Android 13 'ਤੇ ਚੱਲਣ ਵਾਲਾ Moto E13 ਜਲਦ ਹੋਵੇਗਾ ਲਾਂਚ, ਜਾਣੋ ਖਾਸੀਅਤ

ਸਮਾਰਟਫੋਨ ਨਿਰਮਾਤਾ ਕੰਪਨੀ ਮੋਟੋਰੋਲਾ ਦਾ ਐਂਟਰੀ ਲੈਵਲ ਸਮਾਰਟਫੋਨ ਜਲਦ ਹੀ ਬਾਜ਼ਾਰ 'ਚ ਆ ਸਕਦਾ ਹੈ। ਕੰਪਨੀ ਦੇ ਆਉਣ ਵਾਲੇ ਫੋਨ ਨੂੰ ਸਰਟੀਫਿਕੇਸ਼ਨ ਵੈੱਬਸਾਈਟਸ 'ਤੇ ਦੇਖਿਆ ਗਿਆ ਹੈ। ਗੀਕਬੈਂਚ ਪਲੇਟਫਾਰਮ ਤੋਂ ਮੋਟੋ ਈ ਸੀਰੀਜ਼ ਬਾਰੇ ਬਹੁਤ ਕੁਝ ਸਾਹਮਣੇ ਆਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮੋਟੋਰੋਲਾ ਦੇ ਆਉਣ ਵਾਲੇ ਫੋਨ ਦਾ ਨਾਂ Moto E13 ਹੈ। ਡਾਟਾਬੇਸ ਲਿਸਟਿੰਗ ਤੋਂ ਫੋਨ ਦੇ ਕਈ ਫੀਚਰਸ ਸਾਹਮਣੇ ਆਏ ਹਨ। ਇਸ 'ਚ ਫੋਨ ਦੀ ਬੈਟਰੀ, ਕੈਮਰੇ ਸਮੇਤ ਕਈ ਜਾਣਕਾਰੀਆਂ ਸਾਹਮਣੇ ਆਈਆਂ ਹਨ। GizmoChina ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਆਉਣ ਵਾਲੇ Moto E13 ਦੀ ਗੀਕਬੈਂਚ ਲਿਸਟਿੰਗ ਤੋਂ ਪਤਾ ਚੱਲਦਾ ਹੈ ਕਿ ਸਮਾਰਟਫੋਨ ਇੱਕ ਆਕਟਾ-ਕੋਰ ARM Unisoc T606 ਪ੍ਰੋਸੈਸਰ ਦੁਆਰਾ ਸੰਚਾਲਿਤ ਹੋਵੇਗਾ।

ਡਿਵਾਈਸ ਨੇ ਗੀਕਬੈਂਚ ਦੇ ਸਿੰਗਲ-ਕੋਰ ਟੈਸਟ ਵਿੱਚ 318 ਅੰਕ ਅਤੇ ਇਸਦੇ ਮਲਟੀ-ਕੋਰ ਟੈਸਟ ਵਿੱਚ 995 ਅੰਕ ਪ੍ਰਾਪਤ ਕੀਤੇ। ਬੈਂਚਮਾਰਕਿੰਗ ਪਲੇਟਫਾਰਮ ਨੇ ਫੋਨ ਬਾਰੇ ਕੁਝ ਹੋਰ ਸੰਭਾਵਿਤ ਵੇਰਵਿਆਂ ਦਾ ਖੁਲਾਸਾ ਵੀ ਕੀਤਾ ਹੈ। ਮੋਟੋਰੋਲਾ ਦੇ ਈ-ਸੀਰੀਜ਼ ਫੋਨ ਬਜਟ ਡਿਵਾਈਸ ਹਨ ਅਤੇ ਮੋਟੋ ਈ13 ਇੱਕ ਐਂਟਰੀ-ਲੈਵਲ ਮਾਡਲ ਲੱਗਦਾ ਹੈ। ਜਿਵੇਂ ਕਿ ਉੱਪਰ ਦੱਸਿਆ ਗਿਆ ਹੈ, ਸਮਾਰਟਫੋਨ ਵਿੱਚ ਇੱਕ Unisoc T606 ਚਿਪਸੈੱਟ ਪੈਕ ਕਰਨ ਦੀ ਉਮੀਦ ਹੈ, ਜੋ ਕਿ 2GB RAM ਨਾਲ ਆ ਸਕਦਾ ਹੈ। ਜਾਣਕਾਰੀ ਇਹ ਵੀ ਹੈ ਕਿ ਇਹ ਹੈਂਡਸੈੱਟ 3GB ਤੋਂ ਘੱਟ ਰੈਮ ਨਾਲ ਆ ਸਕਦਾ ਹੈ।

ਉਮੀਦ ਕੀਤੀ ਜਾ ਰਹੀ ਹੈ ਕਿ Moto E13 Android 13 OS ਦੇ ਗੋ ਐਡੀਸ਼ਨ ਉੱਤੇ ਕੰਮ ਕਰੇਗਾ ਜਿਸ ਨੂੰ ਚਲਾਉਣ ਲਈ ਜ਼ਿਆਦਾ ਹੈਵੀ ਸਪੈਸੀਫਿਕੇਸ਼ਨ ਦੀ ਲੋੜ ਨਹੀਂ ਹੁੰਦੀ ਹੈ। ਗੀਕਬੈਂਚ ਲਿਸਟਿੰਗ 'ਚ ਆਉਣ ਵਾਲੇ ਸਮਾਰਟਫੋਨ ਬਾਰੇ ਜ਼ਿਆਦਾ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ ਹੈ। ਆਉਣ ਵਾਲੇ ਦਿਨਾਂ ਵਿੱਚ ਹੋਰ ਜਾਣਕਾਰੀ ਆਉਣ ਦੀ ਉਮੀਦ ਹੈ। ਇਸ ਤੋਂ ਇਲਾਵਾ ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਮੋਟੋਰੋਲਾ ਦਾ ਨਵਾਂ ਸਮਾਰਟਫੋਨ Moto X40 ਸਮਾਰਟਫੋਨ 15 ਦਸੰਬਰ 2022 ਨੂੰ ਚੀਨ 'ਚ ਲਾਂਚ ਹੋ ਗਿਆ ਹੈ।। ਇਸ 'ਚ Snapdragon 8 Gen 2 SoC ਚਿਪਸੈੱਟ ਨਾਲ ਲੈਸ ਹੈ। ਫੋਨ ਦੀ ਡਿਸਪਲੇਅ 6.67-ਇੰਚ ਦੀ ਕਰਵਡ OLED ਸਕਰੀਨ ਨਾਲ ਆਉਂਦੀ ਹੈ। ਇਸ 'ਚ ਟ੍ਰਿਪਲ ਰੀਅਰ ਕੈਮਰਾ ਸੈਟਅਪ ਦਿੱਤਾ ਗਿਆ ਹੈ।