ਸਰਦੀਆਂ 'ਚ ਬੱਚਿਆਂ ਨੂੰ ਆਲਸੀ ਹੋਣ ਤੋਂ ਬਚਾਉਣਾ ਹੈ ਤਾਂ ਉਨ੍ਹਾਂ ਤੋਂ ਕਰਵਾਓ ਇਹ ਐਕਟੀਵਿਟੀ 

ਸਰਦੀਆਂ ਦੇ ਮੌਸਮ ਵਿੱਚ ਕਿਸੇ ਦਾ ਵੀ ਰਜਾਈ ਵਿੱਚੋਂ ਨਿਕਲਣ ਦਾ ਮਨ ਨਹੀਂ ਹੁੰਦਾ। ਆਲਸ ਮਨੁੱਖ ਦੇ ਸਰੀਰ ਨੂੰ ਫੜ ਜਕੜ ਲੈਂਦਾ ਹੈ। ਇਸ ਦੌਰਾਨ ਦੇਖਿਆ ਗਿਆ ਹੈ ਕਿ ਬੱਚਿਆਂ ਦੇ ਅੰਦਰ ਵੀ ਕਾਫੀ ਆਲਸ ਆਉਣ ਲੱਗ ਜਾਂਦਾ ਹੈ, ਜਿਸ ਕਾਰਨ ਬੱਚਿਆਂ ਦਾ ਸਰੀਰਕ ਅਤੇ ਮਾਨਸਿਕ ਵਿਕਾਸ ਵੀ ਪ੍ਰਭਾਵਿਤ ਹੁੰਦਾ ਹੈ। ਇਸ ਲਈ ਬੱਚਿਆਂ ਦੇ ਮਾਪਿਆਂ ਨੂੰ ਧਿਆਨ ਦੇਣਾ ਚਾਹੀਦਾ ਹੈ। ਵੈਸੇ ਤਾਂ ਅੱਤ ਦੀ ਸਰਦੀ 'ਚ ਬੱਚਿਆਂ ਦੇ ਮਾਪੇ ਆਪ ਤਾਂ ਆਲਸੀ ਹੋ ਜਾਂਦੇ ਹਨ ਪਰ ਬੱਚਿਆਂ ਦੀ ਆਲਸ ਨੂੰ ਦੇਖ ਕੇ ਮਾਪੇ ਗੁੱਸੇ 'ਚ ਆ ਜਾਂਦੇ ਹਨ ਅਤੇ ਉਨ੍ਹਾਂ 'ਤੇ ਗੁੱਸਾ ਕਰਨ ਲੱਗ ਪੈਂਦਾ ਹੈ। ਹਾਲਾਂਕਿ, ਇਸ ਤੋਂ ਬਚਣਾ ਚਾਹੀਦਾ ਹੈ ਅਤੇ ਤੁਸੀਂ ਆਪਣੇ ਬੱਚਿਆਂ ਨੂੰ ਹੋਰ ਕਈ ਤਰੀਕਿਆਂ ਨਾਲ ਐਕਟਿਵ ਰੱਖ ਸਕਦੇ ਹੋ।

ਬੱਚਿਆਂ ਨੂੰ ਐਕਟਿਵ ਰੱਖਣ ਤੋਂ ਪਹਿਲਾਂ ਇਹ ਜ਼ਰੂਰੀ ਹੈ ਕਿ ਪਹਿਲਾਂ ਮਾਪੇ ਖੁਦ ਐਕਟਿਵ ਹੋਣ, ਤਾਂ ਜੋ ਉਹ ਬੱਚਿਆਂ ਨੂੰ ਐਕਟਿਵ ਰੱਖ ਸਕਣ। ਮਾਪੇ ਬੱਚਿਆਂ ਦੇ ਸਭ ਤੋਂ ਵੱਡੇ ਅਧਿਆਪਕ ਹੁੰਦੇ ਹਨ। ਇਸ ਲਈ ਅੱਜ ਅਸੀਂ ਤੁਹਾਨੂੰ ਕੁੱਝ ਅਜਿਹੀਆਂ ਐਕਟੀਵਿਟੀਜ਼ ਦੱਸਾਂਗੇ ਜਿਸ ਦੀ ਮਦਦ ਨਾਲ ਤੁਸੀਂ ਬੱਚਿਆਂ ਨੂੰ ਸਰਦੀਆਂ ਵਿੱਚ ਐਕਟਿਵ ਰੱਖ ਸਕਦੇ ਹੋ...

1. ਐਰੋਬਿਕਸ: ਬੱਚੇ ਐਰੋਬਿਕਸ ਬਹੁਤ ਪਸੰਦ ਕਰਦੇ ਹਨ। ਇਹ ਇੱਕ ਵਧੀਆ ਕਾਰਡੀਓ ਕਸਰਤ ਹੈ ਅਤੇ ਇਹ ਸਰੀਰ ਵਿੱਚ ਖੂਨ ਦੇ ਪ੍ਰਵਾਹ ਨੂੰ ਬਿਹਤਰ ਰੱਖਣ ਵਿੱਚ ਵੀ ਮਦਦ ਕਰਦੀ ਹੈ। ਐਰੋਬਿਕਸ ਆਸਾਨੀ ਨਾਲ ਘਰ ਵਿੱਚ ਕੀਤੇ ਜਾ ਸਕਦੇ ਹਨ। ਇਹ ਬੱਚਿਆਂ ਲਈ ਤੈਰਾਕੀ, ਜੌਗਿੰਗ, ਦੌੜਨਾ, ਸਾਈਕਲਿੰਗ ਜਿੰਨਾ ਹੀ ਫਾਇਦੇਮੰਦ ਹੈ। ਇਸ ਲਈ ਤੁਸੀਂ ਆਸਾਨੀ ਨਾਲ ਐਰੋਬਿਕਸ ਨੂੰ ਬੱਚਿਆਂ ਦੀ ਰੁਟੀਨ ਵਿੱਚ ਸ਼ਾਮਲ ਕਰ ਸਕਦੇ ਹੋ।


2. ਡਾਂਸਿੰਗ: ਡਾਂਸ ਇੱਕ ਚੰਗੀ ਕਸਰਤ ਹੈ, ਇਸ ਨੂੰ ਵੱਡਾ ਛੋਟਾ ਹਰ ਕੋਈ ਕਰ ਸਕਦਾ ਹੈ। ਇਹ ਐਕਟੀਵਿਟੀ ਬੱਚਿਆਂ ਨੂੰ ਐਕਟਿਵ ਰੱਖ ਸਕਦੀ ਹੈ ਤੇ ਬੱਚਿਆਂ ਵਿੱਚ ਆਲਸ ਨਹੀਂ ਆਵੇਗਾ। ਡਾਂਸ ਕਰਨ ਨਾਲ ਬੱਚਿਆਂ ਦੇ ਸਰੀਰ ਦੀਆਂ ਮਾਸਪੇਸ਼ੀਆਂ ਮਜ਼ਬੂਤ ​​ਹੁੰਦੀਆਂ ਹਨ, ਖੂਨ ਦਾ ਪ੍ਰਵਾਹ ਠੀਕ ਰਹਿੰਦਾ ਹੈ ਅਤੇ ਉਨ੍ਹਾਂ ਦਾ ਮੂਡ ਵੀ ਵਧੀਆ ਰਹਿੰਦਾ ਹੈ।


3. ਮਾਰਸ਼ਲ ਆਰਟਸ- ਮਾਰਸ਼ਲ ਆਰਟਸ ਬੱਚਿਆਂ ਲਈ ਵੀ ਇੱਕ ਚੰਗੀ ਐਕਟੀਵਿਟੀ ਹੈ। ਤੁਸੀਂ ਆਪਣੇ ਬੱਚਿਆਂ ਨੂੰ ਕਰਾਟੇ, ਤਾਈਕਵਾਂਡੋ, ਜੂਡੋ ਆਦਿ ਕਲਾਸਾਂ ਵਿੱਚ ਸ਼ਾਮਲ ਕਰਵਾ ਸਕਦੇ ਹੋ। ਇਸ ਨਾਲ ਬੱਚੇ ਐਕਟਿਵ ਰਹਿਣਗੇ ਅਤੇ ਉਨ੍ਹਾਂ ਦੀ ਮਾਨਸਿਕ ਅਤੇ ਸਰੀਰਕ ਸਿਹਤ ਚੰਗੀ ਰਹੇਗੀ।


4. ਰੱਸੀ ਟੱਪਣਾ- ਰੱਸੀ ਟੱਪਣਾ ਇੱਕ ਅਜਿਹੀ ਐਕਟੀਵਿਟੀ ਹੈ ਜਿਸ ਨੂੰ ਬੱਚਿਆਂ ਤੋਂ ਲੈ ਕੇ ਬਾਲਗ ਤੱਕ, ਹਰ ਕੋਈ ਕਰ ਸਕਦਾ ਹੈ। ਤੁਸੀਂ ਆਸਾਨੀ ਨਾਲ ਬੱਚਿਆਂ ਦੀ ਰੁਟੀਨ ਵਿੱਚ ਰੱਸੀ ਟੱਪਣ ਵਾਲੀ ਐਕਟੀਵਿਟੀ ਨੂੰ ਸ਼ਾਮਲ ਕਰ ਸਕਦੇ ਹੋ। ਤੁਸੀਂ ਇਸ ਨੂੰ ਉਨ੍ਹਾਂ ਦੇ ਸਾਹਮਣੇ ਇੱਕ ਖੇਡ ਵਾਂਗ ਪੇਸ਼ ਕਰੋ ਅਤੇ ਇੱਕ ਕੰਪੀਟਿਸ਼ਨ ਵਾਂਗ ਉਨ੍ਹਾਂ ਸਾਹਮਣੇ ਰੱਖੋ। ਇਸ ਨਾਲ ਨਾ ਸਿਰਫ ਉਨ੍ਹਾਂ ਦੀ ਫਿਟਨੈੱਸ 'ਚ ਸੁਧਾਰ ਹੋਵੇਗਾ, ਸਗੋਂ ਉਨ੍ਹਾਂ ਦੀਆਂ ਮਾਸਪੇਸ਼ੀਆਂ ਨੂੰ ਵੀ ਮਜ਼ਬੂਤੀ ਮਿਲੇਗੀ।