Tech Updates: ਇਸ ਦਿਨ ਲਾਂਚ ਹੋਣਗੇ Samsung ਦੇ ਸਭ ਤੋਂ ਪਾਵਰਫੁੱਲ ਸਮਾਰਟਫੋਨ, ਨੋਟ ਕਰੋ ਤਰੀਕ

Samsung Galaxy Event on 1 Feb: ਸੈਮਸੰਗ ਨੇ ਪੁਸ਼ਟੀ ਕੀਤੀ ਹੈ ਕਿ ਇਸ ਦਾ 2023 ਦਾ ਪਹਿਲਾ ਇਵੈਂਟ 1 ਫਰਵਰੀ ਨੂੰ ਹੋਵੇਗਾ। ਕੰਪਨੀ ਵੱਲੋਂ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਗਲਤੀ ਨਾਲ ਤਾਰੀਖ ਦਾ ਖੁਲਾਸਾ ਕਰਨ ਤੋਂ ਬਾਅਦ ਅਜਿਹਾ ਹੋਇਆ ਹੈ। ਸੈਮਸੰਗ ਨੇ ਅਜੇ ਅਧਿਕਾਰਤ ਤੌਰ 'ਤੇ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕੀਤੀ ਹੈ ਕਿ ਈਵੈਂਟ 'ਤੇ ਕਿਹੜੇ ਡਿਵਾਈਸ ਲਾਂਚ ਕੀਤੇ ਜਾਣਗੇ। ਹਾਲਾਂਕਿ, ਹੁਣ ਤੱਕ ਆਏ ਕਈ ਲੀਕਸ ਵਿੱਚ ਸੈਮਸੰਗ ਗਲੈਕਸੀ ਐਸ-ਸੀਰੀਜ਼ ਦੇ ਨਵੇਂ ਫੋਨਾਂ ਦੇ ਆਉਣ ਦੀ ਸੰਭਾਵਨਾ ਹੈ। ਨਵੀਂ ਸੀਰੀਜ਼ ਨੂੰ Galaxy S23 ਲਾਈਨਅੱਪ ਦੇ ਤਹਿਤ ਲਿਆਂਦਾ ਜਾਵੇਗਾ। ਇਸ ਵਿੱਚ, 3 ਮਾਡਲ - Galaxy S23, Galaxy S23 Plus ਅਤੇ Galaxy S23 Ultra ਨੂੰ ਪੇਸ਼ ਕੀਤਾ ਜਾਵੇਗਾ।

3 ਸਾਲਾਂ 'ਚ ਪਹਿਲੀ ਵਾਰ ਸੈਨ ਫਰਾਂਸਿਸਕੋ 'ਚ ਹੋਵੇਗਾ ਈਵੈਂਟ

ਕੰਪਨੀ ਨੇ ਆਪਣੇ ਅਧਿਕਾਰਤ ਨਿਊਜ਼ਰੂਮ 'ਚ ਦੱਸਿਆ ਹੈ ਕਿ ਕੰਪਨੀ 3 ਸਾਲਾਂ 'ਚ ਪਹਿਲੀ ਵਾਰ ਸੈਨ ਫਰਾਂਸਿਸਕੋ 'ਚ ਆਪਣਾ ਪਹਿਲਾ ਇਨ-ਪਰਸਨ ਅਨਪੈਕਡ ਈਵੈਂਟ ਆਯੋਜਿਤ ਕਰਨ ਜਾ ਰਹੀ ਹੈ। ਇਹ ਇਵੈਂਟ ਸੈਮਸੰਗ ਡਾਟ ਕਾਮ, ਸੈਮਸੰਗ ਨਿਊਜ਼ਰੂਮ ਅਤੇ ਸੈਮਸੰਗ ਦੇ ਯੂਟਿਊਬ ਚੈਨਲ 'ਤੇ ਸਵੇਰੇ 10 ਵਜੇ ਲਾਈਵ ਪ੍ਰਸਾਰਿਤ ਕੀਤਾ ਜਾਵੇਗਾ। Galaxy S23 ਸੀਰੀਜ਼ ਦੇ ਲੀਕ ਲੰਬੇ ਸਮੇਂ ਤੋਂ ਆ ਰਹੇ ਹਨ। ਇਹ ਤਿੰਨੋਂ ਮਾਡਲ Qualcomm Snapdragon 8 Generation 2 SoC ਦੇ ਨਾਲ ਆਉਣਗੇ। ਪਹਿਲਾਂ, ਸੈਮਸੰਗ ਨੇ ਗਲੈਕਸੀ ਐਸ-ਸੀਰੀਜ਼ ਨੂੰ ਕੁਆਲਕਾਮ ਜਾਂ ਇਨ-ਹਾਊਸ ਐਕਸੀਨੋਸ ਚਿੱਪਸੈੱਟਾਂ ਨਾਲ ਪੇਸ਼ ਕੀਤਾ ਹੈ। ਹਾਲਾਂਕਿ, ਇੱਕ ਲੀਕ ਦੇ ਅਨੁਸਾਰ, ਕੰਪਨੀ ਇੱਕ ਨਵੀਂ ਚਿੱਪ 'ਤੇ ਵੀ ਕੰਮ ਕਰ ਰਹੀ ਹੈ ਜੋ ਕਿ ਚੋਣਵੇਂ ਖੇਤਰਾਂ ਵਿੱਚ Galaxy S23 ਵਿੱਚ ਪਾਇਆ ਜਾ ਸਕਦਾ ਹੈ।

ਆਧੁਨਿਕ ਤਕਨੀਕ ਨਾਲ ਲੈਸ ਹੋਣਗੇ ਸਮਾਰਟਫੋਨ

ਹਾਲ ਹੀ ਦੇ ਰੈਂਡਰ ਦੇ ਅਨੁਸਾਰ, Galaxy S23, Galaxy S23 Plus ਅਤੇ Galaxy S23 Ultra ਨੂੰ ਆਨਲਾਈਨ ਦੇਖਿਆ ਗਿਆ ਹੈ। ਅਜਿਹਾ ਲੱਗਦਾ ਹੈ ਕਿ ਤਿੰਨੋਂ ਫੋਨ ਯੂਨੀਬਾਡੀ ਡਿਜ਼ਾਈਨ ਦੇ ਨਾਲ ਆਉਣਗੇ। ਇਸ ਦਾ ਮਤਲਬ ਹੈ ਕਿ ਸੈਮਸੰਗ ਰੀਅਰ ਕੈਮਰੇ ਨੂੰ ਆਇਤਾਕਾਰ ਮੋਡੀਊਲ 'ਚ ਨਹੀਂ ਲਿਆਏਗੀ। ਨਵੇਂ Galaxy S23 ਸਮਾਰਟਫੋਨਸ ਸਕਰੀਨ ਸਾਈਜ਼ ਅਤੇ ਬੈਟਰੀ ਸਾਈਜ਼ ਦੇ ਲਿਹਾਜ਼ ਨਾਲ ਇੱਕ ਦੂਜੇ ਤੋਂ ਵੱਖਰੇ ਹੋਣਗੇ। Galaxy S23 Ultra 'ਚ ਬਿਹਤਰੀਨ ਸਪੈਸੀਫਿਕੇਸ਼ਨ ਦੇਖਣ ਨੂੰ ਮਿਲਣਗੇ। ਸੈਮਸੰਗ ਆਪਣੇ ਆਉਣ ਵਾਲੇ ਸਮਾਰਟਫੋਨਜ਼ ਲਈ AMOLED E6 ਡਿਸਪਲੇ ਦੀ ਵਰਤੋਂ ਕਰ ਸਕਦੀ ਹੈ। ਅਲਟਰਾ ਮਾਡਲ 'ਚ 200MP ਕੈਮਰਾ ਸੈਂਸਰ ਦਿੱਤਾ ਜਾ ਸਕਦਾ ਹੈ।

ਕੁਝ ਲੀਕਸ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਸਾਰੇ Galaxy S23 ਫੋਨ 25W ਵਾਇਰਡ ਚਾਰਜਿੰਗ ਦੇ ਨਾਲ ਆ ਸਕਦੇ ਹਨ। ਹਾਲਾਂਕਿ, ਸਾਨੂੰ ਲੱਗਦਾ ਹੈ ਕਿ ਅਜਿਹਾ ਨਹੀਂ ਹੋਵੇਗਾ ਕਿਉਂਕਿ ਸੈਮਸੰਗ ਪਹਿਲਾਂ ਹੀ ਆਪਣੇ ਫੋਨਾਂ ਵਿੱਚ 45W ਵਾਇਰਡ ਸਪੋਰਟ ਪ੍ਰਦਾਨ ਕਰ ਚੁੱਕਾ ਹੈ। ਸਾਫਟਵੇਅਰ ਦੀ ਗੱਲ ਕਰੀਏ ਤਾਂ ਫੋਨ ਨੂੰ ਐਂਡਰਾਇਡ 13 ਦੇ ਨਾਲ ਲਿਆਂਦਾ ਜਾਵੇਗਾ। ਕੀਮਤ ਬਾਰੇ ਅਜੇ ਕੋਈ ਠੋਸ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।