22 ਰੁਪਏ ਦੇ ਇਸ ਸ਼ੇਅਰ 'ਚ ਸਿਰਫ 25 ਹਜ਼ਾਰ ਰੁਪਏ ਲਗਾ ਕੇ ਲੋਕ ਬਣੇ ਕਰੋੜਪਤੀ, ਮਿਲੇ 4.5 ਕਰੋੜ ਰੁਪਏ

ਨਵੀਂ ਦਿੱਲੀ : ਜੇਕਰ ਤੁਸੀਂ ਸਟਾਕ ਮਾਰਕੀਟ ਵਿੱਚ ਨਿਵੇਸ਼ (Stock market) ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਪੈਨੀ ਸਟਾਕ ਵਿੱਚ ਨਿਵੇਸ਼ ਕਰ ਸਕਦੇ ਹੋ। ਅੱਜਕੱਲ੍ਹ ਪੈਨੀ ਸਟਾਕ ਨੇ ਆਪਣੇ ਨਿਵੇਸ਼ਕਾਂ ਨੂੰ ਮਲਟੀ-ਬੈਗਰ ਰਿਟਰਨ (Multibagger stock return) ਦਿੱਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪੈਨੀ ਸਟਾਕ (What is penny stock) ਅਜਿਹੇ ਸਟਾਕ ਹੁੰਦੇ ਹਨ, ਜੋ ਬਹੁਤ ਸਸਤੇ ਹੁੰਦੇ ਹਨ ਅਤੇ ਜਿਨ੍ਹਾਂ ਦੀ ਮਾਰਕੀਟ ਕੀਮਤ ਘੱਟ ਹੁੰਦੀ ਹੈ। ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੇ ਸਟਾਕ ਬਾਰੇ ਦੱਸ ਰਹੇ ਹਾਂ ਜਿਸ ਵਿੱਚ ਪੈਸਾ ਲਗਾਉਣ ਨਾਲ ਬਹੁਤ ਹੀ ਘੱਟ ਸਮੇਂ ਵਿੱਚ ਕਰੋੜਪਤੀ ਬਣ ਗਏ।

ਅਸੀਂ ਗੱਲ ਕਰ ਰਹੇ ਹਾਂ - ਭਾਰਤ ਰਸਾਇਣ, ਜੋ ਫਾਰਮਾ, ਬਲਕ ਡਰੱਗ ਅਤੇ ਫਰੈਗਰੈਂਸ ਵਰਗੇ ਖੇਤਰਾਂ ਵਿੱਚ ਕਾਰੋਬਾਰ ਕਰ ਰਿਹਾ ਹੈ। ਇਸ ਭਾਰਤ ਰਸਾਇਣ (Bharat Rasayan) ਦੇ ਸਟਾਕ ਨੇ 20 ਸਾਲਾਂ ਵਿੱਚ ਆਪਣੇ ਸ਼ੇਅਰਧਾਰਕਾਂ ਨੂੰ 40,000 ਪ੍ਰਤੀਸ਼ਤ ਤੋਂ ਵੱਧ ਦਾ ਰਿਟਰਨ ਦਿੱਤਾ ਹੈ। 20 ਸਾਲ ਪਹਿਲਾਂ ਇਸ ਕੈਮੀਕਲ ਬਣਾਉਣ ਵਾਲੀ ਕੰਪਨੀ ਦੇ ਸ਼ੇਅਰਾਂ ਵਿੱਚ 25,000 ਰੁਪਏ ਦੀ ਨਿਵੇਸ਼ ਰਾਸ਼ੀ ਅੱਜ ਕਰੋੜਾਂ ਰੁਪਏ ਹੋ ਗਈ ਹੈ।

ਨਿਵੇਸ਼ਕ  ਹੋ ਗਏ ਅਮੀਰ -

ਜੇਕਰ ਤੁਸੀਂ ਭਾਰਤ ਰਸਾਇਣ ਸਟਾਕ ਦੇ ਇਤਿਹਾਸ 'ਤੇ ਨਜ਼ਰ ਮਾਰੀਏ ਤਾਂ 12 ਨਵੰਬਰ 2001 ਨੂੰ ਇਹ ਸਟਾਕ NSE 'ਤੇ 22 ਰੁਪਏ ਦੇ ਪੱਧਰ 'ਤੇ ਬੰਦ ਹੋਇਆ ਸੀ। ਇਸ ਦੇ ਨਾਲ ਹੀ, 15 ਨਵੰਬਰ 2021 ਨੂੰ, ਭਾਰਤ ਰਸਾਇਣ ਦਾ ਸਟਾਕ 10,100 ਰੁਪਏ ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਅਜਿਹੀ ਸਥਿਤੀ 'ਚ ਜੇਕਰ ਕਿਸੇ ਨਿਵੇਸ਼ਕ ਨੇ 12 ਨਵੰਬਰ 2001 ਨੂੰ ਭਾਰਤ ਰਸਾਇਣ ਸਟਾਕ 'ਚ 25,000 ਰੁਪਏ ਦਾ ਨਿਵੇਸ਼ ਕੀਤਾ ਹੁੰਦਾ ਤਾਂ ਅੱਜ ਉਸ ਨੂੰ 1.14 ਕਰੋੜ ਰੁਪਏ ਦਾ ਰਿਟਰਨ ਮਿਲਣਾ ਸੀ। ਦੂਜੇ ਪਾਸੇ ਜੇਕਰ ਕਿਸੇ ਨਿਵੇਸ਼ਕ ਨੇ 12 ਨਵੰਬਰ 2001 ਨੂੰ ਇਸ ਕੈਮੀਕਲ ਸਟਾਕ ਵਿੱਚ 1 ਲੱਖ ਰੁਪਏ ਦਾ ਨਿਵੇਸ਼ ਕੀਤਾ ਹੁੰਦਾ ਤਾਂ ਅੱਜ ਇਹ ਰਕਮ 4.5 ਕਰੋੜ ਰੁਪਏ ਬਣ ਜਾਣੀ ਸੀ। ਬਸ਼ਰਤੇ ਨਿਵੇਸ਼ ਆਪਣੇ ਨਿਵੇਸ਼ ਨੂੰ ਬਰਕਰਾਰ ਰੱਖੇ।

ਦੂਜੀ ਤਿਮਾਹੀ ਦੇ ਨਤੀਜੇ-

ਲੌਕਡਾਊਨ ਕਾਰਨ ਕੰਪਨੀ ਦਾ ਏਕੀਕ੍ਰਿਤ ਮੁਨਾਫਾ ਥੋੜ੍ਹਾ ਘੱਟ ਹੋ ਸਕਦਾ ਹੈ। ਪਰ ਉਸ ਦਾ ਪ੍ਰਦਰਸ਼ਨ ਬਿਹਤਰ ਰਿਹਾ ਹੈ। ਕੰਪਨੀ ਦਾ ਏਕੀਕ੍ਰਿਤ ਮੁਨਾਫਾ ਚਾਲੂ ਵਿੱਤੀ ਸਾਲ ਦੀ ਜੁਲਾਈ-ਸਤੰਬਰ ਤਿਮਾਹੀ 'ਚ 35.4 ਫੀਸਦੀ ਘੱਟ ਕੇ 35.27 ਕਰੋੜ ਰੁਪਏ ਰਹਿ ਗਿਆ, ਜੋ ਪਿਛਲੇ ਵਿੱਤੀ ਸਾਲ ਦੀ ਸਮਾਨ ਮਿਆਦ 'ਚ 54 ਕਰੋੜ ਰੁਪਏ ਸੀ। ਪਿਛਲੇ ਇਕ ਸਾਲ 'ਚ ਕੰਪਨੀ ਦੇ ਸਟਾਕ ਦਾ ਪ੍ਰਦਰਸ਼ਨ ਕਾਫੀ ਉਤਸ਼ਾਹਜਨਕ ਰਿਹਾ ਹੈ।