HOME » NEWS » Life

46 ਸਾਲ ਬਾਅਦ ਘੱਟ ਹੋ ਸਕਦੀ ਹੈ PPF ਦੀ ਵਿਆਜ ਦਰ, 7 ਫ਼ੀਸਦੀ ਤੋਂ ਵੀ ਘੱਟ ਹੋਣ ਦਾ ਖ਼ਦਸ਼ਾ

News18 Punjabi | News18 Punjab
Updated: June 28, 2020, 1:27 PM IST
share image
46 ਸਾਲ ਬਾਅਦ ਘੱਟ ਹੋ ਸਕਦੀ ਹੈ PPF ਦੀ ਵਿਆਜ ਦਰ, 7 ਫ਼ੀਸਦੀ ਤੋਂ ਵੀ ਘੱਟ ਹੋਣ ਦਾ ਖ਼ਦਸ਼ਾ
ਨੌਕਰੀਪੇਸ਼ਾ ਨੂੰ ਵੱਡਾ ਝਟਕਾ! ਮੱਧ ਜੁਲਾਈ - ਸਤੰਬਰ 2020 ਤਿਮਾਹੀ ਲਈ ਪਬਲਿਕ ਪ੍ਰਾਵੀਡੈਂਟ ਫ਼ੰਡ (PPF) ਸਮੇਤ ਸਾਰੀਆਂ ਛੋਟੀ ਬੱਚਤ ਯੋਜਨਾਵਾਂ ਉੱਤੇ ਵਿਆਜ ਦਰਾਂ (Interest Rates) ਵਿੱਚ ਕਟੌਤੀ ਕਰ ਸਕਦੀ ਹੈ ਕੇਂਦਰ ਸਰਕਾਰ।

ਨੌਕਰੀਪੇਸ਼ਾ ਨੂੰ ਵੱਡਾ ਝਟਕਾ! ਮੱਧ ਜੁਲਾਈ - ਸਤੰਬਰ 2020 ਤਿਮਾਹੀ ਲਈ ਪਬਲਿਕ ਪ੍ਰਾਵੀਡੈਂਟ ਫ਼ੰਡ (PPF) ਸਮੇਤ ਸਾਰੀਆਂ ਛੋਟੀ ਬੱਚਤ ਯੋਜਨਾਵਾਂ ਉੱਤੇ ਵਿਆਜ ਦਰਾਂ (Interest Rates) ਵਿੱਚ ਕਟੌਤੀ ਕਰ ਸਕਦੀ ਹੈ ਕੇਂਦਰ ਸਰਕਾਰ।

  • Share this:
  • Facebook share img
  • Twitter share img
  • Linkedin share img
ਨੌਕਰੀਪੇਸ਼ਾ ਲੋਕਾਂ ਲਈ ਜੁਲਾਈ ਦੀ ਸ਼ੁਰੂਆਤ ਬਹੁਤ ਵੱਡਾ ਝਟਕਾ ਦੇ ਸਕਦੀ ਹੈ। ਕੇਂਦਰ ਸਰਕਾਰ ਛੋਟੀ ਬੱਚਤ ਯੋਜਨਾਵਾਂ (Small Savings Schemes) ਵਿੱਚ ਨਿਵੇਸ਼ ਉੱਤੇ ਵਿਆਜ ਦਰਾਂ (Interest Rates) ਘਟਾ ਸਕਦੀ ਹੈ। ਇਹੀ ਨਹੀਂ ਪੀ ਪੀ ਐਫ (PPF) ਉੱਤੇ ਵਿਆਜ ਦਰ ਘਟਾ ਕੇ 7 ਫ਼ੀਸਦੀ ਤੋਂ ਵੀ ਘੱਟ ਕੀਤੀਆਂ ਜਾ ਸਕਦੀਆਂ ਹਨ। ਜੇਕਰ ਅਜਿਹਾ ਹੋਇਆ ਤਾਂ 46 ਸਾਲ ਬਾਅਦ ਪੀ ਪੀ ਐਫ ਉੱਤੇ ਵਿਆਜ ਦਰਾਂ ਇੰਨੀ ਘੱਟ ਹੋਣਗੀਆਂ। ਦੱਸ ਦੇਈਏ ਕਿ 1 ਅਪ੍ਰੈਲ 1974 ਤੋਂ 31 ਜੁਲਾਈ 1974 ਦੇ ਵਿੱਚ ਪੀ ਪੀ ਐਫ ਉੱਤੇ ਵਿਆਜ ਦਰ 5.8 ਫ਼ੀਸਦੀ ਸੀ। ਇਸ ਤੋਂ ਬਾਅਦ 1ਅਗਸਤ, 1974 ਤੋਂ 31 ਮਾਰਚ, 1975, ਦੇ ਵਿੱਚ ਪੀ ਪੀ ਐਫ ਵਿਆਜ ਦਰ ਨੂੰ ਵਧਾਕੇ 7 ਫ਼ੀਸਦੀ ਕਰ ਦਿੱਤਾ ਗਿਆ ਸੀ। ਉਦੋਂ ਤੋਂ ਪੀ ਪੀ ਐਫ ਵਿਆਜ ਦਰ ਕਦੇ ਵੀ 7 ਫ਼ੀਸਦੀ ਤੋਂ ਹੇਠਾਂ ਨਹੀਂ ਗਈ ਸੀ।

ਸਰਕਾਰੀ ਬਾਂਡ ਦੇ ਯੀਲ‍ਡ ਵਿੱਚ ਕਮੀ ਕਾਰਨ ਹੋ ਸਕਦਾ ਹੈ ਇਹ ਫ਼ੈਸਲਾ
ਨਿਵੇਸ਼ ਮਾਹਿਰਾ ਮੁਤਾਬਿਕ ਸਰਕਾਰੀ ਬਾਂਡ ਯੀਲਡ (Government Bonds Yields) ਲਗਾਤਾਰ ਘਟਦਾ ਜਾ ਰਿਹਾ ਹੈ। ਛੋਟੀਆਂ ਬੱਚਤਾਂ ਅਤੇ ਸਕੀਮਾਂ ਦੀ ਵਿਆਜ ਦਰ ਬਾਂਡ ਦੇ ਯੀਲਡ ਦੇ ਨਾਲ ਜੁੜੀ ਹੋਈ ਹੈ। ਇਸ ਲਈ ਛੋਟੀ ਬੱਚਤ ਯੋਜਨਾਵਾਂ ਉੱਤੇ ਜੁਲਾਈ - ਸਤੰਬਰ 2020 ਤਿਮਾਹੀ ਦੌਰਾਨ ਵਿਆਜ ਦਰਾਂ ਨੂੰ ਘੱਟ (Decrease) ਕੀਤਾ ਜਾ ਸਕਦਾ ਹੈ।
ਇਵੇਂ ਘੱਟ ਕੇ 7 ਫ਼ੀਸਦੀ ਦੇ ਹੇਠਾਂ ਜਾ ਸਕਦਾ ਹੈ ਪੀ ਪੀ ਐਫ ਉੱਤੇ ਵਿਆਜ ਦਰ
ਪੀ ਪੀ ਐਫ ਦੀ ਵਿਆਜ ਦਰ 10 ਸਾਲ ਦੇ ਸਰਕਾਰੀ ਬਾਂਡ ਯੀਲਡ ਨਾਲ ਜੁੜੀ ਹੋਈ ਹੈ। ਅਪ੍ਰੈਲ- ਜੂਨ ਤਿਮਾਹੀ ਲਈ ਪੀ ਪੀ ਐਫ ਦੀ ਵਿਆਜ ਦਰ ਨੂੰ 7.1 ਫ਼ੀਸਦੀ ਰੱਖਿਆ ਗਿਆ ਸੀ। ਅਪ੍ਰੈਲ ਵਿੱਚ ਵਿਆਜ ਦਰਾਂ ਵਿੱਚ ਤੇਜ਼ ਗਿਰਾਵਟ ਆਈ ਸੀ। ਇਸ ਤੋਂ ਪੀ ਪੀ ਐਫ ਦੀ ਦਰ 7.9 ਫ਼ੀਸਦੀ ਤੋਂ ਘਟਾ ਕੇ 7.1 ਫ਼ੀਸਦੀ ਕੀਤੀ ਗਈ ਸੀ। ਹੁਣ ਜੇਕਰ ਇਸ ਵਿੱਚ ਸਰਕਾਰੀ ਬਾਂਡ ਯੀਲਡ ਦੇ ਮੁਤਾਬਿਕ 15 ਤੋਂ 20 ਆਧਾਰ ਅੰਕਾਂ ਘੱਟ ਜਾਂਦੇ ਹਨ ਤਾਂ ਇਹ 7 ਫ਼ੀਸਦੀ ਦੇ ਹੇਠਾਂ ਪਹੁੰਚ ਜਾਵੇਗੀ। ਇਸ ਤੋਂ ਇਲਾਵਾ ਸੀਨੀਅਰ ਸਿਟੀਜ਼ਨ ਸੇਵਿੰਗ‍ਸ ਸ‍ਕੀਮ (SCSS) ਦੀ ਦਰ 8.6 ਫ਼ੀਸਦੀ ਤੋਂ ਘਟਾ ਕੇ 7.4 ਫ਼ੀਸਦੀ ਕਰ ਦਿੱਤੀ ਗਈ ਸੀ। ਨੈਸ਼ਨਲ ਸੇਵਿੰਗ‍ਸ ਸਰਟੀਫਿਕੇਟ (NSC) ਦੀਆਂ ਦਰਾਂ 7.9 ਫ਼ੀਸਦੀ ਤੋਂ ਘਟਾ ਕੇ 6.8 ਫ਼ੀਸਦੀ ਅਤੇ SSC ਦੀ 8.4 ਫ਼ੀਸਦੀ ਤੋਂ ਘੱਟ ਕੇ 6.9 ਫ਼ੀਸਦੀ ਰਹਿ ਗਈ ਸੀ।

ਕਿਸਾਨ ਵਿਕਾਸ ਪੱਤਰ ਉੱਤੇ ਕਾਂਨ‍ਟਰੈਕ‍ਟ ਦੀ ਦਰ ਤੋਂ ਹੀ ਮਿਲੇਗਾ ਵਿਆਜ
ਐਨ ਐਸ ਸੀ ਅਤੇ ਕਿਸਾਨ ਵਿਕਾਸ ਪੱਤਰ (KVP) ਉੱਤੇ ਮੈਚ‍ਯੋਰਿਟੀ ਤੱਕ ਕਾਂਨ‍ਟਰੈਕ‍ਟ ਦੀ ਦਰ ਤੋਂ ਵਿਆਜ ਮਿਲਦਾ ਰਹੇਂਗਾ। ਇਸ ਸਮੇਂ ਪੀ ਪੀ ਐਫ, ਛੋਟੀਆਂ ਬੱਚਤਾਂ ਅਤੇ ਡਾਕ ਬੱਚਤਾਂ ਅਜਿਹੀਆਂ ਸਕੀਮਾਂ ਉੱਤੇ ਵਿਆਜ ਦਰ ਘੱਟ ਰਹੀ ਹੈ। ਉੱਥੇ ਹੀ ਬੈਂਕ ਵਿਚ ਵੀ ਰੁਪਇਆ ਉੱਤੇ ਵਿਆਜ ਦਰ ਘੱਟ ਰਹੀ ਹੈ।

ਵਿਆਜ ਦਰਾਂ ਘਟਾਏ ਜਾਣ ਦੇ ਬਾਅਦ ਵੀ ਬੰਦ ਨਾ ਕਰੋ ਆਪਣਾ ਨਿਵੇਸ਼
ਕਾਫ਼ੀ ਸਮੇਂ ਤੋਂ ਸਰਕਾਰੀ ਬਾਂਡ ਉੱਤੇ ਯੀਲ‍ਡ ਘਟਣ ਤੋਂ ਬਾਅਦ ਵੀ ਸਰਕਾਰ ਨੇ ਛੋਟੀ ਬੱਚਤ ਸ‍ਕੀਮਾਂ ਦੀ ਵਿਆਜ ਦਰਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਸੀ। ਪਿਛਲੀ ਵਾਰ ਭਾਰਤੀ ਰਿਜ਼ਰਵ ਬੈਂਕ ਵੱਲੋਂ ਵਿਆਜ ਦੀਆ ਦਰਾਂ ਵਿੱਚ ਭਾਰੀ ਕਟੌਤੀ ਦੇ ਬਾਅਦ ਸਰਕਾਰ ਨੂੰ ਛੋਟੀ ਬੱਚਤ ਯੋਜਨਾਵਾਂ ਵਿੱਚ ਨਿਵੇਸ਼ ਉੱਤੇ ਵਿਆਜ ਦਰਾਂ ਨੂੰ ਵੀ ਘਟਾਉਣਾ ਪਿਆ ਸੀ। ਹੁਣ ਸਵਾਲ ਇਹ ਹੈ ਕਿ ਜੇਕਰ ਸਰਕਾਰ ਅਪ੍ਰੈਲ-ਜੂਨ 2020 ਤਿਮਾਹੀ ਦੀ ਹੀ ਤਰਾਂ ਜੁਲਾਈ - ਸਤੰਬਰ 2020 ਤਿਮਾਹੀ ਲਈ ਵੀ ਵਿਆਜ ਦਰਾਂ ਘਟਾਉਂਦੀ ਹੈ ਤਾਂ ਛੋਟੀ ਬੱਚਤ ਯੋਜਨਾਵਾਂ ਵਿੱਚ ਨਿਵੇਸ਼ ਕਰਨਾ ਚਾਹੀਦਾ ਹੈ ਜਾਂ ਨਹੀਂ। ਨਿਵੇਸ਼ ਮਾਹਿਰਾ ਦਾ ਮੰਨਣਾ ਹੈ ਕਿ ਵਿਆਜ ਦਰਾਂ ਘਟਣ ਦੇ ਬਾਅਦ ਵੀ ਨੌਕਰੀਪੇਸ਼ਾ ਲੋਕਾਂ ਨੂੰ ਛੋਟੀ ਬੱਚਤ ਯੋਜਨਾਵਾਂ ਵਿੱਚ ਨਿਵੇਸ਼ ਬੰਦ ਨਹੀਂ ਕਰਨਾ ਚਾਹੀਦਾ ਹੈ।

ਫ਼ਿਲਹਾਲ ਕਿਹੜੀ ਬੱਚਤ ਯੋਜਨਾ ਉੱਤੇ ਕਿੰਨੀ ਹੈ ਵਿਆਜ ਦਰ
ਇਸ ਸਮੇਂ 1 ਤੋਂ 3 ਸਾਲ ਦੀ ਐਫ ਡੀ ਉੱਤੇ 5.5 ਫ਼ੀਸਦੀ ਤਾਂ 5 ਸਾਲ ਦੇ ਫਿਕ‍ਸ‍ਡ ਡਿਪਾਜਿਟ ਉੱਤੇ 6.7 ਦੀ ਦਰ ਤੋਂ ਵਿਆਜ ਮਿਲ ਰਿਹਾ ਹੈ। ਇਸ ਤੋਂ ਇਲਾਵਾ 5 ਸਾਲ ਦੇ ਰਿਕਰਿੰਗ ਡਿਪਾਜਿਟ ਉੱਤੇ ਅਪ੍ਰੈਲ -ਜੂਨ 2020 ਦੀ ਤਿਮਾਹੀ ਲਈ ਵਿਆਜ ਦਰ 5.8 ਫ਼ੀਸਦੀ ਹੈ। ਸੀਨੀਅਰ ਸਿਟੀਜ਼ਨ ਸ‍ਕੀਮ ਵਿੱਚ 5 ਸਾਲ ਦੇ ਨਿਵੇਸ਼ ਉੱਤੇ 7.4 ਫ਼ੀਸਦੀ ਤਾਂ ਮੰਥਲੀ ਇਨਕਮ ਅਕਾਊਟ ਉੱਤੇ 6.6 ਫ਼ੀਸਦੀ ਵਿਆਜ ਦਰ ਹੈ। ਨੈਸ਼ਨਲ ਸੇਵਿੰਗ ਸਰਟੀਫਿਕੇਟ ਉੱਤੇ 6.8 ਫ਼ੀਸਦੀ ਅਤੇ ਕਿਸਾਨ ਵਿਕਾਸ ਪੱਤਰ ਉੱਤੇ 6.9 ਫ਼ੀਸਦੀ ਵਿਆਜ ਦਰ ਹੈ।
First published: June 28, 2020, 1:22 PM IST
ਹੋਰ ਪੜ੍ਹੋ
ਅਗਲੀ ਖ਼ਬਰ
corona virus btn
corona virus btn
Loading