ਇਨ੍ਹਾਂ 6 ਪਵਿੱਤਰ ਸਥਾਨਾਂ 'ਤੇ ਸ਼ਰਾਧ ਕਰਨ ਨਾਲ ਪੁਰਖਿਆਂ ਦੀ ਆਤਮਾ ਨੂੰ ਮਿਲਦੀ ਹੈ ਸ਼ਾਂਤੀ

ਹਿੰਦੂ ਧਰਮ ਵਿੱਚ ਸ਼ਰਾਧ ਤੇ ਪਿਤਰ ਪੱਖ ਦਾ ਇੱਕ ਵੱਖਰਾ ਮਹੱਤਵ ਹੈ। ਸ਼ਾਸਤਰਾਂ ਦੇ ਅਨੁਸਾਰ ਪਿਤਰ ਪੱਖ ਕ੍ਰਿਸ਼ਨ ਪ੍ਰਤੀਪਦਾ ਤੋਂ ਅਸ਼ਵਿਨ ਮਹੀਨੇ ਦੀ ਅਮਾਵਸਿਆ ਤੱਕ ਮਨਾਇਆ ਜਾਂਦਾ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਇਨ੍ਹਾਂ ਦਿਨਾਂ ਵਿੱਚ ਪਿਤਰ ਆਪਣੇ ਉੱਤਰਾਧਿਕਾਰੀ ਨੂੰ ਮਿਲਣ ਲਈ ਪਿਤਰਲੋਕ ਤੋਂ ਆਉਂਦੇ ਹਨ। ਇਸ ਮੌਕੇ ਅਸੀਂ ਉਨ੍ਹਾਂ ਦੇ ਸਨਮਾਨ ਵਿੱਚ ਆਪਣੀ ਯੋਗਤਾ ਅਨੁਸਾਰ ਉਨ੍ਹਾਂ ਦਾ ਸਵਾਗਤ ਅਤੇ ਸਨਮਾਨ ਕਰਦੇ ਹਾਂ।

ਇਸ ਦੇ ਫਲਸਰੂਪ ਸਾਰੇ ਪੂਰਵਜ ਆਪਣੀ ਪਸੰਦ ਦਾ ਭੋਜਨ ਅਤੇ ਸਤਿਕਾਰ ਪ੍ਰਾਪਤ ਕਰਕੇ ਬਹੁਤ ਖੁਸ਼ ਅਤੇ ਸੰਤੁਸ਼ਟ ਹੁੰਦੇ ਹਨ ਅਤੇ ਪਰਿਵਾਰ ਦੇ ਸਾਰੇ ਮੈਂਬਰਾਂ ਨੂੰ ਸਿਹਤ, ਲੰਮੀ ਉਮਰ ਤੇ ਕਈ ਤਰ੍ਹਾਂ ਦੀਆਂ ਅਸੀਸਾਂ ਦੇ ਕੇ ਪਿਤਰ ਲੋਕ ਵਿੱਚ ਵਾਪਿਸ ਚਲੇ ਜਾਂਦੇ ਹਨ। ਹਿੰਦੂ ਧਾਰਮਿਕ ਗ੍ਰੰਥਾਂ ਅਤੇ ਕਥਾਵਾਂ ਦੇ ਅਨੁਸਾਰ ਕੁਝ ਅਜਿਹੇ ਤੀਰਥ ਸਥਾਨ ਹਨ ਜਿੱਥੇ ਆਪਣੇ ਪੁਰਖਿਆਂ ਦੇ ਸ਼ਰਾਧ ਅਤੇ ਤਰਪਣ ਨਾਲ ਸਾਨੂੰ ਚੰਗਾ ਫਲ ਪ੍ਰਾਪਤ ਹੁੰਦਾ ਹੈ।

ਆਓ ਜਾਣਦੇ ਹਾਂ ਇਨ੍ਹਾਂ ਸਥਾਨਾਂ ਬਾਰੇ :

ਉਜੈਨ : ਮੱਧ ਪ੍ਰਦੇਸ਼ ਵਿੱਚ ਸਥਿਤ ਉਜੈਨ ਨੂੰ ਮਹਾਕਾਲ ਦਾ ਸ਼ਹਿਰ ਵੀ ਕਿਹਾ ਜਾਂਦਾ ਹੈ। ਇਹ ਸ਼ਹਿਰ ਪਿਂਡ ਦਾਨ ਸਮਾਰੋਹ ਲਈ ਇੱਕ ਆਦਰਸ਼ ਸਥਾਨ ਹੈ। ਸ਼ਿਪਰਾ ਨਦੀ ਦੇ ਕੰਢੇ ਵਸੇ ਇਸ ਸ਼ਹਿਰ ਵਿੱਚ ਲੋਕ ਆਪਣੇ ਪੁਰਖਿਆਂ ਦੇ ਸ਼ਰਾਧ ਅਤੇ ਪਿਂਡ ਦਾਨ ਕਰਨ ਆਉਂਦੇ ਹਨ। ਇਹ ਮੰਨਿਆ ਜਾਂਦਾ ਹੈ ਕਿ ਆਪਣੇ ਪੁਰਖਿਆਂ ਨੂੰ ਪਿਂਡ ਦਾਨ ਚੜ੍ਹਾਉਣ ਅਤੇ ਉਜੈਨ ਵਿੱਚ ਸ਼ਰਾਧ ਰੱਖਣ ਨਾਲ ਉਹ ਮੁਕਤੀ ਪ੍ਰਾਪਤ ਕਰਦੇ ਹਨ।

ਪ੍ਰਯਾਗਰਾਜ : ਗੰਗਾ, ਯਮੁਨਾ ਅਤੇ ਸਰਸਵਤੀ ਨਦੀਆਂ ਦੇ ਸੰਗਮ 'ਤੇ ਸਥਿਤ ਹੈ ਸ਼ਹਿਰ ਪ੍ਰਯਾਗਰਾਜ। ਹਿੰਦੂ ਧਰਮ ਵਿੱਚ ਇੱਕ ਮਾਨਤਾ ਹੈ ਕਿ ਇਸ ਨਗਰੀ ਵਿੱਚ ਆਪਣੇ ਪੁਰਖਿਆਂ ਨੂੰ ਪਿਂਡ ਦਾਨ ਚੜ੍ਹਾਉਣ ਨਾਲ ਮਰਨ ਤੋਂ ਬਾਅਦ ਆਤਮਾ ਨੂੰ ਜੋ ਦੁੱਖਾਂ ਵਿੱਚੋਂ ਗੁਜ਼ਰਨਾ ਪੈਂਦਾ ਹੈ। ਉਹ ਸਾਰੇ ਦੁੱਖ ਇੱਥੇ ਪਿਂਡ ਦਾਨ ਕਰਨ ਨਾਲ ਖਤਮ ਹੋ ਜਾਂਦੇ ਹਨ।

ਅਯੁੱਧਿਆ : ਭਗਵਾਨ ਸ਼੍ਰੀ ਰਾਮ ਦੇ ਜਨਮ ਸਥਾਨ ਅਯੁੱਧਿਆ ਨੂੰ ਤੀਰਥ ਸਥਾਨ ਦੇ ਬਰਾਬਰ ਦਰਜਾ ਮਿਲਦਾ ਹੈ। ਇਹ ਸਥਾਨ ਪਿੰਡ ਦਾਨ ਲਈ ਸਭ ਤੋਂ ਵਧੀਆ ਸਥਾਨਾਂ ਵਿੱਚੋਂ ਇੱਕ ਹੈ। ਸਰਜੂ ਨਦੀ ਦੇ ਕਿਨਾਰੇ ਬਣਿਆ ਇਹ ਸ਼ਹਿਰ ਬਹੁਤ ਹੀ ਖੂਬਸੂਰਤ ਹੈ। ਰਿਵਾਜ਼ ਵਜੋਂ ਅੱਜ ਵੀ ਹਜ਼ਾਰਾਂ ਲੋਕ ਇੱਥੇ ਆਪਣੇ ਪੁਰਖਿਆਂ ਲਈ ਹਵਨ ਕਰਵਾਉਂਦੇ ਹਨ ਅਤੇ ਉਨ੍ਹਾਂ ਲਈ ਸ਼ਰਾਧ ਰੱਖਦੇ ਹਨ।

ਵਾਰਾਣਸੀ : ਵਾਰਾਣਸੀ ਜਿਸ ਨੂੰ ਅਸੀਂ ਬਨਾਰਸ ਦੇ ਨਾਂ ਨਾਲ ਵੀ ਜਾਣਦੇ ਹਾਂ, ਭਾਰਤ ਦੀ ਸਭ ਤੋਂ ਪਵਿੱਤਰ ਨਦੀ ਗੰਗਾ ਦੇ ਕਿਨਾਰੇ ਸਥਿਤ, ਇਸ ਸ਼ਹਿਰ ਨੂੰ ਸਭ ਤੋਂ ਪ੍ਰਮੁੱਖ ਤੀਰਥ ਸਥਾਨਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਗੰਗਾ ਨਦੀ ਦੇ ਕਿਨਾਰੇ ਲੋਕ ਆਪਣੇ ਪੁਰਖਿਆਂ ਲਈ ਪਿਂਡ ਦਾਨ ਅਤੇ ਹਵਨ ਕਰਦੇ ਹਨ।

ਹਰਿਦੁਆਰ : ਹਰਿਦੁਆਰ ਗੰਗਾ ਨਦੀ ਦੇ ਕੰਢੇ ਵਸਿਆ ਬਹੁਤ ਹੀ ਸੁੰਦਰ ਸ਼ਹਿਰ ਹੈ। ਸ਼ਾਮ ਨੂੰ ਮਾਤਾ ਗੰਗਾ ਦੀ ਆਰਤੀ ਹੁੰਦੀ ਹੈ, ਜੋ ਦੇਸ਼ ਦੀ ਸੁੰਦਰਤਾ ਨੂੰ ਹੋਰ ਵੀ ਵਧਾ ਦਿੰਦੀ ਹੈ। ਮੰਨਿਆ ਜਾਂਦਾ ਹੈ ਕਿ ਗੰਗਾ ਨਦੀ ਵਿੱਚ ਇਸ਼ਨਾਨ ਕਰਨ ਨਾਲ ਲੋਕਾਂ ਦੇ ਪਾਪ ਧੋਤੇ ਜਾਂਦੇ ਹਨ। ਹਰਿਦੁਆਰ ਵਿੱਚ ਨਰਾਇਣ ਸ਼ਿਲਾ ਵਿੱਚ ਆਪਣੇ ਪੁਰਖਿਆਂ ਦਾ ਸ਼ਰਾਧ ਕਰਨ ਨਾਲ, ਉਹ ਮੁਕਤੀ ਪ੍ਰਾਪਤ ਕਰਦੇ ਹਨ।

ਮਥੁਰਾ : ਭਗਵਾਨ ਕ੍ਰਿਸ਼ਨ ਦੇ ਜਨਮ ਸਥਾਨ ਵਜੋਂ ਜਾਣਿਆ ਜਾਂਦਾ ਇਹ ਸ਼ਿਹਰ ਯਮੁਨਾ ਨਦੀ ਦੇ ਕੰਢੇ ਵਸਿਆ ਹੋਇਆ ਹੈ। ਇੱਥੇ ਪਿਂਡ ਦਾਨ ਸਮਾਰੋਹ ਆਯੋਜਿਤ ਕੀਤੇ ਜਾਂਦੇ ਹਨ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਮਥੁਰਾ ਵਿੱਚ ਪੁਰਖਿਆਂ ਲਈ ਸ਼ਰਾਧ ਰੱਖਣ ਅਤੇ ਉਨ੍ਹਾਂ ਦੀ ਪੂਜਾ ਕਰਨ ਨਾਲ ਉਨ੍ਹਾਂ ਨੂੰ ਮੁਕਤੀ ਮਿਲਦੀ ਹੈ।