Maruti ਨੇ ਲਾਂਚ ਕੀਤਾ Grand Vitara ਦਾ CNG ਮਾਡਲ, ਮਿਲੇਗੀ ਜ਼ਬਰਦਸਤ ਮਾਈਲੇਜ, ਪੜ੍ਹੋ ਪੂਰੀ ਜਾਣਕਾਰੀ

Maruti Grand Vitara CNG Model: ਕਾਰਾਂ ਦੀਆਂ ਕੰਪਨੀਆਂ ਵਿੱਚ ਕਿਸ ਦਰਜੇ ਦਾ ਮੁਕਾਬਲਾ ਹੈ ਇਹ ਕਹਿਣਾ ਥੋੜ੍ਹਾ ਮੁਸ਼ਕਿਲ ਹੈ ਕਿਉਂਕਿ ਹਰ ਕਾਰ ਨਿਰਮਾਤਾ ਕੰਪਨੀ ਸਮੇਂ ਦੇ ਹਿਸਾਬ ਨਾਲ ਆਪਣੇ ਮਾਡਲਾਂ ਨੂੰ ਅਪਡੇਟ ਕਰ ਰਹੀ ਹੈ। ਇੱਕ ਪਾਸੇ ਜਿੱਥੇ ਪੈਟਰੋਲ-ਡੀਜ਼ਲ ਕਾਰਾਂ ਬਣਾਉਣ ਵਾਲੀਆਂ ਕੰਪਨੀਆਂ ਹੁਣ ਇਲੈਕਟ੍ਰਿਕ ਕਾਰਾਂ ਬਣਾ ਰਹੀਆਂ ਹਨ, ਉੱਥੇ ਹੀ CNG ਕਾਰਾਂ ਦੀ ਮੰਗ ਵੀ ਤੇਜ਼ ਹੋ ਰਹੀ ਹੈ। ਇਲੈਕਟ੍ਰਿਕ ਕਾਰਾਂ ਨਾਲੋਂ CNG ਕਾਰਾਂ ਸਸਤੀਆਂ ਹਨ ਅਤੇ ਕੰਪਨੀਆਂ ਇਸ ਵਿੱਚ ਵੀ ਪਿੱਛੇ ਨਹੀਂ ਰਹਿਣਾ ਚਾਹੁੰਦੀਆਂ।

ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਨਿਰਮਾਤਾ ਕੰਪਨੀ ਮਾਰੂਤੀ ਸੁਜ਼ੂਕੀ ਇੰਡੀਆ ਲਿਮਿਟਿਡ ਨੇ ਹਾਲ ਹੀ ਵਿੱਚ ਆਪਣੀ ਸਭ ਤੋਂ ਪਸੰਦੀਦਾ ਫਲੈਗਸ਼ਿਪ SUV, ਗ੍ਰੈਂਡ ਵਿਟਾਰਾ ਦਾ CNG-ਸੰਚਾਲਿਤ ਵੇਰੀਐਂਟ ਲਾਂਚ ਕੀਤਾ ਹੈ। ਹੁਣ ਤੁਹਾਨੂੰ ਨਵੀਂ ਮਾਰੂਤੀ ਸੁਜ਼ੂਕੀ ਗ੍ਰੈਂਡ ਵਿਟਾਰਾ ਸੀਐਨਜੀ ਹੁਣ ਦੋ ਵੇਰੀਐਂਟਸ ਮਿਲਣਗੇ - ਡੇਲਟਾ ਅਤੇ ਜ਼ੇਟਾ। ਤੁਹਾਨੂੰ ਦੱਸ ਦੇਈਏ ਕਿ ਦੋਵੇਂ ਸਟੈਂਡਰਡ ਦੇ ਤੌਰ 'ਤੇ 5-ਸਪੀਡ ਮੈਨੂਅਲ ਗਿਅਰਬਾਕਸ ਦੇ ਨਾਲ ਆਉਂਦੇ ਹਨ।

ਕੀਮਤ ਅਤੇ ਇੰਜਨ

ਕੀਮਤ ਦੀ ਗੱਲ ਕਰੀਏ ਤਾਂ ਗ੍ਰੈਂਡ ਵਿਟਾਰਾ CNG ਦੇ ਡੈਲਟਾ ਵੇਰੀਐਂਟ ਦੀ ਕੀਮਤ 12.85 ਲੱਖ ਰੁਪਏ ਹੈ। ਉੱਥੇ Zeta ਵੇਰੀਐਂਟ ਖਰੀਦਣ ਲਈ ਤੁਹਾਨੂੰ 14.84 ਲੱਖ ਰੁਪਏ ਖਰਚ ਕਰਨੇ ਪੈਣਗੇ। ਜੇਕਰ ਇਸ ਦੀ ਪਾਵਰਟ੍ਰੇਨ ਦੀ ਗੱਲ ਕਰੀਏ ਤਾਂ ਇਹ 1.5-ਲੀਟਰ 4-ਸਿਲੰਡਰ ਨੈਚੁਰਲ ਤੌਰ 'ਤੇ ਐਸਪੀਰੇਟਿਡ K15C ਪੈਟਰੋਲ ਇੰਜਣ 'ਤੇ ਅਧਾਰਤ ਹੈ, ਜੋ ਪਹਿਲਾਂ ਹੀ SUV ਦੇ ਸ਼ੁੱਧ-ਪੈਟਰੋਲ ਵੇਰੀਐਂਟ ਵਿੱਚ ਉਪਲਬਧ ਹੈ। ਭਾਵ ਕਿ ਇਸਦੀ ਪਾਵਰਟ੍ਰੇਨ ਵਿੱਚ ਕੋਈ ਬਦਲਾਅ ਨਹੀਂ ਹੋਇਆ ਹੈ।

Grand Vitara S-CNG: ਮਾਰੂਤੀ ਸੁਜ਼ੂਕੀ ਇੰਡੀਆ ਲਿਮਟਿਡ ਦੇ ਸੀਨੀਅਰ ਕਾਰਜਕਾਰੀ ਅਧਿਕਾਰੀ ਸ਼ਸ਼ਾਂਕ ਸ਼੍ਰੀਵਾਸਤਵ ਨੇ ਕਿਹਾ ਕਿ ਸਤੰਬਰ 2022 ਵਿੱਚ ਲਾਂਚ ਹੋਣ ਤੋਂ ਬਾਅਦ, ਗ੍ਰੈਂਡ ਵਿਟਾਰਾ ਨੂੰ ਭਾਰਤੀ ਗਾਹਕਾਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲਿਆ ਹੈ। S-CNG ਵਿਕਲਪ ਦੀ ਸ਼ੁਰੂਆਤ ਨੇ ਗ੍ਰੈਂਡ ਵਿਟਾਰਾ ਦੀ ਮੰਗ ਨੂੰ ਹੋਰ ਵਧਾ ਦਿੱਤਾ ਹੈ। Grand Vitara S-CNG ਸਾਡੀ ਗ੍ਰੀਨ-ਪਾਵਰਟ੍ਰੇਨ ਪੇਸ਼ਕਸ਼ਾਂ ਦਾ ਵਿਸਤਾਰ ਕਰਨ ਲਈ ਸਾਡੀ ਯੋਜਨਾ ਵਿੱਚ ਯੋਗਦਾਨ ਪਾਵੇਗੀ। ਇਸਨੂੰ ਅਸੀਂ 14 ਮਾਡਲਾਂ ਤੱਕ ਲੈ ਕੇ ਜਾਵਾਂਗੇ।

ਸ਼ਾਨਦਾਰ ਮਾਈਲੇਜ: ਜੇਕਰ ਗੱਡੀ ਦੀ ਮਾਈਲੇਜ ਦੀ ਗੱਲ ਕਰੀਏ ਤਾਂ ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਇੱਕ ਕਿਲੋ CNG ਨਾਲ 26.6 kmpl ਦੀ ਮਾਈਲੇਜ ਦੇਵੇਗੀ। ਜੋ ਇਸਨੂੰ ਲਗਭਗ ਮਜ਼ਬੂਤ-ਹਾਈਬ੍ਰਿਡ ਸੰਸਕਰਣ ਵਾਂਗ ਕਿਫ਼ਾਇਤੀ ਬਣਾਉਂਦੀ ਹੈ। CNG ਮਾਡਲ ਲਾਂਚ ਹੋਣ ਨਾਲ ਮਾਰੂਤੀ ਸੁਜ਼ੂਕੀ ਗ੍ਰੈਂਡ ਵਿਟਾਰਾ ਹੁਣ ਤਿੰਨ ਵਰਜ਼ਨਾਂ ਵਿੱਚ ਉਪਲਬਧ ਹੈ - ਸ਼ੁੱਧ ਪੈਟਰੋਲ, ਸ਼ੁੱਧ ਪੈਟਰੋਲ ਹਾਈਬ੍ਰਿਡ ਅਤੇ CNG।