• Home
  • »
  • News
  • »
  • lifestyle
  • »
  • PUBG MOBILE SURPASSES 7 BILLION DOLLAR IN LIFETIME REVENUE GLOBALLY GH AP

PUBG ਮੋਬਾਈਲ ਕਰ ਰਿਹਾ ਹੈ ਮੋਟੀ ਕਮਾਈ, ਖਿਡਾਰੀ ਖ਼ਰਚ ਕਰ ਰਹੇ ਹਨ ਕਰੋੜਾਂ ਰੁਪਏ

ਇੱਕ ਰਿਪੋਰਟ ਦੇ ਅਨੁਸਾਰ, PUBG ਮੋਬਾਈਲ ਨੇ 7 ਬਿਲੀਅਨ ਡਾਲਰ (ਲਗਭਗ 52,000 ਕਰੋੜ ਰੁਪਏ) ਖਿਡਾਰੀਆਂ ਦੇ ਖਰਚੇ ਨੂੰ ਪਾਰ ਕਰ ਲਿਆ ਹੈ। ਇਹ ਐਪਲ ਐਪ ਸਟੋਰ ਅਤੇ ਗੂਗਲ ਪਲੇ ਸਟੋਰ ਦਾ ਵਿਸ਼ਵ ਵਿਆਪੀ ਡੇਟਾ ਹੈ।

PUBG ਮੋਬਾਈਲ ਕਰ ਰਿਹਾ ਹੈ ਮੋਟੀ ਕਮਾਈ, ਖਿਡਾਰੀ ਖ਼ਰਚ ਕਰ ਰਹੇ ਹਨ ਕਰੋੜਾਂ ਰੁਪਏ

  • Share this:
ਜੇਕਰ ਤੁਸੀਂ ਵੀ ਗੇਮ੍ਸ ਖੇਡਣ ਦੇ ਸ਼ੌਕੀਨ ਹੋ ਤਾਂ ਤੁਹਾਨੂੰ PUBG ਬਾਰੇ ਤਾਂ ਜ਼ਰੂਰ ਪਤਾ ਹੋਵੇਗਾ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇੱਕ ਮੋਬਾਈਲ ਗੇਮ ਖਿਡਾਰੀਆਂ ਵੱਲੋਂ ਖ਼ਰਚ ਕੀਤੇ ਪੈਸਿਆਂ ਨਾਲ ਕਰੋੜਾਂ ਰੁਪਏ ਦੀ ਕਮਾਈ ਕਰ ਰਹੀ ਹੈ। PUBG ਮੋਬਾਈਲ ਇੱਕ ਬਹੁਤ ਮਸ਼ਹੂਰ ਬੈਟਲ ਰਾਇਲ ਗੇਮ ਹੈ। ਇਸਦੇ ਫ਼ੀਚਰ ਇਸਨੂੰ ਬਾਕੀਆਂ ਨਾਲੋਂ ਅੱਡ ਕਰਦੇ ਹਨ ਅਤੇ ਗੇਮਰਜ਼ ਵੀ ਇਸ 'ਤੇ ਕਾਫੀ ਪੈਸਾ ਖਰਚ ਕਰਦੇ ਹਨ। ਹੁਣ ਤੱਕ ਖਿਡਾਰੀ PUBG ਮੋਬਾਈਲ 'ਤੇ ਕਰੋੜਾਂ ਰੁਪਏ ਖਰਚ ਕਰ ਚੁੱਕੇ ਹਨ।

ਇੱਕ ਰਿਪੋਰਟ ਦੇ ਅਨੁਸਾਰ, PUBG ਮੋਬਾਈਲ ਨੇ 7 ਬਿਲੀਅਨ ਡਾਲਰ (ਲਗਭਗ 52,000 ਕਰੋੜ ਰੁਪਏ) ਖਿਡਾਰੀਆਂ ਦੇ ਖਰਚੇ ਨੂੰ ਪਾਰ ਕਰ ਲਿਆ ਹੈ। ਇਹ ਐਪਲ ਐਪ ਸਟੋਰ ਅਤੇ ਗੂਗਲ ਪਲੇ ਸਟੋਰ ਦਾ ਵਿਸ਼ਵ ਵਿਆਪੀ ਡੇਟਾ ਹੈ।

ਸੈਂਸਰ ਟਾਵਰ ਦੀ ਰਿਪੋਰਟ ਦੇ ਅਨੁਸਾਰ, PUBG ਮੋਬਾਈਲ ਨੇ Q3 2021 ਵਿੱਚ ਰਿਕਾਰਡ $771 ਮਿਲੀਅਨ (ਲਗਭਗ 5,219 ਕਰੋੜ ਰੁਪਏ) ਦੀ ਕਮਾਈ ਕੀਤੀ ਸੀ। PUBG ਮੋਬਾਈਲ ਨੇ ਸਾਲ 2021 ਵਿੱਚ ਰੋਜ਼ਾਨਾ ਔਸਤਨ $8.1 ਮਿਲੀਅਨ ਦੀ ਕਮਾਈ ਕੀਤੀ ਹੈ। ਇਸ ਵਿੱਚ PUBG ਮੋਬਾਈਲ ਦੀ ਸਭ ਤੋਂ ਵੱਧ ਕਮਾਈ ਚੀਨ ਤੋਂ ਹੋਈ ਹੈ। ਯਾਨੀ ਚੀਨ ਇਸ ਗੇਮ ਟਾਈਟਲ ਲਈ ਸਭ ਤੋਂ ਵੱਡਾ ਬਾਜ਼ਾਰ ਹੈ। ਇਸ ਦੇ ਵੇਰੀਐਂਟ ਟਾਈਟਲ ਗੇਮ ਫਾਰ ਪੀਸ ਨੇ ਚੀਨ 'ਚ ਹੁਣ ਤੱਕ 4 ਬਿਲੀਅਨ ਡਾਲਰ ਦੀ ਕਮਾਈ ਕੀਤੀ ਹੈ। ਯਾਨੀ, ਇਹ ਗਲੋਬਲ ਖਿਡਾਰੀਆਂ ਦੇ ਖਰਚੇ ਦਾ 57% ਹੈ।

ਨਿਊਜ਼ ਏਜੰਸੀ IANS ਦੇ ਮੁਤਾਬਕ ਇਸ ਵਿਸ਼ਲੇਸ਼ਣ 'ਚ ਥਰਡ ਪਾਰਟੀ ਐਂਡ੍ਰਾਇਡ ਸਟੋਰਾਂ ਨੂੰ ਸ਼ਾਮਲ ਨਹੀਂ ਕੀਤਾ ਗਿਆ ਹੈ। PUBG ਮੋਬਾਈਲ ਨੇ ਚੀਨ ਤੋਂ ਬਾਹਰ $3 ਬਿਲੀਅਨ ਤੋਂ ਵੱਧ ਦੀ ਕਮਾਈ ਕੀਤੀ। ਚੀਨ ਤੋਂ ਬਾਅਦ ਇਸ ਖੇਡ ਨੇ ਸਭ ਤੋਂ ਵੱਧ ਕਮਾਈ ਅਮਰੀਕੀ ਖਿਡਾਰੀਆਂ ਤੋਂ ਕੀਤੀ।

ਖੇਡ ਦੇ ਕੁੱਲ ਮਾਲੀਏ ਵਿੱਚ ਅਮਰੀਕੀ ਖਿਡਾਰੀਆਂ ਦਾ ਖਰਚ 11.8% ਹੈ। ਜਦੋਂ ਕਿ ਜਾਪਾਨ 4.2% ਖਰਚ ਦੇ ਨਾਲ ਤੀਜੇ ਨੰਬਰ 'ਤੇ ਰਿਹਾ। ਮੋਬਾਈਲ ਪਲੇਟਫਾਰਮ ਦੀ ਗੱਲ ਕਰੀਏ ਤਾਂ ਐਪ ਸਟੋਰ ਦੀ ਕੁੱਲ ਆਮਦਨ ਵਿੱਚ ਵੱਧ ਹਿੱਸਾ ਸੀ। ਗੂਗਲ ਪਲੇ (Google Play) ਦੀ ਕੁੱਲ ਆਮਦਨ ਵਿੱਚ ਸਿਰਫ 19 ਪ੍ਰਤੀਸ਼ਤ ਹਿੱਸਾ ਸੀ।

ਚੀਨ ਤੋਂ ਬਾਹਰ ਐਪ ਸਟੋਰ (App Store) ਤੋਂ ਗੇਮ ਟਾਈਟਲ ਦੀ ਆਮਦਨ 56.6 ਪ੍ਰਤੀਸ਼ਤ ਸੀ ਜਦੋਂ ਕਿ ਗੂਗਲ ਪਲੇ ਪਲੇਅਰ( Google Player) ਨੇ 43.4% ਖਰਚ ਕੀਤਾ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਵਿੱਚ PUBG ਮੋਬਾਈਲ 'ਤੇ ਪਾਬੰਦੀ ਹੈ। ਇਸ ਤੋਂ ਬਾਅਦ ਕੰਪਨੀ ਨੇ ਇਸ ਗੇਮ ਨੂੰ ਦੇਸ਼ 'ਚ ਨਵੇਂ ਨਾਂ ਨਾਲ ਲਾਂਚ ਕੀਤਾ ਹੈ।
Published by:Amelia Punjabi
First published: