Mud Therapy: ਕਈ ਤਰ੍ਹਾਂ ਦੀਆਂ ਸਕਿਨ ਦੀਆਂ ਬਿਮਾਰੀਆਂ ਤੇ ਬਲੱਡ ਪ੍ਰੈਸ਼ਰ ਤੱਕ ਨੂੰ ਕੰਟਰੋਲ ਕਰ ਸਕਦੀ ਹੈ ਮਡ ਥੈਰੇਪੀ

Mud Therapy Benefits: ਆਮ ਭਾਸ਼ਾ ਵਿੱਚ, ਸਰੀਰ 'ਤੇ ਚਿੱਕੜ ਲਗਾਉਣ ਨੂੰ ਮਡ ਥੈਰੇਪੀ ਕਿਹਾ ਜਾਂਦਾ ਹੈ। ਨੈਚਰੋਪੈਥਿਕ ਵਿਧੀ ਵਿੱਚ, ਬਹੁਤ ਸਾਰੀਆਂ ਬਿਮਾਰੀਆਂ ਦਾ ਇਲਾਜ ਮਡ ਦੇ ਪੇਸਟ ਦੁਆਰਾ ਕੀਤਾ ਜਾਂਦਾ ਹੈ। ਇਸ ਥੈਰੇਪੀ ਵਿਚ ਸਰੀਰ ਦੇ ਕਿਸੇ ਵੀ ਹਿੱਸੇ ਜਾਂ ਪੂਰੇ ਸਰੀਰ 'ਤੇ ਮਿੱਟੀ ਲਗਾਈ ਜਾਂਦੀ ਹੈ। ਸਕਿਨ ਨਾਲ ਜੁੜੀਆਂ ਸਮੱਸਿਆਵਾਂ ਅਤੇ ਡਿਪ੍ਰੈਸ਼ਨ ਨੂੰ ਦੂਰ ਕਰਨ ਲਈ ਮਡ ਥੈਰੇਪੀ ਬਹੁਤ ਪ੍ਰਭਾਵਸ਼ਾਲੀ ਹੈ, ਇਸਦੇ ਨਾਲ ਹੀ ਇਹ ਕਈ ਸਮੱਸਿਆਵਾਂ ਦਾ ਇਲਾਜ ਵੀ ਕਰਦੀ ਹੈ।

ਕੁਦਰਤੀ ਅਤੇ ਰਸਾਇਣ ਮੁਕਤ ਹੋਣ ਕਾਰਨ ਇਸ ਦਾ ਸਾਡੇ ਉੱਤੇ ਕੋਈ ਮਾੜਾ ਪ੍ਰਭਾਵ ਨਹੀਂ ਹੁੰਦਾ। ਮਡ ਥੈਰੇਪੀ ਵਿੱਚ ਵਰਤੀ ਜਾਣ ਵਾਲੀ ਮਿੱਟੀ ਨੂੰ ਜ਼ਮੀਨ ਤੋਂ ਚਾਰ ਤੋਂ ਪੰਜ ਫੁੱਟ ਹੇਠਾਂ ਤੱਕ ਕੱਢਿਆ ਜਾਂਦਾ ਹੈ। ਮਡ ਥੈਰੇਪੀ ਨੂੰ ਨੈਚਰੋਪੈਥੀ ਦੇ ਪ੍ਰਮੁੱਖ ਹਿੱਸਿਆਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਇਸ ਦੀ ਮਦਦ ਨਾਲ ਇਹ ਕਬਜ਼ ਦੀ ਸਮੱਸਿਆ, ਜ਼ਿਆਦਾ ਤਣਾਅ, ਸਿਰਦਰਦ, ਨੀਂਦ ਨਾ ਆਉਣਾ, ਹਾਈ ਬਲੱਡ ਪ੍ਰੈਸ਼ਰ ਦੀ ਸਮੱਸਿਆ, ਸਕਿਨ ਨਾਲ ਸਬੰਧਤ ਰੋਗ ਆਦਿ ਦੇ ਇਲਾਜ 'ਚ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਆਓ ਜਾਣਦੇ ਹਾਂ ਇਸ ਥੈਰੇਪੀ ਬਾਰੇ ਸਭ ਕੁੱਝ...

ਖਾਸ ਮਿੱਟੀ ਦੀ ਕੀਤੀ ਜਾਂਦੀ ਹੈ ਵਰਤੋਂ : ਸਕਿਨ ਦੇ ਇਲਾਜ ਲਈ ਵਿਸ਼ੇਸ਼ ਕਿਸਮ ਦੀ ਮਿੱਟੀ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਹ ਮਿੱਟੀ ਜ਼ਮੀਨ ਤੋਂ ਕਰੀਬ 4 ਤੋਂ 5 ਫੁੱਟ ਹੇਠਾਂ ਤੋਂ ਕੱਢੀ ਜਾਂਦੀ ਹੈ। ਇਸ ਮਿੱਟੀ ਵਿੱਚ ਕੋਈ ਖੁਸ਼ਕਤਾ ਨਹੀਂ ਹੈ ਅਤੇ ਇਹ ਮੱਖਣ ਵਾਂਗ ਮੁਲਾਇਮ ਹੁੰਦੀ ਹੈ। ਇਸ ਮਿੱਟੀ ਵਿੱਚ ਕਈ ਖਣਿਜ ਅਤੇ ਐਕਟਿਨੋਮਾਈਸੀਟਸ ਨਾਮ ਦੇ ਬੈਕਟੀਰੀਆ ਪਾਏ ਜਾਂਦੇ ਹਨ। ਇਹ ਸਿਹਤ ਲਈ ਕਈ ਤਰ੍ਹਾਂ ਨਾਲ ਫਾਇਦੇਮੰਦ ਹੈ। ਇਸ ਦਾ ਪੇਸਟ ਬਣਾ ਕੇ ਸਰੀਰ ਦੇ ਅੰਗਾਂ 'ਤੇ ਲਗਾਇਆ ਜਾਂਦਾ ਹੈ।

ਅਲੱਗ ਅਲੱਗ ਕਿਸਮ ਦੀ ਹੁੰਦੀ ਹੈ ਮਡ ਥੈਰਿਪੀ: ਮਡ ਥੈਰੇਪੀ ਦੀ ਚੋਣ ਥੈਰੇਪੀ ਦੇ ਆਧਾਰ 'ਤੇ ਕੀਤੀ ਜਾਂਦੀ ਹੈ। ਪਹਿਲਾ ਤਰੀਕਾ ਹੈ ਮਿੱਟੀ ਦੀ ਪੱਟੀ, ਜਿਸ ਵਿੱਚ ਪੇਟ ਅਤੇ ਮੱਥੇ 'ਤੇ ਮਿੱਟੀ ਦੀ ਪੱਟੀ ਲਗਾਈ ਜਾਂਦੀ ਹੈ। ਇਸ ਨੂੰ ਸਰੀਰ ਦੇ ਹੋਰ ਹਿੱਸਿਆਂ 'ਤੇ ਵੀ ਲਗਾਇਆ ਜਾ ਸਕਦਾ ਹੈ। ਜਦੋਂ ਕਿ ਦੂਜਾ ਤਰੀਕਾ ਹੈ ਮਡ ਬਾਥ ਲੈਣਾ, ਭਾਵ ਚਿੱਕੜ ਨਾਲ ਇਸ਼ਨਾਨ ਕਰਨਾ। ਥੈਰੇਪੀ ਦੇ ਇਸ ਹਿੱਸੇ ਵਿੱਚ ਸਿਰ ਤੋਂ ਲੈ ਕੇ ਪੈਰਾਂ ਤੱਕ ਮਿੱਟੀ ਦਾ ਲੇਪ ਲਗਾਇਆ ਜਾਂਦਾ ਹੈ। ਸੁੱਕਣ ਤੋਂ ਬਾਅਦ ਇਸ ਨੂੰ ਸਾਫ਼ ਪਾਣੀ ਨਾਲ ਨਹਾ ਕੇ ਸਾਫ ਕਰ ਲਿਆ ਜਾਂਦਾ ਹੈ। ਹਾਲਾਂਕਿ, ਜੇਕਰ ਤੁਸੀਂ ਕਿਸੇ ਵੀ ਤਰ੍ਹਾਂ ਦੀ ਸਿਹਤ ਸਮੱਸਿਆ ਨਾਲ ਜੂਝ ਰਹੇ ਹੋ, ਤਾਂ ਇਸ ਥੈਰੇਪੀ ਨੂੰ ਅਜ਼ਮਾਉਣ ਤੋਂ ਪਹਿਲਾਂ ਡਾਕਟਰ ਨਾਲ ਸਲਾਹ ਕਰੋ।