Weight Loss: ਭਾਰ ਘਟਾਉਣ ਲਈ ਕਿੰਨੇ ਕਿਲੋਮੀਟਰ ਦੌੜਨਾ ਜ਼ਰੂਰੀ, ਜਾਣਨ ਲਈ ਪੜ੍ਹੋ ਖਬਰ

Weight Loss: ਭਾਰ ਘਟਾਉਣ ਲਈ ਲੋਕ ਨਵੇਂ-ਨਵੇਂ ਤਰੀਕੇ ਅਪਣਾਉਂਦੇ ਹਨ। ਕੁਝ ਲੋਕ ਭਾਰ ਘਟਾਉਣ ਲਈ ਜਿੰਮ ਜਾ ਕੇ ਘੰਟਿਆਂ ਬੱਧੀ ਪਸੀਨਾ ਵਹਾਉਂਦੇ ਹਨ, ਜਦਕਿ ਵੱਡੀ ਗਿਣਤੀ ਲੋਕ ਪਾਰਕਾਂ ਵਿਚ ਕਸਰਤ ਕਰਦੇ ਹਨ। ਦੌੜਨਾ ਇੱਕ ਵਧੀਆ ਕਸਰਤ ਹੈ, ਜੋ ਸਾਡੇ ਸਰੀਰ ਨੂੰ ਬਿਮਾਰੀਆਂ ਤੋਂ ਬਚਾਉਂਦੀ ਹੈ। ਜਦੋਂ ਤੁਸੀਂ ਸਵੇਰੇ ਸੜਕ 'ਤੇ ਨਿਕਲਦੇ ਹੋ, ਤਾਂ ਤੁਸੀਂ ਬਹੁਤ ਸਾਰੇ ਲੋਕਾਂ ਨੂੰ ਦੌੜਦੇ ਦੇਖੋਗੇ। ਦੌੜਨਾ ਭਾਰ ਘਟਾਉਣ ਦਾ ਵਧੀਆ ਤਰੀਕਾ ਹੈ। ਤੁਸੀਂ ਹਰ ਰੋਜ਼ ਕੁਝ ਕਿਲੋਮੀਟਰ ਦੌੜ ਕੇ ਆਪਣੇ ਆਪ ਨੂੰ ਫਿੱਟ ਰੱਖ ਸਕਦੇ ਹੋ ਅਤੇ ਆਸਾਨੀ ਨਾਲ ਭਾਰ ਘਟਾ ਸਕਦੇ ਹੋ। ਜ਼ਿਆਦਾਤਰ ਲੋਕ ਇਹ ਜਾਣਨ ਦੀ ਕੋਸ਼ਿਸ਼ ਕਰਦੇ ਹਨ ਕਿ ਹਰ ਰੋਜ਼ ਦੌੜਨ ਨਾਲ ਕਿੰਨਾ ਭਾਰ ਘੱਟੇਗਾ ਤਾਂ ਆਓ ਇਸ ਬਾਰੇ ਵਿਸਥਾਰ ਵਿੱਚ ਜਾਣਦੇ ਹਾਂ।

ਦੌੜਨ ਨਾਲ ਕੈਲੋਰੀ ਬਰਨ ਹੁੰਦੀ ਹੈ

ਹੈਲਥਲਾਈਨ (HealthLine) ਦੀ ਰਿਪੋਰਟ ਮੁਤਾਬਕ ਦੌੜਨ ਨਾਲ ਕਾਫੀ ਮਾਤਰਾ 'ਚ ਕੈਲੋਰੀ ਬਰਨ ਹੁੰਦੀ ਹੈ। ਕਸਰਤ ਨਾਲੋਂ ਭਾਰ ਘਟਾਉਣ ਲਈ ਦੌੜਨਾ ਵਧੇਰੇ ਪ੍ਰਭਾਵਸ਼ਾਲੀ ਹੈ। ਦੌੜਦੇ ਸਮੇਂ ਸਾਡੇ ਸਰੀਰ ਦੀਆਂ ਜ਼ਿਆਦਾਤਰ ਮਾਸਪੇਸ਼ੀਆਂ ਦੀ ਵੱਧ ਤੋਂ ਵੱਧ ਸ਼ਕਤੀ ਵਰਤੀ ਜਾਂਦੀ ਹੈ। ਇਕ ਰਿਸਰਚ 'ਚ ਇਹ ਗੱਲ ਸਾਹਮਣੇ ਆਈ ਕਿ 1600 ਮੀਟਰ ਦੌੜਨ ਨਾਲ ਪੈਦਲ ਚੱਲਣ ਨਾਲੋਂ 35 ਕੈਲੋਰੀਆਂ ਜ਼ਿਆਦਾ ਬਰਨ ਹੁੰਦੀਆਂ ਹਨ। ਜੇਕਰ ਤੁਸੀਂ ਹਰ ਰੋਜ਼ 8-10 ਕਿਲੋਮੀਟਰ ਦੌੜਦੇ ਹੋ, ਤਾਂ ਤੁਸੀਂ ਪੈਦਲ ਨਾਲੋਂ 350 ਕੈਲੋਰੀ ਜ਼ਿਆਦਾ ਬਰਨ ਕਰ ਸਕਦੇ ਹੋ।

ਹਾਰਵਰਡ ਯੂਨੀਵਰਸਿਟੀ (Harvard University) ਦੁਆਰਾ ਕੀਤੀ ਗਈ ਇੱਕ ਖੋਜ ਵਿੱਚ ਪਾਇਆ ਗਿਆ ਕਿ 10 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ 30 ਮਿੰਟ ਦੌੜਨ ਨਾਲ ਲਗਭਗ 372 ਕੈਲੋਰੀ ਬਰਨ ਹੁੰਦੀ ਹੈ। ਜੇਕਰ ਤੁਸੀਂ ਹਰ ਰੋਜ਼ ਅਜਿਹਾ ਕਰਦੇ ਹੋ, ਤਾਂ ਤੁਸੀਂ ਕੁਝ ਹੀ ਸਮੇਂ ਵਿਚ ਬਹੁਤ ਸਾਰਾ ਭਾਰ ਘਟਾ ਸਕਦੇ ਹੋ।

ਬੈਲੀ ਫੈਟ ਨੂੰ ਘਟਾਉਣ ਲਈ ਅਸਰਦਾਰ

ਹੁਣ ਤੱਕ ਕਈ ਅਧਿਐਨਾਂ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਬੈਲੀ ਫੈਟ ਸਿਹਤ ਲਈ ਬਹੁਤ ਹਾਨੀਕਾਰਕ ਹੈ। ਇਸ ਨਾਲ ਦਿਲ ਦੀ ਬੀਮਾਰੀ, ਟਾਈਪ 2 ਡਾਇਬਟੀਜ਼ ਸਮੇਤ ਕਈ ਬੀਮਾਰੀਆਂ ਦਾ ਖਤਰਾ ਵਧ ਜਾਂਦਾ ਹੈ। ਦੌੜਨ ਵਰਗੀ ਉੱਚ ਐਰੋਬਿਕ ਕਸਰਤ (High aerobic exercise) ਬੈਲੀ ਫੈਟ ਨੂੰ ਘਟਾਉਣ ਲਈ ਬਹੁਤ ਕਾਰਗਰ ਸਾਬਤ ਹੋ ਸਕਦੀ ਹੈ। ਖਾਸ ਗੱਲ ਇਹ ਹੈ ਕਿ ਜੇਕਰ ਤੁਸੀਂ ਰਨਿੰਗ ਕਰਦੇ ਹੋ ਤਾਂ ਤੁਹਾਨੂੰ ਆਪਣੀ ਡਾਈਟ ਬਦਲਣ ਦੀ ਵੀ ਲੋੜ ਨਹੀਂ ਪਵੇਗੀ ਅਤੇ ਤੁਸੀਂ ਫਿੱਟ ਰਹੋਗੇ। ਹਾਲਾਂਕਿ, ਇਸਦੇ ਲਈ ਤੁਹਾਨੂੰ ਹਾਈ ਇੰਟੈਂਸਿਟੀ ਯਾਨੀ ਤੇਜ਼ ਦੌੜਨਾ ਹੋਵੇਗਾ। ਸਾਈਕਲ ਚਲਾਉਣ ਨਾਲ ਵੀ ਬੈਲੀ ਫੈਟ ਘੱਟ ਹੋ ਸਕਦੀ ਹੈ।

ਦੌੜਨ ਦੇ ਹੋਰ ਫਾਇਦੇ

• ਹਰ ਰੋਜ਼ 5 ਤੋਂ 10 ਮਿੰਟ ਦੌੜਨ ਨਾਲ ਦਿਲ ਦੀਆਂ ਬਿਮਾਰੀਆਂ ਦਾ ਖ਼ਤਰਾ 45% ਤੱਕ ਘੱਟ ਜਾਂਦਾ ਹੈ।


• ਦੌੜਨਾ ਸ਼ੂਗਰ ਲੈਵਲ ਨੂੰ ਘੱਟ ਕਰਨ ਵਿੱਚ ਮਦਦ ਕਰਦਾ ਹੈ। ਇਸ ਕਾਰਨ ਸਰੀਰ ਵਿਚ ਪੈਦਾ ਹੋਈ ਸ਼ੂਗਰ ਮਾਸਪੇਸ਼ੀਆਂ ਦੇ ਸੈੱਲਾਂ ਵਿੱਚ ਜਮ੍ਹਾ ਹੋ ਜਾਂਦੀ ਹੈ।


• ਦੌੜਨ ਨਾਲ ਮੋਤੀਆਬਿੰਦ (cataract) ਦਾ ਖ਼ਤਰਾ ਵੀ ਘੱਟ ਜਾਂਦਾ ਹੈ। ਇਸ ਤੋਂ ਇਲਾਵਾ ਇਹ ਹੋਰ ਬਿਮਾਰੀਆਂ ਤੋਂ ਬਚਾਉਂਦਾ ਹੈ।


• 60 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਨੂੰ ਗੋਡਿਆਂ ਦੇ ਦਰਦ ਤੋਂ ਬਚਣ ਲਈ ਦੌੜਨਾ ਲਾਜ਼ਮੀ ਹੈ।