Navgrah Mantra: ਆਪਣੀ ਗ੍ਰਹਿ ਦਸ਼ਾ ਸੁਧਾਰਨੀ ਹੈ ਤਾਂ ਗ੍ਰਹਿ ਮੁਤਾਬਿਕ ਕਰੋ ਇਨ੍ਹਾਂ ਮੰਤਰਾਂ ਦਾ ਜਾਪ

Navgrah Mantra: ਜੋਤਿਸ਼ ਵਿਗਿਆਨ ਦੀਆਂ ਸਾਰੀਆਂ ਗਣਨਾਵਾਂ ਨੌਂ ਗ੍ਰਹਿਆਂ 'ਤੇ ਅਧਾਰਤ ਹਨ। ਅੱਜ ਵੀ ਜੋਤਸ਼-ਵਿੱਦਿਆ ਵਿੱਚ ਗ੍ਰਹਿਆਂ ਦੀ ਚਾਲ ਦੇ ਹਿਸਾਬ ਨਾਲ ਗਿਣਨਾ ਕੀਤੀ ਜਾਂਦੀ ਹੈ। ਗ੍ਰਹਿਆਂ ਦੀ ਚਾਲ ਦਾ ਵਿਅਕਤੀ ਦੇ ਜੀਵਨ 'ਤੇ ਸਿੱਧਾ ਅਸਰ ਪੈਂਦਾ ਹੈ। ਕਿਸੇ ਵਿਅਕਤੀ ਦੀ ਕੁੰਡਲੀ ਨੂੰ ਦੇਖ ਕੇ ਗ੍ਰਹਿਆਂ ਦੀ ਸਥਿਤੀ ਦਾ ਅੰਦਾਜ਼ਾ ਲਗਾਇਆ ਜਾਂਦਾ ਹੈ। ਜੋਤਸ਼ੀਆਂ ਦੇ ਅਨੁਸਾਰ ਜਦੋਂ ਗ੍ਰਹਿ ਕਮਜ਼ੋਰ ਹੁੰਦੇ ਹਨ ਤਾਂ ਵਿਅਕਤੀ ਨੂੰ ਇਸ ਨਾਲ ਸਬੰਧਤ ਮਾੜੇ ਨਤੀਜੇ ਮਿਲਦੇ ਹਨ।

ਦੂਜੇ ਪਾਸੇ ਜਦੋਂ ਗ੍ਰਹਿ ਬਲਵਾਨ ਹੁੰਦੇ ਹਨ ਤਾਂ ਇਸ ਦਾ ਸਿੱਧਾ ਲਾਭ ਉਲ ਗ੍ਰਹਿ ਦੇ ਜਾਤਕਾਂ ਨੂੰ ਮਿਲਦਾ ਹੈ। ਇਸ ਲਈ ਗ੍ਰਹਿਆਂ ਨੂੰ ਖੁਸ਼ ਰੱਖਣ ਤੇ ਉਨ੍ਹਾਂ ਦੀ ਸਥਿਤੀ ਨੂੰ ਮਜ਼ਬੂਤ ਕਰਨ ਲਈ ਹਰ ਗ੍ਰਹਿ ਦਾ ਆਪਣਾ ਇੱਕ ਖਾਸ ਮੰਤਰ ਹੈ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਮੰਤਰਾਂ ਬਾਰੇ ਦੱਸਣ ਜਾ ਰਹੇ ਹਾਂ...

1). ਸੂਰਜ

ਭਗਵਾਨ ਸੂਰਜ ਦੀ ਪੂਜਾ ਕਰਨ ਨਾਲ ਸ਼ਕਤੀ, ਹਿੰਮਤ, ਪ੍ਰਸਿੱਧੀ, ਸਫਲਤਾ ਅਤੇ ਖੁਸ਼ਹਾਲੀ ਮਿਲਦੀ ਹੈ।

ਸੂਰਜ ਦਾ ਮੰਤਰ ਹੈ: "ਓਮ ਹ੍ਰੀ ਸ਼੍ਰੀ ਸੂਰਯਾਯ ਨਮਹ"

2). ਚੰਦਰਮਾ

ਚੰਦਰਮਾ ਵਿਅਕਤੀ ਦੇ ਮਨ ਨੂੰ ਦਰਸਾਉਂਦਾ ਹੈ, ਇਸ ਦੀ ਪੂਜਾ ਕਰਨਾ ਮਾਨਸਿਕ ਸ਼ਾਂਤੀ, ਧਨ ਦੀ ਪ੍ਰਾਪਤੀ ਅਤੇ ਜੀਵਨ ਵਿਚ ਸਫਲਤਾ ਲਈ ਲਾਭਦਾਇਕ ਹੈ।

ਚੰਦਰਮਾ ਦਾ ਮੰਤਰ ਹੈ: "ਓਮ ਏਂ ਕਲੀਮ ਸੋਮਾਯ ਨਮਹ"

3). ਮੰਗਲ

ਮੰਗਲ ਦੀ ਪੂਜਾ ਕਰਨ ਨਾਲ ਵਿਅਕਤੀ ਨੂੰ ਜੀਵਨ ਵਿੱਚ ਸੰਪੂਰਨ ਸਿਹਤ, ਤਾਕਤ, ਦੌਲਤ ਅਤੇ ਖੁਸ਼ਹਾਲੀ ਮਿਲਦੀ ਹੈ।

ਮੰਗਲ ਦਾ ਮੰਤਰ ਹੈ: "ਓਮ ਹੂੰ ਸ਼੍ਰੀ ਮੰਗਲਾਯ ਨਮਹ"

4). ਬੁੱਧ

ਬੁੱਧ ਵਿਅਕਤੀ ਦੀ ਬੋਲੀ, ਬੁੱਧੀ, ਤਰਕ ਅਤੇ ਸੁਚੇਤਤਾ ਦਾ ਕਾਰਕ ਹੈ। ਬੁਧ ਦੀ ਪੂਜਾ ਕਰਨ ਨਾਲ ਗਿਆਨ, ਧਨ ਦੀ ਪ੍ਰਾਪਤੀ ਹੁੰਦੀ ਹੈ ਅਤੇ ਸਰੀਰਕ ਰੋਗਾਂ ਤੋਂ ਛੁਟਕਾਰਾ ਮਿਲਦਾ ਹੈ।

ਬੁੱਧ ਦਾ ਮੰਤਰ ਹੈ: "ਓਮ ਏਂ ਸ਼੍ਰੀ ਸ਼੍ਰੀ ਬੁਧਾਯ ਨਮਹ"

5). ਬ੍ਰਹਿਸਪਤ

ਬ੍ਰਹਿਸਪਤ ਸਭ ਤੋਂ ਲਾਭਕਾਰੀ ਗ੍ਰਹਿਆਂ ਵਿੱਚੋਂ ਇੱਕ ਹੈ। ਇਨ੍ਹਾਂ ਦੀ ਪੂਜਾ ਕਰਨ ਨਾਲ ਮਨੁੱਖ ਨੂੰ ਧਨ, ਵਿੱਦਿਆ ਅਤੇ ਸੰਤਾਨ ਦੀ ਪ੍ਰਾਪਤੀ ਹੁੰਦੀ ਹੈ ਅਤੇ ਮਨੁੱਖ ਨੂੰ ਲੰਬੀ ਉਮਰ ਮਿਲਦੀ ਹੈ।

ਬ੍ਰਿਹਸਪਤਿ ਦਾ ਮੰਤਰ ਹੈ: "ਓਮ ਹ੍ਰੀਂ ਕਲੀਮ ਹੂੰ ਬ੍ਰਿਹਸਪਤਯੇ ਨਮਹ।"

6). ਸ਼ੁੱਕਰ

ਸ਼ੁੱਕਰ ਦੀ ਪੂਜਾ ਨਾਲ ਜੀਵਨ 'ਚ ਖੁਸ਼ਹਾਲੀ ਆਉਂਦੀ ਹੈ, ਪਿਆਰ ਅਤੇ ਰਿਸ਼ਤਿਆਂ 'ਚ ਨੇੜਤਾ ਆਉਂਦੀ ਹੈ।

ਸ਼ੁੱਕਰ ਦਾ ਮੰਤਰ ਹੈ: "ਓਮ ਹ੍ਰੀ ਸ਼੍ਰੀ ਸ਼ੁਕਰਾਯ ਨਮਹ"

7). ਸ਼ਨੀ

ਵੈਦਿਕ ਜੋਤਿਸ਼ ਵਿੱਚ ਸ਼ਨੀ ਗ੍ਰਹਿ ਦਾ ਬਹੁਤ ਮਹੱਤਵ ਹੈ। ਸ਼ਨੀ ਦੀ ਪੂਜਾ ਮਾਨਸਿਕ ਸ਼ਾਂਤੀ, ਖੁਸ਼ੀ, ਸਿਹਤ ਅਤੇ ਖੁਸ਼ਹਾਲੀ ਵਿੱਚ ਵਾਧਾ ਕਰਦੀ ਹੈ।

ਸ਼ਨੀ ਦਾ ਮੰਤਰ ਹੈ: "ਓਮ ਏਂ ਹ੍ਰੀਂ ਸ਼੍ਰੀ ਸ਼ਨੈਸ਼ਚਰਾਯ ਨਮਹ"

8). ਰਾਹੂ

ਰਾਹੂ ਗ੍ਰਹਿ ਨੂੰ ਅਸ਼ੁੱਧ ਗ੍ਰਹਿ ਮੰਨਿਆ ਜਾਂਦਾ ਹੈ। ਰਾਹੂ ਦੀ ਪੂਜਾ ਕਰਨ ਨਾਲ ਜੀਵਨ ਵਿੱਚ ਸ਼ਕਤੀ ਅਤੇ ਸਮਾਜਿਕ ਪ੍ਰਤਿਸ਼ਠਾ ਵਿੱਚ ਵਾਧਾ ਹੁੰਦਾ ਹੈ।

ਰਾਹੂ ਦਾ ਮੰਤਰ ਹੈ: "ਓਮ ਏਂ ਹ੍ਰੀਂ ਰਾਹਵੇ ਨਮਹ"

9). ਕੇਤੂ

ਜੋਤਿਸ਼ ਸ਼ਾਸਤਰ ਵਿਚ ਕੇਤੂ ਗ੍ਰਹਿ ਨੂੰ ਵੀ ਅਸ਼ੁੱਭ ਗ੍ਰਹਿ ਮੰਨਿਆ ਗਿਆ ਹੈ ਪਰ ਕੇਤੂ ਗ੍ਰਹਿ ਦੇ ਜ਼ਰੀਏ ਵਿਅਕਤੀ ਨੂੰ ਵੀ ਸ਼ੁਭ ਫਲ ਮਿਲਦਾ ਹੈ, ਕੇਤੂ ਦੀ ਪੂਜਾ ਨਾਲ ਸਿਹਤ, ਧਨ, ਕਿਸਮਤ, ਖੁਸ਼ਹਾਲੀ ਵਿਚ ਵਾਧਾ ਹੁੰਦਾ ਹੈ।

ਕੇਤੂ ਦਾ ਮੰਤਰ ਹੈ: "ਓਮ ਸ਼੍ਰਾਂ ਸ਼੍ਰੀਂ ਸ਼੍ਰੋਂ ਸਹ ਕੇਤਵੇ ਨਮਹ"।