Healthy Hair Tips : ਵਾਲਾਂ ਨੂੰ ਕਾਲਾ ਤੇ ਸੰਘਣਾ ਬਣਾਉਣ ਲਈ ਖੁਰਾਕ ਵਿੱਚ ਸ਼ਾਮਲ ਕਰੋ ਇਹ 7 ਚੀਜ਼ਾਂ

Healthy Hair Tips : ਵਾਲਾਂ ਨੂੰ ਕਾਲਾ ਤੇ ਸੰਘਣਾ ਬਣਾਉਣ ਲਈ ਖੁਰਾਕ ਵਿੱਚ ਸ਼ਾਮਲ ਕਰੋ ਇਹ 7 ਚੀਜ਼ਾਂ

Healthy Hair Tips : ਵਾਲਾਂ ਨੂੰ ਕਾਲਾ ਤੇ ਸੰਘਣਾ ਬਣਾਉਣ ਲਈ ਖੁਰਾਕ ਵਿੱਚ ਸ਼ਾਮਲ ਕਰੋ ਇਹ 7 ਚੀਜ਼ਾਂ

  • Share this:
Healthy Hair Tips : ਤੁਸੀਂ ਜੋ ਖਾਂਦੇ ਹੋ ਉਸ ਦਾ ਤੁਹਾਡੇ ਵਾਲਾਂ 'ਤੇ ਵੀ ਪ੍ਰਭਾਵ ਪੈਂਦਾ ਹੈ। ਜੇ ਤੁਸੀਂ ਸਾਰੀ ਉਮਰ ਸੰਤੁਲਿਤ ਅਤੇ ਪੌਸ਼ਟਿਕ ਖੁਰਾਕ (ਭੋਜਨ) ਦਾ ਸੇਵਨ ਕਰਦੇ ਹੋ, ਤਾਂ ਤੁਹਾਡੇ ਵਾਲ ਲੰਬੇ ਸਮੇਂ ਤੱਕ ਸੁੰਦਰ ਅਤੇ ਸਿਹਤਮੰਦ ਰਿਹ ਸਕਦੇ ਹਨ। ਇਸ ਤੋਂ ਇਲਾਵਾ, ਜੇ ਤੁਸੀਂ ਆਪਣੇ ਵਾਲਾਂ ਦੀ ਸਿਹਤ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਆਪਣੀ ਖੁਰਾਕ ਵਿੱਚ ਕੁਝ ਚੀਜ਼ਾਂ ਸ਼ਾਮਲ ਕਰਦੇ ਹੋ, ਤਾਂ ਤੁਹਾਡੇ ਵਾਲ ਜੜ੍ਹੋਂ ਮਜ਼ਬੂਤ ਤੇ ਆਕਰਸ਼ਕ ਰਹਿ ਸਕਦੇ ਹਨ। ਵੈੱਬਐਮਡੀ ਦੇ ਅਨੁਸਾਰ, ਜੇ ਤੁਸੀਂ ਆਪਣੇ ਵਾਲਾਂ ਨੂੰ ਹਮੇਸ਼ਾ ਲਈ ਸਿਹਤਮੰਦ ਰੱਖਣਾ ਚਾਹੁੰਦੇ ਹੋ ਤਾਂ ਇਨ੍ਹਾਂ ਵਿਸ਼ੇਸ਼ ਚੀਜ਼ਾਂ ਨੂੰ ਆਪਣੀ ਖੁਰਾਕ ਵਿੱਚ ਸ਼ਾਮਲ ਕਰੋ। ਇਹ ਤੁਹਾਡੇ ਵਾਲਾਂ ਨੂੰ ਸੁੰਦਰ, ਕਾਲੇ, ਮਜ਼ਬੂਤ ਅਤੇ ਮੋਟੇ ਬਣਾਈ ਰੱਖਣਗੇ।

ਸਾਲਮਨ ਮੱਛੀ : ਸਾਲਮਨ ਮੱਛੀ ਵਿੱਚ ਓਮੇਗਾ 3 ਫੈਟੀ ਐਸਿਡ ਵਰਗੇ ਖਣਿਜ ਹੁੰਦੇ ਹਨ ਜੋ ਸਾਡੇ ਵਾਲਾਂ ਨੂੰ ਸਿਹਤਮੰਦ ਰੱਖਣ ਵਿੱਚ ਮਦਦ ਕਰਦੇ ਹਨ। ਇਹ ਸਰੀਰ ਵਿੱਚ ਕਿਸੇ ਵੀ ਬਿਮਾਰੀ ਕਾਰਨ ਵਾਲਾਂ ਨੂੰ ਪ੍ਰਭਾਵਿਤ ਨਹੀਂ ਹੋਣ ਦਿੰਦੇ। ਇਸ ਦੇ ਸੇਵਨ ਨਾਲ ਵਾਲ ਸਿਹਤਮੰਦ ਤੇ ਚਮਕਦਾਰ ਰਹਿੰਦੇ ਹਨ।

ਪਾਲਕ : ਜੇਕਰ ਤੁਸੀਂ ਆਪਣੀ ਖੁਰਾਕ ਵਿੱਚ ਪਾਲਕ ਦੀ ਸਬਜ਼ੀ ਜਾਂ ਜੂਸ ਸ਼ਾਮਲ ਕਰਦੇ ਹੋ, ਤਾਂ ਤੁਹਾਡੇ ਵਾਲ ਨਾ ਸਿਰਫ ਮੋਟੇ ਅਤੇ ਕਾਲੇ ਰਹਿਣਗੇ ਬਲਕਿ ਤੁਹਾਨੂੰ ਡੈਂਡਰਫ ਤੋਂ ਵੀ ਛੁਟਕਾਰਾ ਮਿਲੇਗਾ। ਪਾਲਕ ਵਿੱਚ ਵਿਟਾਮਿਨ ਸੀ, ਫੋਲੇਟ, ਆਇਰਨ ਤੇ ਬੀਟਾ ਕੈਰੋਟੀਨ ਭਰਪੂਰ ਮਾਤਰਾ ਵਿੱਚ ਹੁੰਦਾ ਹੈ ਜੋ ਵਾਲਾਂ ਨੂੰ ਅੰਦਰੋਂ ਸਿਹਤਮੰਦ ਰੱਖਣ ਵਿੱਚ ਮਦਦ ਕਰਦਾ ਹੈ।

ਸ਼ਕਰਕੰਦੀ : ਇਸ ਵਿੱਚ ਬੀਟਾਕੈਰੋਟੀਨ ਐਂਟੀਆਕਸੀਡੈਂਟ ਤੱਤ ਹੁੰਦੇ ਹਨ ਜੋ ਸੇਬਮ ਉਤਪਾਦਨ (ਜੋ ਡੈਂਡਰਫ ਦਾ ਕਾਰਨ ਬਣਦਾ ਹੈ ) ਨੂੰ ਕੰਟਰੋਲ ਕਰਦਾ ਹੈ। ਇਹ ਵਾਲਾਂ ਦੀ ਸਿਹਤ ਲਈ ਇੱਕ ਬਹੁਤ ਮਹੱਤਵਪੂਰਨ ਤੱਤ ਹੈ।

ਦਹੀਂ (Greek Yogurt) : ਇਸ ਵਿੱਚ ਮੌਜੂਦ ਪ੍ਰੋਟੀਨ ਵਾਲਾਂ ਦੀ ਬਣਤਰ ਨੂੰ ਮਜ਼ਬੂਤ ਰੱਖਦਾ ਹੈ ਅਤੇ ਖੂਨ ਦੇ ਪ੍ਰਵਾਹ ਵਿੱਚ ਸੁਧਾਰ ਕਰਦਾ ਹੈ। ਇਸ ਵਿਚ ਮੌਜੂਦ ਵਿਟਾਮਿਨ ਬੀ 5 ਵਾਲਾਂ ਨੂੰ ਪਤਲਾ ਹੋਣ ਤੋਂ ਬਚਾਉਂਦਾ ਹੈ।

ਅਮਰੂਦ : ਅਮਰੂਦ ਵਿੱਚ ਵਿਟਾਮਿਨ ਸੀ ਭਰਪੂਰ ਹੁੰਦਾ ਹੈ ਜੋ ਵਾਲਾਂ ਦੇ ਵਾਧੇ ਲਈ ਇੱਕ ਜ਼ਰੂਰੀ ਅੰਸ਼ ਹੈ। ਇਹ ਵਾਲਾਂ ਨੂੰ ਹੋਰ ਚੀਜ਼ਾਂ ਨਾਲੋਂ ਚਾਰ ਗੁਣਾ ਜ਼ਿਆਦਾ ਮਜ਼ਬੂਤ ਰੱਖਣ ਦੀ ਯੋਗਤਾ ਰੱਖਦਾ ਹੈ।

ਸੂਰਜਮੁਖੀ ਦੇ ਬੀਜ : ਸੂਰਜਮੁਖੀ ਦੇ ਬੀਜਾਂ ਵਿੱਚ ਵਿਟਾਮਿਨ ਈ ਹੁੰਦਾ ਹੈ ਜੋ ਖੂਨ ਦੇ ਪ੍ਰਵਾਹ ਨੂੰ ਵਧਾਉਂਦਾ ਹੈ ਅਤੇ ਤੁਹਾਡੇ ਵਾਲਾਂ ਨੂੰ ਲੰਬਾ ਅਤੇ ਰੇਸ਼ਮੀ ਰੱਖਦਾ ਹੈ।

ਸ਼ਿਮਲਾ ਮਿਰਚ : ਸ਼ਿਮਲਾ ਮਿਰਚ ਵਿੱਚ ਵਿਟਾਮਿਨ ਸੀ ਭਰਪੂਰ ਮਾਤਰਾ ਵਿੱਚ ਹੁੰਦਾ ਹੈ ਜੋ ਰੈੱਡ ਬਲੱਡ ਸੈੱਲ ਵਿੱਚ ਆਇਰਨ ਦੀ ਕਮੀ ਨੂੰ ਦੂਰ ਕਰਨ ਦਾ ਕੰਮ ਕਰਦਾ ਹੈ। ਇਸ ਨਾਲ ਤੁਹਾਡੇ ਵਾਲ ਮਜ਼ਬੂਤ ਰਹਿੰਦੇ ਹਨ।
Published by:Amelia Punjabi
First published: