Skin Care Tips: ਚਿਹਰੇ ਨੂੰ Green Tea ਨਾਲ ਕਰੋ Scrub, SKIN `ਤੇ ਆਵੇਗੀ ਸ਼ਾਨਦਾਰ ਚਮਕ

Green Tea Face Pack: ਆਮ ਤੌਰ 'ਤੇ ਗ੍ਰੀਨ ਟੀ ਬੈਗ ਦੀ ਵਰਤੋਂ ਕਰਨ ਤੋਂ ਬਾਅਦ ਇਸ ਨੂੰ ਬੇਕਾਰ ਸਮਝ ਕੇ ਕੂੜੇਦਾਨ 'ਚ ਸੁੱਟ ਦਿੱਤਾ ਜਾਂਦਾ ਹੈ। ਪਰ ਇਸਦੀ ਵਰਤੋਂ ਤੁਸੀਂ ਆਪਣੀ ਸਕਿਨ ਦੀ ਸੰਭਾਲ ਲਈ ਕਰ ਸਕਦੇ ਹੋ। ਗ੍ਰੀਨ ਟੀ 'ਚ ਕਾਫੀ ਮਾਤਰਾ 'ਚ ਐਂਟੀਆਕਸੀਡੈਂਟ ਪਾਏ ਜਾਂਦੇ ਹਨ, ਜੋ ਕਿ ਗ੍ਰੀਨ ਟੀ ਬੈਗ ਦੇ ਵਰਤੇ ਜਾਣ ਤੋਂ ਬਾਅਦ ਵੀ ਇਸ ਵਿੱਚ ਕਾਫੀ ਮਾਤਰਾ 'ਚ ਮੌਜੂਦ ਰਹਿੰਦੇ ਹਨ।

ਤੁਹਾਨੂੰ ਦੱਸ ਦੇਈਏ ਕਿ ਐਂਟੀਆਕਸੀਡੈਂਟ ਚਮੜੀ ਨੂੰ ਯੂਵੀ ਕਿਰਨਾਂ ਤੋਂ ਬਚਾਉਂਦੇ ਹਨ ਅਤੇ ਚਮੜੀ ਦੀ ਕਿਸੇ ਵੀ ਤਰ੍ਹਾਂ ਦੀ ਸਮੱਸਿਆ ਨੂੰ ਜਲਦੀ ਠੀਕ ਕਰਨ ਵਿੱਚ ਮਦਦ ਕਰਦੇ ਹਨ। ਇਸ ਤਰ੍ਹਾਂ ਗ੍ਰੀਨ ਟੀ ਪੀਣ ਤੋਂ ਬਾਅਦ ਇਸ ਦਾ ਬੈਗ ਨੂੰ ਨਾ ਸੁੱਟੋ। ਆਓ ਜਾਣਦੇ ਹਾਂ ਕਿ ਵਰਤੋਂ ਤੋਂ ਬਾਅਦ ਗ੍ਰੀਨ ਟੀ ਬੈਗਸ ਦੀ ਵਰਤੋਂ ਸਕਿਨ ਕੇਅਰ 'ਚ ਕਿਵੇਂ ਕੀਤੀ ਜਾ ਸਕਦੀ ਹੈ।

ਚਿਹਰੇ ਲਈ ਬਣਾਓ ਸਕ੍ਰਬ
ਜੇਕਰ ਤੁਸੀਂ ਝੁਰੜੀਆਂ ਦੀ ਸਮੱਸਿਆ ਨਾਲ ਜੂਝ ਰਹੇ ਹੋ, ਤਾਂ ਤੁਸੀਂ ਗ੍ਰੀਨ ਟੀ ਬੈਗ ਤੋਂ ਤਿਆਰ ਸਕ੍ਰਬ ਦੀ ਵਰਤੋਂ ਕਰ ਸਕਦੇ ਹੋ। ਇਸ ਦੀ ਵਰਤੋਂ ਨਾਲ ਚਮੜੀ ਟਾਈਟ ਹੁੰਦੀ ਹੈ ਅਤੇ ਚਿਹਰੇ 'ਤੇ ਨਿਖਾਰ ਆਉਂਦਾ ਹੈ। ਇਸ ਸਕ੍ਰਬ ਨੂੰ ਕਰਨ ਲਈ, ਇੱਕ ਕਟੋਰੀ ਵਿੱਚ ਬਚੀ ਹੋਈ ਗ੍ਰੀਨ ਟੀ ਨੂੰ ਕੱਢੋ ਅਤੇ ਇਸ ਵਿੱਚ ਥੋੜ੍ਹੀ ਜਿਹੀ ਚੀਨੀ ਮਿਲਾਓ। ਹੁਣ ਇਸ ਮਿਸ਼ਰਣ ਨਾਲ ਚਿਹਰੇ ਦੀ ਮਾਲਿਸ਼ ਕਰੋ। ਇਸ ਨਾਲ ਬਲੈਕਹੈੱਡਸ ਅਤੇ ਵ੍ਹਾਈਟਹੈੱਡਸ ਵੀ ਦੂਰ ਹੋ ਜਾਣਗੇ।

ਬਣਾਓ ਗ੍ਰੀਨ ਟੀ ਫੇਸ ਮਾਸਕ
ਇੱਕ ਕਟੋਰੀ ਵਿੱਚ ਵਰਤੀ ਹੋਈ ਗ੍ਰੀਨ ਟੀ ਨੂੰ ਕੱਢੋ ਅਤੇ ਇਸ ਵਿੱਚ ਥੋੜ੍ਹਾ ਜਿਹਾ ਦਹੀਂ, ਸ਼ਹਿਦ ਅਤੇ ਹਲਦੀ ਮਿਲਾਓ। ਇਸ ਸਭ ਨੂੰ ਚੰਗੀ ਤਰ੍ਹਾਂ ਮਿਲਾਓ ਅਤੇ ਚਿਹਰੇ 'ਤੇ ਲਗਾਓ। ਕਰੀਬ 10 ਮਿੰਟ ਬਾਅਦ ਚਿਹਰਾ ਧੋ ਲਓ। ਇਸਨੂੰ ਲਗਾਉਣ ਨਾਲ ਚਮੜੀ 'ਤੇ ਨਿਖਾਰ ਆਵੇਗਾ।

ਡਾਰਕ ਸਰਕਲ ਉੱਤੇ ਕਰੋ ਇਸ ਤਰ੍ਹਾਂ ਇਸਤੇਮਾਲ
ਵਰਤੋਂ ਤੋਂ ਬਾਅਦ ਬਚੇ ਹੋਏ ਗ੍ਰੀਨ ਟੀ ਬੈਗ ਨੂੰ ਕੁਝ ਦੇਰ ਲਈ ਪਾਣੀ ਵਿੱਚ ਛੱਡ ਦਿਓ। ਇਸ ਤੋਂ ਬਾਅਦ ਇਸ ਨੂੰ ਫਰਿੱਜ 'ਚ ਰੱਖ ਦਿਓ। ਜਦੋਂ ਇਹ ਚੰਗੀ ਤਰ੍ਹਾਂ ਸੈਟਲ ਹੋ ਜਾਵੇ, ਤਾਂ ਇਸਨੂੰ ਆਪਣੀਆਂ ਅੱਖਾਂ ਦੇ ਆਲੇ ਦੁਆਲੇ ਹਲਕੇ ਹੱਥਾਂ ਨਾਲ ਰਗੜੋ। ਇਸ ਤਰ੍ਹਾਂ ਕਰਨ ਨਾਲ ਡਾਰਕ ਸਰਕਲ ਦੀਆਂ ਸਮੱਸਿਆ ਤੋਂ ਛੁਟਕਾਰਾ ਮਿਲਦਾ ਹੈ।