ਕੱਲ੍ਹ ਯਾਨੀ 1 ਫਰਵਰੀ ਨੂੰ ਲਾਂਚ ਹੋ ਰਹੀ ਹੈ Samsung Galaxy S23 Series, ਸਾਹਮਣੇ ਆਈਆਂ ਕੀਮਤਾਂ

Samsung Galaxy S23 Series Launch: ਹਰ ਮਹੀਨੇ ਨਵੇਂ ਨਵੇਂ ਸਮਾਰਟਫੋਨ ਲਾਂਚ ਹੁੰਦੇ ਰਹਿੰਦੇ ਹਨ। Samsung ਕੰਪਨੀ ਦੀ Galaxy S23 Series ਨੂੰ ਲੈ ਕੇ ਬੜੀ ਲੰਮੀ ਚਰਚਾ ਚੱਲ ਰਹੀ ਹੈ। ਹੁਣ ਕੰਪਨੀ ਨੇ ਆਖਰਕਾਰ ਇਸਨੂੰ ਲਾਂਚ ਕਰਨ ਦੀ ਤਰੀਕ ਦਾ ਐਲਾਨ ਕਰ ਦਿੱਤਾ ਹੈ। ਕੰਪਨੀ ਇਸਨੂੰ 1 ਫਰਵਰੀ 2023 ਨੂੰ ਲਾਂਚ ਕਰਨ ਜਾ ਰਹੀ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਇਸ ਸੀਰੀਜ਼ ਵਿੱਚ ਕੰਪਨੀ 3 ਮਾਡਲ ਲਾਂਚ ਕਰ ਰਹੀ ਹੈ। ਜਿਸ ਵਿੱਚ Galaxy S23, Galaxy S23+ ਅਤੇ Galaxy S23 Ultra ਸ਼ਾਮਲ ਹਨ। ਕੰਪਨੀ ਵੱਲੋਂ ਅਧਿਕਾਰਿਤ ਤੌਰ 'ਤੇ ਕੀਮਤਾਂ ਦਾ ਖੁਲਾਸਾ ਨਹੀਂ ਹੋਇਆ ਹੈ ਪਰ ਇੱਕ ਰਿਪੋਰਟ ਵਿੱਚ ਇਸਦੀਆਂ ਕੀਮਤਾਂ ਲੀਕ ਹੋਈਆਂ ਹਨ।

Galaxy S23, Galaxy S23+ ਅਤੇ Galaxy S23 Ultra ਦੀਆਂ ਕੀਮਤਾਂ ਬਾਰੇ ਇੱਕ ਟਵਿੱਟਰ ਅਕਾਊਂਟ Chubvn8888 ਨੇ ਖੁਲਾਸਾ ਕੀਤਾ ਹੈ। ਇਸ ਟਵੀਟ ਦੇ ਅਨੁਸਾਰ Galaxy S23 ਦੇ ਬੇਸ ਮਾਡਲ ਦੀ ਕੀਮਤ 79,999 ਰੁਪਏ ਹੋਵੇਗੀ। ਇਸ ਤੋਂ ਇਲਾਵਾ ਪਿਛਲੀ ਰਿਪੋਰਟ 'ਚ ਕਿਹਾ ਗਿਆ ਸੀ ਕਿ ਫੋਨ ਦੇ 8 GB + 128 GB ਵੇਰੀਐਂਟ ਦੀ ਕੀਮਤ 959 EUR (ਲਗਭਗ 85,000 ਰੁਪਏ) ਹੋ ਸਕਦੀ ਹੈ।

ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਕਈ ਰਿਪੋਰਟਾਂ Samsung Galaxy S23 ਬਾਰੇ ਲੀਕ ਹੋ ਚੁੱਕੀਆਂ ਹਨ। ਇਸ ਟਵੀਟ ਤੋਂ ਪਤਾ ਲੱਗਾ ਹੈ ਕਿ Galaxy S23+ ਦਾ 8GB+256GB ਵੇਰੀਐਂਟ 89,999 ਰੁਪਏ 'ਚ ਉਪਲਬਧ ਕਰਵਾਇਆ ਜਾਵੇਗਾ। ਜਦੋਂ ਕਿ ਹਾਈ-ਐਂਡ Samsung Galaxy S23 Ultra ਦੀ ਕੀਮਤ 1,14,999 ਰੁਪਏ ਹੋਣ ਦੀ ਉਮੀਦ ਹੈ।

ਜੇਕਰ ਇਸ ਫੋਨ ਦੇ ਰੰਗਾਂ ਦੀ ਗੱਲ ਕਰੀਏ ਤਾਂ ਇਸ ਬਾਰੇ ਪਹਿਲਾਂ ਇੱਕ ਰਿਪੋਰਟ ਵਿੱਚ ਕਿਹਾ ਗਿਆ ਸੀ ਕਿ ਇਸਨੂੰ ਫੈਂਟਮ ਬਲੈਕ, ਕਾਟਨ ਫਲਾਵਰ (ਕ੍ਰੀਮ), ਬੋਟੈਨਿਕ ਗ੍ਰੀਨ ਅਤੇ ਮਿਸਟੀ ਲਿਲਾਕ ਰੰਗਾਂ ਵਿੱਚ ਖਰੀਦਿਆ ਜਾ ਸਕਦਾ ਹੈ। ਇੱਕ ਹੋਰ ਪਿਛਲੀ ਰਿਪੋਰਟ ਦੇ ਅਨੁਸਾਰ, Galaxy S23 Ultra Android 13 'ਤੇ ਆਧਾਰਿਤ OneUI 5.1 OS, 6.8-ਇੰਚ QHD+ ਡਾਇਨਾਮਿਕ AMOLED 2X ਡਿਸਪਲੇਅ, ਅਤੇ ਗੋਰਿਲਾ ਗਲਾਸ ਵਿਕਟਸ 2 ਸੁਰੱਖਿਆ ਦੇ ਨਾਲ ਆ ਸਕਦਾ ਹੈ।

ਬੇਹੱਦ ਖਾਸ ਹੈ Samsung OneUI 5.1 OS

ਆਉਣ ਵਾਲੇ ਕਸਟਮ ਐਂਡਰਾਇਡ ਸਕਿਨ ਕੈਮਰਾ ਐਪਸ ਵਿੱਚ ਦੋ ਵੱਡੇ ਬਦਲਾਅ ਦੇਖਣ ਨੂੰ ਮਿਲ ਸਕਦੇ ਹਨ। ਪਹਿਲਾ ਇਹ ਕਿ ਯੂਜ਼ਰਸ ਸਕਰੀਨ ਦੇ ਸਾਈਡ 'ਤੇ ਦਿੱਤੇ ਗਏ ਇਫੈਕਟ ਬਟਨ ਤੋਂ ਸੈਲਫੀ ਕੈਮਰੇ ਦੇ ਇਫੈਕਟਸ ਨੂੰ ਬਦਲ ਸਕਣਗੇ।

ਦੂਸਰਾ ਬਦਲਾਅ ਇਹ ਹੋ ਸਕਦਾ ਹੈ ਕਿ ਤੁਸੀਂ ਆਪਣੇ ਪਰਿਵਾਰ ਨਾਲ ਫ਼ੋਟੋਆਂ ਆਸਾਨੀ ਨਾਲ ਸਾਂਝੀਆਂ ਕਰ ਸਕੋਗੇ। ਗੈਲਰੀ ਰਿਕਮੈਂਡੇਸ਼ਨ ਕਰੇਗੀ ਕਿ ਤੁਸੀਂ ਆਪਣੇ ਪਰਿਵਾਰ ਦੇ ਲੋਕਾਂ ਦੇ ਚਿਹਰਿਆਂ ਨੂੰ ਪਛਾਣ ਕੇ ਆਪਣੀਆਂ ਸਾਂਝੀਆਂ ਪਰਿਵਾਰਕ ਐਲਬਮਾਂ ਵਿੱਚ ਫ਼ੋਟੋਆਂ ਸ਼ਾਮਲ ਕਰੋ। ਤੁਹਾਨੂੰ ਪ੍ਰਤੀ ਪਰਿਵਾਰਕ ਮੈਂਬਰ (6 ਲੋਕਾਂ ਤੱਕ) ਦੀ 5GB ਸਟੋਰੇਜ ਵੀ ਮਿਲੇਗੀ।