• Home
  • »
  • News
  • »
  • lifestyle
  • »
  • ONION PULSES EDIBLE OIL INCLUDING THESE ITEMS PRICES SURGE IN FEBRUARY

ਮਹਿੰਗਾਈ ਨੇ ਆਮ ਆਦਮੀ ਦਾ ਲੱਕ ਤੋੜਿਆ! ਕੁਕਿੰਗ ਤੇਲ, ਦਾਲਾਂ ਸਣੇ ਇਨ੍ਹਾਂ ਚੀਜ਼ਾਂ ਦੇ ਵਧੇ ਭਾਅ...

ਖ਼ੁਸ਼ ਖ਼ਬਰੀ ! ਦਾਲਾਂ ਜਲਦੀ ਹੋਣਗੀਆਂ ਸਸਤੀਆਂ, ਸਰਕਾਰ ਨੇ ਲਿਆ ਇਹ ਵੱਡਾ ਫੈਸਲਾ

  • Share this:
    ਪੈਟਰੋਲ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਵਾਧੇ ਤੋਂ ਬਾਅਦ ਰਸੋਈ ਦੀਆਂ ਵਸਤਾਂ ਦੇ ਭਾਅ ਵੀ ਅਸਮਾਨੀ ਚੜ੍ਹਨ ਲੱਗੇ ਹਨ। ਇਸ ਮਹੀਨੇ ਪਿਆਜ਼, ਦਾਲਾਂ, ਖਾਣ ਵਾਲੇ ਤੇਲ ਸਣੇ ਮਸਾਲਿਆਂ ਦੀਆਂ ਕੀਮਤਾਂ ਵਿਚ ਵੀ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਪਿਆਜ਼ ਦੀਆਂ ਕੀਮਤਾਂ ਜਨਵਰੀ ਦੇ ਮੁਕਾਬਲੇ 25% ਤੋਂ 30% ਵਧੇਰੇ ਹਨ।

    ਇਸ ਦੇ ਨਾਲ ਹੀ, ਦਾਲਾਂ ਦੀਆਂ ਕੀਮਤਾਂ ਜਨਵਰੀ ਦੇ ਮੁਕਾਬਲੇ 10% ਵਧੀਆਂ ਹਨ, ਜਦੋਂਕਿ ਅਰਹਰ ਦੀਆਂ ਕੀਮਤਾਂ ਇਸ ਸਮੇਂ ਦੌਰਾਨ 20% ਵੱਧ ਗਈਆਂ ਹਨ। ਇਸ ਸਾਲ ਖਾਣ ਵਾਲੇ ਤੇਲ ਦੀਆਂ ਥੋਕ ਕੀਮਤਾਂ 30% ਤੋਂ 60% ਤੱਕ ਵੱਧ ਗਈਆਂ ਹਨ।

    ਪਿਆਜ਼ ਦੀਆਂ ਕੀਮਤਾਂ ਵੀ ਵਧੀਆਂ
    ਇੱਕ ਮਹੀਨੇ ਤੋਂ ਪਿਆਜ਼ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਪ੍ਰਚੂਨ ਬਾਜ਼ਾਰ ਵਿਚ ਇਨ੍ਹੀਂ ਦਿਨੀਂ ਪਿਆਜ਼ 60 ਰੁਪਏ ਪ੍ਰਤੀ ਕਿੱਲੋ ਤੱਕ ਮਿਲ ਰਹੀ ਹੈ। ਗਾਜੀਪੁਰ ਮੰਡੀ ਵਿੱਚ ਇਸ ਸਮੇਂ ਪਿਆਜ਼ ਦੀ ਕੀਮਤ 20 ਤੋਂ 40 ਪ੍ਰਤੀ ਕਿੱਲੋ ਚੱਲ ਰਹੀ ਹੈ। ਤਾਜ਼ੇ ਪਿਆਜ਼ ਦੀ ਆਮਦ ਰਾਜਸਥਾਨ ਤੋਂ ਸ਼ੁਰੂ ਹੋ ਗਈ ਹੈ ਪਰ ਫਿਲਹਾਲ ਇਹ ਬਹੁਤ ਘੱਟ ਹੈ। ਇਸ ਲਈ ਕੀਮਤਾਂ 'ਤੇ ਇਸ ਸਮੇਂ ਪ੍ਰਭਾਵ ਦਿਖਾਈ ਨਹੀਂ ਦੇ ਰਿਹਾ।

    ਮਸਾਲੇ ਵੀ ਵਧ ਗਏ
    ਮਸਾਲਿਆਂ ਵਿਚ ਤੇਜ਼ੀ ਹੈ। ਜਨਵਰੀ ਤੋਂ ਬਾਅਦ, ਧਨੀਆਂ ਵਿਚ ਤਕਰੀਬਨ 25 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ। ਮਜ਼ਬੂਤ ​​ਮੰਗ ਕਾਰਨ ਸੋਇਆਬੀਨ ਦੀਆਂ ਕੀਮਤਾਂ ਰਿਕਾਰਡ ਉੱਚੇ ਪੱਧਰ ਉਤੇ ਪਹੁੰਚ ਗਈਆਂ ਹਨ। ਸਰ੍ਹੋਂ ਦਾ ਉਤਪਾਦਨ ਰਿਕਾਰਡ ਪੱਧਰ 'ਤੇ ਰਹਿਣ ਦਾ ਅਨੁਮਾਨ ਹੈ। ਜਨਵਰੀ ਤੋਂ ਸਰ੍ਹੋਂ ਵਿਚ ਤਕਰੀਬਨ 40 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ। ਜਨਵਰੀ ਤੋਂ ਹੁਣ ਤੱਕ ਚਨਿਆਂ ਵਿੱਚ ਲਗਭਗ 22 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ।
    Published by:Gurwinder Singh
    First published:
    Advertisement
    Advertisement