Dhaniya Panjiri Bhog: ਸ਼੍ਰੀ ਰਾਮ ਨੂੰ ਬੇਹੱਦ ਪਸੰਦ ਹੈ ਧਨੀਆ ਪੰਜ਼ੀਰੀ, ਜਾਣੋ ਬਣਾਉਣ ਦੀ ਆਸਾਨ ਵਿਧੀ

ਧਨੀਆ ਪੰਜੀਰੀ ਇੱਕ ਸੁਆਦੀ ਮਿੱਠਾ ਪਕਵਾਨ ਹੈ। ਇਹ ਧਨੀਆ ਪਾਊਡਰ, ਪੀਸੇ ਹੋਏ ਨਾਰੀਅਲ, ਕੱਟੇ ਹੋਏ ਅਖਰੋਟ, ਅਤੇ ਬੂਰਾ ਖੰਡ ਨਾਲ ਬਣਾਇਆ ਜਾਂਦਾ ਹੈ, ਅਤੇ ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਹ ਭੋਗ ਭਗਵਾਨ ਰਾਮ ਜੀ ਦਾ ਪਸੰਦੀਦਾ ਹੈ। ਜੇਕਰ ਤੁਸੀਂ ਘਰ ਵਿੱਚ ਇਸ ਸਧਾਰਨ ਪਰ ਮਜ਼ੇਦਾਰ ਪਕਵਾਨ ਨੂੰ ਬਣਾਉਣਾ ਚਾਹੁੰਦੇ ਹੋ ਤਾਂ ਅੱਜ ਅਸੀਂ ਤੁਹਾਨੂੰ ਧਨੀਆ ਪੰਜੀਰੀ ਬਣਾਉਣ ਦੀ ਆਸਾਨ ਵਿਧੀ ਦੱਸਾਂਗੇ...

ਧਨੀਆ ਪੰਜੀਰੀ ਬਣਾਉਣ ਲਈ ਜ਼ਰੂਰੀ ਸਮੱਗਰੀ:

1 ਕੱਪ ਧਨੀਆ ਪਾਊਡਰ, 1/2 ਕੱਪ ਪੀਸਿਆ ਹੋਇਆ ਨਾਰੀਅਲ, 1/2 ਕੱਪ ਮਖਾਣੇ, 8-10 ਕਾਜੂ, 8-10 ਬਦਾਮ, 1 ਚਮਚ ਚਿਰੋਂਜੀ ਦੇ ਬੀਜ, 3 ਚਮਚ ਦੇਸੀ ਘਿਓ, 1/2 ਕੱਪ ਬੂਰਾ ਖੰਡ

ਧਨੀਆ ਪੰਜੀਰੀ ਬਣਾਉਣ ਦੀ ਵਿਧੀ:

-ਧਨੀਆ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰੋ ਅਤੇ ਇਸ ਨੂੰ ਮਿਕਸਰ ਵਿੱਚ ਪੀਸ ਲਓ।

-ਮੀਡੀਅਮ ਹੀਟ 'ਤੇ ਇਕ ਪੈਨ ਵਿਚ 1 ਚਮਚ ਦੇਸੀ ਘਿਓ ਨੂੰ ਗਰਮ ਕਰੋ। ਧਨੀਆ ਪਾਊਡਰ ਨੂੰ ਪੈਨ ਵਿਚ ਪਾਓ ਅਤੇ ਲਗਾਤਾਰ ਹਿਲਾਉਂਦੇ ਹੋਏ ਇਕ ਜਾਂ ਦੋ ਮਿੰਟ ਲਈ ਭੁੰਨ ਲਓ। ਜਦੋਂ ਧਨੀਆ ਪਾਊਡਰ ਹਲਕਾ ਭੂਰਾ ਹੋ ਜਾਵੇ ਅਤੇ ਮਹਿਕ ਆਉਣ ਲੱਗੇ ਤਾਂ ਇਸ ਨੂੰ ਬਾਹਰ ਕੱਢ ਕੇ ਇੱਕ ਕਟੋਰੀ ਵਿੱਚ ਰੱਖ ਲਓ।

-ਉਸੇ ਪੈਨ ਵਿਚ 1 ਹੋਰ ਚਮਚ ਦੇਸੀ ਘਿਓ ਪਾਓ ਅਤੇ ਇਸ ਵਿਚ ਕੱਟੇ ਹੋਏ ਮਖਾਣੇ ਪਾਓ। ਉਨ੍ਹਾਂ ਨੂੰ ਉਦੋਂ ਤੱਕ ਪਕਾਓ ਜਦੋਂ ਤੱਕ ਉਹ ਗੋਲਡਨ ਬਰਾਊਨ ਨਾ ਹੋ ਜਾਣ। ਹੁਣ ਇਨ੍ਹਾਂ ਨੂੰ ਵੀ ਇਕ ਪਾਸੇ ਰੱਖੋ ਅਤੇ ਠੰਢਾ ਹੋਣ ਦਿਓ।

-ਜਦੋਂ ਮਖਾਣੇ ਠੰਢੇ ਹੋ ਜਾਣ ਇਨ੍ਹਾਂ ਨੂੰ ਕਿਸੇ ਭਾਰੀ ਵਸਤੂ ਦੀ ਵਰਤੋਂ ਕਰ ਕੇ ਮੋਟੇ ਤੌਰ 'ਤੇ ਪੀਸ ਲਓ।

-ਹੁਣ ਇੱਕ ਮਿਕਸਿੰਗ ਬਾਊਲ ਵਿੱਚ ਭੁੰਨਿਆ ਧਨੀਆ ਪਾਊਡਰ ਪਾਓ। ਫਿਰ ਕਟੋਰੀ ਵਿਚ ਮੋਟੇ ਤੌਰ 'ਤੇ ਪੀਸਿਆ ਹੋਏ ਮਖਾਂੇ ਅਤੇ ਬਾਰੀਕ ਕੱਟੇ ਹੋਏ ਕਾਜੂ ਅਤੇ ਬਦਾਮ ਪਾਓ ਅਤੇ ਚੰਗੀ ਤਰ੍ਹਾਂ ਮਿਕਸ ਕਰੋ।

-ਮਿਸ਼ਰਣ ਵਿੱਚ ਪੀਸਿਆ ਹੋਇਆ ਨਾਰੀਅਲ ਪਾਓ ਅਤੇ ਚੰਗੀ ਤਰ੍ਹਾਂ ਮਿਲਾਓ। ਜੇਕਰ ਤੁਹਾਡੇ ਕੋਲ ਪੀਸਿਆ ਹੋਇਆ ਨਾਰੀਅਲ ਨਹੀਂ ਹੈ, ਤਾਂ ਤੁਸੀਂ ਇਸ ਦੀ ਬਜਾਏ ਨਾਰੀਅਲ ਪਾਊਡਰ ਦੀ ਵਰਤੋਂ ਕਰ ਸਕਦੇ ਹੋ।

-ਅੰਤ ਵਿੱਚ, ਮਿਸ਼ਰਣ ਵਿੱਚ ਚਿਰੋਂਜੀ ਦੇ ਬੀਜ ਅਤੇ ਚੀਨੀ ਪਾਊਡਰ ਜਾਂ ਬੂਰਾ ਖੰਡ ਪਾਓ ਅਤੇ ਚੰਗੀ ਤਰ੍ਹਾਂ ਮਿਕਸ ਕਰੋ।

-ਤੁਹਾਡੀ ਧਨੀਆ ਪੰਜੀਰੀ ਹੁਣ ਭਗਵਾਨ ਸ਼੍ਰੀ ਰਾਮ ਨੂੰ ਭੋਗ ਵਜੋਂ ਭੇਟ ਕਰਨ ਲਈ ਤਿਆਰ ਹੈ।