• Home
  • »
  • News
  • »
  • lifestyle
  • »
  • RELIGION GANESH TEMPLES 10 ANCIENT TEMPLES OF LORD GANESHA IN INDIA KNOW MORE FOR TEMPLE GH KS

Ganesh Temples: ਭਾਰਤ ਵਿੱਚ ਭਗਵਾਨ ਗਣੇਸ਼ ਦੇ 10 ਪ੍ਰਾਚੀਨ ਮੰਦਰ, ਜਿਥੇ ਪੂਰੀ ਹੁੰਦੀ ਹੈ ਹਰ ਮੰਨਤ!

  • Share this:
ਭਗਵਾਨ ਗਣੇਸ਼ (Lord Ganesh) ਹਿੰਦੂ ਧਰਮ ਵਿੱਚ ਬਹੁਤ ਪਿਆਰੇ ਤੇ ਸਤਿਕਾਰਤ ਦੇਵਤਾ ਹਨ। ਭਗਵਾਨ ਗਣੇਸ਼ ਨੂੰ 'ਵਿਘਨ ਹਰਤਾ' (VighanHarta) ਦੇ ਨਾਂਅ ਨਾਲ ਵੀ ਜਾਣਿਆ ਜਾਂਦਾ ਹੈ, ਜੋ ਸ਼ਰਧਾਲੂਆਂ ਦੇ ਜੀਵਨ ਵਿੱਚ ਸਾਰੀਆਂ ਮੁਸ਼ਕਲਾਂ ਜਾਂ ਰੁਕਾਵਟਾਂ ਨੂੰ ਦੂਰ ਕਰਦੇ ਹਨ। ਅਸੀਂ ਗਣੇਸ਼ ਚਤੁਰਥੀ (Ganesh Chaturthi) ਦੌਰਾਨ ਤੁਹਾਡੇ ਲਈ ਭਗਵਾਨ ਗਣੇਸ਼ ਦੇ ਮੰਦਰਾਂ ਦੀ ਇੱਕ ਸੂਚੀ ਲੈ ਕੇ ਆਏ ਹਾਂ, ਇਹ ਤਿਉਹਾਰ ਦੇਸ਼ ਭਰ ਵਿੱਚ, ਖਾਸ ਕਰਕੇ ਮਹਾਰਾਸ਼ਟਰ (Maharashtra) ਰਾਜ ਵਿੱਚ ਬਹੁਤ ਉਤਸ਼ਾਹ ਨਾਲ ਮਨਾਇਆ ਜਾਂਦਾ ਹੈ।

ਸਿੱਧੀ ਵਿਨਾਇਕ ਮੰਦਰ : ਮੁੰਬਈ ਵਿੱਚ ਸਿੱਧੀਵਿਨਾਇਕ ਮਸ਼ਹੂਰ ਗਣਪਤੀ ਮੰਦਰਾਂ (Ganesh Temple) ਵਿੱਚੋਂ ਇੱਕ ਹੈ, ਜਿੱਥੇ ਦਰਸ਼ਨ ਕਰਨ ਅਕਸਰ ਮਸ਼ਹੂਰ ਹਸਤੀਆਂ ਆਉਂਦੀਆਂ ਹਨ। ਮੰਦਰ ਦੀ ਸਥਾਪਨਾ 1801 ਵਿੱਚ ਕੀਤੀ ਗਈ ਸੀ। ਇੱਥੇ ਗਣਪਤੀ ਨੂੰ ਨਵਸਾਚਾ ਗਣਪਤੀ ਦੇ ਨਾਂਅ ਨਾਲ ਵੀ ਜਾਣਿਆ ਜਾਂਦਾ ਹੈ ਜਿਸ ਦਾ ਅਰਥ ਹੈ ਕਿ ਜੇ ਤੁਸੀਂ ਭਗਵਾਨ ਸਿੱਧੀ ਵਿਨਾਇਕ ਦੇ ਅੱਗੇ ਕਿਸੇ ਚੀਜ਼ ਦੀ ਇੱਛਾ ਰੱਖਦੇ ਹੋ ਤਾਂ ਉਹ ਪੂਰੀ ਹੁੰਦੀ ਹੈ।

ਦਗਦੂਸ਼ੇਠ ਹਲਵਾਈ ਗਣਪਤੀ ਮੰਦਰ: ਇਸ ਮੰਦਿਰ ਵਿੱਚ ਰੱਖੀ ਗਣੇਸ਼ ਜੀ ਦੀ ਮੂਰਤੀ 7.5 ਫੁੱਟ ਲੰਬੀ ਅਤੇ 4 ਫੁੱਟ ਚੌੜੀ ਹੈ, ਜਿਸ ਨੂੰ ਸੋਨੇ ਦੇ ਗਹਿਣਿਆਂ ਨਾਲ ਸਜਾਇਆ ਗਿਆ ਹੈ। ਪੁਣੇ ਦੇ ਇਸ ਮੰਦਰ ਦੇ ਪਿੱਛੇ ਦੀ ਕਹਾਣੀ ਇਹ ਹੈ ਕਿ ਦਗਦੂਸ਼ੇਠ ਗਾਡਵੇ ਮਠਿਆਈ ਵੇਚਦੇ ਸਨ ਅਤੇ ਉਨ੍ਹਾਂ ਨੇ ਇੱਕ ਮਹਾਂਮਾਰੀ ਵਿੱਚ ਆਪਣੇ ਬੇਟੇ ਨੂੰ ਗੁਆ ਦਿੱਤਾ, ਆਪਣੇ ਬੱਚੇ ਨੂੰ ਗੁਆਉਣ ਤੋਂ ਬਾਅਦ ਉਸ ਨੇ ਇਸ ਗਣੇਸ਼ ਮੰਦਰ ਨੂੰ ਬਣਾਉਣ ਦਾ ਫੈਸਲਾ ਕੀਤਾ ਸੀ।

ਖਜਰਾਣਾ ਗਣੇਸ਼ ਮੰਦਰ : ਇਹ ਪ੍ਰਾਚੀਨ ਮੰਦਰ ਮੱਧ ਪ੍ਰਦੇਸ਼ ਦੇ ਇੰਦੌਰ ਸ਼ਹਿਰ ਵਿੱਚ ਸਥਿਤ ਹੈ। ਦੇਸ਼-ਵਿਦੇਸ਼ ਤੋਂ ਸ਼ਰਧਾਲੂ ਇਸ ਮੰਦਰ ਦੇ ਦਰਸ਼ਨਾਂ ਲਈ ਆਉਂਦੇ ਹਨ। ਇੱਥੇ ਸਥਾਪਿਤ ਭਗਵਾਨ ਗਣੇਸ਼ ਦੀ ਮੂਰਤੀ 3 ਫੁੱਟ ਉੱਚੀ ਹੈ। ਇਹ ਮੰਦਰ 1735 ਵਿੱਚ ਹੋਲਕਰ ਰਾਜਵੰਸ਼ ਦੀ ਮਹਾਰਾਣੀ ਅਹਿਲਿਆਬਾਈ ਹੋਲਕਰ ਦੁਆਰਾ ਬਣਾਇਆ ਗਿਆ ਸੀ।

ਸ਼੍ਰੀ ਚਿੰਤਾਮਨ ਗਣੇਸ਼ ਮੰਦਰ : ਇਹ ਮੱਧ ਪ੍ਰਦੇਸ਼ (Madhya Pradesh) ਦੇ ਤੀਰਥ ਸਥਾਨ ਉਜੈਨ (Ujjain) ਵਿੱਚ ਸਥਿਤ ਹੈ, ਜਿਸ ਨੂੰ ਭਗਵਾਨ ਮਹਾਂਕਾਲੇਸ਼ਵਰ (Lord Mahakaleshwar) ਦੇ ਨਿਵਾਸ ਵਜੋਂ ਜਾਣਿਆ ਜਾਂਦਾ ਹੈ। ਪਾਵਨ ਅਸਥਾਨ ਵਿੱਚ ਦਾਖਲ ਹੋਣ 'ਤੇ, ਗਣੇਸ਼ ਦੀਆਂ ਤਿੰਨ ਮੂਰਤੀਆਂ ਵੇਖੀਆਂ ਜਾਂਦੀਆਂ ਹਨ। ਪਹਿਲਾ ਚਿੰਤਾਮਨ, ਦੂਜਾ ਇੱਛਾਮਨ ਅਤੇ ਤੀਜਾ ਸਿੱਧੀਵਿਨਾਇਕ ਗਣੇਸ਼ ਹੈ। ਚਿੰਤਾਮਨ ਦਾ ਅਰਥ ਹੈ ਤਣਾਅ ਦੂਰ ਕਰਨ ਵਾਲਾ।

ਰਣਥਮਬੋਰ ਗਣੇਸ਼ ਮੰਦਰ : ਇਸ ਨੂੰ ਭਾਰਤ ਦਾ ਸਭ ਤੋਂ ਪੁਰਾਣਾ ਗਣੇਸ਼ ਮੰਦਰ ਕਿਹਾ ਜਾਂਦਾ ਹੈ। ਮੰਦਰ ਰਾਜਸਥਾਨ (Rajasthan) ਦੇ ਰਣਥਮਬੋਰ ਕਿਲ੍ਹੇ ਵਿੱਚ ਚੌਹਾਨ ਰਾਜਵੰਸ਼ ਦੇ ਰਾਜਾ ਹਮੀਰਦੇਵ ਨੇ 1300 ਈਸਵੀ ਵਿੱਚ ਬਣਾਇਆ ਸੀ। ਮੰਦਰ ਤ੍ਰਿਨੇਤਰਾ ਗਣਪਤੀ ਮੰਦਰ ਦੇ ਰੂਪ ਵਿੱਚ ਮਸ਼ਹੂਰ ਹੈ।

ਡੋਡਾ ਗਣਪਤੀ ਮੰਦਰ: ਇਹ ਮੰਦਰ ਕਰਨਾਟਕ ਦੇ ਦੱਖਣੀ ਬੰਗਲੌਰ ਖੇਤਰ ਦੇ ਬਸਵਾਨਗੁੜੀ ਵਿੱਚ ਸਥਿਤ ਹੈ. ਕੰਨੜ ਭਾਸ਼ਾ ਵਿੱਚ 'ਡੋਡਾ' ਦਾ ਅਰਥ ਹੈ ਵੱਡਾ। ਇਸ ਮੰਦਰ ਵਿੱਚ ਗਣਪਤੀ ਦੀ ਮੂਰਤੀ 18 ਫੁੱਟ ਉੱਚੀ ਅਤੇ 16 ਫੁੱਟ ਚੌੜੀ ਹੈ।

ਗਣੇਸ਼ ਟੋਕ ਮੰਦਰ: ਇਹ ਸਿੱਕਮ ਦੀ ਰਾਜਧਾਨੀ ਗੈਂਗਟੋਕ ਤੋਂ 7 ਕਿਲੋਮੀਟਰ ਦੂਰ ਇੱਕ ਪਹਾੜੀ ਦੀ ਚੋਟੀ 'ਤੇ ਸਥਿਤ ਹੈ. ਮੰਦਰ ਤੋਂ, ਤੁਸੀਂ ਕੰਚਨਜੰਘਾ ਪਹਾੜਾਂ (Kanchenjungha mountains) ਦਾ ਸ਼ਾਨਦਾਰ ਦ੍ਰਿਸ਼ ਦੇਖ ਸਕਦੇ ਹੋ। ਸ਼ਰਧਾਲੂ ਅਤੇ ਸੈਲਾਨੀ ਇਸ ਮੰਦਰ ਨੂੰ ਬਹੁਤ ਪਵਿੱਤਰ ਸਥਾਨ ਮੰਨਦੇ ਹਨ। ਇਹ ਇੱਕ ਛੋਟਾ ਜਿਹਾ ਮੰਦਰ ਹੈ ਅਤੇ ਇੱਕ ਸਮੇਂ ਵਿੱਚ ਸਿਰਫ ਇੱਕ ਵਿਅਕਤੀ ਹੀ ਮੰਦਰ ਦੇ ਦਰਸ਼ਨ ਕਰ ਸਕਦਾ ਹੈ।

ਕਲਾਮੱਸੇਰੀ ਮਹਾਂਗਣਪਤੀ ਮੰਦਰ: ਕੇਰਲਾ (Kerala) ਦੇ ਏਰਨਾਕੁਲਮ ਜ਼ਿਲ੍ਹੇ ਦੇ ਉੱਤਰੀ ਕਲਾਮੱਸੇਰੀ ਖੇਤਰ ਵਿੱਚ ਇਹ ਮੰਦਰ 1980 ਵਿੱਚ ਬਣਾਇਆ ਗਿਆ ਸੀ। ਇਹ ਇੱਕ ਆਮ ਆਦਮੀ ਰਘੂਨਾਥ ਮੈਨਨ ਦੁਆਰਾ ਭਗਵਾਨ ਗਣੇਸ਼ ਪ੍ਰਤੀ ਉਸ ਦੇ ਪਿਆਰ ਅਤੇ ਸ਼ਰਧਾ ਦੇ ਕਾਰਨ ਬਣਾਇਆ ਗਿਆ ਸੀ।

ਕਨੀਪਕਮ ਵਿਨਾਇਕ ਮੰਦਰ: ਆਂਧਰਾ ਪ੍ਰਦੇਸ਼ (Andhra Pradesh) ਦੇ ਚਿਤੂਰ ਜ਼ਿਲ੍ਹੇ ਵਿੱਚ ਇਹ ਮੰਦਰ 11ਵੀਂ ਸਦੀ ਵਿੱਚ ਬਣਾਇਆ ਗਿਆ ਸੀ। ਇੱਥੇ, ਗਣੇਸ਼ ਚਤੁਰਥੀ ਨੂੰ ਸਾਲਾਨਾ ਤਿਉਹਾਰ ਬ੍ਰਹਮੋਤਸਵਮ ਦੇ ਨਾਲ ਮਨਾਇਆ ਜਾਂਦਾ ਹੈ।

ਵਰਸਿੱਧੀ ਵਿਨਾਇਗਰ ਮੰਦਰ: ਇਹ ਮੰਦਰ ਚੇਨਈ ਦੇ ਬੇਸੰਤ ਨਗਰ ਵਿੱਚ ਬੀਚ ਦੇ ਨੇੜੇ ਸਥਿਤ ਹੈ। ਇੱਥੇ ਤੁਹਾਨੂੰ ਦੇਵੀ ਸਿੱਧੀ ਦੇ ਨਾਲ ਵਿਨਾਇਕ ਦੀ ਮੂਰਤੀ ਦੇਖਣ ਨੂੰ ਮਿਲੇਗੀ। ਮੰਦਰ ਕੰਪਲੈਕਸ ਦਾ ਵਿਸਤਾਰ ਕੀਤਾ ਗਿਆ ਸੀ ਅਤੇ ਮੁਰੰਮਤ ਕੀਤੇ ਮੰਦਰ ਦਾ ਕੁੰਭਵਿਸ਼ੇਖਮ ਅਪ੍ਰੈਲ 1979 ਵਿੱਚ ਹੋਇਆ ਸੀ।
Published by:Krishan Sharma
First published: