HOME » NEWS » Life

Post Office ਦੀ ਸਕੀਮ ਵਿਚ ਇੰਨੇ ਮਹੀਨੇ ‘ਚ ਦੁਗਣਾ ਮਿਲੇਗਾ ਪੈਸਾ

News18 Punjabi | News18 Punjab
Updated: December 24, 2019, 11:21 AM IST
share image
Post Office ਦੀ ਸਕੀਮ ਵਿਚ ਇੰਨੇ ਮਹੀਨੇ ‘ਚ ਦੁਗਣਾ ਮਿਲੇਗਾ ਪੈਸਾ
Post Office ਦੀ ਸਕੀਮ ਵਿਚ ਇੰਨੇ ਮਹੀਨੇ ‘ਚ ਦੁਗਣਾ ਮਿਲੇਗਾ ਪੈਸਾ

₹100 ਨਾਲ ਕਰ ਸਕਦੇ ਹੋ ਨਿਵੇਸ਼, ਟੈਕਸ ਵਿਚ ਵੀ ਮਿਲੇਗੀ ਛੋਟ

  • Share this:
  • Facebook share img
  • Twitter share img
  • Linkedin share img
ਇਨ੍ਹੀਂ ਦਿਨੀਂ ਫਿਕਸਡ ਡਿਪਾਜ਼ਿਟ (Fixed Deposit) ਅਤੇ ਰਿਕਰਿੰਗ ਡਿਪਾਜ਼ਿਟ (Recurring Deposit) ਵਰਗੀਆਂ ਬਚਤ ਸਕੀਮਾਂ 'ਤੇ ਬੈਂਕ ਲਗਾਤਾਰ ਵਿਆਜ ਦਰਾਂ ਘਟਾ ਰਹੇ ਹਨ। ਵਿਆਜ ਦਰਾਂ ਘਟਾਉਣ ਦਾ ਮਤਲਬ ਹੈ ਕਿ ਤੁਹਾਨੂੰ ਆਪਣੇ ਨਿਵੇਸ਼ 'ਤੇ ਘੱਟ ਵਿਆਜ ਮਿਲੇਗਾ। ਘੱਟ ਵਿਆਜ ਕਾਰਨ ਤੁਹਾਡੇ ਪੈਸੇ ਨੂੰ ਦੁੱਗਣਾ ਕਰਨ ਵਿਚ ਵਧੇਰੇ ਸਮਾਂ ਲੱਗੇਗਾ। ਅਜਿਹੀ ਸਥਿਤੀ ਵਿੱਚ, ਡਾਕਘਰ ਦੀ ਇਹ ਯੋਜਨਾ ਤੁਹਾਡੇ ਲਈ ਲਾਭਦਾਇਕ ਹੋ ਸਕਦੀ ਹੈ। ਡਾਕਘਰ (Post Office) ਦੀ ਇਹ ਸਕੀਮ ਰਾਸ਼ਟਰੀ ਬਚਤ ਸਰਟੀਫਿਕੇਟ ਯਾਨੀ ਐਨਐਸਸੀ (NSC) ਹੈ। ਇਸ ਯੋਜਨਾ ਵਿੱਚ ਨਿਵੇਸ਼ ਕਰਨ ਨਾਲ, ਤੁਹਾਡੇ ਪੈਸੇ 119 ਮਹੀਨਿਆਂ ਵਿੱਚ ਦੁੱਗਣੇ ਹੋ ਜਾਣਗੇ। ਇਸ ਯੋਜਨਾ ਦੀ ਵਿਸ਼ੇਸ਼ਤਾ ਇਹ ਹੈ ਕਿ ਤੁਸੀਂ ਇਸ ਵਿਚ ਸਿਰਫ 100 ਰੁਪਏ ਵਿਚ ਨਿਵੇਸ਼ ਕਰ ਸਕਦੇ ਹੋ ਅਤੇ ਇਸ 'ਤੇ ਟੈਕਸ ਦੀ ਛੋਟ ਵੀ ਲੈ ਸਕਦੇ ਹੋ।

100 ਰੁਪਏ ਵਿਚ ਖੁਲਦਾ ਹੈ ਖਾਤਾ

ਪੋਸਟ ਆਫਿਸ ਦੀ NSC ਸਕੀਮ ਅਧੀਨ ਕੁੱਲ ਨਿਵੇਸ਼ ਦੀ ਮਿਆਦ 5 ਸਾਲ ਹੈ। ਇੰਡੀਆ ਪੋਸਟ ਦੇ ਅਨੁਸਾਰ, ਇਸ ਯੋਜਨਾ ਦੇ ਤਹਿਤ ਖਾਤਾ ਘੱਟੋ ਘੱਟ 100 ਰੁਪਏ ਨਾਲ ਖੋਲ੍ਹਿਆ ਜਾਂਦਾ ਹੈ। ਐਨਐਸਸੀ ਅਧੀਨ ਖਾਤਾ ਦੇਸ਼ ਭਰ ਵਿਚ ਡਾਕਘਰ ਦੀਆਂ ਸ਼ਾਖਾਵਾਂ ਵਿਚ ਖੋਲ੍ਹਿਆ ਜਾ ਸਕਦਾ ਹੈ। ਇਸ ਵਿੱਚ ਨਿਵੇਸ਼ ਦੀ ਵੱਧ ਤੋਂ ਵੱਧ ਸੀਮਾ ਨਿਰਧਾਰਤ ਨਹੀਂ ਕੀਤੀ ਜਾਂਦੀ। ਐਨਐਸਸੀ ਵਿੱਚ ਪੈਸਾ 119 ਮਹੀਨਿਆਂ ਵਿੱਚ ਦੁੱਗਣਾ ਹੋ ਸਕਦਾ ਹੈ। ਐਨ ਐਸ ਸੀ ਵਿਚ 100 ਰੁਪਏ ਲਗਾਉਣ ਤੋਂ ਬਾਅਦ ਇਹ 5 ਸਾਲਾਂ ਬਾਅਦ 146 ਰੁਪਏ ਬਣ ਜਾਂਦੀ ਹੈ। ਇਸ ਤਰ੍ਹਾਂ, ਨਿਵੇਸ਼ ਨੂੰ ਦੁਗਣਾ ਕਰਨ ਵਿਚ 9.11 ਸਾਲ ਯਾਨੀ 119 ਮਹੀਨੇ ਲੱਗਣਗੇ।
ਪੈਸਾ ਸੌ ਫੀਸਦੀ ਸੁਰੱਖਿਅਤ

ਇਹ ਯੋਜਨਾ ਸਰਕਾਰੀ ਹੈ, ਜਿਸ ਤਹਿਤ ਤੁਹਾਡਾ ਪੈਸਾ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ ਅਤੇ ਦੂਜਾ ਸਰਕਾਰ ਨੇ ਜਿੰਨਾਂ ਰਿਟਰਨ ਦੱਸਿਆ ਹੈ ਉਨ੍ਹਾਂ ਹੀ ਤੁਹਾਨੂੰ ਮਿਲੇਗਾ। ਹੁਣ ਵੀ ਪੋਸਟ ਆਫਿਸ ਦੀ NSC ਸਕੀਮ ਵਿਚ ਸਾਲਾਨਾ 7.9 ਫੀਸਦੀ ਦਰ ਨਾਲ ਵਿਆਜ ਮਿਲ ਰਿਹਾ ਹੈ। ਕੋਈ ਵੀ ਵਿਅਕਤੀ ਆਪਣੇ ਲਈ ਸਿੰਗਲ ਹੋਲਡਰ ਟਾਇਪ ਸਰਟੀਫਿਕੇਟ ਲੈ ਸਕਦਾ ਹੈ ਜਾਂ ਕਿਸੇ ਨਾਬਾਲਗ ਵੱਲੋਂ ਵੀ ਲੈ ਸਕਦਾ ਹੈ।NSC ਵਿਚ 100, 500, 1000, 5000, 10,000 ਦੇ ਸਰਟੀਫਿਕੇਟ ਮਿਲਦੇ ਹਨ। ਇਸ ਵਿਚ ਨਿਵੇਸ਼ ਕਰਨ ਦੀ ਕੋਈ ਮਨਾਹੀ ਨਹੀਂ ਹੈ।

ਟੈਕਸ ਵਿਚ ਛੋਟ ਦੇ ਨਾਲ ਇਹ ਫਾਇਦੇ ਮਿਲਣਗੇ

ਸਭ ਤੋਂ ਚੰਗੀ ਗੱਲ ਇਹ ਹੈ ਕਿ ਤੁਹਾਨੂੰ ਨੈਸ਼ਨਲ ਸੇਵਿੰਗ ਸਰਟੀਫਿਕੇਟ ਵਿਚ ਟੈਕਸ ਬਚਾਉਣ ਦਾ ਵਿਕਲਪ ਵੀ ਮਿਲਦਾ ਹੈ। ਤੁਹਾਨੂੰ ਇਨਕਮ ਟੈਕਸ ਐਕਟ 80 ਸੀ ਦੇ ਤਹਿਤ ਟੈਕਸ ਛੋਟ ਦਾ ਲਾਭ ਮਿਲਦਾ ਹੈ। ਰਾਸ਼ਟਰੀ ਬਚਤ ਸਰਟੀਫਿਕੇਟ ਵਿੱਚ ਨਿਵੇਸ਼ ਕਰਨ ਨਾਲ ਤੁਹਾਡੇ ਟੀਡੀਐਸ ਵਿਚ ਕਟੌਤੀ ਨਹੀਂ ਕੀਤੀ ਜਾਂਦੀ। ਇਸ ਵਿਚ ਤੁਸੀਂ ਸਮੇਂ ਤੋਂ ਪਹਿਲਾਂ ਪੈਸੇ ਕਢਵਾ ਸਕਦੇ ਹੋ, ਪਰ ਇਸ ਦੇ ਲਈ ਤੁਹਾਨੂੰ ਜ਼ੁਰਮਾਨਾ ਦੇਣਾ ਪਵੇਗਾ। ਐਨ ਐਸ ਸੀ ਯਾਨੀ ਰਾਸ਼ਟਰੀ ਬਚਤ ਸਰਟੀਫਿਕੇਟ 'ਤੇ ਬੈਂਕਾਂ ਅਤੇ ਵਿੱਤੀ ਸੰਸਥਾਵਾਂ ਤੋਂ ਕਰਜ਼ੇ ਲਏ ਜਾ ਸਕਦੇ ਹਨ। ਇਸ ਤੋਂ ਇਲਾਵਾ, ਨੈਸ਼ਨਲ ਸੇਵਿੰਗ ਸਰਟੀਫਿਕੇਟ ਵਿੱਚ ਚੈੱਕਬੁੱਕ ਦੀ ਸਹੂਲਤ ਵੀ ਉਪਲਬਧ ਹੈ।
Published by: Ashish Sharma
First published: December 24, 2019, 11:21 AM IST
ਹੋਰ ਪੜ੍ਹੋ
ਅਗਲੀ ਖ਼ਬਰ