• Home
  • »
  • News
  • »
  • lifestyle
  • »
  • RELIANCE JIO USERS GET IN FLIGHT CONNECTIVITY ON INTERNATIONAL FLIGHTS PLANS START RS 499 PER DAY

Reliance Jio 499 ਰੁਪਏ ‘ਚ ਅੰਤਰਰਾਸ਼ਟਰੀ ਉਡਾਣ ਵਿਚ ਦੇਵੇਗੀ ਮੋਬਾਈਲ ਸਰਵਿਸ, ਜਾਣੋ ਪੂਰਾ ਵੇਰਵਾ

ਰਿਲਾਇੰਸ ਜਿਓ ਹੁਣ ਜਹਾਜ਼ ਵਿਚ ਮੋਬਾਈਲ ਸੇਵਾਵਾਂ ਪੇਸ਼ ਕਰੇਗੀ। ਕੰਪਨੀ ਅੰਤਰਰਾਸ਼ਟਰੀ ਮਾਰਗਾਂ ਦੇ 22 ਰੂਟਾਂ 'ਤੇ ਮੋਬਾਈਲ ਸੇਵਾ ਪ੍ਰਦਾਨ ਕਰੇਗੀ

Reliance Jio 499 ਰੁਪਏ ‘ਚ ਅੰਤਰਰਾਸ਼ਟਰੀ ਉਡਾਣ ਵਿਚ ਦੇਵੇਗੀ ਮੋਬਾਈਲ ਸਰਵਿਸ

Reliance Jio 499 ਰੁਪਏ ‘ਚ ਅੰਤਰਰਾਸ਼ਟਰੀ ਉਡਾਣ ਵਿਚ ਦੇਵੇਗੀ ਮੋਬਾਈਲ ਸਰਵਿਸ

  • Share this:
    ਰਿਲਾਇੰਸ ਜਿਓ ਹੁਣ ਜਹਾਜ਼ ਵਿਚ ਮੋਬਾਈਲ ਸੇਵਾਵਾਂ ਪੇਸ਼ ਕਰੇਗੀ। ਕੰਪਨੀ ਅੰਤਰਰਾਸ਼ਟਰੀ ਮਾਰਗਾਂ ਦੇ 22 ਰੂਟਾਂ 'ਤੇ ਮੋਬਾਈਲ ਸੇਵਾ ਪ੍ਰਦਾਨ ਕਰੇਗੀ। ਕੰਪਨੀ ਨੇ ਆਪਣੀ ਜਾਣਕਾਰੀ ਵੈਬਸਾਈਟ 'ਤੇ ਦਿੱਤੀ ਹੈ। ਇਸਦੇ ਨਾਲ, ਜੀਓ ਜਹਾਜ਼ ਵਿੱਚ ਮੋਬਾਈਲ ਸੇਵਾ ਦੀ ਪੇਸ਼ਕਸ਼ ਕਰਨ ਵਾਲੀ ਦੂਜੀ ਕੰਪਨੀ ਬਣ ਗਈ ਹੈ। ਇਸ ਤੋਂ ਪਹਿਲਾਂ, ਟਾਟਾ ਸਮੂਹ ਦੀ ਕੰਪਨੀ ਨੇਲਕੋ ਲੰਡਨ ਦੇ ਰਸਤੇ 'ਤੇ ਵਿਸਤਾਰਾ ਨੂੰ ਇਨ-ਫਲਾਈਟ ਮੋਬਾਈਲ ਸੇਵਾ ਦੀ ਪੇਸ਼ਕਸ਼ ਕਰ ਰਹੀ ਹੈ।

    ਕੰਪਨੀ ਦੀਆਂ ਸਹਿਭਾਗੀ ਏਅਰਲਾਇੰਸਾਂ ਵਿੱਚ ਕੈਥੇ ਪੈਸੀਫਿਕ, ਸਿੰਗਾਪੁਰ ਏਅਰਲਾਇੰਸ, ਅਮੀਰਾਤ, ਇਤੀਹਾਦ ਏਅਰਵੇਜ਼, ਯੂਰੋ ਵਿੰਗਜ਼, ਲੁਫਥਾਂਸਾ, ਮਾਲਿੰਡੋ ਏਅਰ, ਬਿਮਾਨ ਬੰਗਲਾਦੇਸ਼ ਏਅਰਲਾਇੰਸ ਅਤੇ ਏਲੀਟਾਲੀਆ ਸ਼ਾਮਲ ਹਨ।

    ਇਸ ਦੇ ਨਾਲ  ਜੀਓ ਉਡਾਣ ਦੇ ਦੌਰਾਨ (ਇਨ-ਫਲਾਈਟ) ਮੋਬਾਈਲ ਸੇਵਾਵਾਂ ਪ੍ਰਦਾਨ ਕਰਨ ਵਾਲੀ ਦੂਜੀ ਭਾਰਤੀ ਦੂਰਸੰਚਾਰ ਕੰਪਨੀ ਬਣ ਗਈ ਹੈ। ਇਸ ਤੋਂ ਪਹਿਲਾਂ ਟਾਟਾ ਸਮੂਹ ਦੀ ਕੰਪਨੀ ਨੇਲਕੋ ਨੇ ਲੰਡਨ ਦੇ ਰਸਤੇ 'ਤੇ ਵਿਸਤਾਰ ਏਅਰਲਾਈਂਸ ਵਿੱਚ ਇਨ-ਫਲਾਈਟ ਮੋਬਾਈਲ ਸੇਵਾਵਾਂ ਦੀ ਸ਼ੁਰੂਆਤ ਕੀਤੀ ਸੀ।

    ਜਾਣੋ ਪਲਾਨ ਦੀ ਕੀਮਤ ਬਾਰੇ?

    ਜੀਓ ਨੇ ਇਕ ਦਿਨ ਦੀ ਵੈਧਤਾ ਨਾਲ ਭਾਰਤ ਤੋਂ ਉਡਾਣ ਭਰਨ ਵਾਲੇ ਯਾਤਰੀਆਂ ਲਈ 499, 699 ਰੁਪਏ ਅਤੇ 999 ਰੁਪਏ ਦੇ ਤਿੰਨ ਅੰਤਰਰਾਸ਼ਟਰੀ ਰੋਮਿੰਗ ਪੈਕ ਦੀ ਘੋਸ਼ਣਾ ਕੀਤੀ ਹੈ।

    ਸਾਰੇ ਪਲਾਨ  100 ਮਿੰਟ ਆਊਟ ਗੋਇੰਗ ਵੌਇਸ ਕਾਲਾਂ ਅਤੇ 100 ਐਸ ਐਮ ਐਸ ਦੀ ਪੇਸ਼ਕਸ਼ ਕਰਦੇ ਹਨ। ਇਨ੍ਹਾਂ ਤੋਂ ਇਲਾਵਾ 499 ਰੁਪਏ ਦੀ ਯੋਜਨਾ ਵਿੱਚ 250 ਮੈਗਾਬਾਈਟ (ਐਮਬੀ) ਮੋਬਾਈਲ ਡਾਟਾ ਉਪਲਬਧ ਹੈ। ਇਸੇ ਤਰ੍ਹਾਂ, 699 ਰੁਪਏ ਵਿੱਚ 500 ਐਮਬੀ ਅਤੇ 999 ਰੁਪਏ ਵਿੱਚ ਇੱਕ ਜੀਬੀ ਡਾਟਾ ਦਾ ਪਲਾਨ ਹੈ। ਜੀਓ ਦੀ ਵੈਬਸਾਈਟ 'ਤੇ ਉਪਲਬਧ ਜਾਣਕਾਰੀ ਦੇ ਅਨੁਸਾਰ, ਕੋਈ ਵੀ ਪਲਾਨ ਇਨਕਮਿੰਗ ਕਾਲਾਂ ਦੀ ਆਗਿਆ ਨਹੀਂ ਦੇਵੇਗੀ, ਜਦੋਂਕਿ ਇਨਕਮਿੰਗ  ਐਸਐਮਐਸ ਮੁਫਤ ਹਨ।

    ਪਹਿਲੀ ਵਾਰ ਇਨ-ਫਲਾਈਟ ਮੋਬਾਈਲ ਸੇਵਾਵਾਂ ਦੀ ਵਰਤੋਂ ਕਰਨ ਵਾਲਿਆਂ ਨੂੰ ਪਹਿਲਾਂ ਜੀਓ ਨੈਟਵਰਕ 'ਤੇ ਪਲਾਨ ਨੂੰ ਐਕਟਿਵ ਕਰਾਉਣਾ ਪਏਗਾ। ਅੰਤਰਰਾਸ਼ਟਰੀ ਰੋਮਿੰਗ ਸੇਵਾਵਾਂ ਜਿਓ ਫੋਨ ਅਤੇ ਜੀਓ ਦੇ ਫਾਈ ਡਿਵਾਈਸਾਂ 'ਤੇ ਕੰਮ ਨਹੀਂ ਕਰੇਗੀ।
    Published by:Ashish Sharma
    First published: