Ragi Halwa: ਰਾਗੀ ਹਲਵਾ ਇੰਝ ਕਰੋ ਤਿਆਰ, ਭਾਰ ਘਟਾਉਣ ਦੇ ਨਾਲ ਸ਼ੂਗਰ ਕਰਦਾ ਹੈ ਕੰਟਰੋਲ

ਰਾਗੀ ਨੂੰ ਸਿਹਤ ਲਈ ਬਹੁਤ ਵਧੀਆ ਮੰਨਿਆ ਜਾਂਦਾ ਹੈ। ਜਿੱਥੇ ਇਸ ਵਿੱਚ ਕੈਲਸ਼ੀਅਮ ਭਰਪੂਰ ਮਾਤਰਾ ਵਿੱਚ ਪਾਇਆ ਜਾਂਦਾ ਹੈ। ਦੂਜੇ ਪਾਸੇ, ਵਿਟਾਮਿਨ, ਫਾਈਬਰ, ਕਾਰਬੋਹਾਈਡਰੇਟ ਵਰਗੇ ਸਾਰੇ ਜ਼ਰੂਰੀ ਪੌਸ਼ਟਿਕ ਤੱਤਾਂ ਦੇ ਨਾਲ ਇਸ ਵਿੱਚ ਪਾਇਆ ਜਾਣ ਵਾਲਾ ਫਾਈਬਰ ਤੁਹਾਡੇ ਭਾਰ ਨੂੰ ਘੱਟ ਕਰਨ ਵਿੱਚ ਮਦਦ ਕਰਦਾ ਹੈ। ਇਸ ਦੇ ਨਾਲ ਹੀ ਇਸ ਨੂੰ ਖਾਣ ਨਾਲ ਤਣਾਅ ਤੋਂ ਵੀ ਰਾਹਤ ਮਿਲਦੀ ਹੈ। ਰਾਗੀ ਨੂੰ ਆਟੇ ਦੇ ਰੂਪ ਵਿਚ ਜਾਂ ਪੁੰਗਰ ਕੇ ਖਾਧਾ ਜਾ ਸਕਦਾ ਹੈ। ਵੈਸੇ ਤਾਂ ਰਾਗੀ ਦੇ ਆਟੇ ਦੀ ਵਰਤੋਂ ਚਪਾਤੀ, ਚਿੱਲਾ, ਡੋਸਾ, ਦਲੀਆ, ਕੇਕ, ਪੈਨਕੇਕ, ਪਰਾਂਠੇ, ਕੁਕੀਜ਼ ਬਣਾਉਣ ਲਈ ਕੀਤੀ ਜਾ ਸਕਦੀ ਹੈ ਪਰ ਇਸ ਦਾ ਬਣਿਆ ਹਲਵਾ ਕਿਸੇ ਦੇ ਵੀ ਮੂੰਹ ਵਿੱਚ ਪਾਣੀ ਲਿਆਉਣ ਲਈ ਕਾਫੀ ਹੁੰਦਾ ਹੈ। ਆਓ ਜਾਣਦੇ ਹਾਂ ਰਾਗੀ ਦਾ ਹਲਵਾ ਬਣਾਉਣ ਦੀ ਵਿਧੀ...

ਰਾਗੀ ਦਾ ਹਲਵਾ ਬਣਾਉਣ ਲਈ ਸਮੱਗਰੀ:

ਰਾਗੀ ਦਾ ਆਟਾ - 1/2 ਕੱਪ, ਦੁੱਧ - 2 ਕੱਪ, ਸੁੱਕੇ ਮੇਵੇ - 1 ਚਮਚ, ਇਲਾਇਚੀ ਪਾਊਡਰ - 1/2 ਚੱਮਚ, ਦੇਸੀ ਘਿਓ - 3 ਚਮਚ, ਖੰਡ - ਸੁਆਦ ਅਨੁਸਾਰ

ਰਾਗੀ ਦਾ ਹਲਵਾ ਬਣਾਉਣ ਲਈ ਹੇਠ ਲਿਖੇ Steps ਫਾਲੋ ਕਰੋ :

-ਇੱਕ ਪੈਨ ਨੂੰ ਮੱਧਮ ਸੇਕ 'ਤੇ ਗਰਮ ਕਰੋ। ਇਸ ਵਿਚ ਤਿੰਨ ਚੱਮਚ ਦੇਸੀ ਘਿਓ ਪਾਓ। ਜਦੋਂ ਘਿਓ ਪਿਘਲ ਜਾਵੇ, ਰਾਗੀ ਦਾ ਆਟਾ ਪਾਓ ਅਤੇ ਅੱਗ ਨੂੰ ਹੌਲੀ ਕਰੋ।

-ਹੁਣ ਇਸ ਨੂੰ ਹਿਲਾਉਂਦੇ ਹੋਏ ਆਟੇ ਨੂੰ ਭੁੰਨ ਲਓ। ਆਟੇ ਨੂੰ ਉਦੋਂ ਤੱਕ ਪਕਾਉਣਾ ਹੈ ਜਦੋਂ ਤੱਕ ਇਸਦਾ ਰੰਗ ਸੁਨਹਿਰੀ ਨਹੀਂ ਹੋ ਜਾਂਦਾ।

-ਇਸ ਨੂੰ ਚੰਗੀ ਤਰ੍ਹਾਂ ਗੋਲਡਨ ਬਰਾਊਨ ਹੋਣ ਵਿੱਚ ਲਗਭਗ 5 ਮਿੰਟ ਲੱਗਣਗੇ।

-ਇਸ ਤੋਂ ਬਾਅਦ ਆਟੇ 'ਚ ਦੁੱਧ ਮਿਲਾਓ ਅਤੇ ਲਗਾਤਾਰ ਹਿਲਾਉਂਦੇ ਹੋਏ ਪਕਣ ਦਿਓ।

-2-3 ਮਿੰਟਾਂ ਬਾਅਦ, ਆਟੇ ਵਿੱਚ ਬੁਲਬਲੇ ਬਣਨੇ ਸ਼ੁਰੂ ਹੋ ਜਾਣਗੇ।

-ਜਿਵੇਂ ਹੀ ਬੁਲਬਲੇ ਬਣਨੇ ਸ਼ੁਰੂ ਹੋ ਜਾਣ ਤਾਂ ਆਟੇ ਵਿੱਚ 1 ਚਮਚ ਦੇਸੀ ਘਿਓ, ਇਲਾਇਚੀ ਪਾਊਡਰ ਅਤੇ ਖੰਡ ਨੂੰ ਸਵਾਦ ਅਨੁਸਾਰ ਮਿਲਾ ਲਓ।

-ਸਾਰੀ ਸਮੱਗਰੀ ਨੂੰ ਮਿਲਾ ਕੇ ਹੁਣ ਹਲਵੇ ਨੂੰ ਲਗਾਤਾਰ ਹਿਲਾਉਂਦੇ ਹੋਏ ਪਕਣ ਦਿਓ।

-ਕੁਝ ਸਮੇਂ ਬਾਅਦ ਰਾਗੀ ਦਾ ਹਲਵਾ ਕੜਾਹੀ ਤੋਂ ਹਟਣਾ ਸ਼ੁਰੂ ਕਰ ਦੇਵੇਗਾ।

-ਅਖੀਰ ਵਿੱਚ ਇਸ 'ਚ ਸੁੱਕੇ ਮੇਵੇ ਪਾ ਦਿਓ। ਹੁਣ ਇੱਕ ਮਿੰਟ ਹੋਰ ਪਕਾਉਣ ਤੋਂ ਬਾਅਦ ਗੈਸ ਬੰਦ ਕਰ ਦਿਓ।

-ਸਵਾਦ ਅਤੇ ਪੌਸ਼ਟਿਕਤਾ ਨਾਲ ਭਰਪੂਰ ਰਾਗੀ ਦਾ ਹਲਵਾ ਤਿਆਰ ਹੈ।