Mercedes ਨੇ 55 ਲੱਖ ਦੀ ਸ਼ੁਰੂਆਤੀ ਕੀਮਤ 'ਚ ਲਾਂਚ ਕੀਤੀ new C-Class, ਜਾਣੋ ਖ਼ਾਸੀਅਤਾਂ ਅਤੇ ਬੁਕਿੰਗ ਰੇਟ

Mercedes-Benz C-Class: ਮਰਸੀਡੀਜ਼-ਬੈਂਜ਼ ਨੇ ਭਾਰਤੀ ਬਾਜ਼ਾਰ (New Mercedes Lauch in India) ਵਿੱਚ 55 ਲੱਖ ਰੁਪਏ ਦੀ ਸ਼ੁਰੂਆਤੀ ਕੀਮਤ ਦੇ ਨਾਲ ਪੰਜਵੀਂ ਪੀੜ੍ਹੀ ਦੀ ਸੀ-ਕਲਾਸ ਲਾਂਚ ਕੀਤੀ ਹੈ। ਨਵੀਂ ਪੀੜ੍ਹੀ ਦੀ ਸੀ-ਕਲਾਸ ਸੇਡਾਨ ਦਾ ਬਾਹਰੀ ਅਤੇ ਅੰਦਰੂਨੀ ਡਿਜ਼ਾਈਨ ਫਲੈਗਸ਼ਿਪ ਐੱਸ-ਕਲਾਸ ਸੇਡਾਨ ਵਰਗਾ ਹੈ। ਮਰਸਡੀਜ਼-ਬੈਂਜ਼ ਨਵੀਂ ਸੀ-ਕਲਾਸ 'ਚ ਪਹਿਲੀ ਵਾਰ ਹਲਕੀ-ਹਾਈਬ੍ਰਿਡ ਪਾਵਰਟ੍ਰੇਨ ਦਾ ਵਿਕਲਪ ਦਿੱਤਾ ਗਿਆ ਹੈ।

ਨਵੀਂ ਮਰਸੀਡੀਜ਼-ਬੈਂਜ਼ ਸੀ-ਕਲਾਸ (The new C- Class) ਸੇਡਾ ਨੂੰ ਪੁਣੇ ਨੇੜੇ ਮਰਸੀਡੀਜ਼-ਬੈਂਜ਼ ਇੰਡੀਆ ਦੇ ਚਾਕਨ ਪਲਾਂਟ ਵਿੱਚ ਅਸੈਂਬਲ ਕੀਤਾ ਜਾ ਰਿਹਾ ਹੈ। ਇਸ ਕਾਰ ਨੂੰ ਕੁਝ ਸਮਾਂ ਪਹਿਲਾਂ ਹੀ ਲਾਂਚ ਕੀਤਾ ਗਿਆ ਸੀ। ਇਸ ਨੂੰ 50,000 ਰੁਪਏ 'ਚ ਬੁੱਕ ਕੀਤਾ ਜਾ ਸਕਦਾ ਹੈ।

ਜਾਣੋ ਕੀਮਤ ਕੀ ਹੈ

ਨਵੀਂ ਸੀ-ਕਲਾਸ ਨੂੰ ਤਿੰਨ ਵੇਰੀਐਂਟ 'ਚ ਪੇਸ਼ ਕੀਤਾ ਗਿਆ ਹੈ। ਇਸ ਦੇ C-200 ਵੇਰੀਐਂਟ ਦੀ ਕੀਮਤ 55 ਲੱਖ ਰੁਪਏ ਐਕਸ-ਸ਼ੋਰੂਮ, C-220d ਵੇਰੀਐਂਟ ਦੀ ਕੀਮਤ 56 ਲੱਖ ਰੁਪਏ ਅਤੇ C-200d ਦੀ ਕੀਮਤ 61 ਲੱਖ ਰੁਪਏ (ਐਕਸ-ਸ਼ੋਰੂਮ) ਹੈ। ਮਰਸਡੀਜ਼-ਬੈਂਜ਼ ਦੀ ਨਵੀਂ ਸੀ-ਕਲਾਸ ਦੋ ਡੀਜ਼ਲ ਅਤੇ ਇਕ ਪੈਟਰੋਲ ਇੰਜਣ ਵਿਕਲਪਾਂ ਵਿਚ ਪੇਸ਼ ਕੀਤੀ ਗਈ ਹੈ। ਐਂਟਰੀ-ਲੈਵਲ C200 ਪੈਟਰੋਲ ਵੇਰੀਐਂਟ ਇੱਕ ਨਵਾਂ 1.5-ਲੀਟਰ ਚਾਰ-ਸਿਲੰਡਰ ਇੰਜਣ ਦੁਆਰਾ ਸੰਚਾਲਿਤ ਹੈ ਜੋ 204bhp ਅਤੇ 300Nm ਦਾ ਟਾਰਕ ਜਨਰੇਟ ਕਰਦਾ ਹੈ।

ਸ਼ਾਨਦਾਰ ਮਾਈਲੇਜ

ਸੀ-ਕਲਾਸ ਡੀਜ਼ਲ ਲਾਈਨ-ਅੱਪ C220d ਨਾਲ ਸ਼ੁਰੂ ਹੁੰਦਾ ਹੈ। ਇਹ 2.0-ਲੀਟਰ ਡੀਜ਼ਲ ਇੰਜਣ ਦੇ ਨਾਲ ਆਉਂਦਾ ਹੈ। ਇਹ 200bhp ਦੀ ਪਾਵਰ ਅਤੇ 440Nm ਦਾ ਟਾਰਕ ਪੈਦਾ ਕਰਦਾ ਹੈ। ਇਸ ਦਾ ਟਾਪ ਮਾਡਲ C300d ਇਸ ਪਾਵਰਪਲਾਂਟ ਦੇ ਨਾਲ ਆਉਂਦਾ ਹੈ। ਇਹ 265bhp ਅਤੇ 440Nm ਦਾ ਟਾਰਕ ਜਨਰੇਟ ਕਰਦਾ ਹੈ।

ਸ਼ਾਨਦਾਰ ਮਾਈਲੇਜ਼ ਹੈ ਇਸ ਮਰਡਸੀਡੀਜ਼ ਦੀ।

ਮਾਈਲੇਜ ਦੇ ਮਾਮਲੇ ਵਿੱਚ, ਮਰਸਡੀਜ਼-ਬੈਂਜ਼ ਇੰਡੀਆ ਬੇਸ ਮਾਡਲ C200 ਲਈ 16.9 kmpl ਅਤੇ C220d ਲਈ 23 kmpl ਦੀ ਮਾਈਲੇਜ ਦਾ ਦਾਅਵਾ ਕਰਨਾ ਜਾਰੀ ਰੱਖਦੀ ਹੈ। C200 ਅਤੇ C220d ਵੇਰੀਐਂਟ ਨੂੰ 7.3 ਸਕਿੰਟਾਂ ਵਿੱਚ 0-100 kmph ਦੀ ਰਫਤਾਰ ਫੜਨ ਲਈ ਕਿਹਾ ਜਾਂਦਾ ਹੈ। C300d ਸਿਰਫ 5.7 ਸਕਿੰਟਾਂ ਵਿੱਚ 100 kmph ਦੀ ਰਫਤਾਰ ਫੜ ਸਕਦਾ ਹੈ।

ਨਵੀਂ C-ਕਲਾਸ ਦੇ C200 ਅਤੇ C220d ਵੇਰੀਐਂਟ Avantgarde ਲਾਈਨਅੱਪ ਵਿੱਚ ਉਪਲਬਧ ਹੋਣਗੇ, ਜਦੋਂ ਕਿ C300d ਇੱਕ ਸਪੋਰਟੀਅਰ AMG-ਲਾਈਨ ਵਿੱਚ ਉਪਲਬਧ ਹੋਣਗੇ। C300d AMG-ਸਪੈਕ ਬੰਪਰ, ਸਪੋਰਟੀਅਰ ਗ੍ਰਿਲ ਅਤੇ ਮਲਟੀ-ਸਪੋਕ ਸਟੀਅਰਿੰਗ ਵ੍ਹੀਲ ਨਾਲ ਲੈਸ ਹੈ। ਸਟੀਅਰਿੰਗ ਵ੍ਹੀਲ 'ਤੇ ਟੱਚ-ਸੈਂਸਟਿਵ ਪੈਡ ਹੈ ਜਿਸ ਤੋਂ ਕਈ ਫੀਚਰਸ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ।

ਸ਼ਾਨਦਾਰ ਵਿਸ਼ੇਸ਼ਤਾਵਾਂ

ਤਿੰਨੋਂ ਵੇਰੀਐਂਟਸ ਦੇ ਇੰਜਣ 9-ਸਪੀਡ ਆਟੋਮੈਟਿਕ ਗਿਅਰਬਾਕਸ ਨਾਲ ਮਿਲਦੇ ਹਨ। ਇਹ ਏਕੀਕ੍ਰਿਤ ਸਟਾਰਟਰ ਜਨਰੇਟਰ (ISG) ਸਿਸਟਮ ਨਾਲ 48V ਹਲਕੇ-ਹਾਈਬ੍ਰਿਡ ਤਕਨਾਲੋਜੀ ਨਾਲ ਲੈਸ ਹਨ ਜੋ ਵਾਧੂ 20bhp ਅਤੇ 200Nm ਤੱਕ ਦਾ ਟਾਰਕ ਪ੍ਰਦਾਨ ਕਰਦਾ ਹੈ। ਨਵੀਂ ਸੀ-ਕਲਾਸ ਨੂੰ ਨਵੀਂ ਪੋਰਟਰੇਟ-ਅਧਾਰਿਤ, ਟੈਬਲੇਟ-ਸਟਾਈਲ 11.9-ਇੰਚ ਦੀ ਕੇਂਦਰੀ ਟੱਚਸਕਰੀਨ ਮਿਲਦੀ ਹੈ। ਇਸ 'ਚ MBUX ਇੰਫੋਟੇਨਮੈਂਟ ਸਾਫਟਵੇਅਰ ਦੀ ਵਰਤੋਂ ਕੀਤੀ ਗਈ ਹੈ। ਇਹ ਇਨਫੋਟੇਨਮੈਂਟ ਸਿਸਟਮ ਕਨੈਕਟਡ ਕਾਰ ਟੈਕ ਅਤੇ ਵਾਇਸ ਅਸਿਸਟੈਂਟ ਫੀਚਰ ਨਾਲ ਆਉਂਦਾ ਹੈ। ਫਿੰਗਰਪ੍ਰਿੰਟ ਜਾਂ ਵੌਇਸ ਅਸਿਸਟੈਂਟ ਰਾਹੀਂ ਬਾਇਓਮੈਟ੍ਰਿਕ ਪ੍ਰਮਾਣਿਕਤਾ ਵੀ ਹੈ।

ਨਵੀਂ C200 ਅਤੇ C220d ਛੇ ਰੰਗਾਂ ਵਿੱਚ ਉਪਲਬਧ ਹਨ - ਸੇਲੇਸਟੀਨ ਗ੍ਰੇ, ਮੋਜਾਵੇ ਸਿਲਵਰ, ਹਾਈ-ਟੈਕ ਸਿਲਵਰ, ਮੈਨੂਫੈਕਚਰ ਓਪਲਾਈਟ ਵ੍ਹਾਈਟ, ਕੈਵਨਸਾਈਟ ਬਲੂ ਅਤੇ ਓਬਸੀਡੀਅਨ ਬਲੈਕ। C300d ਸਿਰਫ ਰੰਗਾਂ ਵਿੱਚ ਉਪਲਬਧ ਹੋਵੇਗਾ।