰ ਉਸ ਦੇ ਲਈ ਇੱਕ ਚੈਨਲ ਸ਼ੁਰੂ ਕਰਨ ਦਾ ਵਿਚਾਰ ਆਇਆ ਸੀ। ਉਸ ਨੇ ਆਪਣੀ ਦਾਦੀ ਦੇ ਖਾਣਾ ਪਕਾਉਣ ਦੀਆਂ ਵੀਡੀਓ ਪੋਸਟ ਕਰਨਾ ਸ਼ੁਰੂ ਕੀਤਾ ਅਤੇ ਇਹ ਇੱਕ ਵੱਡੀ ਸਫਲਤਾ ਬਣ ਗਈ।

ਮਹਿਲਾ ਨੇ ਰਵਾਇਤੀ ਪਕਵਾਨ ਬਣਾਉਣੇ ਸ਼ੁਰੂ ਕੀਤੇ ਹਨ ਜਿਵੇਂ ਮਹਾਰਾਸ਼ਟਰੀਅਨ ਮਿੱਠੇ ਪਕਵਾਨ, ਮੂੰਗਫਲੀ ਦੀ ਚਟਣੀ, ਹਰੀਆਂ ਸਬਜ਼ੀਆਂ, ਬੈਂਗਣ ਅਤੇ ਹੋਰ ਰਵਾਇਤੀ ਪਕਵਾਨਾਂ ਨਾਲ ਅੱਗੇ ਤੋਰਿਆ। ਰਿਵਾਇਤੀ ਪਕਵਾਨਾਂ ਨੂੰ ਲੋਕਾਂ ਨੇ ਬਹੁਤ ਪਸੰਦ ਕੀਤਾ ਹੈ।

ਉਸ ਨੇ ਆਪਣੇ ਪੋਤੇ ਦੀ ਮਦਦ ਨਾਲ ਯੂਟਿਉਬ ਉੱਤੇ ਵੀਡੀਉ ਸ਼ੇਅਰ ਕੀਤੀਆਂ ਹਨ।ਹੁਣ ਤੱਕ ਚੈਨਲ 'ਤੇ  150 ਤੋਂ ਵੱਧ ਪਕਵਾਨਾਂ ਨੂੰ ਪੋਸਟ ਕੀਤਾ ਹੈ ਅਤੇ ਸਮੇਂ ਦੇ ਨਾਲ-ਨਾਲ ਵਧੇਰੇ ਪ੍ਰਸਿੱਧੀ ਪ੍ਰਾਪਤ ਕਰ ਰਹੀ ਹੈ।ਉਸ ਨੇ ਕਿਹਾ ਕਿ ਉਸ ਨੇ ਕਦੇ ਅਜਿਹਾ ਕੁੱਝ ਕਰਨ ਬਾਰੇ ਨਹੀਂ ਸੋਚਿਆ ਪਰ ਹੁਣ ਉਹ ਬੇਚੈਨੀ ਮਹਿਸੂਸ ਕਰਦੀ ਹੈ ਜੇ ਉਹ ਆਪਣੇ ਪਕਵਾਨਾਂ ਨੂੰ ਚੈਨਲ ਤੇ ਸਾਂਝਾ ਨਹੀਂ ਕਰਦੀ ਹੈ।