• Home
  • »
  • News
  • »
  • lifestyle
  • »
  • NOW MOSQUITOES THAT SPREAD DENGUE WILL NOT BE BORN FROM LARVAE BACTERIA WILL STERILIZE RESEARCH GH AP

ਹੁਣ ਪੈਦਾ ਹੀ ਨਹੀਂ ਹੋਵੇਗਾ ਡੇਂਗੂ ਫੈਲਾਉਣ ਵਾਲਾ ਮੱਛਰ, ਬੈਕਟੀਰੀਆ ਕਰੇਗਾ ਮਦਦ

ਹੁਣ ਪੈਦਾ ਹੀ ਨਹੀਂ ਹੋਵੇਗਾ ਡੇਂਗੂ ਫੈਲਾਉਣ ਵਾਲਾ ਮੱਛਰ, ਬੈਕਟੀਰੀਆ ਕਰੇਗਾ ਮਦਦ

ਹੁਣ ਪੈਦਾ ਹੀ ਨਹੀਂ ਹੋਵੇਗਾ ਡੇਂਗੂ ਫੈਲਾਉਣ ਵਾਲਾ ਮੱਛਰ, ਬੈਕਟੀਰੀਆ ਕਰੇਗਾ ਮਦਦ

  • Share this:
ਹਰ ਸਾਲ, ਮੱਛਰਾਂ ਤੋਂ ਪੈਦਾ ਹੋਣ ਵਾਲੀਆਂ ਬਿਮਾਰੀਆਂ ਤੋਂ ਨੱਜਿਠਣਾ ਵਿਸ਼ਵ ਭਰ ਦੇ ਡਾਕਟਰਾਂ ਲਈ ਇੱਕ ਚੁਣੌਤੀ ਬਣਿਆ ਹੋਇਆ ਹੈ। ਮੱਛਰਾਂ ਦੁਆਰਾ ਫੈਲਣ ਵਾਲੀਆਂ ਬਿਮਾਰੀਆਂ ਨੂੰ ਰੋਕਣ ਲਈ ਕਈ ਉਪਾਅ ਕੀਤੇ ਜਾਂਦੇ ਹਨ। ਮੱਛਰਾਂ ਨੂੰ ਮਾਰਨ ਲਈ ਕਈ ਤਰ੍ਹਾਂ ਦੇ ਰਸਾਇਣਾਂ ਦੀ ਵਰਤੋਂ ਵੀ ਕੀਤੀ ਜਾ ਰਹੀ ਹੈ। ਪਰ ਇਨ੍ਹਾਂ ਰਸਾਇਣਾਂ ਦੀ ਵਧਦੀ ਵਰਤੋਂ ਦੇ ਕਾਰਨ, ਮੱਛਰਾਂ ਵਿੱਚ ਪ੍ਰਤੀਰੋਧਕ ਸ਼ਕਤੀ ਵੀ ਵਿਕਸਤ ਹੋ ਰਹੀ ਹੈ। ਇਸ ਨਾਲ ਮੱਛਰਾਂ ਦੇ ਖਤਰੇ ਤੋਂ ਛੁਟਕਾਰਾ ਪਾਉਣਾ ਮੁਸ਼ਕਲ ਹੋ ਰਿਹਾ ਹੈ।

ਇਸ ਦੇ ਨਾਲ ਹੀ ਅਜਿਹੇ ਰਸਾਇਣ ਵਾਤਾਵਰਣ ਨੂੰ ਵੀ ਨੁਕਸਾਨ ਪਹੁੰਚਾਉਂਦੇ ਹਨ। ਆਸਟ੍ਰੇਲੀਆ ਵਿੱਚ ਕੀਤੇ ਗਏ ਅਜਿਹੇ ਪ੍ਰਯੋਗ ਵਿੱਚ ਇਹ ਪਾਇਆ ਗਿਆ ਹੈ ਕਿ ਡੇਂਗੂ ਵਰਗੀਆਂ ਬਿਮਾਰੀਆਂ ਫੈਲਾਉਣ ਵਾਲੇ ਮੱਛਰਾਂ ਨੂੰ ਇੱਕ ਖਾਸ ਬੈਕਟੀਰੀਆ ਨਾਲ ਖਤਮ ਕੀਤਾ ਜਾ ਸਕਦਾ ਹੈ। ਦੈਨਿਕ ਜਾਗਰਣ ਅਖ਼ਬਾਰ ਵਿੱਚ ਪ੍ਰਕਾਸ਼ਿਤ ਰਿਪੋਰਟ ਦੇ ਅਨੁਸਾਰ, ਰਾਸ਼ਟਰਮੰਡਲ ਵਿਗਿਆਨਕ ਅਤੇ ਉਦਯੋਗਿਕ ਖੋਜ ਸੰਗਠਨ (ਸੀਐਸਆਈਆਰਓ) ਦੇ ਖੋਜਕਰਤਾਵਾਂ ਦੀ ਇੱਕ ਟੀਮ ਨੇ ਪਾਇਆ ਹੈ ਕਿ ਵੋਲਬਾਕੀਆ ਬੈਕਟੀਰੀਆ ਜਰਮ ਕੈਰੀਅਰ ਮੱਛਰ (Wolbachia Bacteria Germ carrier Mosquito) ਏਡੀਜ਼ ਈਜਿਪਟੀ ਨੂੰ ਸਫਲਤਾਪੂਰਵਕ ਸਟਰਲਾਈਜ਼ ਕਰ ਸਕਦਾ ਹੈ।

ਖੋਜਕਰਤਾਵਾਂ ਨੇ 2018 ਵਿੱਚ ਆਪਣੇ 20 ਹਫਤਿਆਂ ਦੇ ਪ੍ਰਯੋਗ ਵਿੱਚ ਕੁਈਂਜ਼ਲੈਂਡ ਦੀਆਂ ਤਿੰਨ ਅਜ਼ਮਾਇਸ਼ੀ ਥਾਵਾਂ 'ਤੇ ਤਕਰੀਬਨ 30 ਲੱਖ ਸਟਰਲਾਈਜ਼ ਮੱਛਰਾਂ ਨੂੰ ਛੱਡਿਆ। ਜਦੋਂ ਮਾਦਾ ਈਜਿਪਟੀ ਮੱਛਰ ਸਟਰਲਾਈਜ਼ ਨਰ ਮੱਛਰਾਂ ਦੇ ਸੰਪਰਕ ਵਿੱਚ ਆਉਂਦੇ ਹਨ, ਉਹ ਅੰਡੇ ਜਾਂ ਲਾਰਵੇ ਪੈਦਾ ਕਰਦੇ ਹਨ, ਪਰ ਮੱਛਰ ਉਨ੍ਹਾਂ ਤੋਂ ਪ੍ਰਜਨਨ ਨਹੀਂ ਕਰ ਸਕਦੇ। ਇਸ ਤੋਂ ਬਾਅਦ, ਖੋਜਕਰਤਾਵਾਂ ਨੇ ਪਾਇਆ ਕਿ 12 ਮਹੀਨਿਆਂ ਵਿੱਚ ਅਜ਼ਮਾਇਸ਼ ਸਥਾਨਾਂ 'ਤੇ ਮੱਛਰਾਂ ਦਾ ਪ੍ਰਕੋਪ 80 ਤੋਂ 97 ਪ੍ਰਤੀਸ਼ਤ ਤੱਕ ਘੱਟ ਗਿਆ ਸੀ।

ਇਹ ਟ੍ਰਇਲ ਅੰਤਰਰਾਸ਼ਟਰੀ ਸਹਿਯੋਗ ਨਾਲ ਸੀਐਸਆਈਆਰਓ, ਕੁਈਂਜ਼ਲੈਂਡ ਯੂਨੀਵਰਸਿਟੀ, ਵੈਰੀਲੀ ਲਾਈਫ ਸਾਇੰਸਜ਼, ਕਿਯੂਆਈਐਮਆਰ ਬਰਘੋਫਰ ਮੈਡੀਕਲ ਰਿਸਰਚ ਇੰਸਟੀਚਿਊਟ ਅਤੇ ਜੇਮਜ਼ ਕੁੱਕ ਯੂਨੀਵਰਸਿਟੀ ਦੇ ਸਹਿਯੋਗ ਨਾਲ ਕੀਤੀ ਗਈ ਸੀ। ਜੇਮਜ਼ ਕੁੱਕ ਯੂਨੀਵਰਸਿਟੀ ਦੇ ਸਹਾਇਕ ਪ੍ਰੋਫੈਸਰ ਸਕੌਟ ਰਿਚੀ ਨੇ ਕਿਹਾ ਕਿ ਵੋਲਬਾਕੀਆ ਟ੍ਰਾਇਲ ਇੱਕ ਸਫਲ ਅੰਤਰਰਾਸ਼ਟਰੀ ਸਹਿਯੋਗ ਸੀ ਜਿਸ ਨੇ ਸਮਕਾਲੀ ਵਿਗਿਆਨ ਨੂੰ ਅਤਿ ਆਧੁਨਿਕ ਤਕਨਾਲੋਜੀ ਦੇ ਨਾਲ ਮਿਲਾ ਕੇ ਕੰਮ ਕਰਦਿਆਂ ਡੇਂਗੂ, ਏਡੀਜ਼ ਇਜਿਪਟੀ ਦੇ ਫੈਲਣ ਨੂੰ ਰੋਕਣ ਤੇ ਮੱਛਰਾਂ ਨੂੰ ਖ਼ਤਮ ਕਰਨ ਵਿੱਚ ਸਹਾਇਤਾ ਕੀਤੀ।
Published by:Amelia Punjabi
First published: