Aloo Methi Paratha: ਆਲੂ ਮੇਥੀ ਦਾ ਸੁਆਦੀ ਪਰਾਠਾਂ ਇੰਝ ਕਰੋ ਤਿਆਰ, ਬਣਾਉਣ 'ਚ ਹੈ ਆਸਾਨ

Aloo Methi Paratha:  ਸਰਦੀਆਂ ਵਿੱਚ ਨਾਸ਼ਤੇ ਵਜੋਂ ਜ਼ਿਆਦਾਤਰ ਲੋਕਾਂ ਨੂੰ ਪਰਾਠੇ ਪਸੰਦ ਹੁੰਦੇ ਹਨ। ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਮੇਥੀ, ਗੋਭੀ, ਮੂਲੀ ਜਾਂ ਆਲੂ ਦੇ ਬਣੇ ਪਰਾਠੇ ਪਸੰਦ ਕਰਦੇ ਹਨ। ਇਸ ਮੌਸਮ ਵਿੱਚ ਹਰ ਕੋਈ ਗਰਮ-ਗਰਮ ਨਾਸ਼ਤਾ ਖਾਣਾ ਪਸੰਦ ਕਰਦਾ ਹੈ। ਜੇਕਰ ਤੁਸੀਂ ਵੀ ਉਨ੍ਹਾਂ ਲੋਕਾਂ 'ਚੋਂ ਹੋ ਜੋ ਪਰਾਠਾ ਖਾਣਾ ਪਸੰਦ ਕਰਦੇ ਹਨ ਤਾਂ ਤੁਸੀਂ ਮੇਥੀ ਪਰਾਠਾ ਟ੍ਰਾਈ ਕਰ ਸਕਦੇ ਹੋ ਪਰ ਇਸ ਵਾਰ ਇਸ ਨੂੰ ਇਕ ਨਵੀਂ ਰੈਸਿਪੀ ਨਾਲ ਬਣਾਓ ਜਿਸ 'ਚ ਤੁਸੀਂ ਆਲੂ ਸ਼ਾਮਲ ਕਰ ਸਕਦੇ ਹੋ । ਇਸ ਵਾਰ ਨਾਸ਼ਤੇ ਲਈ ਤੁਸੀਂ ਆਲੂ ਮੇਥੀ ਪਰਾਠਾ ਬਣਾ ਸਕਦੇ ਹੋ। ਇਹ ਸੁਆਦੀ ਅਤੇ ਬਣਾਉਣ ਵਿਚ ਆਸਾਨ ਹੈ। ਆਓ ਜਾਣਦੇ ਹਾਂ ਆਲੂ ਮੇਥੀ ਪਰਾਠਾ ਬਣਾਉਣ ਦੀ ਰੈਸਿਪੀ...

ਆਲੂ ਮੇਥੀ ਪਰਾਠਾ ਬਣਾਉਣ ਲਈ ਤੁਹਾਨੂੰ ਲੋੜ ਹੋਵੇਗੀ

ਕਣਕ ਦਾ ਆਟਾ - 2 ਕੱਪ, ਮੇਥੀ ਦੇ ਪੱਤੇ - 1 ਕਟੋਰਾ, ਆਲੂ - 2-3 ਉਬਲੇ ਹੋਏ, ਪਿਆਜ਼ - 1 ਕੱਟਿਆ ਹੋਇਆ, ਲਾਲ ਮਿਰਚ ਪਾਊਡਰ - 1/2 ਚੱਮਚ, ਜੀਰਾ ਪਾਊਡਰ - 1/2 ਚੱਮਚ, ਧਨੀਆ ਪਾਊਡਰ - 1/2 ਚੱਮਚ, ਗਰਮ ਮਸਾਲਾ - 1/2 ਚਮਚ, ਹਰੀ ਮਿਰਚ - 1 ਕੱਟਿਆ ਹੋਇਆ, ਧਨੀਆ ਪੱਤੇ - ਬਾਰੀਕ ਕੱਟੇ ਹੋਏ, ਚਾਟ ਮਸਾਲਾ - 1/2 ਚਮਚ, ਤੇਲ - ਲੋੜ ਅਨੁਸਾਰ, ਲੂਣ - ਸੁਆਦ ਲਈ

ਆਲੂ ਮੇਥੀ ਦੇ ਪਰਾਠੇ ਬਣਾਉਣ ਦੀ ਵਿਧੀ:

-ਮੇਥੀ ਦੀਆਂ ਪੱਤੀਆਂ ਨੂੰ ਪਾਣੀ ਨਾਲ ਚੰਗੀ ਤਰ੍ਹਾਂ ਸਾਫ਼ ਕਰ ਲਓ। ਹੁਣ ਇੱਕ ਭਾਂਡੇ ਵਿੱਚ ਆਟਾ ਲੈ ਕੇ ਇਸ ਵਿੱਚ ਮੇਥੀ ਦੀਆਂ ਪੱਤੀਆਂ, ਨਮਕ, ਤੇਲ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰ ਲਓ।

-ਇਸ 'ਚ ਪਾਣੀ ਪਾ ਕੇ ਗੁੰਨ ਲਓ। ਹੁਣ ਇਸ ਨੂੰ ਢੱਕ ਕੇ 15 ਮਿੰਟ ਲਈ ਛੱਡ ਦਿਓ।

-ਪਰਾਠੇ ਵਿੱਚ ਆਲੂ ਭਰਨ ਲਈ, ਆਲੂ ਨੂੰ ਉਬਾਲੋ। ਇਸ ਨੂੰ ਛਿੱਲ ਕੇ ਮੈਸ਼ ਕਰੋ। ਪਿਆਜ਼, ਹਰੀ ਮਿਰਚ, ਧਨੀਆ ਪੱਤੇ ਨੂੰ ਬਾਰੀਕ ਕੱਟੋ।

-ਆਲੂਆਂ 'ਚ ਪਿਆਜ਼, ਲਾਲ ਮਿਰਚ ਪਾਊਡਰ, ਧਨੀਆ ਪਾਊਡਰ, ਜੀਰਾ ਪਾਊਡਰ, ਗਰਮ ਮਸਾਲਾ, ਹਰੀ ਮਿਰਚ, ਚਾਟ ਮਸਾਲਾ, ਨਮਕ ਅਤੇ ਕੱਟਿਆ ਧਨੀਆ ਪਾਓ।

-ਇਨ੍ਹਾਂ ਨੂੰ ਚੰਗੀ ਤਰ੍ਹਾਂ ਮਿਲਾਓ। ਹੁਣ ਮੇਥੀ ਦੇ ਆਟੇ ਦਾ ਗੋਲਾ ਬਣਾ ਕੇ ਰੋਲ ਕਰੋ। ਇਸ ਵਿਚ ਥੋੜਾ ਜਿਹਾ ਆਲੂ ਦਾ ਮਟੀਰੀਅਲ ਪਾਓ ਅਤੇ ਰੋਟੀਆਂ ਨੂੰ ਚਾਰੇ ਪਾਸਿਆਂ ਤੋਂ ਫੋਲਡ ਕਰੋ।

-ਇਸ ਤਰ੍ਹਾਂ ਇਹ ਵਰਗਾਕਾਰ ਦਿਖਾਈ ਦੇਵੇਗਾ। ਹੁਣ ਇਸ ਨੂੰ ਰੋਲ ਕਰੋ।

-ਹੁਣ ਗੈਸ 'ਤੇ ਤਵਾ ਰੱਖੋ ਅਤੇ ਤੇਲ ਲਗਾ ਕੇ ਸਾਰੇ ਪਰਾਠੇ ਇਕ-ਇਕ ਕਰਕੇ ਪਕਾ ਲਓ।

-ਗਰਮ ਆਲੂ ਮੇਥੀ ਦਾ ਪਰਾਠਾ ਤਿਆਰ ਹੈ।