Sabudana Khichdi: ਸਟਰੀਟ ਫੂਡ ਵਜੋਂ ਮਸ਼ਹੂਰ ਹੈ ਭੋਪਾਲ ਦੀ ਸਾਬੂਦਾਣਾ ਖਿਚੜੀ, ਜਾਣੋ ਕਿਉਂ ਹੈ ਇਹ ਇੰਨੀ ਖ਼ਾਸ

Sabudana Khichdi: ਜਦੋਂ ਭਾਰਤੀ ਸਟਰੀਟ ਫੂਡ ਦੀ ਗੱਲ ਆਉਂਦੀ ਹੈ ਤਾਂ ਜ਼ਿਆਦਾਤਰ ਲੋਕਾਂ ਦੇ ਦਿਮਾਗ਼ ਵਿੱਚ ਚਾਟ ਪਾਪੜੀ, ਟਿੱਕੀ, ਬਰਗਰ, ਗੋਲ ਗੱਪੇ, ਵੜਾ ਪਾਵ ਵਰਗੀ ਡਿਸ਼ ਆਉਂਦੀ ਹੈ। ਪਰ ਜੇ ਅਸੀਂ ਤੁਹਾਨੂੰ ਕਹੀਏ ਕਿ ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ਭੋਪਾਲ ਵਿੱਚ ਇੱਕ ਅਜਿਹੀ ਜਗ੍ਹਾ ਹੈ ਜਿੱਥੇ ਤੁਹਾਨੂੰ ਖਿਚੜੀ ਸਟਰੀਟ ਫੂਡ ਵਜੋਂ ਮਿਲੇਗੀ। ਸਿਰਫ਼ 20 ਰੁਪਏ ਵਿੱਚ ਤੁਸੀਂ ਇੱਥੇ ਸਾਬੂਦਾਣਾ ਖਿਚੜੀ ਦਾ ਸੁਆਦ ਚੱਖ ਸਕਦੇ ਹੋ।

ਸਾਬੂਦਾਣਾ ਖਿਚੜੀ ਦੀ ਕੀਮਤ ਇੰਨੀ ਘੱਟ ਹੈ ਕਿ ਹਰ ਕੋਈ ਇਸ ਨੂੰ ਖਾ ਸਕਦਾ ਹੈ। ਭੋਪਾਲ ਦੇ ਐਮਪੀ ਨਗਰ ਵਿੱਚ ਮੌਜੂਦ ਕਾਲਕਾ ਸਾਬੂਦਾਣਾ ਖਿਚੜੀ ਵਾਲੇ ਦੀ ਦੁਕਾਨ ਉੱਤੇ ਤੁਹਾਨੂੰ ਕਈ ਤਰ੍ਹਾਂ ਦੀ ਖਿਚੜੀ ਖਾਣ ਨੂੰ ਮਿਲ ਜਾਵੇਗੀ। ਇੱਥੇ ਤੁਹਾਨੂੰ ਅਲੱਗ ਅਲੱਗ ਰੇਟ ਵਿੱਚ ਸੁਆਦਿਸ਼ਟ ਖਿਚੜੀ ਖਾਣ ਨੂੰ ਮਿਲੇਗੀ।

ਬਹੁਤ ਸਾਧਾਰਨ ਤਰੀਕੇ ਨਾਲ ਤਿਆਰ ਕੀਤੀ ਜਾਂਦੀ ਹੈ ਸੁਆਦਿਸ਼ਟ ਸਾਬੂਦਾਣਾ ਖਿਚੜੀ : ਕਾਲਕਾ ਸਟਾਲ ਦੇ ਮਾਲਕ ਹੇਤਰਾਮ ਦਾ ਕਹਿਣਾ ਹੈ ਕਿ ਖਿਚੜੀ ਬਣਾਉਣ ਲਈ ਸਭ ਤੋਂ ਪਹਿਲਾਂ ਸਾਬੂਦਾਣਾ ਲਿਆ ਜਾਂਦਾ ਹੈ ਅਤੇ ਉਸ ਨੂੰ ਪਾਣੀ 'ਚ ਭਿਓਂ ਕੇ ਗੈਸ 'ਤੇ ਰੱਖਿਆ ਜਾਂਦਾ ਹੈ। ਇਸ ਤੋਂ ਬਾਅਦ ਇਸ ਵਿਚ ਕਈ ਤਰ੍ਹਾਂ ਦੇ ਮਸਾਲੇ ਪਾ ਕੇ ਇਸ ਨੂੰ ਮਿਲਾ ਦਿੱਤਾ ਜਾਂਦਾ ਹੈ। ਫਿਰ ਸੁਆਦੀ ਖਿਚੜੀ ਖਾਣ ਲਈ ਪਰੋਸੀ ਜਾਂਦੀ ਹੈ ਤੇ ਇਸ ਵਿੱਚ ਬਾਅਦ ਵਿੱਚ ਦਹੀਂ ਤੇ ਨਿੰਬੂ, ਮਸਾਲੇ ਆਦਿ ਮਿਲਾਏ ਜਾਂਦੇ ਹਨ।

ਲੋਕਾਂ ਲਈ ਦੁਪਹਿਰ ਦੇ ਖਾਣੇ ਦਾ ਵਧੀਆ ਵਿਕਲਪ ਹੈ ਸਾਬੂਦਾਣਾ ਖਿਚੜੀ : ਕਾਲਕਾ ਸਾਬੂਦਾਣਾ ਖਿਚੜੀ ਵਾਲੇ ਦੀ ਦੁਕਾਨ ਉੱਤੇ ਤੁਹਾਨੂੰ ਸਿਰਫ਼ 20 ਰੁਪਏ ਵਿੱਚ ਸਾਬੂਦਾਣਾ ਖਿਚੜੀ ਮਿਲ ਜਾਵੇਗੀ। ਇਹ ਖਿਚੜੀ ਗਾਹਕਾਂ ਨੂੰ ਤਲੀ ਹੋਈ ਮਸਾਲਾ ਮਿਰਚ ਅਤੇ ਨਮਕੀਨ ਨਾਲ ਪਰੋਸੀ ਜਾਂਦੀ ਹੈ। ਜੇਕਰ ਤੁਸੀਂ 30 ਰੁਪਏ ਦੀ ਖਿਚੜੀ ਖਰੀਦਦੇ ਹੋ ਤਾਂ ਉਸ ਵਿੱਚ ਦਹੀਂ ਪਾ ਦਿੱਤੀ ਜਾਂਦੀ ਹੈ। ਜੇ ਤੁਸੀਂ ਸਾਬੂਦਾਣਾ ਖਿਚੜੀ ਲਈ 40 ਰੁਪਏ ਖਰਚੋਗੇ ਤਾਂ ਇਸ ਵਿਚ ਤੁਹਾਨੂੰ ਜ਼ਿਆਦਾ ਮਾਤਰਾ ਵਿੱਚ ਸਭ ਕੁੱਝ ਮਿਲ ਜਾਵੇਗਾ, ਜਿਵੇਂ ਕਿ ਦਹੀਂ, ਤਲੀ ਹੋਈ ਮਸਾਲਾ ਮਿਰਚ, ਸੁਆਦੀ ਸੇਵ ਅਤੇ ਮਸਾਲੇ। ਇਸ ਯੂਨੀਕ ਖਿਚੜੀ ਨੂੰ ਤੁਸੀਂ ਆ ਕੇ ਖਾ ਸਕਦੇ ਹੋ। ਦੱਸ ਦੇਈਏ ਕਿ ਇੱਥੇ ਖਿਚੜੀ ਦੇ ਬਹੁਤ ਸਾਰੇ ਸ਼ੌਕੀਨ ਲੋਕ ਦੁਪਹਿਰ ਦੇ ਖਾਣੇ ਵਜੋਂ ਖਿਚੜੀ ਖਾਣ ਆਉਂਦੇ ਹਨ।