• Home
  • »
  • News
  • »
  • lifestyle
  • »
  • NEWBORNS WHO GET A GOOD NIGHTS SLEEP HAVE A LOWER RISK OF OBESITY STUDY GH AP AS

ਰਾਤ ਨੂੰ ਚੰਗੀ ਨੀਂਦ ਨਾਲ ਬੱਚਿਆਂ 'ਚ ਘੱਟ ਜਾਂਦਾ ਹੈ ਮੋਟਾਪੇ ਦਾ ਖ਼ਤਰਾ: Research

ਬ੍ਰਿਘਮ ਐਂਡ ਵਿਮੈਨਜ਼ ਹਸਪਤਾਲ, ਮੈਸਾਚੁਸੇਟਸ ਜਨਰਲ ਹਸਪਤਾਲ ਦੇ ਖੋਜਕਰਤਾਵਾਂ ਅਤੇ ਅਮਰੀਕਾ ਦੇ ਉਨ੍ਹਾਂ ਦੇ ਸਹਿਯੋਗੀਆਂ ਦੁਆਰਾ ਕੀਤੇ ਗਏ ਇੱਕ ਨਵੇਂ ਅਧਿਐਨ ਵਿੱਚ ਮਹੱਤਵਪੂਰਨ ਜਾਣਕਾਰੀ ਸਾਹਮਣੇ ਆਈ ਹੈ, ਜਿਸ ਅਨੁਸਾਰ ਨਵਜੰਮੇ ਬੱਚੇ ਰਾਤ ਨੂੰ ਜ਼ਿਆਦਾ ਸੌਂਦੇ ਹਨ ਅਤੇ ਘੱਟ ਜਾਗਦੇ ਹਨ, ਉਨ੍ਹਾਂ ਨੂੰ ਬਚਪਨ ਵਿੱਚ ਮੋਟਾਪੇ ਦਾ ਘੱਟ ਖ਼ਤਰਾ ਹੁੰਦਾ ਹੈ।

ਰਾਤ ਨੂੰ ਚੰਗੀ ਨੀਂਦ ਨਾਲ ਬੱਚਿਆਂ 'ਚ ਘੱਟ ਜਾਂਦਾ ਹੈ ਮੋਟਾਪੇ ਦਾ ਖ਼ਤਰਾ : Research

  • Share this:
ਮੋਟਾਪੇ ਨੂੰ ਕੰਟਰੋਲ ਕਰਨ ਤੇ ਹੋਰ ਬਿਮਾਰੀਆਂ ਤੋਂ ਦੂਰ ਰਹਿਣ ਲਈ ਸਾਨੂੰ ਪੂਰੀ ਨੀਂਦ ਲੈਣਾ ਬਹੁਤ ਜ਼ਰੂਰ ਹੁੰਦਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਜੀਵਨ ਦੇ ਸ਼ੁਰੂਆਤੀ ਮਹੀਨਿਆਂ ਵਿੱਚ ਨਵਜੰਮੇ ਬੱਚੇ ਲਈ ਨੀਂਦ ਕਿੰਨੀ ਮਹੱਤਵਪੂਰਨ ਹੁੰਦੀ ਹੈ? ਹੁਣ ਇੱਕ ਨਵੇਂ ਅਧਿਐਨ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਅਜਿਹੇ ਨਵਜੰਮੇ ਜੋ ਰਾਤ ਨੂੰ ਚੰਗੀ ਨੀਂਦ ਲੈਂਦੇ ਹਨ, ਉਨ੍ਹਾਂ ਨੂੰ ਜ਼ਿਆਦਾ ਭਾਰ ਦੀ ਸਮੱਸਿਆ ਘੱਟ ਹੁੰਦੀ ਹੈ।

ਬ੍ਰਿਘਮ ਐਂਡ ਵਿਮੈਨਜ਼ ਹਸਪਤਾਲ, ਮੈਸਾਚੁਸੇਟਸ ਜਨਰਲ ਹਸਪਤਾਲ ਦੇ ਖੋਜਕਰਤਾਵਾਂ ਅਤੇ ਅਮਰੀਕਾ ਦੇ ਉਨ੍ਹਾਂ ਦੇ ਸਹਿਯੋਗੀਆਂ ਦੁਆਰਾ ਕੀਤੇ ਗਏ ਇੱਕ ਨਵੇਂ ਅਧਿਐਨ ਵਿੱਚ ਮਹੱਤਵਪੂਰਨ ਜਾਣਕਾਰੀ ਸਾਹਮਣੇ ਆਈ ਹੈ, ਜਿਸ ਅਨੁਸਾਰ ਨਵਜੰਮੇ ਬੱਚੇ ਰਾਤ ਨੂੰ ਜ਼ਿਆਦਾ ਸੌਂਦੇ ਹਨ ਅਤੇ ਘੱਟ ਜਾਗਦੇ ਹਨ, ਉਨ੍ਹਾਂ ਨੂੰ ਬਚਪਨ ਵਿੱਚ ਮੋਟਾਪੇ ਦਾ ਘੱਟ ਖ਼ਤਰਾ ਹੁੰਦਾ ਹੈ।

ਇਸ ਖੋਜ ਦੇ ਨਤੀਜੇ ਆਕਸਫੋਰਡ ਅਕੈਡਮੀ ਦੇ ਜਰਨਲ ‘ਸਲੀਪ’ ਵਿੱਚ ਪ੍ਰਕਾਸ਼ਿਤ ਹੋਏ ਹਨ। ਬ੍ਰਿਘਮ ਦੇ ਡਿਵੀਜ਼ਨ ਆਫ਼ ਸਲੀਪ ਐਂਡ ਸਰਕੇਡੀਅਨ ਡਿਸਆਰਡਰਜ਼ ਦੇ ਸੀਨੀਅਰ ਡਾਕਟਰ ਅਤੇ ਅਧਿਐਨ ਦੀ ਸਹਿ-ਲੇਖਕ ਸੂਜ਼ਨ ਰੈਡਲਾਈਨ ਦੇ ਅਨੁਸਾਰ, 'ਸਾਡੇ ਨਵੇਂ ਅਧਿਐਨ ਨੇ ਦਿਖਾਇਆ ਹੈ ਕਿ ਰਾਤ ਨੂੰ ਨਾ ਸਿਰਫ਼ ਨੀਂਦ ਦੀ ਕਮੀ ਹੁੰਦੀ ਹੈ, ਸਗੋਂ ਲੰਬੇ ਸਮੇਂ ਤੱਕ ਜਾਗਦੇ ਰਹਿਣ ਨਾਲ ਵੀ ਪਹਿਲੇ 6 ਮਹੀਨਿਆਂ ਦੌਰਾਨ ਬੱਚੇ ਵਿੱਚ ਮੋਟਾਪੇ ਦਾ ਖ਼ਤਰਾ ਵੱਧ ਜਾਂਦਾ ਹੈ।

ਇੰਝ ਕੀਤਾ ਗਿਆ ਅਧਿਐਨ : ਟੀਮ ਨੇ ਐਨਕਲ ਐਕਟੀਗ੍ਰਾਫੀ ਵਾਚ ਰਾਹੀਂ ਨਵਜੰਮੇ ਬੱਚਿਆਂ ਦੀਆਂ ਹਰਕਤਾਂ 'ਤੇ ਨਜ਼ਰ ਰੱਖੀ। ਐਂਕਲ ਐਕਟੀਗ੍ਰਾਫੀ ਵਾਚ ਇਕ ਕਿਸਮ ਦਾ ਯੰਤਰ ਹੈ ਜਿਸ ਰਾਹੀਂ ਬੱਚੇ ਦੀ ਗਤੀਵਿਧੀ ਅਤੇ ਕਈ ਦਿਨਾਂ ਦੇ ਆਰਾਮ ਦਾ ਵੇਰਵਾ ਇਕੱਠਾ ਕੀਤਾ ਜਾ ਸਕਦਾ ਹੈ। ਬੱਚਿਆਂ ਦੀ ਗ੍ਰੋਥ ਦਾ ਮੁਲਾਂਕਣ ਕਰਨ ਲਈ, ਵਿਗਿਆਨੀਆਂ ਨੇ ਬੱਚੇ ਦੀ ਉਚਾਈ ਅਤੇ ਭਾਰ ਦਾ ਮੁਲਾਂਕਣ ਕੀਤਾ ਅਤੇ ਇਸ ਦੇ ਜ਼ਰੀਏ ਉਨ੍ਹਾਂ ਦਾ ਬਾਡੀ ਮਾਸ ਇੰਡੈਕਸ (BMI) ਤਿਆਰ ਕੀਤਾ ਗਿਆ।

ਜਦੋਂ ਵਿਸ਼ਵ ਸਿਹਤ ਸੰਗਠਨ (WHO) ਦੇ ਵਿਕਾਸ ਚਾਰਟ ਵਿੱਚ 95 ਪ੍ਰਤੀਸ਼ਤ ਜਾਂ ਇਸ ਤੋਂ ਵੱਧ ਪਾਇਆ ਗਿਆ ਤਾਂ ਬੱਚਿਆਂ ਨੂੰ ਮੋਟੇ ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਸੀ। ਖੋਜਕਰਤਾਵਾਂ ਨੇ ਪਾਇਆ ਕਿ ਜੇਕਰ ਕੋਈ ਬੱਚਾ ਇੱਕ ਘੰਟਾ ਵਾਧੂ ਸੌਂਦਾ ਹੈ, ਤਾਂ ਉਸ ਦੇ ਮੋਟੇ ਹੋਣ ਦਾ ਖ਼ਤਰਾ 26 ਪ੍ਰਤੀਸ਼ਤ ਤੱਕ ਘੱਟ ਜਾਂਦਾ ਹੈ ਅਤੇ ਜੋ ਬੱਚੇ ਰਾਤ ਨੂੰ ਬਹੁਤ ਘੱਟ ਜਾਗਦੇ ਹਨ, ਉਨ੍ਹਾਂ ਦੇ ਮੋਟੇ ਹੋਣ ਦਾ ਖ਼ਤਰਾ ਬਹੁਤ ਘੱਟ ਜਾਂਦਾ ਹੈ। ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ ਇਸ ਪਹਿਲੂ 'ਤੇ ਸਵੈ-ਨਿਯੰਤ੍ਰਣ ਦੀ ਵੀ ਜ਼ਰੂਰਤ ਹੈ, ਕਿਉਂਕਿ ਮੋਟਾਪੇ ਦਾ ਸਬੰਧ ਜ਼ਿਆਦਾ ਖਾਣ ਨਾਲ ਵੀ ਹੋ ਸਕਦਾ ਹੈ।
Published by:Amelia Punjabi
First published: