New Update: ਬਿਨਾਂ ਇਹ ਕੰਮ ਕੀਤੇ ਤੁਸੀਂ ਨਹੀਂ ਚਲਾ ਸਕੋਗੇ Instagram, ਪੜ੍ਹੋ ਖਬਰ

Instagram New Update: ਇੰਸਟਾਗ੍ਰਾਮ  ਨੇ ਹੁਣ ਆਪਣੇ ਯੂਜ਼ਰਸ ਲਈ ਆਪਣੀ ਜਨਮ ਮਿਤੀ ਦੱਸਣਾ ਲਾਜ਼ਮੀ ਕਰ ਦਿੱਤਾ ਹੈ। ਜਿਨ੍ਹਾਂ ਯੂਜ਼ਰਸ ਨੇ ਅਜੇ ਤੱਕ ਆਪਣੀ ਇੰਸਟਾਗ੍ਰਾਮ ਆਈਡੀ ਵਿੱਚ ਆਪਣੀ ਜਨਮ ਮਿਤੀ ਨੂੰ ਅਪਡੇਟ ਨਹੀਂ ਕੀਤਾ ਹੈ ਉਹ ਐਪ ਦੀ ਵਰਤੋਂ ਕਰਨ ਦੇ ਯੋਗ ਨਹੀਂ ਹਣਗੇ। ਉਨ੍ਹਾਂ ਨੂੰ ਪਹਿਲਾਂ ਐਪ 'ਤੇ ਆਪਣੀ ਜਨਮ ਮਿਤੀ ਦੇ ਵੇਰਵਿਆਂ ਨੂੰ ਅਪਡੇਟ ਕਰਨ ਲਈ ਕਿਹਾ ਜਾ ਰਿਹਾ ਹੈ। ਇੰਸਟਾਗ੍ਰਾਮ 'ਤੇ ਜ਼ਬਰਦਸਤੀ ਜਨਮ ਤਰੀਕ ਮੰਗਣ 'ਤੇ ਯੂਜ਼ਰਸ 'ਚ ਗੁੱਸਾ ਹੈ। ਕਈ ਯੂਜ਼ਰਸ ਨੇ ਟਵਿਟਰ 'ਤੇ ਇਸ ਦੀ ਸ਼ਿਕਾਇਤ ਕੀਤੀ ਹੈ।

ਧਿਆਨਯੋਗ ਹੈ ਕਿ ਇੰਸਟਾਗ੍ਰਾਮ ਨੇ 2019 ਵਿੱਚ ਸਾਰੇ ਯੂਜ਼ਰਸ ਲਈ ਜਨਮ ਮਿਤੀ ਦੇਣ ਦਾ ਨਿਯਮ ਬਣਾਇਆ ਸੀ, ਪਰ ਇਸ ਨੂੰ ਵਿਕਲਪਿਕ ਰੱਖਿਆ ਗਿਆ ਸੀ। ਪਿਛਲੇ ਸਾਲ ਇਸ ਨੂੰ ਲਾਜ਼ਮੀ ਕਰ ਦਿੱਤਾ ਗਿਆ ਸੀ। ਇੰਸਟਾਗ੍ਰਾਮ ਨੇ ਕਿਹਾ ਕਿ ਇਹ ਕਦਮ 13 ਸਾਲ ਤੱਕ ਦੇ ਬੱਚਿਆਂ ਨੂੰ ਇੰਸਟਾਗ੍ਰਾਮ ਤੋਂ ਦੂਰ ਰੱਖਣ ਲਈ ਚੁੱਕਿਆ ਗਿਆ ਹੈ। ਹਾਲਾਂਕਿ, ਕਈ ਤਕਨੀਕੀ ਮਾਹਰਾਂ ਦਾ ਕਹਿਣਾ ਹੈ ਕਿ ਇੰਸਟਾਗ੍ਰਾਮ ਵਪਾਰਕ ਲਾਭ ਲਈ ਯੂਜ਼ਰਸ ਦੀ ਉਮਰ ਬਾਰੇ ਜਾਣਕਾਰੀ ਪ੍ਰਾਪਤ ਕਰਨਾ ਚਾਹੁੰਦਾ ਹੈ।

ਜਿਨ੍ਹਾਂ ਯੂਜ਼ਰਸ ਨੇ ਅਜੇ ਤੱਕ ਇੰਸਟਾਗ੍ਰਾਮ 'ਤੇ ਆਪਣੀ ਜਨਮ ਮਿਤੀ ਨੂੰ ਅਪਡੇਟ ਨਹੀਂ ਕੀਤਾ ਹੈ, ਉਹ ਹੁਣ ਐਪ ਦੀ ਵਰਤੋਂ ਕਰਨ ਦੇ ਯੋਗ ਨਹੀਂ ਹੋਣਗੇ। ਜਿਵੇਂ ਹੀ ਤੁਸੀਂ ਇੰਸਟਾਗ੍ਰਾਮ ਦੀ ਵਰਤੋਂ ਕਰਨ ਦੀ ਕੋਸ਼ਿਸ਼ ਕਰੋਗੇ, ਇੱਕ ਪੌਪ-ਅੱਪ ਮੈਸੇਜ ਆ ਜਾਵੇਗਾ ਜਿਸ ਵਿੱਚ ਲਿਖਿਆ ਹੈ - "ਤੁਹਾਨੂੰ ਇੰਸਟਾਗ੍ਰਾਮ ਦੀ ਵਰਤੋਂ ਕਰਨ ਤੋਂ ਪਹਿਲਾਂ ਆਪਣੀ ਜਨਮ ਮਿਤੀ ਨਿਸ਼ਚਿਤ ਕਰਨੀ ਚਾਹੀਦੀ ਹੈ, ਭਾਵੇਂ ਇਹ ਇੱਕ ਬਿਜਨੈਸ ਅਕਾਉਂਟ ਹੈ, ਜਾਂ ਫਿਰ ਪਾਲਤੂ ਜਾਨਵਰਾਂ ਲਈ ਤਿਆਰ ਕੀਤਾ ਗਿਆ ਹੈ। ਇਹ ਛੋਟੇ ਬੱਚਿਆਂ ਨੂੰ ਸਾਡੀ ਕਮਿਊਨਿਟੀ ਵਿੱਚ ਆਉਣ ਤੋਂ ਰੋਕਣ ਵਿੱਚ ਸਾਡੀ ਮਦਦ ਕਰੇਗਾ। ਤੁਹਾਡੀ ਜਨਮ ਮਿਤੀ ਦੀ ਵਰਤੋਂ ਇਸ਼ਤਿਹਾਰਾਂ ਸਮੇਤ ਤੁਹਾਡੇ ਅਨੁਭਵ ਨੂੰ ਹੋਰ ਪਰਸਨਲਾਈਜ਼ ਬਣਾਉਣ ਲਈ ਕੀਤੀ ਜਾਵੇਗੀ। ਇਹ ਤੁਹਾਡੇ ਜਨਤਕ ਪ੍ਰੋਫਾਈਲ ਦਾ ਹਿੱਸਾ ਨਹੀਂ ਹੋਵੇਗਾ।"

ਧਿਆਨ ਯੋਗ ਹੈ ਕਿ ਪਿਛਲੇ ਸਾਲ ਇੰਸਟਾਗ੍ਰਾਮ ਦਾ ਬੱਚਿਆਂ 'ਤੇ ਆਧਾਰਿਤ ਸੰਸਕਰਣ ਲਿਆਉਣ ਲਈ ਕੰਮ ਸ਼ੁਰੂ ਕੀਤਾ ਗਿਆ ਸੀ। ਇੰਸਟਾਗ੍ਰਾਮ ਦੀ ਪੇਰੈਂਟ ਕੰਪਨੀ Meta ਬੱਚਿਆਂ ਵਿੱਚ ਇੰਸਟਾਗ੍ਰਾਮ ਦੀ ਵੱਧ ਰਹੀ ਪ੍ਰਸਿੱਧੀ ਦਾ ਲਾਭ ਉਠਾਉਣ ਲਈ ਕਿਡਜ਼ ਲਈ ਇੰਸਟਾਗ੍ਰਾਮ ਲਿਆਉਣ 'ਤੇ ਕੰਮ ਕਰ ਰਹੀ ਸੀ। ਪਰ, ਉਸਦੇ ਪ੍ਰੋਜੈਕਟ ਦੀ ਆਲੋਚਨਾ ਹੋਣ ਤੋਂ ਬਾਅਦ, ਇਸ 'ਤੇ ਕੰਮ ਰੋਕ ਦਿੱਤਾ ਗਿਆ ਸੀ। ਕਈ ਸਮਾਜਿਕ ਸੰਗਠਨਾਂ, ਯੂਐਸ ਕਾਂਗਰਸ ਅਤੇ ਯੂਐਸ ਸਟੇਟ ਅਟਾਰਨੀ ਜਨਰਲ ਨੇ Meta ਦੇ ਇਸ ਯਤਨ ਦੀ ਨਿੰਦਾ ਕੀਤੀ ਅਤੇ ਇਸ ਪ੍ਰੋਜੈਕਟ ਨੂੰ ਬੰਦ ਕਰਨ ਦੀ ਮੰਗ ਕੀਤੀ। ਇਸ ਤੋਂ ਬਾਅਦ Metaਨੇ ਪਿਛਲੇ ਸਾਲ ਸਤੰਬਰ 'ਚ ਇਸ ਪ੍ਰੋਜੈਕਟ 'ਤੇ ਕੰਮ ਰੋਕ ਦਿੱਤਾ ਸੀ।