Dahi Pyaz Ki Sabji Recipe: ਗਰਮੀਆਂ ਵਿੱਚ ਬਣਾਓ ਦਹੀਂ ਪਿਆਜ਼ ਦੀ ਸਬਜ਼ੀ, ਹਰ ਕਿਸੇ ਨੂੰ ਆਵੇਗੀ ਪਸੰਦ

ਗਰਮੀਆਂ ਦੇ ਮੌਸਮ 'ਚ ਅਸੀਂ ਹਰ ਰੋਜ਼ ਕਿਸੇ ਨਾ ਕਿਸੇ ਰੂਪ 'ਚ ਦਹੀਂ ਖਾਂਦੇ ਹਾਂ ਤਾਂ ਕਿ ਸਰੀਰ ਤੰਦਰੁਸਤ ਰਹੇ। ਜੇਕਰ ਤੁਸੀਂ ਰੁਟੀਨ ਦੀਆਂ ਸਬਜ਼ੀਆਂ ਤੋਂ ਬੋਰ ਹੋ ਤਾਂ ਇਸ ਵਾਰ ਦਹੀਂ ਪਿਆਜ਼ ਦੀ ਸਬਜ਼ੀ ਟ੍ਰਾਈ ਕਰ ਸਕਦੇ ਹੋ। ਇਹ ਬਣਾਉਣਾ ਆਸਾਨ ਹੈ ਅਤੇ ਇਹ ਰੈਸਿਪੀ ਸੁਆਦ ਨਾਲ ਭਰਪੂਰ ਹੈ। ਇਸ ਰੈਸਿਪੀ ਦੀ ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਇਸ ਵਿਚ ਪਿਆਜ਼ ਤੋਂ ਇਲਾਵਾ ਹੋਰ ਕਿਸੇ ਸਬਜ਼ੀ ਦੀ ਜ਼ਰੂਰਤ ਨਹੀਂ ਹੈ।

ਗਰਮੀਆਂ 'ਚ ਦਹੀਂ ਪਿਆਜ਼ ਦੀ ਸਬਜ਼ੀ ਖਾਣਾ ਸਿਹਤ ਦੇ ਲਿਹਾਜ਼ ਨਾਲ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਦਹੀਂ ਅਤੇ ਪਿਆਜ਼ ਦੋਹਾਂ ਦਾ ਠੰਡਾ ਪ੍ਰਭਾਵ ਹੁੰਦਾ ਹੈ। ਅਜਿਹੇ 'ਚ ਤੇਜ਼ੀ ਨਾਲ ਵਧ ਰਹੇ ਪਾਰੇ ਦੇ ਵਿਚਕਾਰ ਸਰੀਰ ਨੂੰ ਠੰਡਾ ਰੱਖਣ 'ਚ ਦੋਵਾਂ ਦਾ ਮਿਸ਼ਰਨ ਕਾਫੀ ਮਦਦਗਾਰ ਹੁੰਦਾ ਹੈ।

ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਘਰ 'ਚ ਬਣਾਉਣ ਲਈ ਕੋਈ ਸਬਜ਼ੀ ਨਹੀਂ ਬਚਦੀ। ਅਜਿਹੀ ਸਥਿਤੀ ਵਿੱਚ ਦਹੀਂ ਪਿਆਜ਼ ਦੀ ਸਬਜ਼ੀ ਵੀ ਬਣਾਈ ਜਾ ਸਕਦੀ ਹੈ। ਇਹ ਤੁਰੰਤ ਤਿਆਰ ਹੋ ਜਾਂਦੀ ਹੈ। ਤੁਸੀਂ ਸਾਡੀ ਰੈਸਿਪੀ ਦੀ ਮਦਦ ਨਾਲ ਇਸ ਨੂੰ ਘਰ 'ਚ ਆਸਾਨੀ ਨਾਲ ਬਣਾ ਸਕਦੇ ਹੋ।

ਦਹੀ-ਪਿਆਜ਼ ਦੀ ਸਬਜ਼ੀ ਬਣਾਉਣ ਲਈ ਸਮੱਗਰੀ

• ਦਹੀਂ - 250 ਗ੍ਰਾਮ


• ਪਿਆਜ਼ - 1


• ਜੀਰਾ - 1/2 ਚਮਚ


• ਧਨੀਆ ਪਾਊਡਰ - 1 ਚਮਚ


• ਕਸੂਰੀ ਮੇਥੀ - 1/4 ਚਮਚ


• ਕੱਟੀਆਂ ਹੋਈਆਂ ਹਰੀਆਂ ਮਿਰਚਾਂ - 4


• ਹਲਦੀ - 1/4 ਚਮਚ


• ਫਿਕੀ ਬੂੰਦੀ- 1/2 ਕਟੋਰਾ


• ਗਰਮ ਮਸਾਲਾ - 1/4 ਚਮਚ


• ਲੂਣ - ਸੁਆਦ ਅਨੁਸਾਰ

ਦਹੀ-ਪਿਆਜ਼ ਦੀ ਸਬਜ਼ੀ ਬਣਾਉਣ ਦਾ ਤਰੀਕਾ
ਦਹੀਂ ਅਤੇ ਪਿਆਜ਼ ਦੀ ਸਬਜ਼ੀ ਬਣਾਉਣ ਲਈ ਸਭ ਤੋਂ ਪਹਿਲਾਂ ਇੱਕ ਭਾਂਡੇ ਵਿੱਚ ਦਹੀਂ ਪਾ ਕੇ ਫੈਂਟ ਲਓ। ਇਸ ਤੋਂ ਬਾਅਦ ਇਕ ਪੈਨ 'ਚ ਤੇਲ ਪਾ ਕੇ ਮੱਧਮ ਅੱਗ 'ਤੇ ਗਰਮ ਕਰਨ ਲਈ ਰੱਖੋ। ਜਦੋਂ ਤੇਲ ਗਰਮ ਹੋ ਜਾਵੇ ਤਾਂ ਇਸ ਵਿਚ ਜੀਰਾ ਪਾ ਕੇ ਮਿਕਸ ਕਰ ਲਓ। ਇਸ ਤੋਂ ਪਹਿਲਾਂ ਪਿਆਜ਼ ਨੂੰ ਟੁਕੜਿਆਂ ਵਿੱਚ ਕੱਟ ਕੇ ਰੱਖੋ।

ਜਦੋਂ ਜੀਰਾ ਫੁੱਟਣ ਲੱਗੇ, ਤਾਂ ਪਿਆਜ਼ ਪਾਓ ਅਤੇ 2 ਤੋਂ 3 ਮਿੰਟ ਲਈ ਭੁੰਨ ਲਓ। ਜਦੋਂ ਪਿਆਜ਼ ਦਾ ਰੰਗ ਭੂਰਾ ਹੋ ਜਾਵੇ ਤਾਂ ਇਸ ਵਿਚ ਬਾਰੀਕ ਕੱਟੀਆਂ ਹਰੀਆਂ ਮਿਰਚਾਂ ਪਾ ਕੇ ਭੁੰਨ ਲਓ।

ਲਗਭਗ ਇੱਕ ਮਿੰਟ ਬਾਅਦ, ਪਿਆਜ਼ ਦੇ ਮਿਸ਼ਰਣ ਵਿੱਚ ਦਹੀਂ ਪਾਓ ਅਤੇ ਇਸਨੂੰ 5-6 ਮਿੰਟ ਤੱਕ ਪੱਕਣ ਦਿਓ। ਇਸ ਤੋਂ ਬਾਅਦ ਇਸ 'ਚ ਹਲਦੀ ਪਾਊਡਰ, ਧਨੀਆ ਪਾਊਡਰ ਅਤੇ ਸਵਾਦ ਮੁਤਾਬਕ ਨਮਕ ਪਾ ਕੇ ਸਬਜ਼ੀ 'ਚ ਕੜਛੀ ਦੀ ਮਦਦ ਨਾਲ ਚੰਗੀ ਤਰ੍ਹਾਂ ਮਿਕਸ ਕਰ ਲਓ।

ਇਸ ਤੋਂ ਬਾਅਦ ਸਬਜ਼ੀ 'ਚ ਫਿਕੀ ਬੂੰਦੀ, ਗਰਮ ਮਸਾਲਾ ਅਤੇ ਕਸੂਰੀ ਮੇਥੀ ਪਾ ਕੇ ਮਿਕਸ ਕਰ ਲਓ। ਇਸ ਨੂੰ ਕੁਝ ਦੇਰ ਹਿਲਾਉਂਦੇ ਹੋਏ ਪਕਾਓ ਅਤੇ ਫਿਰ ਗੈਸ ਬੰਦ ਕਰ ਦਿਓ। ਇਸ ਤਰ੍ਹਾਂ ਤੁਹਾਡੀ ਸੁਆਦੀ ਦਹੀਂ ਪਿਆਜ਼ ਦੀ ਸਬਜ਼ੀ ਤਿਆਰ ਹੈ। ਇਸ ਨੂੰ ਰੋਟੀ ਜਾਂ ਚੌਲਾਂ ਨਾਲ ਸਰਵ ਕਰੋ।