ਚੰਗੀ ਖ਼ਬਰ: ਹੁਣ ਡਿਜੀਟਲ ਭੁਗਤਾਨ ਵਿੱਚ ਨਹੀਂ ਹੋਵੇਗੀ ਕੋਈ ਮੁਸ਼ਕਲ! ਬੈਂਕਾਂ ਨੇ ਮਿਲ ਕੇ ਲਿਆ ਵੱਡਾ ਫ਼ੈਸਲਾ

ਨਵੀਂ ਦਿੱਲੀ. ਡਿਜੀਟਲ ਟ੍ਰਾਂਜੈਕਸ਼ਨ (Digital Transaction) ਵੱਲ ਰੁਝਾਨ ਬਹੁਤ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਖ਼ਾਸ ਤੌਰ 'ਤੇ ਕੋਰੋਨਾਵਾਇਰਸ ਮਹਾਂਮਾਰੀ (Coronavirus Pandemic) ਦੇ ਫੈਲਣ ਤੋਂ ਬਾਅਦ, ਡਿਜੀਟਲ ਭੁਗਤਾਨ (Online Digital Payment) ਇੱਕ ਜ਼ਰੂਰਤ ਬਣ ਗਈ ਹੈ। ਬਹੁਤ ਸਾਰੇ ਲੋਕ ਹੁਣ ਪੂਰੀ ਤਰਾਂ ਡਿਜੀਟਲ ਭੁਗਤਾਨ 'ਤੇ ਨਿਰਭਰ ਹਨ। ਹਾਲਾਂਕਿ, ਡਿਜੀਟਲ ਲੈਣ-ਦੇਣ ਵਿੱਚ ਕੁੱਝ ਸਮੱਸਿਆਵਾਂ ਵੀ ਆਉਂਦੀਆਂ ਹਨ। ਜਿਸ ਦੇ ਮੱਦੇਨਜ਼ਰ, ਹੁਣ ਜਨਤਕ ਖੇਤਰ ਦੇ ਬੈਂਕ (PSB) ਬੈਂਕਿੰਗ ਸੈਕਟਰ ਵਿੱਚ ਤੇਜ਼ੀ ਨਾਲ ਡਿਜੀਟਲ ਅਪਣਾਉਣ ਲਈ ਡਿਜੀਟਲ ਬੁਨਿਆਦੀ ਢਾਂਚੇ ਨੂੰ ਹੋਰ ਬਿਹਤਰ ਬਣਾਉਣ ਲਈ ਇੱਕ ਕੰਪਨੀ ਸਥਾਪਤ ਕਰਨ 'ਤੇ ਵਿਚਾਰ ਕਰ ਰਹੇ ਹਨ। ਦੋ ਬੈਂਕਾਂ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ। ਲੈਂਡਰ ਨੇ ਡਿਜੀਟਲ ਬੈਂਕਿੰਗ ਇਨਫਰਾਸਟਰੱਕਚਰ ਕਾਰਪੋਰੇਸ਼ਨ (Digital Banking Infrastructure Corp.) ਦੀ ਸਥਾਪਨਾ ਅਤੇ ਹੋਰ ਸਹੂਲਤਾਂ ਲਈ ਸਰੋਤਾਂ ਦੀ ਤਲਾਸ਼ ਸ਼ੁਰੂ ਕੀਤੀ ਹੈ।

ਲੈਂਡਰਸ, ਕਈ ਫਿੰਟੈਕ ਕੰਪਨੀਆਂ ਨਾਲ ਸਾਂਝੇਦਾਰੀ ਕਰੇਗੀ ਅਤੇ ਸਾਫ਼ਟਵੇਅਰ ਨੂੰ ਡਿਵੈਲਪ ਕਰੇਗੀ ਜਿਸ ਨਾਲ ਡੋਰ-ਸਟੈੱਪ ਬੈਂਕਿੰਗ ਅਤੇ ਕੋ-ਲੋਡਿੰਗ ਪ੍ਰਕਿਰਿਆ ਨੂੰ ਆਸਾਨ ਬਣਾਇਆ ਜਾ ਸਕੇ। ਪਿਛਲੇ ਹਫ਼ਤੇ ਕੰਪਨੀ ਦੀ ਸਥਾਪਨਾ ਬਾਰੇ ਵਿੱਤੀ ਸੇਵਾ ਵਿਭਾਗ (financial services department) ਦੇ ਸੈਕਟਰੀ ਨਾਲ ਹੋਈ ਮੀਟਿੰਗ ਵਿੱਚ ਵੀ ਵਿਚਾਰ ਵਟਾਂਦਰੇ ਕੀਤੇ ਗਏ ਸਨ। ਇਸ ਪਹਿਲਕਦਮੀ ਲਈ ਇੰਡੀਅਨ ਬੈਂਕਸ ਐਸੋਸੀਏਸ਼ਨ (Indian Banks Association ) ਅਧੀਨ ਇੱਕ ਅੰਤਰ ਕਮੇਟੀ ਵੀ ਬਣਾਈ ਗਈ ਹੈ।

ਕੋਰੋਨਾ ਮਹਾਂਮਾਰੀ ਦੇ ਕਾਰਨ, ਬੈਂਕਿੰਗ ਸੇਵਾ ਵਿੱਚ ਬਹੁਤ ਸਾਰੀਆਂ ਮੁਸ਼ਕਲਾਂ ਦੇ ਬਾਵਜੂਦ, ਕੰਜ਼ਿਊਮਰਸ ਦੇ ਵਿਵਹਾਰ ਵਿੱਚ ਵੀ ਤਬਦੀਲੀਆਂ ਵੇਖੀਆਂ ਗਈਆਂ। ਡਿਜੀਟਲ ਸੇਵਾ ਬਾਰੇ ਲੋਕਾਂ ਵਿੱਚ ਜਾਗਰੂਕਤਾ ਪੈਦਾ ਹੋਈ। ਇਹੀ ਕਾਰਨ ਹੈ ਕਿ ਹੁਣ ਬੈਂਕ ਗਾਹਕਾਂ ਲਈ ਡਿਜੀਟਲ ਟ੍ਰਾਂਜ਼ੈਕਸ਼ਨ ਦੀਆਂ ਸਹੂਲਤਾਂ ਨੂੰ ਆਸਾਨ ਬਣਾਉਣ 'ਤੇ ਜ਼ੋਰ ਦੇ ਰਹੇ ਹਨ। ਇੱਕ ਲੈਂਡਰ ਦੇ ਅਨੁਸਾਰ, ਬੈਂਕ ਡਿਜੀਟਲ ਲੋਨ ਦੇਣ ਵਾਲੇ ਪਲੇਟਫ਼ਾਰਮ ਨੂੰ ਅਪਣਾ ਰਿਹਾ ਹੈ ਅਤੇ ਹਰ ਬੈਂਕ ਇਸ ਵਿੱਚ ਨਿਵੇਸ਼ ਕਰ ਰਿਹਾ ਹੈ। ਹਾਲਾਂਕਿ, ਨਿਵੇਸ਼ ਦਾ ਸਾਈਜ਼ ਕਾਫ਼ੀ ਵੱਡਾ ਹੈ ਜੋ ਸਾਰੇ ਬੈਂਕ ਨਹੀਂ ਕਰ ਸਕਦੇ। ਜੇਕਰ ਇਹ ਸਮੂਹਿਕ ਰੂਪ ਨਾਲ ਇੱਕ ਐਂਕਰ ਬੈਂਕ ਜਾਂ ਪੀਐਸਬੀ ਗੱਠਜੋੜ ਦੇ ਰੂਪ ਵਿੱਚ ਕੀਤਾ ਜਾਂਦਾ ਹੈ, ਤਾਂ ਲੋਨ ਪ੍ਰੋਡਕਟਸ ਦੀ ਡਿਲਿਵਰੀ ਅਤੇ ਹੋਰ ਆਈ ਟੀ ਪਹਿਲ ਲਈ ਇੱਕ ਪਲੇਟਫ਼ਾਰਮ ਬਣਾਇਆ ਜਾ ਸਕਦਾ ਹੈ। ਇਨ੍ਹਾਂ ਚੁਨੌਤੀਆਂ ਦਾ ਸਾਹਮਣਾ ਕਰਨ ਲਈ, ਰਾਜ ਦੁਆਰਾ ਚਲਾਏ ਜਾਂਦੇ ਬੈਂਕ ਸਮੂਹਿਕ ਤੌਰ 'ਤੇ RFP ਫਲਾਟ, ਪ੍ਰਸਤਾਵ ਦੇ ਲਈ, ਡਿਜੀਟਲ ਬੈਂਕਿੰਗ ਸਰਵਿਸ ਦੇ ਲਈ ਸਰਵਿਸ ਪ੍ਰੋਵਾਈਡਰ ਅਤੇ  ਟੈਕਨੌਲੋਜੀ ਪਾਰਟਨਰਸ ਨੂੰ ਨਿਯੁਕਤ ਕਰਨ ਦੀ ਯੋਜਨਾ ਬਣਾ ਰਹੇ ਹਨ। ਦੱਸ ਦੇਈਏ ਕਿ ਬੈਂਕਰ, ਡਿਜੀਟਲ ਬੈਂਕਿੰਗ ਇਨਫਰਾਸਟਰੱਕਚਰ ਕੋਰਪ ਲਈ ਮੌਜੂਦਾ ਆਨਲਾਈਨ ਲੋਨ ਦੇਣ ਵਾਲੇ ਪਲੇਟਫ਼ਾਰਮ PSBLoansIn59 ਮਿੰਟ ਨੂੰ ਵਧਾਉਣ 'ਤੇ ਵੀ ਵਿਚਾਰ ਕਰ ਰਹੇ ਹਨ। ਸਾਲ 2018 ਵਿੱਚ ਸ਼ੁਰੂ ਕੀਤਾ ਇਹ ਪਲੇਟਫ਼ਾਰਮ ਛੋਟੇ ਕਾਰੋਬਾਰੀ ਲੋਨ, ਹੋਮ ਲੋਨ ਅਤੇ ਪਰਸਨਲ ਲੋਨ ਸਮੇਤ ਹੋਰ ਡਿਜੀਟਲੀਕਰਨ ਦੇ ਮੰਤਵ ਨਾਲ ਬਣਾਇਆ ਗਿਆ ਸੀ, ਤਾਂ ਜੋ ਇੱਕ ਕਰਜ਼ਾਦਾਤਾ ਨੂੰ ਇੱਕ ਘੰਟੇ ਤੋਂ ਵੀ ਘੱਟ ਸਮੇਂ ਵਿੱਚ ਪ੍ਰਵਾਨਗੀ ਮਿਲ ਜਾਵੇ।