Home /News /lifestyle /

ਪ੍ਰਾਚੀਨ ਤੇ ਸ਼ਾਹੀ ਫਲਾਂ 'ਚੋਂ ਇਕ ਹੈ ਅਨਾਰ, ਜਾਣੋ ਇਸ ਦੇ ਫਾਇਦੇ ਤੇ ਰੌਚਕ ਇਤਿਹਾਸ

ਪ੍ਰਾਚੀਨ ਤੇ ਸ਼ਾਹੀ ਫਲਾਂ 'ਚੋਂ ਇਕ ਹੈ ਅਨਾਰ, ਜਾਣੋ ਇਸ ਦੇ ਫਾਇਦੇ ਤੇ ਰੌਚਕ ਇਤਿਹਾਸ

ਅਨਾਰ ਵਿਟਾਮਿਨ ਅਤੇ ਮਿਲਰਲਜ ਨਾਲ ਭਰਪੂਰ ਹੁੰਦਾ ਹੈ, ਇਸੇ ਕਾਰਨ ਹੀ ਪ੍ਰਾਚੀਨ ਕਾਲ ਤੋਂ ਇਹ ਰਾਜਿਆਂ ਮਹਾਰਾਜਿਆਂ ਦਾ ਵੀ ਪਸੰਦੀਦਾ ਫਲ ਰਿਹਾ ਹੈ। ਅਨਾਰ ਸਿਹਤ ਦੇ ਲਿਹਾਜ਼ ਨਾਲ ਬਹੁਤ ਫਾਇਦੇਮੰਦ ਹੁੰਦੇ ਹਨ।

ਅਨਾਰ ਵਿਟਾਮਿਨ ਅਤੇ ਮਿਲਰਲਜ ਨਾਲ ਭਰਪੂਰ ਹੁੰਦਾ ਹੈ, ਇਸੇ ਕਾਰਨ ਹੀ ਪ੍ਰਾਚੀਨ ਕਾਲ ਤੋਂ ਇਹ ਰਾਜਿਆਂ ਮਹਾਰਾਜਿਆਂ ਦਾ ਵੀ ਪਸੰਦੀਦਾ ਫਲ ਰਿਹਾ ਹੈ। ਅਨਾਰ ਸਿਹਤ ਦੇ ਲਿਹਾਜ਼ ਨਾਲ ਬਹੁਤ ਫਾਇਦੇਮੰਦ ਹੁੰਦੇ ਹਨ।

ਅਨਾਰ ਵਿਟਾਮਿਨ ਅਤੇ ਮਿਲਰਲਜ ਨਾਲ ਭਰਪੂਰ ਹੁੰਦਾ ਹੈ, ਇਸੇ ਕਾਰਨ ਹੀ ਪ੍ਰਾਚੀਨ ਕਾਲ ਤੋਂ ਇਹ ਰਾਜਿਆਂ ਮਹਾਰਾਜਿਆਂ ਦਾ ਵੀ ਪਸੰਦੀਦਾ ਫਲ ਰਿਹਾ ਹੈ। ਅਨਾਰ ਸਿਹਤ ਦੇ ਲਿਹਾਜ਼ ਨਾਲ ਬਹੁਤ ਫਾਇਦੇਮੰਦ ਹੁੰਦੇ ਹਨ।

  • Share this:
ਅਨਾਰ ਇੱਕ ਸ਼ਾਨਦਾਰ ਫਲ ਹੈ। ਇਸ ਨਾਲ ਨਾ ਸਿਰਫ਼ ਬਿਮਾਰੀਆਂ ਤੋਂ ਛੁਟਕਾਰਾ ਮਿਲਦਾ ਹੈ, ਸਗੋਂ ਇਹ ਸਰੀਰ ਨੂੰ ਤੰਦਰੁਸਤ ਵੀ ਰੱਖਦਾ ਹੈ। ਇਸ ਫਲ ਨੂੰ ਇਸ ਲਈ ਵੀ ਖਾਸ ਮੰਨਿਆ ਜਾਂਦਾ ਹੈ ਕਿਉਂਕਿ ਇਸ ਦਾ ਵਰਣਨ ਦੁਨੀਆ ਦੇ ਤਿੰਨ ਧਰਮਾਂ ਹਿੰਦੂ, ਇਸਲਾਮ ਅਤੇ ਈਸਾਈਅਤ ਦੇ ਮੁੱਖ ਗ੍ਰੰਥਾਂ ਵਿਚ ਕੀਤਾ ਗਿਆ ਹੈ।

ਅਨਾਰ ਬਾਰੇ ਮਿਸਰ ਦੀ ਇਕ ਕਹਾਵਤ ਹੈ ਕਿ 'ਅਨਾਰ ਖਾਓ ਅਤੇ ਨਹਾਉਣ ਜਾਓ, ਤੁਹਾਡੀ ਜਵਾਨੀ ਜਲਦੀ ਵਾਪਸ ਆਵੇਗੀ'।

ਅਨਾਰ ਦਾ ਮੂਲ ਵੀ ਹਜ਼ਾਰਾਂ ਸਾਲ ਪੁਰਾਣਾ ਹੈ। ਮਿਸਰ ਦੀਆਂ ਪ੍ਰਾਚੀਨ ਕਹਾਣੀਆਂ ਤੋਂ ਇਲਾਵਾ ਸਿੰਧੂ ਘਾਟੀ ਦੀ ਸਭਿਅਤਾ ਵਿਚ ਵੀ ਇਸ ਬਾਰੇ ਚਰਚਾ ਮਿਲਦਾ ਹੈ ਜੋ ਇਹ ਸਾਬਿਤ ਕਰਦਾ ਹੈ ਕਿ ਇਹ ਇਕ ਪ੍ਰਾਚੀਨ ਫਲ ਹੈ। ਇਸਦੇ ਮੂਲ ਬਾਰੇ ਕਿਹਾ ਜਾਂਦਾ ਰਿਹਾ ਹੈ ਕਿ ਇਹ ਫਲ ਸ਼ਾਇਦ ਪਰਸ਼ੀਆ ਵਿੱਚ ਪੈਦਾ ਹੋਇਆ ਸੀ, ਫਿਰ ਅਰਬ, ਅਫਗਾਨਿਸਤਾਨ, ਭਾਰਤ ਅਤੇ ਚੀਨ ਵਿੱਚ ਫੈਲਿਆ।

ਸੰਨ 1877 ਵਿਚ ਜਾਰਜ ਕਿੰਗ ਨੇ ‘ਦਿ ਮੈਟੇਰੀਆ ਮੈਡੀਕਾ ਆਫ਼ ਦਾ ਹਿੰਦੂ’ (The Materia Medica of the Hindus) ਨਾਂ ਦੀ ਕਿਤਾਬ ਲਿਖੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਅਨਾਰ ਉੱਤਰ-ਪੱਛਮੀ ਭਾਰਤ ਵਿੱਚ ਪੈਦਾ ਹੋਏ ਹਨ। ਇਹ ਗੱਲ ਮੰਨਣਯੋਗ ਹੈ ਕਿ ਅਨਾਰ ਦੀ ਸ਼ੁਰੂਆਤ ਹਿਮਾਲਿਆ ਤੋਂ ਮੱਧ ਪੂਰਬ ਤੱਕ ਫੈਲੇ ਖੇਤਰਾਂ ਵਿੱਚ ਹੋਈ ਸੀ। ਇਸ ਮੁਤਾਬਿਕ ਅਨਾਰ ਦੀ ਖੇਤੀ ਮਿਸਰ, ਅਫਗਾਨਿਸਤਾਨ, ਈਰਾਨ, ਇਰਾਕ, ਭਾਰਤ, ਬਰਮਾ, ਚੀਨ ਅਤੇ ਸਾਊਦੀ ਅਰਬ ਦੇ ਖੇਤਰ ਵਿੱਚ ਹੀ ਹੋਈ ਹੈ।

ਤੁਹਾਨੂੰ ਜਾਣ ਕੇ ਹੈਰਾਨੀ ਭਰੀ ਖੁਸ਼ੀ ਹੋਵੇਗੀ ਕਿ ਅਨਾਰ ਦਾ ਜ਼ਿਕਰ ਦੁਨੀਆ ਦੇ ਤਿੰਨ ਪ੍ਰਮੁੱਖ ਧਰਮਾਂ ਦੀਆਂ ਪਵਿੱਤਰ ਪੁਸਤਕਾਂ ਵਿੱਚ ਵੀ ਮਿਲਦਾ ਹੈ।

ਹਿੰਦੂ ਸ਼ਾਸਤਰਾਂ ਵਿੱਚ ਕਿਹਾ ਗਿਆ ਹੈ ਕਿ ਅਨਾਰ ਦੇ ਪੌਦੇ ਵਿੱਚ ਵਿਸ਼ਨੂੰ-ਲਕਸ਼ਮੀ ਦਾ ਵਾਸ ਹੁੰਦਾ ਹੈ। ਇਸ ਨੂੰ ਘਰ 'ਚ ਲਗਾਉਣ ਨਾਲ ਪੈਸੇ ਦੀ ਕਮੀ ਨਹੀਂ ਹੁੰਦੀ। ਇਸ ਨੂੰ ਉਪਜਾਊ ਸ਼ਕਤੀ ਅਤੇ ਖੁਸ਼ਹਾਲੀ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ।

ਇਸਲਾਮ ਦੇ ਪਵਿੱਤਰ ਗ੍ਰੰਥ ਕੁਰਾਨ-ਸ਼ਰੀਫ ਵਿੱਚ ਜ਼ਿਕਰ ਕੀਤੇ ਛੇ ਫਲਾਂ ਵਿੱਚ ਅਨਾਰ ਵੀ ਸ਼ਾਮਲ ਹੈ। ਪਾਠ ਵਿੱਚ ਕਿਹਾ ਗਿਆ ਹੈ ਕਿ ਅਨਾਰ ਦੇ ਦਰੱਖਤ ਸਵਰਗ ਦੇ ਰਾਜ ਵਿੱਚ ਉੱਗਦੇ ਹਨ।

ਅਨਾਰ ਦਾ ਜ਼ਿਕਰ ਈਸਾਈ ਧਰਮ ਦੀ ਪਵਿੱਤਰ ਕਿਤਾਬ ਬਾਈਬਲ ਵਿਚ ਵੀ ਕਈ ਹਵਾਲਿਆਂ ਵਿਚ ਕੀਤਾ ਗਿਆ ਹੈ। ਇਸ ਦਾ ਜ਼ਿਕਰ ਇਕ ਥਾਂ 'ਤੇ ਫਲ, ਬਰਕਤ ਅਤੇ ਖੁਸ਼ਹਾਲੀ ਨਾਲ ਜੁੜਿਆ ਹੋਇਆ ਹੈ।

ਜ਼ਿਕਰਯੋਗ ਹੈ ਕਿ ਕਾਬੁਲ ਅਤੇ ਕੰਧਾਰ ਦੇ ਅਨਾਰ ਸਵਾਦ ਅਤੇ ਰੰਗ ਦੇ ਲਿਹਾਜ਼ ਨਾਲ ਸਭ ਤੋਂ ਉੱਤਮ ਮੰਨੇ ਜਾਂਦੇ ਹਨ। ਵੈਸੇ ਤਾਂ ਅਨਾਰ ਇਰਾਨ ਅਤੇ ਸਪੇਨ ਵਿੱਚ ਵੀ ਮਿਲਦਾ ਹੈ। ਮਹਾਰਾਸ਼ਟਰ ਦਾ ਸੋਲਾਪੁਰ ਜ਼ਿਲ੍ਹਾ ਅਜਿਹਾ ਹੈ ਜਿੱਥੇ ਪੂਰੇ ਭਾਰਤ ਦੇ ਅਨਾਰ ਦਾ 60 ਤੋਂ 70 ਫ਼ੀਸਦੀ ਹਿੱਸਾ ਉਗਦਾ ਹੈ। ਅਫਗਾਨਿਸਤਾਨ ਦੇ ਕੰਧਾਰ ਅਤੇ ਕਾਬੁਲ ਦੇ ਅਨਾਰ ਪੂਰੀ ਦੁਨੀਆ ਵਿਚ ਮਸ਼ਹੂਰ ਹਨ।

ਭਾਰਤ ਵਿੱਚ ਦੇਸੀ ਅਤੇ ਅਫਗਾਨੀ ਅਨਾਰ ਦਾ ਸੇਵਨ ਕੀਤਾ ਜਾਂਦਾ ਹੈ। ਦੇਸੀ ਅਨਾਰ ਖੱਟੇ-ਮਿੱਠੇ ਹੁੰਦੇ ਹਨ, ਕੰਧਾਰ ਦੇ ਅਨਾਰ ਮਿੱਠੇ ਹੁੰਦੇ ਹਨ, ਕਾਬੁਲ ਦੇ ਅਨਾਰ ਵੀ ਮਿੱਠੇ ਹੁੰਦੇ ਹਨ। ਅਨਾਰ ਦੀ ਇੱਕ ਅਜਿਹੀ ਵੀ ਹੈ ਜਿਸਦੇ ਦਾਣੇ ਨਹੀਂ ਹੁੰਦੇ ਪਰ ਇਹ ਅਨਾਰ ਬਹੁਤ ਮਿੱਠੇ ਹੁੰਦੇ ਹਨ। ਇਹਨਾਂ ਨੂੰ ਬੇਦਾਨਾ ਕਿਹਾ ਜਾਂਦਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਅਨਾਰ ਵਿਟਾਮਿਨ ਅਤੇ ਮਿਲਰਲਜ ਨਾਲ ਭਰਪੂਰ ਹੁੰਦਾ ਹੈ, ਇਸੇ ਕਾਰਨ ਹੀ ਪ੍ਰਾਚੀਨ ਕਾਲ ਤੋਂ ਇਹ ਰਾਜਿਆਂ ਮਹਾਰਾਜਿਆਂ ਦਾ ਵੀ ਪਸੰਦੀਦਾ ਫਲ ਰਿਹਾ ਹੈ। ਅਨਾਰ ਸਿਹਤ ਦੇ ਲਿਹਾਜ਼ ਨਾਲ ਬਹੁਤ ਫਾਇਦੇਮੰਦ ਹੁੰਦੇ ਹਨ।

ਆਯੁਰਵੈਦਿਕ ਗ੍ਰੰਥ ‘ਚਰਕਸੰਹਿਤਾ’ ਵਿੱਚ ਇਸ ਨੂੰ ਦਾਦਿਮ ਕਿਹਾ ਗਿਆ ਹੈ। ਇਹ ਅਲੀਫਾਟਿਕ, ਗਰਮ ਅਤੇ ਦਿਲ ਲਈ ਫਾਇਦੇਮੰਦ ਹੈ।

ਫੂਡ ਐਕਸਪਰਟ ਅਤੇ ਨਿਊਟ੍ਰੀਸ਼ਨ ਕੰਸਲਟੈਂਟ ਨੀਲਾਂਜਨਾ ਸਿੰਘ ਨੇ ਦੱਸਿਆ ਕਿ ਅਨਾਰ 'ਚ ਫਾਈਬਰ, ਵਿਟਾਮਿਨ ਸੀ, ਬੀ, ਆਇਰਨ, ਪੋਟਾਸ਼ੀਅਮ, ਜ਼ਿੰਕ ਅਤੇ ਓਮੇਗਾ-6 ਫੈਟੀ ਐਸਿਡ ਵਰਗੇ ਕਈ ਖਣਿਜ ਹੁੰਦੇ ਹਨ, ਜੋ ਸਰੀਰ ਲਈ ਬਹੁਤ ਫਾਇਦੇਮੰਦ ਹੁੰਦੇ ਹਨ। ਜਦੋਂ ਵੀ ਕੋਈ ਵਿਅਕਤੀ ਬਿਮਾਰ ਹੁੰਦਾ ਹੈ ਤਾਂ ਉਸ ਨੂੰ ਅਨਾਰ ਖਾਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਅਨਾਰ ਖਾਣ ਨਾਲ ਨਾ ਸਿਰਫ ਸਾਡੀਆਂ ਬੀਮਾਰੀਆਂ ਦੂਰ ਹੁੰਦੀਆਂ ਹਨ ਸਗੋਂ ਇਹ ਸਿਹਤ ਲਈ ਰਾਮਬਾਣ ਹੈ। ਉਨ੍ਹਾਂ ਕਿਹਾ ਕਿ ਅਨਾਰ ਦਾ ਜ਼ਿਆਦਾ ਸੇਵਨ ਕਰਨ ਨਾਲ ਗੈਸ ਦੀ ਸਮੱਸਿਆ ਹੁੰਦੀ ਹੈ, ਇਸ ਤੋਂ ਇਲਾਵਾ ਜਿਨ੍ਹਾਂ ਲੋਕਾਂ ਨੂੰ ਖੰਘ ਦੀ ਸਮੱਸਿਆ ਹੈ, ਉਨ੍ਹਾਂ ਨੂੰ ਅਨਾਰ ਦਾ ਸੇਵਨ ਕਰਨਾ ਚਾਹੀਦਾ ਹੈ। ਜੋ ਲੋਕ ਡਾਈਟਿੰਗ ਕਰ ਰਹੇ ਹਨ, ਉਨ੍ਹਾਂ ਨੂੰ ਵੀ ਅਨਾਰ ਨਹੀਂ ਖਾਣਾ ਚਾਹੀਦਾ।
Published by:Amelia Punjabi
First published:

Tags: Pomegranate

ਅਗਲੀ ਖਬਰ