ਜੇਕਰ ਤੁਸੀਂ ਸਰਕਾਰੀ ਪੈਨਸ਼ਨਰ ਹੋ ਤਾਂ ਇਹ ਤੁਹਾਡੇ ਲਈ ਅਹਿਮ ਖਬਰ ਹੈ। ਜੇਕਰ ਪੈਨਸ਼ਨਰ 31 ਦਸੰਬਰ, 2021 ਤੱਕ ਜੀਵਨ ਪ੍ਰਮਾਣ ਪੱਤਰ ਜਮ੍ਹਾਂ ਨਹੀਂ ਕਰਵਾਉਂਦੇ ਤਾਂ ਪੈਨਸ਼ਨ ਦਾ ਭੁਗਤਾਨ ਰੁਕ ਜਾਵੇਗਾ। ਜ਼ਿਕਰਯੋਗ ਹੈ ਕਿ ਪੈਨਸ਼ਨਰਾਂ ਨੂੰ ਬਿਨਾਂ ਕਿਸੇ ਰੁਕਾਵਟ ਦੇ ਆਪਣੀ ਪੈਨਸ਼ਨ ਲੈਣ ਲਈ ਆਪਣਾ ਜੀਵਨ ਸਰਟੀਫਿਕੇਟ ਜਮ੍ਹਾ ਕਰਵਾਉਣਾ ਪੈਂਦਾ ਹੈ। ਲਾਈਫ ਸਰਟੀਫਿਕੇਟ ਜਮ੍ਹਾ ਕਰਵਾਉਣ ਨਾਲ ਬੈਂਕ ਤੇ ਸਰਕਾਰ ਨੂੰ ਇਹ ਪਤਾ ਲੱਗ ਜਾਵੇਗਾ ਕਿ ਪੈਨਸ਼ਨਰ ਜ਼ਿੰਦਾ ਹੈ ਜਾਂ ਨਹੀਂ।
ਆਨਲਾਈਨ ਵੀ ਬਣ ਸਕਦਾ ਹੈ ਲਾਈਫ ਸਰਟੀਫਿਕੇਟ : ਪੈਨਸ਼ਨਰਾਂ ਨੂੰ ਆਪਣਾ ਜੀਵਨ ਸਰਟੀਫਿਕੇਟ ਬਣਾਉਣ ਲਈ ਖੁਦ ਕਿਤੇ ਜਾਣ ਦੀ ਲੋੜ ਨਹੀਂ ਹੈ। ਲਾਈਫ ਸਰਟੀਫਿਕੇਟ ਖੁਦ ਆਨਲਾਈਨ ਵੀ ਤਿਆਰ ਕੀਤਾ ਜਾ ਸਕਦਾ ਹੈ। ਤੁਸੀਂ ਕੇਂਦਰ ਸਰਕਾਰ ਦੇ ਜੀਵਨ ਸਰਟੀਫਿਕੇਟ ਪੋਰਟਲ https://jeevanpramaan.gov.in/ ਤੋਂ ਡਿਜੀਟਲ ਰੂਪ ਵਿੱਚ ਜੀਵਨ ਪ੍ਰਮਾਣ ਪੱਤਰ ਤਿਆਰ ਕਰ ਸਕਦੇ ਹੋ। ਆਧਾਰ ਨੰਬਰ ਆਧਾਰਿਤ ਵੈਰੀਫਿਕੇਸ਼ਨ ਰਾਹੀਂ ਡਿਜੀਟਲ ਸਰਟੀਫਿਕੇਟ ਤਿਆਰ ਕੀਤਾ ਜਾ ਸਕਦਾ ਹੈ।
ਲਾਈਫ ਸਰਟੀਫਿਕੇਟ ਡੋਰ ਸਟੈਪ ਸਰਵਿਸ ਰਾਹੀਂ ਜਮ੍ਹਾ ਕੀਤਾ ਜਾ ਸਕਦਾ ਹੈ : ਪੈਨਸ਼ਨ ਅਤੇ ਪੈਨਸ਼ਨਰਜ਼ ਭਲਾਈ ਵਿਭਾਗ ਨੇ ਕਿਹਾ ਕਿ ਪੈਨਸ਼ਨਰ 12 ਜਨਤਕ ਖੇਤਰ ਦੇ ਬੈਂਕਾਂ ਦੇ ਡੋਰਸਟੈਪ ਬੈਂਕਿੰਗ ਅਲਾਇੰਸ ਜਾਂ ਡਾਕ ਵਿਭਾਗ ਦੀ ਡੋਰਸਟੈਪ ਸਰਵਿਸ ਦੀ ਵਰਤੋਂ ਕਰਕੇ ਇੱਕ ਡਿਜੀਟਲ ਜੀਵਨ ਸਰਟੀਫਿਕੇਟ ਜਮ੍ਹਾ ਕਰ ਸਕਦੇ ਹਨ।
ਡੋਰਸਟੈਪ ਬੈਂਕਿੰਗ ਅਲਾਇੰਸ 12 ਜਨਤਕ ਖੇਤਰ ਦੇ ਬੈਂਕਾਂ ਵਿਚਕਾਰ ਇੱਕ ਗਠਜੋੜ ਹੈ, ਜਿਸ ਵਿੱਚ ਸਟੇਟ ਬੈਂਕ ਆਫ਼ ਇੰਡੀਆ (SBI), ਪੰਜਾਬ ਨੈਸ਼ਨਲ ਬੈਂਕ (PNB), ਬੈਂਕ ਆਫ਼ ਬੜੌਦਾ, ਬੈਂਕ ਆਫ਼ ਇੰਡੀਆ, ਕੇਨਰਾ ਬੈਂਕ, ਬੈਂਕ ਆਫ਼ ਮਹਾਰਾਸ਼ਟਰ, ਸੈਂਟਰਲ ਬੈਂਕ ਆਫ਼ ਇੰਡੀਆ ਆਦਿ ਬੈਂਕ ਸ਼ਾਮਲ ਹਨ। ਤੁਸੀਂ ਵੈੱਬਸਾਈਟ (doorstepbanks.com ਜਾਂ www.dsb.imfast.co.in/doorstep/login) ਜਾਂ ਡੋਰਸਟੈਪ ਬੈਂਕਿੰਗ, ਮੋਬਾਈਲ ਐਪ ਜਾਂ ਟੋਲ-ਫ੍ਰੀ ਨੰਬਰ (18001213721 ਜਾਂ 18001037188) 'ਤੇ ਕਾਲ ਕਰਕੇ ਆਪਣੇ ਲਈ ਬੈਂਕ ਦੀ ਘਰ-ਘਰ ਸੇਵਾ ਬੁੱਕ ਕਰ ਸਕਦੇ ਹੋ।
ਜੀਵਨ ਸਰਟੀਫਿਕੇਟ ਵੀ ਇਨ੍ਹਾਂ ਤਰੀਕਿਆਂ ਨਾਲ ਜਮ੍ਹਾ ਕਰਵਾਇਆ ਜਾ ਸਕਦਾ ਹੈ : ਜੇਕਰ ਤੁਸੀਂ ਜੀਵਨ ਪ੍ਰਮਾਣ ਪੱਤਰ ਡਿਜੀਟਲ ਰੂਪ ਵਿੱਚ ਜਮ੍ਹਾ ਨਹੀਂ ਕਰਵਾ ਸਕਦੇ ਹੋ, ਤਾਂ ਤੁਸੀਂ ਬੈਂਕ ਦੀ ਉਸ ਸ਼ਾਖਾ ਵਿੱਚ ਜਾ ਕੇ ਜਮ੍ਹਾ ਕਰ ਸਕਦੇ ਹੋ ਜਿੱਥੇ ਤੁਹਾਡੀ ਪੈਨਸ਼ਨ ਆਉਂਦੀ ਹੈ। ਇਸ ਤੋਂ ਇਲਾਵਾ ਤੁਸੀਂ ਕੇਂਦਰੀ ਪੈਨਸ਼ਨ ਦਫਤਰ ਜਾ ਕੇ ਵੀ ਲਾਈਫ ਸਰਟੀਫਿਕੇਟ ਜਮ੍ਹਾ ਕਰਵਾ ਸਕਦੇ ਹੋ।
ਬ੍ਰੇਕਿੰਗ ਖ਼ਬਰਾਂ ਪੰਜਾਬੀ \'ਚ ਸਭ ਤੋਂ ਪਹਿਲਾਂ News18 ਪੰਜਾਬੀ \'ਤੇ। ਤਾਜ਼ਾ ਖਬਰਾਂ, ਲਾਈਵ ਅਪਡੇਟ ਖ਼ਬਰਾਂ, ਪੜ੍ਹੋ ਸਭ ਤੋਂ ਭਰੋਸੇਯੋਗ ਪੰਜਾਬੀ ਖ਼ਬਰਾਂ ਵੈਬਸਾਈਟ News18 ਪੰਜਾਬੀ \'ਤੇ।
Tags: Bank, Centre govt, India, Indian government, Lifestyle, MONEY, Pension, RBI