Mahashivratri: ਮਹਾਸ਼ਿਵਰਾਤਰੀ ਦੇ ਵਰਤ ਲਈ ਤਿਆਰ ਕਰੋ ਇਹ ਪਕਵਾਨ, ਜਾਣੋ ਆਸਾਨ ਰੈਸਿਪੀ

ਮਹਾਸ਼ਿਵਰਾਤਰੀ ਦਾ ਤਿਉਹਾਰ ਹਿੰਦੂਆਂ ਦਾ ਇੱਕ ਮਹੱਤਵਪੂਰਨ ਤਿਉਹਾਰ ਹੈ। ਹਿੰਦੂ ਕੈਲੰਡਰ ਦੇ ਅਨੁਸਾਰ, ਮਹਾਸ਼ਿਵਰਾਤਰੀ ਹਰ ਸਾਲ ਫੱਗਣ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਚਤੁਰਦਸ਼ੀ ਨੂੰ ਮਨਾਈ ਜਾਂਦੀ ਹੈ। ਇਸ ਸਾਲ ਇਹ ਤਿਉਹਾਰ 18 ਫਰਵਰੀ ਨੂੰ ਮਨਾਇਆ ਜਾਵੇਗਾ। ਮਹਾਸ਼ਿਵਰਾਤਰੀ ਦੇ ਦਿਨ ਵਰਤ ਰੱਖਣ ਦਾ ਵਿਸ਼ੇਸ਼ ਮਹੱਤਵ ਮੰਨਿਆ ਜਾਂਦਾ ਹੈ। ਇਹੀ ਕਾਰਨ ਹੈ ਕਿ ਇਸ ਦਿਨ ਜ਼ਿਆਦਾਤਰ ਘਰਾਂ 'ਚ ਫਲਾਹਾਰੀ ਭੋਜਨ ਹੀ ਤਿਆਰ ਕੀਤੇ ਜਾਂਦੇ ਹਨ। ਬਹੁਤ ਸਾਰੇ ਲੋਕ ਇਸ ਦਿਨ ਨਿਰਜਲਾ ਵਰਤ ਵੀ ਰੱਖਦੇ ਹਨ, ਹਾਲਾਂਕਿ ਜ਼ਿਆਦਾਤਰ ਲੋਕ ਫਲਾਹਾਰੀ ਵਰਤ ਰਖਦੇ ਹਨ। ਜੇਕਰ ਤੁਸੀਂ ਵੀ ਇਸ ਮਹਾਸ਼ਿਵਰਾਤਰੀ 'ਤੇ ਵਰਤ ਰੱਖਣ ਬਾਰੇ ਸੋਚ ਰਹੇ ਹੋ, ਤਾਂ ਅਸੀਂ ਤੁਹਾਨੂੰ ਕੁਝ ਫਲਾਹਾਰੀ ਡਿਸ਼ ਬਣਾਉਣ ਦੀ ਵਿਧੀ ਦੱਸਾਂਗੇ, ਜਿਨ੍ਹਾਂ ਨੂੰ ਤੁਸੀਂ ਆਪਣੀ ਵਰਤ ਵਾਲੀ ਥਾਲੀ ਵਿੱਚ ਰੱਖ ਸਕਦੇ ਹੋ :

ਭੁੰਨੇ ਹੋਏ ਮਖਾਨੇ

ਭੁੰਨੇ ਮਖਾਨੇ ਬਣਾਉਣ ਲਈ ਜ਼ਰੂਰੀ ਸਮੱਗਰੀ : 5 ਚੱਮਚ ਦੇਸੀ ਘਿਓ, 150 ਗ੍ਰਾਮ ਮਖਾਨਾ, ਅੱਧਾ ਚਮਚਾ ਸੇਂਧਾ ਨਮਕ

ਭੁੰਨੇ ਹੋਏ ਮਖਾਨੇ ਬਣਾਉਣ ਦੀ ਵਿਧੀ: ਸਭ ਤੋਂ ਪਹਿਲਾਂ ਇੱਕ ਪੈਨ ਨੂੰ ਗਰਮ ਕਰੋ। ਹੁਣ ਇਸ ਵਿੱਚ ਦੇਸੀ ਘਿਓ ਅਤੇ ਮਖਾਨੇ ਪਾਓ ਅਤੇ ਫਿਰ ਮਖਾਨੇ ਨੂੰ ਭੂਰਾ ਹੋਣ ਤੱਕ ਭੁੰਨ ਲਓ। ਜਦੋਂ ਮਖਾਨੇ 'ਚੋਂ ਖੁਸ਼ਬੂ ਆਉਣ ਲੱਗੇ ਤਾਂ ਗੈਸ ਬੰਦ ਕਰ ਦਿਓ। ਇੱਕ ਕਟੋਰੇ ਵਿੱਚ ਆਉਣ ਤੋਂ ਬਾਅਦ, ਉੱਪਰੋਂ ਨਮਕ ਛਿੜਕ ਦਿਓ। ਭੁੰਨੇ ਹੋਏ ਮਖਾਨੇ ਤਿਆਰ ਹਨ।

ਕੁੱਟੂ ਦੇ ਪਕੌੜੇ

ਕੁੱਟੂ ਦੇ ਪਕੌੜੇ ਬਣਾਉਣ ਲਈ ਸਮੱਗਰੀ

3-4 ਆਲੂ, 6 ਚੱਮਚ ਕੁੱਟੂ ਦਾ ਆਟਾ, 1 ਹਰੀ ਮਿਰਚ, 1 ਚਮਚ ਅਨਾਰਦਾਨਾ, 1/2 ਚਮਚ ਜੀਰਾ ਪਾਊਡਰ, 1 ਕੱਪ ਪਾਣੀ, ਤਲਣ ਲਈ ਤੇਲ, ਸੁਆਦ ਅਨੁਸਾਰ ਸੇਂਧਾ ਨਮਕ

ਕੁੱਟੂ ਦੇ ਪਕੌੜੇ ਬਣਾਉਣ ਦੀ ਵਿਧੀ: ਆਲੂਆਂ ਨੂੰ ਧੋਵੋ, ਉਨ੍ਹਾਂ ਨੂੰ ਛਿੱਲ ਲਓ ਅਤੇ ਉਨ੍ਹਾਂ ਨੂੰ ਛੋਟੇ ਟੁਕੜਿਆਂ ਵਿੱਚ ਕੱਟ ਲਓ। ਹੁਣ ਆਲੂ ਨੂੰ ਕੁਟੂ ਦੇ ਆਟੇ ਦੇ ਨਾਲ ਮਿਲਾਓ। ਹੁਣ ਆਲੂ ਦੇ ਨਾਲ ਹੋਰ ਸਮੱਗਰੀ ਵੀ ਮਿਲਾਓ। ਥੋੜ੍ਹਾ-ਥੋੜ੍ਹਾ ਪਾਣੀ ਪਾ ਕੇ ਬੈਟਰ ਤਿਆਰ ਕਰ ਲਓ। ਬੈਟਰ ਥੋੜਾ ਗਾੜ੍ਹਾ ਹੋਣਾ ਚਾਹੀਦਾ ਹੈ। ਹੁਣ ਤਲਣ ਲਈ ਤੇਲ ਗਰਮ ਕਰੋ। ਚਮਚ ਦੀ ਮਦਦ ਨਾਲ, ਤੁਸੀਂ ਇਸ ਨੂੰ ਆਕਾਰ ਦੇ ਸਕਦੇ ਹੋ ਅਤੇ ਇਸ ਨੂੰ ਤੇਲ ਵਿੱਚ ਪਾ ਸਕਦੇ ਹੋ ਜਾਂ ਤੁਸੀਂ ਇਸ ਨੂੰ ਹੱਥਾਂ ਨਾਲ ਵੀ ਆਕਾਰ ਦੇ ਸਕਦੇ ਹੋ। ਹੁਣ ਪਕੌੜਿਆਂ ਨੂੰ ਸੁਨਹਿਰੀ ਅਤੇ ਕਰਿਸਪੀ ਹੋਣ ਤੱਕ ਪਕਾਓ। ਗਰਮਾ ਗਰਮ ਸਰਵ ਕਰੋ।